الاسبوع الجاى انا من بورداب الخرطوم / ودعت ابو ظبى فودعدتنى بهذه القصيدة

ودعت مركز رقابة الاغذية والبيئة ببلدية ابو ظبى
وفى حفل وداعى ودعتنى الدكتورة سامية عبد اللظيف بهذه الابيات نيابة عن اسرة المركز .
كنت اعمل امينة المكتبة بالمركز ،،،
فبدأت تقول :-

آمال هى الآمال جاءت حلوة تتبختر
بها الطاقات اشتعلت تملك همة لا تفتر
تساعدك ! فتسعدك ، وكم فى سحرها تؤثر
تجود عليك فى كرم كمزن مثقل امطر
اذا ما المكتبات بدت صمت اخرس وضجر
ففى دنياك واحات وآفاق وعلم ارتقى تطور
منحت ( المكتبة ) روحا فخلت الكتب تتحسر
تكاد تنادى لتؤكد انا منكم فقد خطانى قلم بشر
انا منكم احس بكم لست بماضى لست خبر
كما الايام ادنتنا كذا السنوات والاشهر
وعاشت فى خلايانا حكايات لها نذكر
قرصا خالدا مدمج من الكلمات والاسطر
وصور كم هى ازدانت بروحك طيبة المعشر
بحلل اكتسيت بها انيقة جميلة المظهر
وعطر قد سرى منك كطيب العود والعنبر
ورد زان لليدين وللقدمين قد عطر
بين سواده اللامع طل جبينك انضر
فأى تنائى يا آمال على ابعادنا يقدر
فأنت زرعت للوصل فأورق شجره اخضر
مد جذوره فينا وأضحى بدمنا يكبر
نحن لكم سعدنا به وها هو للبعاد قهر
اذا امتدت موائدنا تجمعنا لكى نسهر
سنذكر مائدتك لنا عطائك كرمك الاكبر
لئن نسعى لتقديرك فانت نعم به اجدر
كل الحب نهديك كما اهديت بل اكثر
ادعوا الله يعطيك بفضله جنة الكوثر
ويجمعنا بك دوما ويجعل عيشنا ايسر

******************


فقلت لهم :--

الاخوات الزميلات ،، الاخوة الزملاء
ونون النسوة تتقدم جمع المذكر السالم ، فى هذا الموضع بالحميمية والدفء امتدادا لعشرة وصداقة وزمالة كريمة اعتز بها وافاخر ما حييت بها ، لانها تعدت الحواجز وتخللت مجارى الدم واصبحت كائنا حيا يمشى بيننا بالرضا والمحبة والخير والرجاء ، وكما كان الاخوان الزملاء كبارا ، ودثارا ، واخوانا لنسيبة وفاطمة ، نجدهم بيننا فى كل نازلة وفرح ، يجاملون ، ويباشرون ، ويناصرون ، صار الرابط الاجتماعى بالمركز مضربا للمثل وشيئا يحتذى به .

تعدوا الريح وتتسابق الايام والليالى ، خصما من رصيد الجماعية والتلاقى ، وتثبت فى الارض اوتادا من الفضيلة ، وقلاع من العزة والشموخ ، مكتوب عليها مركز رقابة الاغذية والبيئة ببلدية ابو ظبى .

هى ايام من عمر الزمان كان لنا فيها شرف الانتماء لاسرة هذا المركز وهذا البلد المضياف ، حقيقة لقد كان الوطن مركزا والمركز وطنا واهلا .

فلم استطع ان افرق بين هذا وذاك ، وانا اساهم مع اخوة افاضل فى بناء وطن قادم عبر النجوم ، بالريادة ، والزيادة ، والفضل ، والفخر ، والسمو ...

حتى قضت الايام بيننا امرا كان مفعولا ، فكل الاشياء الى زوال والى انتهاء ، ودورة الحياة تتجدد ، بالابتداء ، والانتهاء ، والحضور ،والغياب ، والموت ، والحياة ، ودوام الحال من المحال ... انا فى رحلة العودة للوطن الام ، استميح جمعكم الكريم عذرا وسماحا ، ان بدر منى ما يسىء لاى احد منكم ، فى غفلة او سهو ( فسجود السهو استدراك لغفلة الانسان ونسيانه ... وهذه سجدة للسهو ) اودعكم وفى الحلق غصة ، تسد منافذ الشهيق والزفير ، على امل ان نلتقى فى زمان قادم ان مد الله فى الآجال .

دعوا ظلالى مرسومة على رمل المسافة والطريق ..
دعوا ظلالى مرسومة على رمل المسافة والطريق ..

احبائى البورداب :-
عشت اجمل سنين عمرى فى هذا البلد المضباف .
دولة الامارات العربية المتحدة ( امارة ابو ظبى ) .
وطنى الثانى اكن لها كل الود والحب والاحترام .
انجبت فيها ابنائى وضاح وشيماء .
تعايشت وتحاببت مع جنسيات مختلفة من الجنسيين زميلاتى وزملائى بالمركز من :-
الامارات ، السعودية ، عمان ، البحرين ، العراق ، سوريا ، لبنان ، الاردن ، فلسطين ، المغرب ، تونس ، الجزائر ، مصر ، الكويت ، اليمن ، الصومال ، الهند ، بنقلاديش ، الباكستان ، ايران ، الصين ، بريطانيا ,
والغالبية العظمى من شابات وشباب السودان طبعا ، وسوف احكى لكم لاحقا من الخرطوم ان شاء الله عن هذه النقطة .

ان شاء الله ما اكون نسيت احد الاخوان او الاخوات .

تعايشنا كاسرة واحدة فى السراء والضراء ويضرب بنا المثل فى كل شىء تزاورنا فى اوطاننا ما عدا القليل بعد المسافة مع تقارب القلوب دائما عرفنا عادات وتقاليد بعضنا البعض مع الاحترام التام لها ،
هذه الجنسيات مخغنوا لوردى وللكاشف ولحنان النيل ومدحوا للشيخ البرعى ، ما اجمل عمى عبد الرحيم لمصطفى سيد احمد عند رقية المغربية وما اجمل المديح عند صفية من الامارات عندما تقول ، قالوا الحجيج قطع طالب نور البقع قلبى زاد وجع حمانى القيد منع ، تتغنى بها مع انهمار الدموع الغزيرة عندما تتعكس عليها الحجة وهى تعودت على الذهاب للحج كل عام . صارت الاماراتية تتكلم دنقلاوى والباكستانى يتكلم صومالى والسودانى يتكلم اردو مع الباكستانيين والخ الخ ،،،

حبايبى البورداب احببت ان اشرككم معى فى حفلة وداعى لدولة الامارات العربية المتحدة وبى احاسيس مختلطة من الاسى والفرح مع اختلاط الدموع ايضا ، كلى اسى لوداع اسرتى فى المركز ، وفرح لاستقبال وطنى السودان لى بعد اغتراب دام لسنوات وسنوات .

حبايبى البورداب عقبالكم كلكم ان شاء الله ..
قولوا آميييييييين ..

باركوا لى من الاسبوع القادم انا من بورداب الخرطوم ..

لووووووووووووووووووووووووووووووول

ام وضاح

العزيزة امال

جميل أن تنتهي تجربة الغربة و أنتي تحملين لها هذه
المحصلة الموجبة برغم مرارة الغربة و نتمنا لك حياة
اجمل و أكثر سعادة و هناء في رحاب الوطن و وسط الاهل
و الاحبة و لينا بي حالكم أن شاء الله و لن ننسي وعدك
بزيادة فاعلية بورداب الخرطوم و نثق في الاثر الايجابي
الذي سوف الذي سوف تضيفينه لالقهم و بهائهم
و نلتقي فوق عزنا قريباً ان شاء الله

رحلة سعيدة و اقامة هنيئة

الأخـت أم وضـاح تحية طيبة

ألـــف مـبـروك و سـعـيـدة إن شـاءالله العـودة للـسـودان

و بالتـوفـيـق إن شــاء الله

و ربنا إحفظك و أبو وضاح و كـل الأولاد من كـل شــر


و سـلمـي على السودان كـلـو.................

احبائى
نصار
وابو حسين
شكرا لكما والله انا فى غاية السعادة ، وان شاء الله حتكرهوا اليوم الودانى الخرطوم من كترت ما اعمل ليكم نشاطات وبرامج واهم حاجة اعمل جن لى ناس الحكومة فى الخرطوم زى ابو وضاح مجننهم فى الجرايد وانا حانقل ليكم كل ما يكتب عن الانقاذ فى البورد وكل فضايحهم لان ابو وضاح بسافر كتير عشان كده مقل ومقصر معاكم شديد .
بس خلونى اوصل الخرطوم واهلنا قالوا ( السواى ما حداث ) .
ابقوا معنا ،،،،،،

لكما الود والتحايا اعزائى نصار وابو حسين

ام وضاح

تذكرت:
السمحة قالوا مرحلة
بعدك الفريق
أصبح خلا
لكن (مرحلة) دي في أبو ظبي فيها بوليس موش؟
وأنت رحلتي مكرمة و معززة
فلك أجمل الاماني في الوطن!
بعدين انتو غربتكم بتنتهي أنحنا نسوي شنو؟
قالوا لينا خلاص انتو كنديين وهاك ياجنسية و جواز
وكمان نصوت في الانتخابات!
كنديين شنو يازول انحناسودانيين و بس.
لكن مافي زول عايز يفهم.
حتى اولادناحرشوهم علينا.
كان هبشتا الواحد ساكت يقول ليك: بضرب
ناين وون وون (البوليس عديل كدا يعني)!!!
لك فائق الاماني في الوطن انت و عصام و الاولاد
و سلمي لي
على البحبوني و بريدهم!!!
مصطفى مدثر

الاخ العزيز مصطفى مدثر
كيف الحال والاسرة الكريمة
والله يا مصطفى فى غاية الشوق عشان اشوف اولادك خاصة بشرى الحلو ونضيف
طبعا يا مصطفى موضوع مرحلة ده اسكت خليه ساكت ، مالك على يا اخوى
مرحله دى وراها طوالى اول سؤال يا حليله مالها عملت شنو ؟؟ ومرحلة من وين سجن الوثبة ولا سجن الصدر ولا سجن مخيرص يا كافى البلا ،
نحن مرحلين معززين مكرمين للوطن عايدين والعقبال للباقين ناس البورد الحلوين .

سابلغ سلامك ان شاء الله لكل حبايبك فى السودان بس دى امانة متعبة شديد لأن السودان كله بيحبك وبتحبهم .
سلامى لمنى والاولاد .
وساكتب ليك من هناك ان شاء الله .

ام وضاح

الاخت ام وضاح

ربنا يتم عليك نعمة الاستقرار بالوطن الغالي

وربنا يحفظ لينا سوداننا

حايفقدوووووووووووووك ناس ابو ظبي


لكن عزاؤنا الوحيد انك ماشه السودان وكفى

وربنا يوفقك ويحفظ ليك اسرتك

سلامات
وعوافي
اختي ام وضاح
شكرا كثيفا لهذا التشريف ويشهد الله انك ماخذلتيني قط..
شكرا كثيرا ان كنتي خير ممثل لنا هناك وكنتي عنوانا كريما لنا فاستحقيتي التشريف واستحقينا نحن الاحتفاء بـ اخوتك..
اسرتني كلماتك للوداع ففيها من الحكمة والعاطفة الجياشة مايسد الرمق ويغني البصيرة ..
والف الف حمدلله علي السلامة وآمل في ان تكوني متواصلة مع اصدقاء المهجر فهم كانوا زادنا ورفاقنا يوم فارقنا ارضنا الحبيبةوالرفاق ...
وكل الدعاء والمحبة لك ولابوظبي ومركز البيئة خصوصا والي الوطن الذي اسدلنا عليه الجفون فوطناه في حدقات العيون..
والمحبة نيلين وشواطيء حنين

الاخ العزيز عبد الله بابكر
لك شكرى وتقديرى وان شاء الله حيكون فى تواصل دايما مع كل الاحباب
وعقبالكم انتوا حدكم وين .
كلكم راجعين .
لك الود

ام وضاح

الاخ ود رملية
والله بعد كلامك ده ما عارفة اقول شنو ؟؟؟؟
كلامك حنين حنية الوطن والاهل والاحباب .
ساتواصل من الخرطوم مع كل حبايب المهجر ان شاء الله .
ديل بقوا جزء لا يتجزأ احباب المهجر بل بالعكس يا ود رملية حوجتهم لينا بقت اكتر من زمان .
عشان نطمنهم على الوطن وعلى العقاب .

اشكرك على كلماتك الانيقة .
ولك الود

ام وضاح

أم وضاح الانسان هو من يصنع لنفسه السعادة والشقاء وأنتي بفطرتك المجبولة على الخير ومحبة الناس جعلتي من غربتك وطن ومن معاناته سعادة ومن أناس من أصقاع الارض أهلا وأحبة وصحبة
نتمنى لك عوداً حميداً لإحضان الوطن وستكتمل سعادتك إنشاء الله بالتربية الصالحة والتعليم المفيد لإبنائك وبناتك
هذه هي سنة الحياة
فاليوفقك الله في حلك وترحالك

الاخ العزيز
حبيب بلدو
والله صنعنا من الغربة وطن بالعلاقات الطيبة واظهرنا اجمل ما فينا
وتركنا بصمة جميلة وراءنا نحمد الله عليها كثيرا .
امس واحد سودانى اشتغل جديد فى دائرة بلدية ابو ظبى سأل اماراتى انت بتعرف حاجة عن السودان قال ليه انا عرفت ابو وضاح ومنه عرفت الخير الفى بلدكم كله .
كرم ، اصالة ، اخلاق ، تربية ، علم ، ده اسمه سودان الخير .
الحمد لله .
ام وضاح

ام وضاح
محل ماتمشي رجلك
الواطه ببقي لونها اخضر وسندسي وبالتوفيق

استاذنا الجليل
الموصلى
ان شاء الله ربنا يخضر ضراعك زى ما خضرت لى واطاتى
فى السودان وفى اى مكان .
وفى انتظارك انت وباقى اخواتك واخوانك عشان يكتمل السلام بيكم يا اهل السلام .
ولك الود ،،،

ام وضاح

ربنا يجعل ليك فى كل خطوة سلامة واسرتك الطيبة...
تحياتى...
أنور

الحبيبة الغالية آمال أم وضاح..

ربنا يكتب ليك السلامة في أي مكان تمشيهو ويضلل عليك من فضله أنتي وأولادك وأوبوهم..

لي رجعة تاني عشان أشارك في الوداع..

انور الملك
شكرا لمرورك
وانا راجعة ليك لكن عارف السفر ومشاكله المهم سوف اكتب ليك على الايميل بتاعك ، اما بخصوص الاولاد لما امشى حاوريهم الموقع وديل شواطين كمبيوتر خاصة شيماء لانها درسته مادة اساسية اجباريه من عمرها خمسة سنوات عشان كدة تخصص .

ام وضاح

أم وضاح الرائعة بالخرطوم
yeeeeeeeeeeeeeeeeeeeeeeeees

الاخت الاستاذة ام وضاح

تحياتي

امنياتي لك بحياة سعيدة موفقة بين الاهل في السودان

الحبيبة ماهيتاب
جاياكم على احر من الجمر
وحنعمل حاجات حلوة شديد
وايد على ايد تجدع بعيد
يا ماهى العسل

ولك الحب

ام وضاح

الغالى سيمباتيكو
شكرا لامنياتك الراقية
وانشاء الله عقبالكم كلكم

لك الود

ام وضاح

والعود أحمد
و كما قال الفنان
والغريب مهما طال غيابه×× مصيره برجع لي اهله وصحابه

الأخ أم وضاح .. امنياتي لك بالتوفيق ..وإن شاء الله القدامك عديلة

امال بيها امالنا تتبختر
اشعلت طاقاتها همة لا تفتر
كم فيها سحر يؤثر
كرمها مزن امطر
اذا فى المكتبات صمت ضجر
دنياها واحات علم تطور
على فراقها الكتب تتحسر
فهى منهم كانها خطاها بشر
انا منك لست ماضى وخبر
الايام قربتنا منها والاشهر
فلها فينا حكايات تذكر
كلام خالد من القريض والاسطر
صورتك خلقك ياطيبة المعشر
انيقة رشقيقة جميلة المنظر
تشم منها رائحة العود والعنبر

ورد زان لليدين وللقدمين قد عطر
بين سواده اللامع طل جبينك انضر
فأى تنائى يا آمال على ابعادنا يقدر
فأنت زرعت للوصل فأورق شجره اخضر
مد جذوره فينا وأضحى بدمنا يكبر
نحن لكم سعدنا به وها هو للبعاد قهر
اذا امتدت موائدنا تجمعنا لكى نسهر
سنذكر مائدتك لنا عطائك كرمك الاكبر
لئن نسعى لتقديرك فانت نعم به اجدر
كل الحب نهديك كما اهديت بل اكثر
ادعوا الله يعطيك بفضله جنة الكوثر
ويجمعنا بك دوما ويجعل عيشنا ايسر


ام وضاح ياذات الوشاح
قلنا نقلد البلبل الصداح
الذى كتب فيك بانشراح
ولكن قلم طاح
فوق البطاح

ربنا يهون طريقك فى السودان الحبيب
وتحياتى لصاحبة القصيدة التى لا تجارى

الأخت المحترمة آمال

تستحقى أن يُحتفَىَ بكِ . عشمى أن يستمر التواصل مع البورد من الخرطوم وألاّ تحرمينا من مشاركاتك الدسمة . ويابخت الخرطوم بيكِ .

كل الوُد والإحترام

عمر على يا اخوى عقبالكم كلكم
والغريب عن بلده مهما طال غيابه
مصيره يرجع تانى لى اهله وصحابه
(( ينسى آلامه وشجونه ))
دى اهم شىء يا عمر

ام وضاح

عزيزى سيف كلى
شكرا للمرور
وعقبالكم
نتلمه عند اهلنا

ام وضاح

العزيزة أم وضاح
كلام صادف أهله

Quote: لئن نسعى لتقديرك فانت نعم به اجدر كل الحب نهديك كما اهديت بل اكثر

وهنيئا لبورداب الخرطوم بيكي
و نطمع في استمرار تواصلك معنا
و ...كل الحب نهديك كما اهديت بل اكثر

السيدة/ أم وضاح
تهيبت إصدار قرار جريء ك قرارك هذا ، قرار العودة ، يراودني منذ فترة وبإلحاح ،أخضعه الآن لدراسة ومتابعة ، أنت مؤهلة لرفدها بتجربتك هناك والعزيز عصام محمد الحسن بإعتباركم وفد المقدمة ،في نجاح تجربتكم دافع لنا للعودة ،مع أصدق الدعوات بالنجاح والتوفيق.
عبرك تحايا للديم ، ومنتدى الخرطوم جنوب وحاجة آمنة عميدة المقرن ، وابوحراز

الحبيبة الغالية ست الحبائب ام وضاح

كيف ابدأ وماذا اقول لكن رب اخت لم تلدها امك كنت الاخت وكنت الصديقة وكنت الحميمة وكنت جامعة لكل الاخوات وحللت المشاكل والكرب - السمحة قالوا مرحلة بعدك ابوظبي بقيت خلا كنت العزاء فى الغربة وكنت الانيسه فى الصحبة انشاءالله مانفقدك بيشينة ياام وضاح واتمنى لك حياه حلوة فى ربوع السودان واهل السودان واتمى ان لا ينقطع حبل الود بيننا مهما طالت المسافات ستظلي ام وضاح فى قلوبنا

لك الود والاحترام لشخصك الكريم

بت القبايل

الأخت الأستاذة آمال
تحية لك وللأسرة
أرجو لك عودا طيبا، وأن تواصلي في مهمة الكتابة من السودان.. أكتبي في هموم الناس، وانطباعاتهم.. اكتبي عن انطباعاتك عن الاستقرار في السودان بعد الغيبة والمسائل الإيجابية والسلبية التي تعترضكم، فإن ذلك مفيد للجميع..

ولك الشكر..
ياسر

رجوية بت يمه
حبيبة الليل الضلمة
ورب اخ لم تلده امك
لكن انا والله اشك انه ما ولدتك امى

انا منتظراك للوداع
وان شاء الله ما آخر وداع

واحبك يا غالية

ام وضاح

أبو قوتة
البشبه الياقوته
ابو قصيدة مظبوطه
ابو كرفته مربوطه

مجاراتك خطيرة
وبطريقة جديدة
تقبل تحايا الدكتورة سامية
وتحياتى انا

وربنا يسعدك
يا ابو قلب ابيض وصااااااافى

ام وضاح

لؤى الراقى زى بوستاتك
ده وعد بس خلينى افضى من السلام
والحاجات الدسمة تفوت السودان تمشى وين ؟؟؟؟؟

شيلوا شيلتكم للردود
لك الشكر والود

ام وضاح

ندى امين المشرقة
مشكورة يا حبيبة
واوعدك على التواصل الدائم ان شاء الله
وابو وضاح عنده باب اسبوعى صفحة كاملة مواضيع حيوية وفيها الكتير من المفيد عن السودان والبلاوى الحاصلة فيه سوف انقلها لكم اسبوعيا ده كان ما لقيته فى بيت الاشباح !!!

لك الحب

ام وضاح

Quote: آمال هى الآمال جاءت حلوة تتبختر بها الطاقات اشتعلت تملك همة لا تفتر تساعدك ! فتسعدك ، وكم فى سحرها تؤثر تجود عليك فى كرم كمزن مثقل امطر اذا ما المكتبات بدت صمت اخرس وضجر ففى دنياك واحات وآفاق وعلم ارتقى تطور منحت ( المكتبة ) روحا فخلت الكتب تتحسر تكاد تنادى لتؤكد انا منكم فقد خطانى قلم بشر انا منكم احس بكم لست بماضى لست خبر

ام وضاح سلامات:

وحمدا لله علي سلامه العوده للوطن ..والاستقرار بالسودان ف:

بلادي وان جارت علي عزيزة 000 وقومي وان ضنوا علي كرام...

وهنئيا لاهلك ..وعشيرتك ..وبورداب الخرطوم بانضمامك اليهم... وعقبال عودة كل الطيور المهاجره الي حظيرة الوطن

مع تمنياتي بالتوفيق.. والسداد حتي نلتقي كلنا بارض الوطن,,,,

الاخ الغالى
ايهاب الطيب
لك التحايا
وشكرا ليك على المرور
وعقبالكم كلكم فى رحلة العودة للوطن الحبيب
اجمل حاجة انك تترك بصمات جميلة لكى يذكروك بها
والحمد لله لقد تركت خلفى كل ما هو جميل
ولك الود
ام وضاح

عد يا ابو ساندرا والعود احمد
عد ياابو البنات
السمحات
الناجحات
الفالحات
المؤدبات
المجتهدات
المحتاجات
لابو ساندرا يقعد جنبهم وجنب رشوده الشقيانه وتعبانه
والغربة ما بتنتهى يا اخوى دايره قناعة شديد وقرار نهائى لا رجعة فيه ...

والسودان حلو شديييييييد

ولك التحايا

ام وضاح

ابو ساندرا
سوف لا انسى تبليغ تحاياك ان شاء الله
لشارع الديم كله
وللمقرن وللاستاذة الخالة الفاضلة امنة عطية عميدة المقرن وعميدتنا التى نفتخر بها .
ولابو حراز الظريف انا اول مرة اعرف انه من بورداب الخرطوم افتكرته من الرياض سابلغه تحاياك .

ام وضاح

العزيزة بت القبايل
لقد اخجلتى تواضعى
وما عندى شىء اقوله غير انك
بت القبايل



وكفى

ام وضاح

الدكتور الفاضل
ياسر الشريف

اول حاجة قبل ان اشكرك اسالك
لماذا عادت المجلة رجعت للعنوان للتاكد فلم اجده ماذا حدث لازم تصلك هذه المجلة اكتب لى عنوان اوضح ، انا مصرة اكتر منك فى ان تصلك هذه المجلة ، اكتب لى سريع يا دكتور .

واشكرك للمرور والوداع وانا كما وعدت اخوتك ساواصل بما هو مفيد وسلبى وايجابى فى الوطن الحبيب .

توقعوا منى الكتير باذن الله تعالى .

ودمت اخا فاضلا اعتز به .

ام وضاح

اين انت يا دكتور ياسر الشريف

ام وضاح

مرحب بيك
ام وضاح
تجي الخرطوم
نشوف وضاخ
وابوه معنا فى نصف الدائره

المهندس
ابو شنب مهندس ( بفتح الدال ) كما وصفك ابو وضاح ،،
لك الشكر
والله بس اوصلكم والدارة ذاتها تقصر .

ام وضاح

ام شيماء
جد لعمرك يا يمه
عقبال لينا كلنا ربنا يلم شملنا
فرحانة ليك من جوة قلبي والله

الجندرية حبيبة القسا
الظريفة
ان شاء الله تفرحى بوليداتك وابوهم
وعقبال ليكم كلكم يا حبايبى .
تتلموا فى سودانكم ومعاكم ابو مهيار كمان .
ولك الحب

ام وضاح

العزيزة أم وضاح
تحية وتقدير بغير حدود

والله دي حاجة غريبة جدا، أن ترجع المجلة.. وهاك العنوان بتحديد أكثر:

Dr. Yasir Elsharif Elmalih
Raiffeisenstr. 24 Eingang 2
39112 Magdeburg
Germany

وأنا شديد الأسف لما سببته لك من مشغولية.. ولن أنسى هذا الموقف طول عمري يا أستاذة آمال..

ياسر

عزيزى الفاضل
دكتور ياسر الشريف
انا زعلت لما رجعت المجلة لكن عرفت الان السبب كان فى رقم ناقص اتاكدت منه بعدما انت كتبت عنوانك تانى .
ارسلتها اليوم وسوف تصل باذن الله تعالى .
ومافى اى مشغولية ودى ابسط حاجة يا دكتور وغالى والطلب رخيص
لك الود

ام وضاح

الغالية ام وضاح
هنيئا لك كل هذا الحب
وانت تستحقينه لا شك
ويا ريت كلنا زيك نتحلى بنعمة الرضا
التي ما من سواها يحمل على السكينة والطمأنينة
كتب الله لك الخير والعافية والسعادة في اي مكان كنت
والى لقاء قريب في السودان

تحياتي
زولة123

بختك يا ام وضاح
بخت الخرطوم وترابها
بخت نيلها وناسها

وسعادتنا بالتواصل معاك

ام واصل

العزيزة أم وضاح

دعواتنا لك بطيب الإقامة في أرض الوطن الحبيب ..
لك كل التقدير والإحترام ..
ويا بخت بورداب الخرطوم بالأخت أم وضاح ..

انت لا تتحلى بنعمة الرضا !!
انت الرضا نفسه .
يا زولة يا حبيبة .
سوف اتواصل معكم وعقبالكم كلكم ان شاء الله .
ولك الحب
ام وضاح

012369269
التلفون دا بعد 3 ايام كدا... بكون فيهو ان شاء الله...
فى خرتوم الفيل ...
اتمنى ان نلتقى هناك يا ام وضاح وابوه...

أنور

بختى انا بيك يا مشرقة يا حبيبة
سوف نتواصل باذن الله .
ولك منى كل الحب
وابقى عشرة على اخواتك ديل .

تحياتى ام واصل

ام وضاح

سلام يا الملك
علم يا انور يا كينج وسوف نلتقى فى الخرطوم
ولقاءك شرف لنا يا انور .
وتورى اولادى موضوع الموقع .

ام وضاح

أهلآ يا آمال

ما بتقصري ، وأبوحراز المقصود هو المهندس عمر البكري أبوحراز ، عضو في منتدى الخرطوم جنوب ، ويمكن أن تدلك عليه الوسيمة بنت حاجة آمنة عطية ، أحتاجه في موضوع يتعلق برسالتي عن منظمة التجارة العالمية ، وعدني بالدعم ، لكنني ،كعادتي، أضعت رقم تلفونه الموبايل

الاخ معتصم فضل الله
شكرا ليك
وعقبال عندك
وسابلغ تراب السودان سلامك
ولك الود

ام وضاح

ابو ساندرا
ابو البنيات
حاضريييين
على طول ارسل ليك رقمة
وشيماء ذاتها مداومة مع هدى بنت الحاجة امنة خلاص بقوا اديبات
لك التحايا

ام وضاح

العزيزة الفاضلة :ام وضاح
يا بختك كتيرين مافي شك حاسدنك كدي عديل خاصة
واحد زيي ليهو من هذا السودان 18 سنة وعليك الله
تسلميلي على كل ذرة رملة فيهو وطل نيمة في الخرطوم
والأهم الشدرات الجنب بيتكم في المقرن والنيمة الكبيرة
القدام بيت ناس ابو وضاح في الديوم وكل زول هناك تلاقيهو
خاصة اهلي الغبش وقوليلم الخدر ود فاطمة بت ابوشنب يغريكم سلام
كيمان كيمان .. وسلامي كتير لكل ناس بيتكم واحد واحد خاصة العزيز شقيقك صلاح . وبالسلامةيا ام وضاح ودمت

ام وضاح

ازيك أها حتشرفى الخرطوم متين

ندعو لك بسلامة الوصول ....

والفين مرحبا.........

ناجى

الاخ العزيز خضر عطا المنان
لك السلام والمعزة
يبلغ ان شاء الله وانت ذاتك كفاك غربة
وسوف اذهب لخالتى فاطمة بت ابوشنب فى الكلاكلة واسلم عليها كتير
وانوم فى حوشها الما خمج والهمبريب الضارب وعواطف اختك الملكة
وبتها الفصيحها ديك الحافظة اشعارك كلها .
وسابلغ سلامى لاخواتى واخوانى
ولك الشكر والتحايا ،،

ام وضاح

قربت يا ود المك
الاسبوع القادم ان شاء الله تعالى
وحاجتمع بيكم ونعمل حفلة عشان تشوفوا غنى الحقيبة عند وضاح كيف ؟؟
حاااااااااجة كدة !!!!!!!

ولك الود
ام وضاح

تسلمي يا ام وضاح
ودي المحرية فيك يا بت الناس المبدعين
وعواطف اختي في انتظارك هي كمان هناك
وبتها الحلوة هدهد طبعا سوف تسمعي منها كتير
من شعري هناك ..
وان شاء الله يطيب ليك المقام هناك
سلمت طول عمرك ...

خضر