وقعوا من أجل اعادة الموناليزا للمنبر

جمال أساء لم ينفى اساءته
الموناليزا نفت ان تكون هى المسيئه
** جمال اتصل واعدا بفتح صفحة جديده
** الموناليزا اتصلت لتوضح ان هناك من كتب تحت اسمها
** بكرى أقر باتصال جمال والوعد بفتح الصفحه الجديده
** بكرى اقر بمعرفته ان حساب موناليزا مسروق منها
** فصل جمال وما فصل بسببه ماثل امام الجميع وقد كتبه بيده
** فصلت الموناليزا وما فصلت بسببه شطب ولم تكتبه بيدها
**الاختراقات التى تمت مؤخرا للمنبر اثبتت ان حسابات الاعضاء
يمكن سرقتها و بالتالى الكتابه تحت الاسم المسروق
** الى الذين ملأوا المنبر ضجيجا يوم امس والذين ما فتأوا
ينبذون سياسة الكيل بمكيالين
أرجو منكم التوقيع لاعادة الموناليزا للمنبر

ابو حسين
هل اعتبر هذا توقيع ؟

يا اوسلي

الموناليزا دي ما قال اسم المونليزا دا غيرتو زمااااااان واخدت اسم غيره والاسم الاتكتب بيهو الكلام كان مركون في الرف واسمها التني شغال ..؟ نوقع عشان يكون عندها اسمين ..؟؟

ولا كيف ..؟

بعدين المنبر ناقص سب دين ..؟

اساسى
من الذى سب الدين ؟ الهكر ام موناليزا ؟
هذا الاسم ارتبط بانسانه معينه كارتباط اساسى بك
اذا قابلك بوردابى فى واق الواق فانت فى نظره اساسي
فاليرجع لها اسم الموناليزا ويسحب الجديد

لا هي غيرته قبل الحادثة باشهر ..زيعني قبل ما يتسب بيه دين (استغفر الله العظيم) هي مغيره الاسم بعدين الايام ديك انت ما متابع كويس ولا شنو ...؟؟؟

اساسى
ممكن اعتبر دا نصف توقيع تتم باقى الحروف بعد ارجاعها ؟

لا ما نص توقيع

بس ترجع كيف وهي غيرت الاسم قبل الحادثة ..اسمها الاخر والاختارته بنفسها يعمل ومفعل وقد تركت قبله باشهر اسم الموناليزا

نوقع ساكت يعني ولا كيف؟؟؟

نوقع لعودة الهكر السرق اسمها زي ما بتقولوا..؟؟

ما المانع من رد الاسم لها بباسورد جديد ؟

طيب هي غيرته من الاساس ليه لو كانت عاوزاه ..؟

مع ملاحظة انه خلتو قبل ما يتهكر ..؟

لو عاوزاه ما كان طلبت تغيره من الاساس ..

ولا شنو ..؟

طلبت تغيره بعد ان تعذر الدخول به
تركه بكرى ليقتفى اثر الهكر
كانت المحصله حدوث العكس
اقتفى الهكر اثر بكرى

لالا يا اوسلي ما كدا

انحنا قاعدين ياخي وشايفين الحاصل شنو ...!

هي خلت الاسم دا قبل شهور ...

طيب كان ممكن تراسل بكري ويرجعوا ليها لو هي اصلا حريصة عليهو


انا شخصيا ما حريص عليها بالاسمين

اساسى
بكرى قال بلسـانه
اتصلت بى موناليزا قبل شهور وأخبرتنى انها لا تستطيع الدخول
و ..... و .... ما قلناه اعلاه

طيب قبل شهور اتصلت وبعد شهور رضت بالاسم الجديد الاختارته

ليه نعيد الكرة تاني واصلا الاسم اصبح عنده ماضي لا يفرح لا يسر

كان عاوزاه كان كلمت بكري مرة تانية ورجعو ليها

ان طارت سخلة؟

ولو ركت ؟

عالم عجيبه لامن يفصلوا واحد من كومهم يقلوا ناس كتيرة لازم تفصل برضه لنفس الأسباب

ولامن يرجعوا واحد منهم ويجى انسان حقانى ذى أوسلى يقول رجعوا مناليزا و لنفس الأسباب يقولوا لا و لب لب لب لا

أوقــــــــــــع يا أوسلى و كمان ابصم بالعشره

حبوبتكم أمدر

(وعباد الرحمن الذين يمشون علي الارض هونا )


سلام

امدر شكر على التضامن
ياها المحريه فيك يا اصيله

تبين الحقيقة

ولو بانت هل يستطع هؤلاء تبنها ؟
دائما ما يضعون اياديهم على جروح الاخرين
لا لتضمبدها بل لتمزيق ما تبقى من جلد يستر العظام

جعلنا الله واياك منهم اخي اساسي
و اظن غير اثم اننا لا نملك ان
نجزم بذلك بأنفسنا لانفسنا و الا
لكنا ادخلنا انفسنا جنة في الارض
و جنة الخلود،،

يا جماعه ناس امس وين ؟
هل وضع لهم الهكر مكيال اخر منعهم من الكيل بمكيال امس ؟
اين امانى السنى ..اين بت الاحفاد .اين صدوح اين ...و...........
اين بقية الركاب فى قطار الحقيقه ؟
اين محمد حسن العمده الذى لايخشى فى الحق لومة لائم . كما قال
يا من حاولت ان تساوى الناس فى الظلم الا تعد المساوة فى العدل
من اولويات تفكيرك ؟

يا من تدعون ان الاسلام هو مرجعيتكم
اين انتم
يوم امس تنادى ركبكم للتعبير عن غضب اعتراكم والبستوه
ثياب عدالتكم التى ما عادت تستر من عوراتكم شئ

اين انتم ؟

أوسـلـي يا ظــريـف

تـدفـع كـم و أوقــع ليك أنا ما زي أساسي عكليته أساسي دا بي سندوتش كان وقع ليك لكن إنت ما فهمتوا لكن أنا واضح تدفع كم و أوقع ليك بس أوع تقول لي سجل في الحساب لأنو نحن الكيزان شغلنا كلو كاش
أخونا نصار و أختنا أم در كيف حالكم

بنت الخليييييييييييييييييييييييييييييييل
اختنا صلحة الكارب
معاكم بالله
والله ما عملت حاجة بس ما عارفة تدخل

ولو اي زول ضايع ليه صاحب يكتبه بالمناسبة دي

يا اوسلي انا ما لي دعوة وما تعتبر ده توقيع

باكاوي ساي

العزيز : أوسلي

اسم هذه اللوحة التاريخية الخالدة
كافيا وحده لرفع شارة الترحيب لمقدمها..

وبت الكارب المبدعة صلحة هي الاخرى نرفع لها
جميعا كل شارات المرور لتتسلل بين شرايين
العطاء ..
لذا أضم صوتي لك يا زولا يا رائعة
يا صاحبةالمبادرات الطيبة..
أو هكذا عرفناك يا ستي ....

خضر

ابو حسين
توقيعك ما عاوزه لو فيك فائده وبتعز الصداقه امش امسح كلامك
عن الصديق دينق
تحياتى

زوله
عشان خاطرك كمان بت الخليل فصلحه انسانه فقدها البورد وكسبها
البال توك

العزيز خضر
نعم لعودة الاختين صلحه وموناليزا
شكرا على التضامن يا اصيل

السلام عليكم يا جماعة
و الله انا طبعا لست من الذين يردون و يتابعون البورد باستمرار
و لا حتى لي صلة بالمذكورة الموناليزا
لكن يا جماعة
و الله نحن مفروض نكون أمة واحدة و صوت واحد....
كي نوصل رأينا للجميع
و عشان كده ما تخلو مشاكل صغيرة تأدي الى اغلاق منبرنا او طرد أي عضو...
المهم أنا ما عارف الحاصل شنو لكن في الاشهر الاخيرة انتشرت ظاهرة طرد و وايقاف الاعضاء
من المشاركة...
فها أنا أقف و أسأل هل هناك سوء ادارة في المنبر؟؟؟(بدون زعل يا بكري)
أم
المشكلة في الاعضاء؟؟؟(ده استفسار)
المهم ما تخلو المواضيع ده تفرق بيننا فنحن اخوة و أخواتنا معانا...

أخوكم الصغير,
شماسي

اوقع يا اوسلي

قال اوسلي

Quote: هذا الاسم ارتبط بانسانه معينه كارتباط اساسى بك اذا قابلك بوردابى فى واق الواق فانت فى نظره اساسي

اساسي ما فارقة معها القصة دي يا اوسلي
ولو كنت متابعة المنبر من زمان كان عرفته انه هو لا اساسي ولا حاجه دا كان زول رومانسي زي العسل بس ود عزه الله اطراه بالخير ما ريحة
وبخصوص بتك دي انا ممتنع عن التصويت لاني غبته فترة من المنبر وما عارفه قصتها شنو
ولك خالص احترامي

اخي اوسلي.
اضم صوتي معك لعودة اختنا الموناليزا.



هب من ظلامك هب الشمس جوا الجب

شنكـــبه عنكــــبه ورود تنفـــرش

أكتم

اوسلي والجميع تحياتي

اطالب معكم ليس بأرجاع موناليزا
فقط
بل بارجاع جميع المفصولين
والموقفين،، بنفس اسباب هوبفل
وهي الأسباب التي ععدها بكري
وهم ايضا حسبما اعتقد مستعدون
للأعتذار والوعد بفتح صفحة جديدة
وهم
موناليزا
شريف ادم
سارة منصور
صفاء
وكل الموقوفون الذين سقط اسمهم سهوا
وكلنا نرحب بالصفحات الجديدة
ولا المنبر دا فيهو خيار وفقوس
وناس عندهم من يدافع وينظم المظاهرات في البورد
ويطالب بارجاعهم ،، وناس يتم تناسيهم ،،
والكيل بثلاث مكاييييييل

هذا ما كتبه الاخ جمال هوبفل
قائد التجربده الجهاديه فى حق الموناليزا مع احمد الريح

Quote: ولأصدقائي أقول: لقد كانت اساءتي لموناليزا حاده وغير صائبه وقد احزنني جداً أن تجد منى ما وجدت وقد تألمت اكثر منها وعشت تأنيب الضمير ولزعات سياطه ------ وللحقيقة والحق والله يشهد علي ما أقول فقد تأكد لي بما لا يدعو للشك براءتها من الكتابة التى ادناها وأن احد "ما" قد استخدم جهازها في تلك المداخلة

شكرا جمال على التوضيح

انا اول من نصح المناليزا بالعودة باسمها رغم انى لم اخط حرفا فى كل المواضيع التى مستها ولى حديث طويل معها وانا اوقع من اجل عودتها وباسمها الذى عرفت به

للحيثيات التى ذكرها اوسلى
بان حسابها تم سرقته بواسطةالهكر

اوقع
محمد اشرف

و تحية ليك يا اوسلى على الاستماتة

الأخ/ أوسلي
لك الشكر أجزله على وصفي بقائد التجريدة الجهاديّة فى حق الموناليزا فهذا شرف لا يدانيه شرف ومثله ما وصفني به أحد الإخوة من قبل: القائد الميدانيّ لمعركة الموناليزا رغم أنّي لم أفعل يومها أكثر ممّا فعله غيري من الحريصين على خلوّ المنبر من المساس بالمعتقدات بتلك الطريقة المبتذلة، معروف للجميع أنّ معظم أهل المنبر -وليس أحمد الريّح وحده- ثاروا لما كتب باسم الموناليزا واستجاب الأخ/ بكري أبوبكر أمين الموقع لمطالبهم الملحّة بحذف العبارات المنكرة وإيقاف صاحبتها، يا عزيزي لقد اختارت صاحبة الشأن اسما آخر تكتب به منذ فترة ولا أرى سببا منطقيّا يسند مطالبتك بإعادة اسمها الأوّل الذي لم تطالب هي بإعادته! كما لا يخفى على فطنة أحد أنّ كلّ ما كتب في شأن الموناليزا لم يكن يعنيها شخصيّا فما الموناليزا إلا اسم مستعار لا يشي بهويّة حامله وما أسهل الاعتذار لها إن ثبت أنّ أحدا سطا على (كلمة سرّها)، على أيّة حال تبقى مطالبتك مشروعة رغم اعتراضي على توقيتها الذي لم يكن مناسبا للظروف التي يمرّ بها الأخ/ بكري والمنعطف الحادّ الذي يمرّ به المنبر الحرّ... يقولون يا أوسلي إنّ لكلّ حادث حديث وإنّ لكلّ مقام مقال، فما رأيك؟
واستميح الأخ/ بكري عذرا في استعارة عبارته التي يقصد بها صرف أعضاء المنبر لما من شأنه الدفع بالمنبر لمراقي الموضوعيّة وما ينفع الناس: يللا يأ أوسلي... لي قدّام !
أحمد الريّح

مع اني لم احضر زمن اختنا الموناليزا
ولكن اثق في اخي اوسلي ....اوقع انا بكامل قواي

تولوس

المرة دة حزب ديمقراطي واللا جمهوري؟؟
غايتو انا وقّعت !! وربنا يسوي الفيه الخير

لا اعرفها بل اعرف اوسلي
احب اللوحة عادت الموناليزا وعاشت الموناليزا وتبقي بيننا الموناليزا