Post: #1
Title: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-20-2004, 04:00 AM
Parent: #0
صوت شعري اخر _متميز_ و _منسجم_ مع المزاج الشعري الجديد المرتكز بوعي علي التجارب الشعرية السابقة و المعاصرة، و المنفعل بقضايا الراهن علي المستويات الزاتية و العامة الموسومة بالمعاناة و تسرب الاحلام،،،بلا بكائيات او انهازم،،،لسان حال الشعراء المغنون الجوالة عبر عنه عاصم الحزين بوضوح حين قال _ نحن نقف في خط المواجهة الاول و ما نكتب سوف يكون له اثرا كبيرا في تحديد ملامح المستقبل_. و هنا يتضح مستوي وضوح الرؤي و الثقة في ادواتهم الابداعية و جدية مشروعهم الشعري..
الاحد 22/8/04
الشاعر المبدع محمد عبيد الفاضلابي
غرفة المنبر الحر علي البالتوك
الساعة الثامنة مساء بتوقيت السودان،،الخامسة بتوقيت غرنيتش
|
Post: #3
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: osly2
Date: 08-20-2004, 11:47 AM
Parent: #2
كدا الواحد اطمئن بان العافيه قد بدأت تدب فى جسـد البالتوك
لك التحايا قريبى نصار
|
Post: #4
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-20-2004, 12:16 PM
Parent: #1
قريبي
وين الغيبة ان شاء الله خير
الشباب في الخرطوم بعدوا لهجوم بأسلحة جمال شامل
بركة الجيت
|
Post: #5
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: almohndis
Date: 08-21-2004, 07:16 AM
Parent: #1
حاضرين بدرى
|
Post: #6
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-21-2004, 08:34 AM
Parent: #1
يحضرلك الخير يا مهندس هذا التواصل الحميم
|
Post: #7
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: osly2
Date: 08-22-2004, 04:23 AM
Parent: #6
| Quote: الشباب في الخرطوم بعدوا لهجوم بأسلحة جمال شامل |
ما أروعهم وهم قبل ذلك يرفضون التوقيع على مقاولة الحد من
الاسلحه الجماليه
|
Post: #9
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-23-2004, 01:15 AM
Parent: #1
الفـــــاضــــــلابـــــــــي
الزول دا ما عادي
يحمل ابداعا فوق طاقة البشر
اجزم أن كل الحضور اصيب بالدهشة
التي تملكتني
يا الله...اثارت نصوصة شجون و وخاطبت هموم
مشروعة الشعري لا يتبعه الغاوون وحدهم
فهو يدعو للتأمل و يخطاب كل اهل السودان
مفرداته جريئة ملتقطة من واقع السودان
المتباين..معبرة عن وجدان سوداني متناقم
في طيات القصيدة..
شاعر كامل الموهبة واضح الرؤي..يجعلك تلهث و أنت تتابع بأنتباه الصور و الحكي في قصائد مطولة يمسك فيها بموضوع و فكرة القصيدة دقة مزهلة بالرغم من حشد الصور الفرعية التي تمنح النص حيوية و هي موظفة تمام لخدمة الغرض المركزي. حقيقي يصعب الكلام عن الفاضلابي من اول سماع لاشعارة فهي عميقة و مسبوكة.
هذه دعوة للاخوة و الاخوات الذين حضروا اللقاء لابداء وجهات نظرهم
و زاد فضل الفاضلابي و عاصم الحزين و المهندس و سامي عبد الرحمن و كل من شاركوا في لقاء الامس
|
Post: #10
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: osly2
Date: 08-23-2004, 01:36 PM
Parent: #9
للاسف فاتنى الكثير
اتمنى ان تجمعنا به الايام قريبا
|
Post: #11
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-23-2004, 01:54 PM
Parent: #1
العزيز اوسلي
شكرا علي المشاركة الوجدانية
المحيرني الناس الكانت منتشية امس دي وينا؟
ناس تحبط الغزائم علي الله ابداعات الفاضلابي و رفاقه الشعراء المغنين
الجوالة يستحقوا الطناش دا؟
لو اصله مافي اهتمام نموت بي الدرر دي برانا في غرفة مغلقة زاتوا
بكون في فرص احسن عشان نتعمق في الحوار و نستجلي العمق الرهيب
بالميز الشباب الرهيبين ديل
الاسبوع الجاي ان شاء الله ح يكون معانا الضلع الرابع للجوالة وهو
زول متعدد الجوانب الابداعية فهو شاعر و موسيقي و تشكيلي وفي مجموعة
افكار نناقشها عندما نلتقي لنتوصل لافضل الطرق لتنفيذها....
|
Post: #12
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: Hadia Mohamed
Date: 08-23-2004, 04:13 PM
Parent: #1
جملت سماء البوردامتعنا الفاضلابى بشعره الجميل المختلف
القبح داخل البال الى الامام لنهذم نشكركم يا نصار فعلان كان اضاءه جمله
|
Post: #13
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: Hadia Mohamed
Date: 08-23-2004, 04:23 PM
Parent: #12
الفاضلابى هذم القبح داخل البالتوك الى الامام نصار.
|
Post: #14
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-24-2004, 02:13 AM
Parent: #1
الاخت هادية محمد
نعم قد فعل...و هؤلاء الشباب قادرون و عازمون علي
النهوض بنا و تحريضنا لان نكون افضل و اجمل مما نحن
عليه
الاستجابة و التفاعل من الحضور أثبت جدوي هذا العمل
فالنتعاون لتجويد التجربة و توسيعها لتشمل بقية الحقول
الفكرية و الابداعية..
|
Post: #15
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: ahmed haneen
Date: 08-24-2004, 02:30 AM
Parent: #1
الأخ نصار تحياتي
كان فعلا يوما رائعا
والفاضلابي ادهشنا حقيقة بأبداعه
ولا تنسي الأخوة المصريون الذين شاركونا
الأبداع وكذلك الأخت السعودية ،،
ولهم جزيل الشكر
كا اذكرك بوعدك بمجموعة الشعراء الجوالة
الذي وافق عليه الحزين وسامي
وهنا اذكر ناس الأمارات يا ريت لو تفرحونا
بالقدال في البال توك ،، لأنه الأيام دي
موجود معاكم ،،
ويستمر الأبداع
وهل مازالت انا زاتي امدر .. خارج البورد
تحياتي للجيع
|
Post: #16
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-24-2004, 02:43 AM
Parent: #1
العزيز احمد حنين
ما تتصور المعاناة التي يتكبدها هؤلاء الشباب
الفايتين جيله علي مستوي الابداع و الانسانية
عشان يلاقونا و يفرحوا بنا مثل فرحنا بهم و اكثر
في فكرة في اطار التشكل بأن نرسخ هذا التواصل
الحنين مع كل الممنوعون اصحاب الموقف الواضح
بأن نسهم في تيسير اتصالهم بنا عبر النت
و هم يدرسون علي ارض الواقع افضل الطرق بس
أن شاء الله نستر معاهم
ام درمانية مازالت ما قادرة تدخل المنبر عملت
كل ما يمكنها و لسه الحكاية معصلجة معاها
اناشد معك ناس الامارات بخصوص القدال للاستمتاع
بابداعاته و استجلاء ما يقال من موقفه من السلطة
|
Post: #17
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: almohndis
Date: 08-25-2004, 08:29 AM
Parent: #1
الطندية
محكومه بالاعدام شنق
قاضيها من نسج الخيال
شنّاقه ................ من ناقه وحصان
الطندبه الموزونه من قوس الفنون
الشاتيه صيف
الناصحه فى دعو النبات
رمق التوافيد البحد رص الدفين المنطلق
هيكل زمام السر تحدثبو المعابد والعيون
شرفة تلاوين الرسوم
للموضه والغصن المحّسن والبكاء
ما فيشه فى سقف البيوت
تلقاها فى
سقف القصايد....طندبه
اشكالها فى يوم القصاص:
لون الرصاص ما....
ذى تلاوين السنابل
والحبل... مبروم من اليافها الغزيره
وجمله من ناسها بتنق
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم
اشمعنى ما بدت المداوس منم هنا ؟
اتلم فى اللون الغناء
وجواب دموع الغايبه بسأل عن ...
مزاد لوحه وطبق
ما....
كلنا الودران وواقف جوّه فيك
مستنى جيتك رسمى
شان
يتوزع............. السيف والدرق
لا اكلنا يوم
لا نمنا كوم
لا صحوه لا اتلمينا قوم
لا شفنا ضوء لا ضلمه شان نعرف نحوم
القاضى والجلاد
مكّتف فينا سرساراً يصوم من السكوت
من صباحاتنا البيض
الفاق كتل فينا النفس
الخايف المندس يحرّش فى الضياع
حاحا ويشّرك للضماير فى البيوت
ود ال............
حنود
ما أظن مظالمنا بتفوت
عن كل عقلاً جّل فى التفكير يسوط
وما أظن بكاء البنّوت
بيجرح فينا احساساً يموت
اتندل الهم فى الهموم
واتبشكر الليل السموم
واتلفّح الشارع الوجوم
نّبه النباه وضوء
ضوءت الشمس الهجوم
اتفتّحن بيبان محاكم الطندبه
وخّشت الناس النقاش
حّضروا الورق البدين القصه والنهج الغريب
حضّرنا نحنا عصينا ياخ
قنالا : عيب
جهّزوا القاضى البرتب للقصاص
جهّزنا حالنا
وشلنا فى جوانا ساس
قنالا: يا ام المحاكم كضبى
وسيبى الاصول فى حالها
ما تهبشيلنا زول
الطندبه المتهمه بى عدم التكاثر والشتول
قطعت لسانها الاغنيات
والمحكمه
اتهزّت تحوم جوانا ما لقت الثبات
الطندبه الزهد المخّمر من رحاب النافله
لى ارث التعادى على المعادى المحزنه
ماسوس خفوت الجدعه
يتلقّف تفاهات الشهاوى الواهنه فى عصمت خراب
نفس المحاصيل التنيص
لى كشة الندى واليباس
شن دلّ ديل ؟ قصبونا لى دّق النحاس
بندق على عكس الكلام
واللحن ساعة يبقى خاص
الطندبه الموعوده بى دعوة خلاص
ميدان بنات الحله فركه
وقطعه قبلانه الدواس
بندوس تحت ما يدوسوا فوق
المحكمه المصنوعه طوق للعامه فرّتاكا الدباس
جّل الكضب نهج الكضب
شيخ منصر الراكوبه
طّق من الزعل
فى المحكمه
اتطاير ورق
كل المعانى السمحه والوسخانه..طق طق طق طق طق طقطق سريرك يابلد
خّلى السبق
خير الدراويش اليفيض
مكتوب زياده على الصفق
والباقى من سعر الذوات
قّلايه فى فصل المحاور والجنين
انسانى ما دّمع براو
وحيات غناك فنان مجّرتق بى غناو
قدّامى ذى خلّاك وراو
ما سكتين,,
1- سكة مراسل وانتفاض
2- وسكة محاسنا العراض
غشّاشه يا نسل الجراد
كل الوفود
الشارده من سخن النزيف
تلقانا كيف؟
ما نحل رباط المشنقه
وقلبت بقت غنّايه
غنّت لينا غنيات الفكاك المطلقه
الطير عقد عزمو ورفس
معنى المناصب
طلّقه.....
قلع الهدوم الخدره جدّعها فى المسيد
يا سيدنا هوى؟
يا حى وحى
يا حى وسيد
قنالوا جّدعها فى الجريد
قال لينا خلوها بتبيض
الطندبه الزرع الخصيب
بت موعد الشهر البصارع للوساع
غنية انابيب الشعاع
ارتاحى
حرّقنا المكان
كسّرنا فيو المطرقه
دلّينا من سدرك..... سوأل الازمه شقّنا المروق
وحلينا حبل المشنقه
دّلينا من سدرك سوأل الازمه
شققنا المروق
وحلّينا
حبل المشنقه
مع شديد احترامى لكم
محمد
عبيد
الفاضلابى
6-7- 2004م
|
Post: #18
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: osly2
Date: 08-25-2004, 08:52 AM
Parent: #17
Quote: وجمله من ناسها بتنق
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم |
شكرا المهندس
لك التحايا ومثلها للرئع الفاضلابى ولكل المجموعه التى قذفقت
بكل الاسلحه الجماليه يوم الاحد الماضى
|
Post: #19
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-25-2004, 09:58 AM
Parent: #1
فاضلابي، المهندس و اوسلي
شكرا لتزيين هذا المكان بنضم الفاضلابي
الجميل العمق، العميق الجمال...
امس سألنا القدال عن هؤلاء الشعراء المغنين
الجوالة و قد مرهقا و متزرا عن مواصلة الحوار
لكنه عند هذا السؤأل رد بحماس بأنهم مخزون
يطمأن علي مستقبل الكلمة المنظومة في السودان
و تحدث عن جديدة التيار في بحثه عن النقد الجاد
سعيا لاكمال العملية الابداعية..و انقطع الحوار
مع الوعد بالمواصلة
|
Post: #20
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: osly2
Date: 08-25-2004, 01:10 PM
Parent: #19
نصار
نحن الان فى روم تضم
حسن 6 ..بشار .. امدر ..موناليزا .. نها g . تماضر .. زوله 123
دكتور لورد
مد راسك
|
Post: #21
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: عبد المنعم سيد احمد
Date: 08-25-2004, 02:49 PM
صائد الؤلؤ
نصار الحبيب
ورائع ديمة اوسلى
واصلوا بكل هذا الالق
حتى يرجع للبال رونقه وجماله السابق
عودتنا قريبة
التحية عبركم للجميع
سعدنا قبل يومين تلاتة
باحد مبدعى البال
الفنان الشاب مصطفى السنى
وكان رائعا كما عودنا دائما
لكم المحبة
|
Post: #22
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-25-2004, 03:27 PM
Parent: #1
العريس الانيق منعم
جلسة جمعت الناس الجميلين الزمان و الجداد
بس كانت فاقداك
في انتظار عودتك
بس ما تطول
مع الود و الاشواق
|
Post: #23
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: rani
Date: 08-25-2004, 03:36 PM
Parent: #22
سلام نصار انا طلعت من الغرفة لانو النت بتاعي فصل علي اي حال انا ما قادر ارجع
ranco1
|
Post: #24
Title: Re: و نواصل...الاحد 22/8 و الشاعر الشاب محمد عبيد الفاضلابي
Author: نصار
Date: 08-25-2004, 03:51 PM
Parent: #1
سعدنا بوجودك معانا و مشاركاتك الجميلة
يا راني ان شاء الله نشوفك كتير
و ينستر معاك النت في المرات الجاية
الي اللقاء
|
|