Post: #1
Title: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Abureesh
Date: 08-02-2004, 05:49 AM
من الذى يحكـم الســودان، ومن الذى يصـرح بإسـم الحكــومــة؟
عن الجزيــرة نت:
وصف الجيش السوداني قرار مجلس الأمن إمهال السودان 30 يوما لحل أزمة دارفور بأنه إعلان حرب، وتعهد بأنه سيحارب أي تدخل أجنبي في الولايات الغربية.
ونسبت صحيفة الأنباء الحكومية إلى المتحدث باسم القوات المسلحة السودانية الفريق أول محمد بشير سليمان قوله إن الجيش السوداني مستعد حاليا "لمواجهة أعداء السودان برا وبحرا وجوا".
|
Post: #2
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: نصار
Date: 08-02-2004, 06:50 AM
Parent: #1
العزيز محمد
حتي عثمان ميرغني وصفهم بالتخبط و العشوائية
و احصي لهم اربعة مواقف متاضربة
رفض القرار من قبل وزير اعلامهم
قبوله من قبل وزير الخارجية ثم مجلس الوزراء
التعبئة العامة بقيادة حزبهم و مشايخهم
ثم كارثة الناطق بأسم جيشهم الذي يتجاوز الواقع و يغالطه
فالاستعداد الذي اعلن عنه كلام في الهواء و لا داعي له اصلاً
الا اذا كان تهويش فارغ اجاد اداءه الصحاف و لم ينفعه بشئ
و ما من احد هدد باجتياح السودان ليواجه برا و بحرا و جوا
دارفور ما فيها الا ماء الامطار و المياه الجوفية و اذا كان
هناك تدخل فسوف يقتصر علي انقاذ اهلنا في دارفور علماً
بأن الاجراءات الملوح بها في القرار تستند علي البند
السابع من ميثاق الامم المتحدة و الذي ينص علي عقوبات
اقتصادية و ليس اجراءات عسكرية. لكن لو واصلوا في استهبالهم
و عنترياتهم الفارغة سوف يمهدون المسرح لغزو عسكري و حينها
لن تكون لهم المقدر للصمود و يضعون الوطن في مهب الريح
كنت اتحدث قبل قليل مع احد الاخوة في السودان و قد اقسم
لي ان الاغلبية العظمة المواطنيين يرون في التدخل العسكري
مخرج لهم و الوطن من قهر الجبهة.
و الله يجيب العواقب سليمة
|
Post: #3
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Anwar Ahmed
Date: 08-02-2004, 07:52 AM
Parent: #1
الاخ ابو الريش لنكن واقعيين ولتكون الحكومه السودانيه كدلك -اين كان الجيش السوداني عندما ضرب مصنع الشفاء -ولا الرادار في وادي سيدنا كان عطلان-لم ولن اغير موقعى المدافع عن الاسلام فى مواجهه اعدائه، ولن يصبح هذا الموقع يوما ما موقع المدافع عن طائفه ضد اخرى الحكومه السودانيه هلكت الشعب وتوجت نفسها ومن يناصرها بطلا عن طريق اتباع التيار المعاكس ومعانده الخط العام ماهكدا السياسه فالدين الاسلامي هو السماحه لا الاقتتال بين افراد وطن واحد.عليهم التوقف وتسليم السلطه للشعب-لا للمعارضه-ولا يقرنهم موقف العرب من التدخل الامريكي في السودان فما هم الا لاعبي يجيدون اللعب تحت الطاوله
انور احمد
|
Post: #4
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Elnasri Amin
Date: 08-02-2004, 08:04 AM
Parent: #1
الاخ ابوريش
بعد ضربه مصنع الشفاء ,,خرج سكان احدى القري الصغيره لاستقبال البشير,,و فى احدى اللافتات مكتوب
(قريه "" تحذر امريكا للمره الاخيره.)
هذا المره تحذير حكومى...
الفرنسيين على الحدود ,,فليبدوا بقطع العلاقات الدبلوماسيه مع فرنسا اولا ,بعد ذلك الحرب
تحياتى
|
Post: #5
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: بلدى يا حبوب
Date: 08-02-2004, 09:31 AM
Parent: #1
ابو الريش
كل ذالك ماهو الا فرفرة مذبوح فلقد اختلط الامر عليهم واصبحت ساسة الانقاذ يتحدثون عن الاعتراف بشرعية القرار ويطالبون بتمديد فترة تنفيذه ولكن تصريح الناطق الرسمى بالقوات المسلحة كشف الحقيقة وبتهاء المصداقية فى نظام الانقاذ اصببح كل شيئا متوقعا فمن نصدق القياده السياسة التى اعلن رئيسها بعد احداث رمضان بأنه كذب على الشعب السودانى اما القوات المسلحة فما هى الا رجال سياسة يتدثرون الكاكى .
|
Post: #6
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: ahmed haneen
Date: 08-02-2004, 09:35 AM
Parent: #1
الأخ ابو الريش
رجعنا تاني للمربع الأول
وتلك الكلمات المشروخة
والجمل الركيكة
والخطاب المتخبط
Quote: جهاد"
وفي معرض رده على القرار الاممي الجديد، قال الفريق محمد بشير سليمان الناطق باسم القوات المسلحة السودانية في مقابلة اجرتها معه صحيفة الانباء الرسمية: "إن القرار الذي اصدره مجلس الامن بخصوص الوضع في دارفور يعتبر اعلانا للحرب على السودان وشعبه."
واضاف: "الجيش السوداني مستعد لمواجهة اعداء السودان في البر والبحر والجو. فابواب الجهاد لازالت مفتوحة، واذا كانت هذه الابواب قد اغلقت في الجنوب فإنها لازالت مشرعة في دارفور." |
|
Post: #7
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Abureesh
Date: 08-02-2004, 10:20 AM
Parent: #6
"الجيش السوداني مستعد لمواجهة اعداء السودان في البر والبحر والجو. فابواب الجهاد لازالت مفتوحة، واذا كانت هذه الابواب قد اغلقت في الجنوب فإنها لازالت مشرعة في دارفور."
الأخ أحمــد،
إذا هـم أخطأوا إســلاميـا عنـدما كانوا يجاهـدون الغيـر مسلمين فى الجنـوب لمدة 15 عامـا، وكذلك أخطـأت القـرود التى كانت تحارب معهـم.
أما بنات الحـور المزعـومـات المسـاكين فلهن أن يطلبن الطلاق الأن، ويتزوجن من شهــداء الجنجــويــد.
دعنـا نرى بلاء قــرود جبل مــرة فى الجهــاد الأن.
|
Post: #8
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Asskouri
Date: 08-02-2004, 11:00 AM
Parent: #7
يا ابريش
ما تنسي انو الجماعه ديل عندهم ( بنك) وكميه من الشركات طبعا خايفين عليها ولازم يطلعوها يدافعوا عنها.
لكن حكايه ( بحرا) دي ضحكتني جدا.
يعني هسه الواحد يتوقعهم يهاجموا الاسطول الامريكي ويدمروه!!!
ياخي دا جيش تاريخه كله خزي من سنة 1955 وهذا الجيش يقتل في المواطنين السودانيين بلا هواده.
بعدين ياخي مصر ما محتله حلايب من 1995 الراجل دا ما بشوف ولا شنو؟
لحدي اليوم الجيش ما طلع بيان عن موضوع حلايب.
ساكتين التقول صابه فوقهم مطره.
كده خلينا من أمريكا اليورونا فلاحتهم مع مصر!!!!
|
Post: #9
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: ترهاقا
Date: 08-02-2004, 11:11 AM
Parent: #8
يا خوانا ما تنسوا،الملائكة حتحارب فى صف الجيش السودانى .
|
Post: #10
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Abureesh
Date: 08-02-2004, 11:44 AM
Parent: #9
الأخ عسكــورى،
الجيش الســودانى هـم أبناءنـا الذين أخـذوا على عاتقهـم الذود عن حياض الوطن.. وما لحقـه من دمـار ومن تسييس، ومن تفـويق المليشيـات المـواليـة عليـه، ليس أقل ممـا لحق بالشـعب الســودانى.. ولولا الإستخبـارات الجاثمـة على صــدره، لمـا ترك هـذه الحكومـة الفاسقـة يومـا واحـدا فى الحكـم.
ولقـد أستخدمتـه الحكومـة لضـرب اخوانهـم الجنـوبيين وشعب دارفـور الصـابـر، والأن الشـــرق.. وهـذا شـئ مؤسف أن يقاتل الجيش شعبـه الذى يدفـع لـه رواتبـه!!!
|
Post: #11
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Asskouri
Date: 08-02-2004, 01:03 PM
Parent: #10
يا ابريش
كأنك بتقول انه المخابرات حاجه غير الجيش!!! لو انا فهمتك صاح
يأخي ضباط الجيش في السودان ( علي الاطلاق) بفتكروا انهم أهم من المواطنببن المدنيين وبفتكروا انه المدنيين المفروض ( يخضعوا ليهم)، وإذا استثنينا القليين منهم ( كتيرون) منهم بفتكروا انه المدنيين ما( راجال)، ودي حاجه ولا قاعدين يدسوها.
بعدين هم ما يورونا هو الجيش السوداني دا في تاريخه كله، حارب وين غير اهلنا في الجنوب. يا تو دوله الحاربه السودان لمان تكون عنده بطولات.
انا ما عارف اذا اتوحيت ليك الفرصه واضطلعت علي كتاب العميد ابوغسان ( الجيش السوداني والسياسه)، يعني لمان تقراء الكتاب بتكتشف انه ضباط الجيش بعملوا في بعضهم عمايل، لا يمكن ان يتصورها عقل.
من المهم انه ضباط الجيش السوداني - الفي الخدمه والخارجها - والبلد مقدمه علي سلام، من المهم انه يقعدوا مع بعض ويناقشوا الحصل من 1955 وتتم ادانته بدون ( مجامله) ومن الضروري ان يتعاهد الناس علي اسس جديده تحكم سلوك القوات المسلحه بصوره صارمه.
أنا أعتقد انه من الخطاء ( بعد كل اللصار) ان لاتتم اعادة تقييم جذريه وشامله للقوات المسلحه، يقوم بها ضباط الجيش أنفسهم.
لانه والله يابريش الحصل فظيع جدا.
|
Post: #12
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Ishraga Mustafa
Date: 08-02-2004, 01:19 PM
Parent: #11
الاخ ابوالريش
انهم يقودون البلاد الى هاوية سحيقة
وسكونون مسئوليين مسئولية كاملة بانتهاك سيادة الوطن وشعبه
ولهم يوم
|
Post: #13
Title: Re: ما هـذا التخبـط؟ الجيش يعلن الإستـعـداد لمواجهـة الغـزاة.
Author: Esameldin Abdelrahman
Date: 08-02-2004, 04:01 PM
Parent: #12
ما فعله الناطق باسم القوات المسلحة هو تطبيق لمثل اجدادنا , انفخ ولو حملك ريش
الجيش زادوه موية زمان ,
|
|