Post: #1
Title: وابكى انا على وطنى ويضحكون هم
Author: Halema2
Date: 08-04-2004, 06:17 AM
اتيت صباحا الى العمل وانا حزينه ومليانه هم وخوف على وطنى الحبيب...
قابلتنى زميلة لى فلسطينيه وسالتنى ...ايش اخبار السودان؟ الحال مو زين ..هيك ..وبدا الحوار بينى وبينه عن دارفور والماسأه والتدخل الاجنبى وحل المشكله..
وطال الحديث وتنوعت اللغات ,,فقد دخل احد الهولنديين فى الحديث وزاد عدد المتحاوريين وصار المكان حلقة نقاش عن وطني الجريح ..
كل له رأيه الشخصى والذي المنى وابكانى رأي تلك الارتريه التى تقول ان السودان بلد فقير جداجدا ولا يقارن بالعراق وافغانستان وان التدخل الاجنبى اسلم حل ...وووو...
وبدأت ان فى التوضيح وكنت السودانيه الوحيده ..كان هناك 2 عراقيين و2 ايرانيين و1 افغانى و2 اثيوبيين ا بروندى والبقيه هولندييين و2 مغاربه
وفجأة وبدون ان احس بكيت من دواخلى ودموعى سالت...
وماذا فعلوا هم نسيو الموضوع ودخلو فى اخر وكان الاخر موضوع مضحك ...وصاروا يضحكون وكنت ابكى انا على وطنى الجريح الذى اصبح ملطشه ...واه واه
ولكن ماذا فعلت اليوم التالى..قمت بتقديم محاضره عن السودان عامة ومشكلة دارفور خاصة لتوضيح الكثير لهولاء البشر عن السودان ذلك الوطن القارة وحقيقة كنت اخص بحديثى هولاء العرب اجهلاء الذين لايفقهون شئ ..
اهم شئ اننى هذه المره لم اكن لوحدى ، فقد شاركت معى الصديقه العزيزه امال...يديها لعافيه
تحياتى
|
Post: #2
Title: Re: وابكى انا على وطنى ويضحكون هم
Author: مارد
Date: 08-04-2004, 11:04 AM
Parent: #1
الأخت العزيزة حليمة
تحياتى .. الف سلامة ليك ، وأمنياتى لك بموفور الصحة .. شئ محزن ويبكى فعلاً .. لك الله وللسودان وناسه ياحليمة .
|
Post: #3
Title: Re: وابكى انا على وطنى ويضحكون هم
Author: تاج السر حسن
Date: 08-04-2004, 11:28 AM
Parent: #1
العزيزه/ حليمه ، تحية وأحترام
لست وحدك سيدتى نبكى معك دما، فنحن بين مطرقة التدخل الأجنبى وسندان الأنقاذ.
هذا السودان العظيم الذى اصبح ملطشه الان ، للأسف الشديد الكثير من أبنائه لا يعرفون قدره ، من قبل قلنا ان اخواننا الأثيوبيين وألرتريين رغم تقديرنا للكثيرين منهم ، لكن تحملناهم أكثر من ثلاثين سنه، وهم أكثر من 5 مليون، ولم يتحملونا 15 سنه وعددنا لم يصل الى نص مليون.
كان معنا واحد فلسطينى هنا بالأمارات ، يعمل فى مجال اللحوم السودانيه واغتنى من ذلك ، يسكن فى أحسن بيت ويقود افضل عربيه، مرة تحدث فى وجودى على هذه الطريقة المستفذه( السودانيين مساكين فقارى ...) ، فقلت له هؤلاء الفقارى هم سبب الغنى الأنت فيه !!
فكيف يكون فقيرا من جعلك غنيا؟؟
صدقينى يا أختى العزيزة الصورة المستقبلية قاتمه ولا حل الا بالوقوف امام التدخل الأجنبى وفى نفس الوقت ان تذهب الأنقاذ ومعها قوانينها المسيئه للأنسان.
|
Post: #4
Title: Re: وابكى انا على وطنى ويضحكون هم
Author: Halema2
Date: 08-06-2004, 01:42 AM
Parent: #1
الاخ مارد
سلام وتحايا وشكرا للسؤال
الاخ تاج السر
شكرا للطله
وهكذا اصبحنا ملطشه فى نظر البسوا
والمابسوا ...اه يا وطن
معزتى
حليمه
|
Post: #5
Title: Re: وابكى انا على وطنى ويضحكون هم
Author: الجندرية
Date: 08-06-2004, 01:58 AM
Parent: #1
الغالية حليمة
لك التحية والاحترام وانت تحملين هم الوطن حيثما كنت
بركة بالشوفة
رسلنا ليك كيمان السلام مع ابو مهند لكن اظنه نام بيها
|
Post: #6
Title: Re: وابكى انا على وطنى ويضحكون هم
Author: Halema2
Date: 08-06-2004, 02:06 AM
Parent: #1
جندريه يا عسل
سلام
والله هم الوطن حمانى الشغل ، اليوم كله اشاكل واناقش ووو ....ربنا يهون
ابو مهند دا غتيت بقى ، ما كلمنى ، بس فالح يحبطنى ويقول لى البوست بتاعك مافى زول اشتغل بيهو..
تحياتى
حليمه
|
Post: #7
Title: Re: وابكى انا على وطنى ويضحكون هم
Author: theNile
Date: 08-06-2004, 11:24 AM
Parent: #6
الاخت حليمه المشكله ليست فى العرب او الافارقه المشكله فينا نحن السودانين من غير زعل نحنا شعب عوير وهبيل وبعضهم بيضحك بعقولنا الصغيره ىيقول السودانين شعب طيب ومتعلم لقد فتحنا بلدنا الارتريين والاثيوبين والشادين والفلسطين عندما طردوا من لبنان وتم قتلهم بالعرب مثلهم اللبناتين وساعدنا ارتريا فى نيل الاستقلال بفتح بلادنا اليهم ونفس الشى فى شاد والنتجه شنو حربا ومعادتنا
كثير من ابناء السودان يحملون ارقى الشهادات الاكاديميه ولكن ماهى الفائده الحياه مختلفه تماما عن الكتب والنظريات يجب ان نتعلم من الحياه
|
Post: #8
Title: Re: وابكى انا على وطنى ويضحكون هم
Author: Halema2
Date: 08-09-2004, 04:48 AM
Parent: #1
الاخ the nile
سلام
والله صحيح ما قلت ونحن زاتنا نستاهل عشان بنتشبك فى العرب ونصر انو نحن عرب..
شكرا للطله ولك التحايا
حليمه
|
|