Post: #1
Title: ما تدخلوا بي جاي الشباب ديل مساطيل
Author: Ala Asanhory
Date: 08-28-2004, 01:39 AM
ما قلت ليكم ما تدخلوا
غايتو أنا ما مسؤول عن المصارين أو أيي حاجه تانية تحصل
وما عندي تلفون الإسعاف
غايتو علي كيفكم
ـــــــــــــــــــــــــــــــــــــــــــــــــ
مسطول اتصل على ناس البوليس قال ليهم يعني لو ما سألنا ما بتسألو
واحد مسطول عندو 3 شعرات بس والباقي صلعة والغريبة أصحابو المسطايل بقولو ليهو اب شعر وهو مصدق الحكاية دي مرة عايز يسرح شعرو مرر المشط المرة الاولى أنقطعت شعرة من التلاتة مرر المشط تاني إنقطعت الشعرة التانيةقام قال أها خلينا منكوش كدة
واحد مسطول وعندو محل بتاع بلاي ستيشن قام ابوهو مات كتب على قبره قيم أوفر
مسطول صلى الفجر ركعة واحدة لقوهو خاتي كربون تحت المصلايه
مسطول ولدو ليهو بنت سألوه عايز تسميها منوقال مريم على إسم عمتي فاطمة
اتنين مساطيل الأول يقول للثاني تصدق أنك تشبه الحمارالثاني قال ليهو قول ما شاء الله
اثنين مساطيل مسافرين وقفوا عند محطة نزل واحد منهم وقال لصاحبه عايز شنوقالو أي شي راح جاب لنفسه عصير ولصاحبه قلم
مسطول ماشي في الشارع لقى أعلان معلق في عمود كهرباء عن وجود شقه للأيجار قام يدق على العمودويدق ويدق مر به مسطول تاني وساله يا أخونا بدق في العمود مالك قال ليه المسطول لقيت أعلان عن شقهوبدق على الجماعه دييل ما عايزين يفتحوا الباب رد عليه المسطول غريبه مع انه طابقهم الفوق منور
واحد راسو شايب جدعو بايظ
الامام قال للمسطول الواقف فى الصف القدامى استوو وكررها ليه 4 مرات شويه ورا شوية قدام لا ارجع المسطول زهج قال ليه ياخى انت عايز تصلى واللا تشوت فاول
في موقف المواصلات في مدني في شحاد اعمى طوالي تلقاهو بيمر على الحافلات و يقول اجر من الله بي كسر الراءاها يوم في واحد مسطول قاعد مستني الحافله تتملي جاهو الشحاد دااها طبعا الشحاد شغال بينادي بي استمراراجر من اللهاجر من اللهوالمسطول شابكو ليك تجري منو ويييييييييييييين
واحد ما مسطول كل يوم فى العشاء عند بتاع الفول يجى واحد كوز يتعشى بوش وبعد العشاء يقعد يقول فى ادعية منها اللهم نعمة ادمها واحفظها من الزوال اللهم اطعمنا من الجنة واحفظمنا الخ الراجل بعاين ليه وزهجان منه يوم وصل الحد قام قال ليهيا اخينا انت لو اكلت شية كان صليت ركعتين ولا شنو
جماعة راكبين عربية معاهم واحد مسطول في الشارع قدام بيت واقفة قدامو تلاتة عربيات بيجو قام واحد قال تخيل البيت دة و العربات القدامو سيدوم ترزي و هو يتكلم على سبيل الاستغراب من وضعو الماديقام المسطول قال ليهو يعني فصلهم
في واحد مسطول واقف في الكبري على النيل ويناديتلاتة وتلاتينتلاتة وتلاتينتلاتة وتلاتينقام واحد جاء قال ليه خير في شنو شنو التلاتة وتلاتين قال ليه تعال عاين وقت جاء عاين رماهو جوه المويةوقال اربعة وتلاتيناربعة وتلاتيناربعة وتلاتين
اسد بتاع سطلي شايل سجارتو وبسطل جمب البحرقال يخت السجاره وياخد عومهويجي يكملهاجا فار بي وراهو وضرب باقي السجارهوطلع الاسد لقي السجاره مافي والفار ساطلوالاسد قال للفار اوعه انت تكون ضربت السجاره دي لاني حاكلكالفار عاين للاسد وقال ليهوانت كديس عوير ولاشنو
قالو واحد طلع ليهو مارد مسطول كان محبوس جوه جره اها بعد طلعو المارد قال ليهو شبيك لبيك عبدك بين ايديك داير شنو صاحبنا قال ليهو داير ابقى اصفر اها المارد قام ضربو كده قلبو ليك تاكسي
مسطول داير يطلع جواز قالو ليهو جيب صور شمسية مشى جاب ليهم صور وهو راكب عجلة
مسطول دخل السينماء ولمن طلع لقى العجلة بتاعتو سرقوها قال بالله دي الفاظ دي
قالو اتنين مساطيل جايين بالليل ماشين ايام حظر التجوال قام العسكري وقفهم قال ليهم انتو مين وجايين من وين قامو قالو ليهو نحن جايين من الشغل قال ليهم شغالين وين قالو ليه في التلفزيون قام العسكري قال ليهم لكن التلفزيون زاتو بعد كده مافيهو شغل الارسال انتهي قالو ليهو مانحن زاتنا البنقول وشششششششش
مسطول طالع ليه في سلم وبيدق في مسمارالمهم المسمار قام وقع عاين له كدا وقاله ليه اطلعاحسن ليك تعال طالع هنا ما بتسمع الكلام احسن ليك اطلعكدا يعني كلامي ما شغال بيه طيب قوم شيل علبة المسامير كلهاوكبها في الواطه وقال ارفعوه
مسطول قاعد متحير سالوهو مالك يا زول قال انا ماعارف انا مواعد وحدة الساعة اتنين ولا اتنين الساعة وحدة
مسطول سال مسطول في رايك الجمعة بوافق اول الشهر قال ليهو التاني والله كان ضغطنا عليهو امكن يوافق
مسطول قال لصحبة شايف النملة الفي الحيطة دييييك قال ليهو ايوا شايفها لكن ما شايف الحيطة
مسطول ضرب تلفون رد عليهو سيد البيت قال ليهو بالله جعفر قال ليهو لا والله قال ليهو طيب بتردو مالكم
فى مسطول كان قاعد فى المقابر وفى جماعة جوا شايلن جنازةدفنوها ومشوا قام المسطول مشى فتح القبر وشال الكفن عشان يبعوااها قام مشى محل بتاع اقمشة وقال لى صاحب الدكان تشترىالقماش دا بى كم صاحب الدكان قال ليهوا بالميت كدة بى خمسين جينةقام المسطول قال ليهوا دقيقة ومشى جاب الميت وجاء
واحد مسطول يصلي بالناس التراويح سمع الحريم يقولون امين قال ااااخخخخخ اموت فى ركن
قالوا في واحد من النوع القلبو كبير يدو إنجرحت، سأل واحد مسطولأسمع يا إبن العم جرحتي دي كبيرة ولا صغيرةالمسطول: والله يعني ، مناسبة
مره واحد كان عنده مزرعه يوم من الايام مشى المزرعه شافولد قاعد تحت شجرة المنقه قاله ياولد اطلع بره بكلم ابوك قام الولد عاين فوق الشجره وقال ابوي في واحد داير يكلمك
ـــــــــــــــــــــــ
نعن مافي عوجة ؟
أبداً
علاء
|
Post: #2
Title: Re: ما تدخلوا بي جاي الشباب ديل مساطيل
Author: mohsin_alsla7aby
Date: 08-28-2004, 02:01 AM
Parent: #1
مسطول قالو ليهو صف لناشعورك لو (( نانسى عجرم )) امك؟ فرد قائلا: ((ازعل نص نص ))
|
Post: #3
Title: Re: ما تدخلوا بي جاي الشباب ديل مساطيل
Author: معتز تروتسكى
Date: 08-28-2004, 02:07 AM
Parent: #1
خالص التحايا
صديقى Ala Asanhory..
عموما اكتر ماحب نكات المساطيل من تلك النكات الجهويه..
وجتينى فى جرح..       
looooooooooooooool
تحياتى ياملك واظهر..
|
Post: #4
Title: Re: ما تدخلوا بي جاي الشباب ديل مساطيل
Author: Abdalla Gaafar
Date: 08-28-2004, 02:11 AM
Parent: #1
علاء
شكرا للمساطيل الذين اتوا بك
وينك ..حمد الله علي السلام وواصل
عبد الله جعفر
|
Post: #5
Title: Re: ما تدخلوا بي جاي الشباب ديل مساطيل
Author: Alia awadelkareem
Date: 08-28-2004, 03:27 AM
Parent: #1
علاء السنهوري
نهارك ود
قلت لي كيف ؟؟؟
لا دي مبالغة عدييييييييييييييل انت متاكد انهم ما متعاطين حاجة تانية
وقلت لي كيف عالية ولا علياء
البريحك بعد لوري الضحك دا
|
Post: #6
Title: Re: ما تدخلوا بي جاي الشباب ديل مساطيل
Author: Ala Asanhory
Date: 08-30-2004, 04:34 AM
Parent: #1
الحميم محسن
دي لقيتها وين ؟
غريبة
مع إني ما خليت لي مرسى ولا ضُلمه
بعدين ثقافة نانسي عجرم دي وصلت البلد بالله ؟
الله يرجعنا
ــــــــــــــــــــــــــــــــــ
الحميم معتز
قلت لي نكت جهوية ما حبابها ؟
هاهاهاهاها
يا زول خلينا متصافين كده أخير مما نمرق الجهوية دي في حاجات تانيه
بي جاي في النكت بتتغرف
بس الظاهر نحن عندنا منها كميات ولسه عايزين لينا مصنع لسك العملة عفواً لسك النكت عشان نغرق السوق والإنهيار اٌلإقتصادي و .. و ..
آآآآآ
قلت شنو ؟
أظهر ؟
أكتر من كده ؟
ـــــــــــــــــــــــــــــــــ
الحميم عبد الله ود جعفر
والله أنا كنت عايز أجيك بالباب عديل
لكن شتاكم قاسي
وفراق البلد كمان
أسمع
تاخد نَفَس ؟
ـــــــــــــــــــــــــــــــــ
الحميمه علياء
كده كيف ؟
غايتو التدخين السلبي هنا مفيد
عندو نكهة خاصة
هاهاهاها
لكن الجماعه ديل آخر حاجة كنت بغنّي ليهم
بعد داك مشوا يتسطلوا ( حسب ما قالوا )
لكن إنت في ده ولا في جنس الناس البضربو عن الأكل في المعتقلات
بس ياكلو تمر وموية
هاهاها
أها ده ما شغل مساطيل ؟
هاهاهاها
تشكرات يا أفندم
ــــــــــــــــــ
أبداً
علاء
|
Post: #7
Title: Re: ما تدخلوا بي جاي الشباب ديل مساطيل
Author: zumrawi
Date: 08-31-2004, 05:56 PM
Parent: #1
علاء
شكرا جزيلا لحضورك
انا عائد الى مصر متى ماحصلت على الفيزا
|
Post: #8
Title: Re: ما تدخلوا بي جاي الشباب ديل مساطيل
Author: Mutwakil Mahmoud
Date: 08-31-2004, 08:42 PM
Parent: #1
يا علاء سنهورى
حتي علينا بقيت مابتسأل
سماع أسمك يفرحنا
ونطرب لما زول يطراك
عليك البسمه ياغالي
وحاة أيام حنينا معاك
نسجنا من الصبر صبرين عشان نلقاك وما نلقك
ذي ما بيقولو أخواتي البلابل
وينكم يا شباب ياحلوين كلكم هدهد خالد عاصم الحنين
الله يلعنك جيت تعبان وزهجان لكن لما قريت البوست ده ضحكت لمن وقعت في الواطه
مازالت تلك المحادثات الجميله
ومضة عشت علي أشراقها
وأنقضت عجلي وما أصغت الي
بدمي غذيتها
وخبأتها في خافقي
وأفترقنا وبعيني المني
ياعلاء
ياضنينا بالوعد
أترك لي هاتفك لأناجيكم
أشواقي حين تسعي أليكم تشتاق
أخوكم د.متوكل
|
Post: #9
Title: Re: ما تدخلوا بي جاي الشباب ديل مساطيل
Author: خضر حسين خليل
Date: 08-31-2004, 10:41 PM
Parent: #1
الحميم جدا علاء
تحياتي
حقيقه جد طلعتني من جو المهوسيين والنااس البكفرو في الناس والعالم الغريبه دي بالله كتر لينا من ديل
ونديك واحده
مسطول عمل ليه حله فراح انتظر كده لحدي مالحله نضجت اها طلع عشان يجيب العيش في واحد كان متربص بالحله اول مامرق صاحبنا جا قلب الحله في كيس وخت مكان الحله دجاجه حيه المسطول لامن جاب العيش فتح الحله لقي ليك الجداده بتكاكي ؟ استغرب جدا ققال يحي ويميت دي عرفناها طيب وين البصل والزيت؟
|
Post: #10
Title: Re: ما تدخلوا بي جاي الشباب ديل مساطيل
Author: Ala Asanhory
Date: 09-04-2004, 03:02 AM
Parent: #1
الحميم زمراوي
يا سلام عليك
والله فقدتك
وهسه أنا مستعد ليك تماماً
بس تعال
وما حتلقاني ساطل هاهاهاها
بستناك
ـــــــــــــــــــــــــ
الحميم دكتور متوكل
والله بفتش علي تلفونك أو إيميلك
عموماً
تلفوني
0020102824088
والإيميل
[email protected]
وشكراً علي إنك مبسوط
ـــــــــــــــــــــــــــ
الحميم خضر
أها وين البصل والزيت ؟
شكراً لأنك معاي نمرق الجماعه ديل من بيت الوجع ده
ـــــــــــــــــــــــ
أبداً
علاء
|
|