Post: #1
Title: مواقف..ومشاهدات...كانت بالقاهره
Author: nazar hussien
Date: 08-28-2004, 06:13 AM
اروع ما فيها انني تحصلت علي بعض الكتب لفرانسيس دينق..وسيد...وخليل...وشوقي بدري...وكتب اخري تكفيني هذا العام والذي يليه...
ولكن...بعد ان اعملت بوستا باسم رجاء العباسي...املا في تواصل مع بورداب القاهره...وكنت صادقا في ذلك...الا انني حظيت بمكالمه هاتفيه من رجاء...اشكرها عليها...وما عدا ذلك...كان كله استهبالا عبيط...
من سودانيين غير بورداب...يأتوك بحجة انهم بنوا الهرم وخبروا جخانين رمسيس...طوبه طوبه...واذا جائي لعلاج احسن تنزل في الحته الفلانيه...واذا سائح ...احسن تأجر شقه مفروشه في الحته الفلانيه رخيصه واهو انت حا تجيها بالليل...وكلام من هذا النوع...بنية الشغل بس بدون شطاره وشرف؟؟؟؟؟
ولما قرفت من هذه النصائح...بطلت احمل الكاميرا ولبست جينز وسخاااااااااااان وفنيله مصريه...وعليكم امان الله الناس البنصحوا ديك زاتهم...تجيهم بالهيئه دي...يقوموا جارين منكم...باعتبارك لغم..تبحث عن مسااااااعده...شفتوا كيف الدنيا دي...
اكتر حاجه واقفه لي في حلقي...وابت بي مويه تدلي...وانا في مكتبة مدبولي والدنيا مغارب...دخل عضو فرقة عقد الجلاد...وعرفته من شبه التلفزيون...سلمت عليه...حق الله بق الله...وكان يبحث عن اشعار صلاح جاهين ـالاعمال الكامله...ولم يجدها هناك...انبسطت للرجل وعزمتو يشرب قهوه او شاي قريب...المهم وافق ومشينا شربنا شاينا وقهوتنا...وشكيت له من السودانيين الهناك...وعزمته مره اخري...لنتلاقي في الشقه...خاصه انه ذكر ان اصحابو النازل معاهم حا يطلعوا بره القاهره...ووافق وتحمس...اها عندك عود قال ما عندي...وعدته بانني سوف اتدبره...واعطاني تلفون صديقه لاتصل به في الموعد المحدد...عملت ترتيباتي كلها...وقررت ان لا اخرج ذلك اليوم الا لشراء العود...والاعمال الكامله لصلاح جاهين لاهديها له والكماليات... وفعلا اتصلت بصديقه وقال حا يقابلو بعد ساعه ولا حدي اللحظه دي لا جا لا اعتذر...والعود اهديته لحلاق...واعمال صلاح جاهين جاءت معي هنا سااااااااااااااااااااااااااااااااااااااااااالمه
|
Post: #2
Title: Re: مواقف..ومشاهدات...كانت بالقاهره
Author: nazar hussien
Date: 08-28-2004, 06:56 AM
Parent: #1
المشاهده الثانيه...بالجد بهرني منظر النيل هناك...ناحية كازينو النيل...والقناطر...مناظر تفرح الخاطر...وهدوء في انسياب المويه
واماكن ترفيه بسيطه وراقيه...وبرغم ان النيل هناك مصنوع صناعه ونحن عندنا مخلوق من لحم ودم غلبنا ان نستنطقه!!!!
هل بتغلبنا شوية لمبات ومراكب شراعيه؟
|
Post: #3
Title: Re: مواقف..ومشاهدات...كانت بالقاهره
Author: saif massad ali
Date: 08-28-2004, 07:06 AM
Parent: #2
يا نزار يا اخوي
البلعتو انا كتير 16 سنةعرفتهم من الميرغني لي اخر طنب بس اسكت ساهي يا ما اكتب
|
Post: #4
Title: Re: مواقف..ومشاهدات...كانت بالقاهره
Author: nazar hussien
Date: 08-28-2004, 07:31 AM
Parent: #3
شكرا يا سيف علي المرور...وآسف جدا لبلعك معنا....بس السكوت غير مطلوب...وانا لا زلت ماشي في الظلط لامن اصل الدقداق...امانه ما ينبهل شمار...
|
Post: #5
Title: Re: مواقف..ومشاهدات...كانت بالقاهره
Author: بلدى يا حبوب
Date: 08-28-2004, 08:27 AM
Parent: #1
نزار حسين
| Quote: ...تجيهم بالهيئه دي...يقوموا جارين منكم...باعتبارك لغم..تبحث عن مسااااااعده...شفتوا كيف الدنيا دي |
كلام معبر زكفى
انا عن القاهرة والذكريات على كوبرى ابوالعلاء ومشوار المساء وصعود مصعد برج القاهرة اخر الليل ويا لها من ذكريات
ويا هلا بيك وظهورك
تحياتى
|
|