(( خـاصمتنى )) ... مابين أحمد رامي .. وسيد خليفة .. وعمار السنوسي ....

الى كل من ينشد الجمال .... أهدى

شكراً وليد انت عارف عمار ده من المقلدين البمتلكو تطريب عالي يعني عندو القدرة على أنو يقوم ليك شعرة جلدك لكن مشكلة عمار أنو كان ممكن يكون احسن من كده لو اعتبر الغناء رسالة وحقيقي انا بأسف لامكانيات كبيرة زي دي تكون غايبة من الساحة الفنية الهى في اكثر حوجة في هذا الوقت لعمار السنوسي فيا ريت لو عمار يجتهد شوية ويحاول يعمل ليهو اعمال خاصة أخرى تعبر عن خصوصيتو كمطرب ورغم كلام دي الا اني لو كنت مكان الراحل سيد خليفة لتنازلت عن كل اعمالي لعمار لانو في نظري كمؤدي الاداء عندو احسن من اداء ابو السيد ويا ريت تعمل لنك الحفظ

ولك ودي

وليد طه
شكرا على الاهدا
وليد يوم السبت كنت جاى لمعتصم قال لى وليد
دا من اولاد الهند...قلت ليه ما بعرفه
اها قال لى وليد من اولاد بومبى
طيب معنى كدا بتعرف نيازى مصطفى كان ساكن I.S.H
من المحاربين القدامى
انا طبعا درست فى ناغبور وكنت بجى بونا كتير
الى 98 كنت موجود
ولك ودى

ابوقوتة

ازيك يا رجل ..
فعلاً انا من بومباى ..واتلاقينا فى بوست قبل كده ..
ومعتصم كلمنى فعلاً..وان شاء الله نلتقى قريب..

كييف!! نيازي مصطفى ال ISH حق المعرفة..رجل طيب وحبوب شايفو بقى بوردابي الف مرحب بيهو..وبالمناسبة هو وين هسي؟

شكراً ابو قوتة

ولك كل الود

العزيز الليندي..

عمار السنوسي يملك امكانيات صوتية عالية وقدرة فائقة على التطريب..وهو رقم لا يمكن تجاوزه فى مسيرة الابداع وانا اعتبره صوت لا يمكن ان يتكرر...اثرى الساحة الفنية بداية من اواخر الثمنينات والى اليوم لا يزال يقدم الكثير..
بصراجة مكانه خالى...خالى فى السودان وخسارة كبيرة ان يكون خارج الساحة الفنية فى بلادى...

وعمار صراحة لا يمكن ان تلمس فيه التطريب الا اذا غنى مع اوركسترا كاملة وليس اورغ فآلة الاورغ تحجم امكانيات عمار تماماً..واكبر دليل على ذلك العمل هذا..
حقيقة انا معجب بذلك الرجل كثيراً،،

اتمنى له التوفيق فى تقديم المزيد
لك الشكر للمرور اخى الليندي ..وسوف اهديك لنك الحفظ لاحقاً لظروف فنية
تقبل التحايا

الى العزيز سنجاوي ...ايضاً اهدى

مع كل الود

سلام..

رفع بناءً على طلب الجندرية..

وليد
تتعلى ما تتدلى

عمار دا من يومو غناااااي
لكن وين لكن الحفظ
مااكون ضهبت بس

اللندي .. الجندرية

إليكم لينك الحفظ مع الأعتذار للتأخير


Save @ PC

الليندى
مرة سالوا المرحوم خضر بشير فى الاذاعة عن رايه فى كوكب الشرق ام كلثوم ..و لم يكن من معجبيها .. فصمت برهة ثم قال (هسة نقول حاجة تقولوا مجانين ..ّ!)

اؤيدك .. عمار السنوسى بيغنى اغانى ابو السيد .. الله يرحموا .. احسن من ابو السيد نفسو .. .. لكن تحت تحت .. عشان ما نطلع مجانين ..

شكرا اخي وليد لهذه الاستراحة المريحة بالجد ..
عمار من الشباب المبدع وان كان المرحوم سيد خليفة يبقى السماء التي اعتصمت بالبعد عنا .
اما عني فانا هنافي تؤامة بربر اقصد عرعر في اقصى الشمال السعودي انها الدنيا كما نعرفها كل في طريق فأين انتم يا وليد تحياتي لابقوته عمدة ناغبور بعد جيل الضلالي تحياتي واشواقي .

العزيز نيازي..

1000 تحية..
حلوة بربر دى
ياخى حاول اظهر علينا حتى لو خميس وجمعة...

لك التحايا من الشباب بقيادة ابقوتة..

نيازى بتعرف عز الدين احمدعلي؟
بتاع الايقاع

شكراً لمرورك

ونشوفك ضرورى

الاخ برهان سلام..واسعدت صباحاً..

(

Quote: هسة نقول حاجة تقولوا مجانين ..ّ!)

برهان خلينى كده اعدل حاجة صغيرة من عندى..

لمن سألو خضر بشير عن معرفتة بأم كلثوم وفنها..
قال ( هسي لو قلنا ما بنعرفها يقولو ما مثقفين)..

وبذلك تكون اكثر تعبيراً عندما استاء خضر بشير من فكرة انه يتوجب على الجميع الاشادة والاعجاب بأم كلثوم لدرجة ان صار أشبه بمقياس للثقافة فى المجتمع الثقافى والفنى فى ذلك الوقت..

شكراً برهان للمرور..

سلامات يا وليد

Quote: برهان خلينى كده اعدل حاجة صغيرة من عندى

عدل زى ما عاوز يا حبيب .. فالنكتة متوارثة و طالها الكثير من التعديل .. الى ان ياتينا الذى كانت (سمع اضانو ) .

Quote: وبذلك تكون اكثر تعبيراً

لا لا .. حقتى انا اكثر تعبيرا
على العموم تسلم يا وليد و الفكرة واحدة .
و شكرا ليك انت لهذا البوست الجميل

الحبيب برهان..الف تحية

زى ما قلت متوارثة ..والله يلمنا فى (ابو اضان)

عموماً يا سيدى اتمنى انك تكون استمتعت بهذه الرائعة..

وشكلك كده ذواق لو عندك حاجة حلوة الحقنا بيها ..
خلينا (نلعب راس)..


شكراً كتير برهان
وما تنقطع

كاتلانى ( ولى المساء ) ..
عمار السنوسى (بيعقد) فيها يا وليد .. على قول اختنا اللبنانية الشغالة مع ناس حاتم فى دبى .
انشاء الله القى ليه تسجيل كويس و اجيبا ليك . العندى دة كعب .
الله يسمعك غنيوة ( ولى المسا ) من عمار
و يسمعك كلمة (بيعقد ) من سكرتيرة ناس حاتم

موت احمر بس !