Post: #1
Title: من واقعنا الرجل السوداني وغرفة الولادة ....بقلم تسنيم
Author: garjah
Date: 08-08-2004, 01:16 PM
Parent: #0
الولادة من اصعب المواقف في حياة المراءة ابتداء من
الحمل ومشاكله الي لحظات الولادة وهي لاتضاهيها
اي الالام في الدنيا واي ام تتوقع نفسها ممكن تموت
في الولادة لذلك في تلك اللحظات العصيبة تحتاج
المراءة من يقف بجانبها ويؤازوها معنويا ولذلك تجد المراءة
عندنا في السودان تكون محاطة بالاهل والجيران
والمعارف والاصدقاء ا ولكن في الدول الغربية المعاناة
اكتر من حيث عدم وجود من يقف معك وطبعا في
هذه الدول الرجل هو الذي يقف مع زوجته .
صاحبة هذه القصة شابة تستقبل اول مولود لها
وحيث الهم والارق بالذات في المرة الاولي اصرت انه
زوجها لازم يدخل معها وبعد الولادة ذهبت الي
السودان وقامت حبوبتة قالت ليها والله يا بتي
كان شوفتي كنا قلقانيين عليك قلق والليل دا ما قاعدين ننومه وكيف تلدي براك
وقالت ليها ما لقيتي ليك زول يا بتي يكون معاك
في الوقت داك ويثبت قلبك قامت البت جاوبت ليها بكل براءة انه
زوجها كان معها في غرفة الولادة وطبعا المحل
مليان نساء الحبوبة سكتت وخجلت شديد وبعد ذهاب النسوان قالت ليها دا شنو يا بتي السويتي دا
وكمان تحكي بيه قدام النسوان ووب علينا شوف
الجراءة وقوت العين تدخلي الراجل معاك ووب علينا
من بنات الزمن دا نحي ونشوف معاهم كتير هسي
يا بتي الكلام دا احفري ليه من هنا ودسي الليلة
حبوبته كان سمعت وا فضيحتي اودي وشي منها
وين وهسي الكلام دا يكون لف الحلة بيت بيت.
هل الموضوع هذا يعتبر تقليل من شان الرجل السوداني
واذا اضطرتك الظروف ان تكون في هذا الموقف هل هذه
تعتبر نقطة سوداء يتندر بها اصحابك او اهلك لذلك
تحاول ان تخفيها ولا رايكم شنو ؟؟؟؟؟؟؟؟؟؟؟؟؟؟؟؟؟
|
Post: #2
Title: Re: من واقعنا الرجل السوداني وغرفة الولادة ....بقلم تسنيم
Author: theNile
Date: 08-08-2004, 04:38 PM
Parent: #1
حبوبه وعجوز انتى حتشتغل بها دى كلام حبوبات سى
|
Post: #3
Title: Re: من واقعنا الرجل السوداني وغرفة الولادة ....بقلم تسنيم
Author: قلقو
Date: 08-08-2004, 10:13 PM
الأخ قرجة..
هى خلاص بقت على دخول الرجل غرفة الولادة؟ ماهو دخل غرفة النوم ليلة الدخلة وعمل السبعة وذمتا..وبعدين ياخى ماهو الرجل طرف اصيل فى اضافة تعيس جديد لتعساء الشعب السودانى..عموما هى تقاليد بالية فى طريقها للزوال شئنا ام ابينا..
اخونا قرجة عملت لى شنو فى موضوع الكمبيوتر البلوشى ؟
ماتخاف التخليص والجمارك على..انت بس قول خير.
لكن ياقرجة لو عملت لى اضان الحامل طرشاان شاء الله ماتلقى نفر واحد يشتريه منك ويكون قاعد ليك كدة فى حلقك زى شوكة الحوت لاتنبلع لا تفوت.
مع تحياتى.
|
Post: #4
Title: Re: من واقعنا الرجل السوداني وغرفة الولادة ....بقلم تسنيم
Author: garjah
Date: 08-09-2004, 03:13 AM
Parent: #3
النيل
قلت لي عجايز نفتح ليهن
بس برضو بيقولو انك لو حضرت ولادة الحكاية عندها اثار كتيرة
منها ممكن الشغلة تمسخ ليك ؟
عرفت ؟
قلقو
السبعة عرفناها بس ذمتا دي شنو ؟
اسمع لو اديتك حقي ارد عليك بي شنووووووو؟
يعني يبقى عندك اتنين وانا اضرب الروري ....والا فكرك امشي لي ود
خالي كولا اخد كومبيوترو شدة ؟
الزميلة تسنيم
نحيك في غيابك الذي طال عن المنبر ونتمنى عودتك سريعا
خاصة المواضيع السخنة
|
|