الفاتح عروة مندوب السودان بمنظمة الامم المتحدة يذاد ضخامة مثل نظامه الفاسد

أعزائي :

لفت نظرى اثناء متابعة وقائع جلسة الأمن لمناقشة موضوع مشكلة دارفور ، أن مندوب السودان وكادر أمن الدولة صاحب التأريخ الأسود أبان عمله فى جهاز امن نميرى ودوره الفعال فى تهريب الفلاشا لدولة العدو الصهيوني أبان حقبة نظام مايو المغبور وجهازها الفاشستى (وأن الطيور على رؤوسها تقع )، بحكم أننى لسنوات خلت لم التقى به او اشاهده فرأيته قد اذاد ضخامة وصحة ماشاء الله ولكن اكيد من عرق جبين ابناء شعبنا البسطاء ودافعى الضرائب والاتاوات لنظامهم الديكتاتورى ، ولكن اهل دارفور مشردين فى الصحاري والمعسكرات وتسلم دولة البرنامج الحضارى حامة لواء الدين الحنيف !!!!!!!!!!!!!!!

قول (ما شاء الله)

هلا يازول ، شاكر لك مداخلتك معى ، نعم قلنا ماشاء الله ولكن نتمنى ان يكون على حساب شعبنا المغلوب على امره الذى يقتله لان الجوع والمرض والحرب اللعينة بسبب سياسة النظام الظالمة الفاشلة .

يا ديموكراسى ، نحاسب منو ولا منو ؟ فالقائمة طويلة ، ولكن السؤال الأهم:

متى وأين وكيف نحاسبهم؟؟؟ فالظلم ما زال جاثم على صدورنا ، والقبضة قوية كما ترى ، أم يا ترى ننتظر الأمريكان للخلاص ، ويركبنا (خازوق) ما يطلع ليوم الدين

متى وأين وكيف يا ديموكراسى؟؟؟؟

يا ديموكراسى

والله أنا ذاتى لاحظت المسألة دى

ودا مفروض يكون دفعتنا

والله أنا ما حاسده

لكن شايل ليه هم كيف شايل البلوة دى كلها براهو

شوف بالله عذاب الشيل

اللهم لا شماتة

ربنا يزيده من نعمته ،

هلا بالاستاذ صديق ضرار ، ويافرحتى بطلتك علينا .

الفاتح عروة

سلام للجميع
لا حول ولا قوة إلا بالله. هو بقي كده؟ الشى ده تقول بياكل مع عمايا

يا حامد

والله عيب عليك

ملك بتفضح بى الدفعة

أقصد الدفعة كلها ـ فصاحبنا براه بقى دفعة

الاخ حامد هاجر

شاكر لك مشاركتك فى البوست وانزالك صورة كادر امن الدولة الذى اعتلى اعلى المناصب الدبلوماسية السودانية فى المنظمة الدولية بعد ان افرقت الخارجية من كوادرها الدبلوماسية المشهود لها بالكفأة ، وحل محليهم كوادربقايا مايو وتنظيم الجبهة وهى خير دليل .

يا شبـاب الحكايــة؟

دى حــرب سـحـريــة واللا شنـو؟