ياوزير الخارجية المانيا دولة قوية

تابعت لقاء وزير الخارجية السوداني علي القناةالسودانية ابان قرار الامم المتحدة الذي رفضته الحكومة علي لسان حالها وزير الاعلام السوداني, وقبلته علي لسان وزير خارجيتها. وزير الخارجية يناصب المانياالعداء ويقول ليس لها دور في المجال الانساني , وينسي ان المانيا ذات يد طويلة علي السودان في جنوب السودان وغربه وشرقة.ياسعادة وزير الخارجية86%من مشاريع التنميةفي السودان المانية الصنع مصانع السكر الاربعة الكبري المانية كنانة الجنيد وسنار والقربة, السكة حديد المانية , خزان الرصيرص الماني , محطة بري الكهربائية المانية , الاذاعة والتلفزيون,مصنع الزخيرة الماني , المجروس الماني, التلفونات تلكوم الماني,مدارس التدريب المهني المانية. هذه العلاقة الدبلوماسية السودانية الالمانية بذل عليها اهل البلاد الغالي والنفيس.ياسعادة الوزير المانيا لها مواقف انسانية كثيرة علي سبيل المثال اصدر البرلمان الالماني قرار يمنع ترحيل السودانيين واعطائهم حق اللجو السياسي .يوجد الاف من ابناء شمال السودان مقيمين بالمانيا تم منحهم حق اللجو اثر ذالك القرار.ياوزير الخارجية توجهون التهمة الي المانيا بنها تاوي المتمردين الذين يهددون الامن القومي السوداني , ياسعدة الوزير ابناء دارفور بالمانيا لايتعدي عددهم 11 . اخاطبك بعقلك الاسلامي هؤلاء لايقيمون صلاة الجمعة ياسعادة الوزير, فاذا هدد هؤلاء امنك كب الجاز وعشق .

ومن أنت حتى تقدم النصح لوزير الخارجية السودانى يا مساعد؟
وتخاطب عقله الاسلامى؟
ما هذا العبث؟
أتكون من جواسيس جهاز الامن الاخوانى؟
لتنشر الاقاويل؟ وتعمل على غسيل الامخاخ؟
وتطبّع الديكتاتورية بمخاطبة مثل هذه، ناعمة، وحكيمة!؟

عادل عثمان
تحية طيبة
تحبني ان اكون فاسقا وانهال عليه بالشتائم, هذا ليس من خلقي, ياسعادة الاخ عادل شخصي الضعيف قاد المعارضة بكل جدارة ضد نظام الجبهة الاسلامية من داخل المانيا ,شخصي الصعيف هو الذي وصل الي نواب الالماني وتحدث اليهم وبموجبه عقدت جلسة للسودان ,واصدر البرلمان قرار بشان الحكومة في السودان,اول من اوصل مشكلة جبال النوبة الي العالم كان شخص الضعيف, منزلي لمدة عام كان مكتب الحركة الشعبية , اقمت 12 محاضرة بمدن مختلفة داخل المانيا حضرها مناديب التجمع الوطني الوطني
استضفت بجامعة فرانكفورت اتحاد نساء السودان الذي يحسب علي السيار وشخصي ليس عضو فيه, وشخصي ابن عوج الدرب سلم جدي ابوقرجة وجدي عبد الله سلمان المهدي شمال النيل الابيض ممكن اعرف انت منو؟

الاخ عادل عثمان
تحيه طيبه
من حق الاخ الكريم سيف ان ينصح ويكتب ما يريد.وما اعتقد ان النصح
لوزير او الحكومة كلها فيه مشكلة لك .هل من ضرر لك ؟
وهل تعتقد ان الوزير والحكومة لا تحتاج النصح؟ اى كانت الاجابه هذا
رايك وحقك نحترمه كما عليك احترم حقوق الاخرين.
مع تحياتى

الاخ هاشم مدني
الاخ عادل عثمان فهم الموضوع علي قدر فهمو, انا لم انصح وزير الخارجية بينت عدم معرفة وزير الخارجية لالمانيا وموقفها من السودان .ما هو الضرر الذي يلحق بالحكومة اذا قدمت المانيا دعما انسانيا لاهل دارفور. اهلنا ديل بيعتقدوا كل من كتب ليهو كلمة بانو معارض الله يهدي الجميع

ود عوج الدرب


المانيا دي سبب رئيسي لمشكلة دارفور

عشان كده وزيرنا معاه حق

ولك تحياتي وربنا يعدل دربك

الاخ عبد الله بابكر الالاف الماتو ديل كتلوهم جنجويد المانيا ولي كيف

شكرا للرد السريع الاخ ود عوج الدرب

انتو في هذه البلاد ارجوكم انكم تكونو محضر خير وفيدوا بلدكم السودان
حتى لو كنتو مختلفين مع الحكومه لانه السودان اهمممممممممممممم


وقولو المعلومات الصحيحه للناس دي ( الالمان وباقي الصهاينه )

وربنا يحفظ سوداننا

الاخ عبد الله الناس ديل مشو السودان ما نحن اديناهم معلومة كاذبة ,وزيرة الدولة بوزارة الخارجية هي التي ذهبت الي السودان

عبد الله بابكر.

أرجو المعذرة لتدخلي المباشر. ولكني لا أراك تخاطب لب الموضوع المطروح من الأخ سيف.
أرجو منك أن ترد على حديث وزير حكومة الجبهة وعلى تعليق الاخ سيف إذا أمكن ذلك. وذلك لكي نستفيد جميعاً ونشترك معكم في النقاش.

دينق.

الاخ دينق شكر ليك علي المرور
هؤلاء الناس لايناقشون شئ بل يريدون تبديد الوقت
ولكن ممعي كومرد ادور لينو قفلنا كل شئ هنا

الاخ سيف
تحية طيبة
لم يعجبنى كلامك، فعلّقت عليه تعليقآ شديد اللهجة، ولكنه فى حدود الاحترام الواجب بين اعضاء المنبر الحر.

والان أعود بالتفصيل لكلامك. أنت تنصح وزير الخارجية السودانية، الكذاب، ألاّ يبوظ علاقة السودان بالمانيا عشان شوية 11 متمرد من دارفور، من ضآلة عددهم، وضعف نفوذهم، ليس بمقدورهم إكمال النصاب القانونى لصلاة الجمعة فى المانيا الاتحادية!

ونصحت مصطفى عثمان اسماعيل أن ينتبه الى مصالح المانيا فى السودان، وانجازاتها التنموية!
وتنصحه كمان ان ياخذ مصالح الاف الشماليين من السودانيين فى الاعتبار.

الموضوع ياخى ليس العلاقات بين الحكومات، ولا حسنات بعض الدول، ولا مصالح الشماليين فى تلك الدولة، مقابل حفنة من ابناء دارفور، اللذين لا يودّوا ولا يجيبوأ!

الموضوع هو ما يحدث فى دارفور من مذابح، وانتهاكات تشيب لها الولدان، وينكرها وزير خارجية السودان، وطغمته من الابواق.

نفس هذا الوزير يقول ان من قتلوا فى دارفور لا يتعدى 5000 سودانى فقط!
اى دبلوماسية، غليظة الحس، ومنزوعة الحياء، هذه التى تتفضل أنت باسداء النصح لها؟

واية اولوية تحتل دماغك: العلاقات والمصالح بين الدول؟

أم الموت ال ص فيق/الح قير/المبتذل/
الذى تعرض له، ويتعرض له السودانيون فى دارفور؟
على يد عصابات الجبهة/الجنجويد/الخارجية/الداخلية/الدفاع الشعبى ياهو دي!!
وعلى يد الاعلام الكاذب، و المأجورين من خلاف، ومن مصلحة تمجد علم الدولة قبل حق البشر فى الحياة!
الحياة، النفس الطالع ونازل
الشفع
العائلة
الاهل
القبيلة
العرس
الحصاد
الدخن
الضرابة
البساتين
المنصاص
البغو
كوجو مورو
الصلاة
كسوة الكعبة
السلاطين
والشراتى
الجبل يا مرّة

دارفور
لم يحميها اسلامها
ولا ثياب نسائها
ولا جلاليب رجالها
ولا اسماء مواطنيها العربية والاسلامية
من القتل، والاغتصاب، والتشريد..

نصيحتى لك يا سيف أن تعيد قراءة ما كتبت بهدوء، وليتك تعلم أن النضال ليس ما نكتبه نحن هنا! النضال هو الحياة التى تتخلق هناك كل يوم فى دارفور، رغم الدمار والغتل. الحياة التى نراها فى ابتسامة شاسعة من ام الى وليدها الذى يعانى من سوء التغذية.

الاخ سيف

قلت

Quote: , ياسعادة الاخ عادل شخصي الضعيف قاد المعارضة بكل جدارة ضد نظام الجبهة الاسلامية من داخل المانيا

كان الاجدر ان تقودها من الداخل

وقلت ايضا

Quote: ,شخصي الصعيف هو الذي وصل الي نواب الالماني وتحدث اليهم وبموجبه عقدت جلسة للسودان ,واصدر البرلمان قرار بشان الحكومة في السودان,اول من اوصل مشكلة جبال النوبة الي العالم كان شخص الضعيف

وتقول في رد لي

Quote: الاخ عبد الله الناس ديل مشو السودان ما نحن اديناهم معلومة كاذبة ,وزيرة الدولة بوزارة الخارجية هي التي ذهبت الي السودان

لاحظ التناقض في كلامك

وقلت

Quote: منزلي لمدة عام كان مكتب الحركة الشعبية

الحركة الشعبية وقعت مع الحكومه برتوكولات اتفاقية السلام
وانت لسع في المانيا

وقلت ايضا

Quote: اقمت 12 محاضرة بمدن مختلفة داخل المانيا حضرها مناديب التجمع الوطني الوطني

واقول ليك انتو السبب في البيحصل في دارفور وتقول لي هم لوحدهم المشوا الي السودان

الالمان كانوا في السودان من زمن طويل بيعمروا في السودان لكن سبحان الله بقوا يدمروا في السودان بعد ما سمعوا كلامكم


وربنا يحفظ دارفور ويحفظ السودان


واقول ليك انا سوداني غيوووووووووووووووور على وطني

الاخ عادل عثمان
تحية طيبة
اخي الكريم لقد سألتني سؤال المؤكد باني رجل امن اقدم النصح الي الحكومة والي وزيرالخارجية. شخصي زجر الوزير وقال ليهو كب الجاز عشق , الحكومات ذاهبة والشعوب والبلدان باقية, وقلت له هذه العلاقة لم يجدها هو. ووصفته ب############ في بوست علي عمر, اخي ارجع الي الوراء اول ابادة حدثت في كتم كتبتها في نفس اللحظة قبل الاعلام الخارجي والداخلي وحتي في داخل السودان اوصلتها الي اهل المعرفة, وانا لا ارضي بان تصفني بغسل الامخاخ لماذا؟ الوفد الذي يفاوض مع الحكومة قمت بوداعة حتي صالة المطار الاخيرة اخي,قبلك ادم خاطر وصف الاخ احمد علي موسي من اولاد الطينة بانه عميل وجاسوس, كما وصفه ابناء التجمع من قبل بانه رجل امن, يااخي كل من يبدي رايه هو عميل وجاسوس ورجل امن يجب معرفة الانسان اولا وثانيا ابداء الراي , لان الحكم اذا وقع من الصعب رجوعة
حكومة السودان تقول المانيا تاوي المعارضة اي معارضة في المانيا , القتال في الداخل والمعارضين في الداخل



لك شكري ومعزتي

الاخ سيف
تحية طيبة
انا لم اتهمك بانك فى الامن او جاسوس للسلطة. ولكننى بعد مراجعة كلامى، وجدت ان سؤالى لك: (أتكون من جواسيس الامن الاخوانى) غير مناسب، ويحتمل التاويل. لذا اعتذر عن هذا السؤال، واسحبه من مداخلتى. وإن كنت ما زلت عند رأيى الذى نشرته فى المداخلة اللاحقة. ولك العتبى حتى ترضى..

شكرا ليك الاخ عادل انا مايهمني رايك انت اولا واخيرا ونحن نعمل مع بعض من اجل السودان ونحن ابناء يلد علي اختلاف افكارنا في النهاية المواطن يعيش مكرم
ولك شكري

الاخ سيف

لو كلامي جرحك ولا شي تجدني اسف جدا



تجدني اخاف على بلدي ووطني السودان من التمزق والتقطيع وعدم الاستقرار

الاخ عبد الله بابكر
لماذا لانعمل كلنا سويا من اجل السودان؟ لماذا كل منا يسب الاخر؟
صدقني اتحاشي ان اسب انسان مهما اختلفت معه في الراي
ود عوج الدرب