رجاء...اليوم الخميس....في الانتظار

انا حجزت اول كرسي ومستنية نصيبي
وعدتينا باخبار جميلة
فكلنا سمع
(قلت بس اذكرك )

زولة123

زولتنا الجميلة

عاد الشمار كاتلك زى والله انا قربت اسافر القاهره آخد نصيبى واجىء راجعة
يا اختى روقى المنقة شوية الليلة الاربعاء ونصيبك بجيك انا بديك من نصيبى لو ما حاقت لانو الصف طويل وانا ختيت الكرسى بتاعى من يوم رجاء قالت

بالمناسبة الصورة البديلة للبنفسج جميلة جدا ومعبرة ومنحازة.... لشنو خليها فى سرك

ويلا ننتظر لبكره لو ماالشمار كتلنا

ويارجاءءءءءءءءءءءءءءءءءءءءءءء حصليناوانفذينا

الحبيبة إشراقة..

لكن درجة حرارة شماركم مليون كده ..

تصدقي انا في ده كلو منتظرة متيييين تجونا في القاهرة..

اشراقتنا العزيزة
احنا الساعة عندنا عدت منتصف الليل يعني بقينا الخميس
وانا قلت اخذ وش البرطمان(كيف الانانية دي معاك؟)
عن الصورة طبعااعجبتني من اول نظرة واستبدلت صورتي في البروفيل بها
المصدر موقع صومالي جابته الاخت ليون
انسجام ما عادي والفة وضحكات بريئة, والله اشتهيت اقعد يمشطوني بدل البت دي
انا والمشاط حب قديم لم يشأ القدر تحقيقه لووول
من وانا صغيرة امي بتقول لي المشاط ما بنفع في شعرك وانا استسلمت لهذه المقولة
لاكن نفسي بتهفني عليه من ان لاخر

اها قلتي لي منحازة لي شنو؟
قولي ولا يهمك
واهو بنتونس لحد ما رجاء تجي

يا رجااااااااااااااااء
وينك

زوله عسل

راوية يا حبيبة..

ويييينك..؟ يعني من ما عرفتي المربى بتاعت شنو تقلت يا جميل ..




تخريمة: ليك وحشة..

مرحب يا راوية
طبعافي ناس بتمر عليهم الاخبار قبل الطبع
وبيتكلموا بكل ثقة زيك كدة
هنيالم

الحبيبة زولة واحد اتنين تلاتة..

ازيك.. تصدقي ما نسيت.. لكن العريس اتصل بي امبارح وقال انهم أجًلوا المشوار لبيت العروسة للخميس الجاي..

حأرسل ليك في الماسينجر .. لوووووول يا حليلو...

أصبري.. الموضوع حلو ويستحق..

و الله يارجاء شحتفتي روحنا ببرطمانية المربى القاعده بعيد في الرف و ماقادربن نحصلها. بعدين انتو براكم القايلين عندكم شمارات
كلنا عندنا شمارات و برطمانات مربى كمان بس خاتينها في أقصى ركن في دولاب المطبخ
أها يلا تعالوا حنسوني عشان أقولها ليكم

يا رجاء كل الهليمانه دى عشان عريس
الموضزع اكبرمن كده وخلينا فى الجد
ووين نصيبنا من البرطمانية

الحبيبة إشراقة..

هسع لو قلنا الموضوع شغل ولا تحضير ولا بحث ولا حاجة الناس يحبطوا ..

ذكرتيني صديقة كانت جاية القاهرة من باريس.. اتصلت بي تسألني عايزة تجيب لي معاها شنو.. ولما كررت سؤالها وانا بصراحة ما عرفتا اقول دايرة شنو قلت ليها بضحك: جيبي معاك عريس.. قامت قالت لي: يا زولة انا عايزة اجيب ليك حاجة مفيدة ..


لوووووووووول

ندوية..

عليك علي من بكرة نفتح واحد بوست معتبر عشان حكاية الرف دي.. انا زاتي عندي كمية نفسي تشاركوني فيها..


مشتاقة ليك بجد..

رجاء والله انا نفسي قصيـــــــــــــــر

جدا مابستحمل ليك لغاية الخميس الجاي

قلتي كان بها ماقلتي بتلقيني عندك في القاهرة اهو فرصه نشوف الحلوين............

لك ودي

نوف

يا رجاء حرام عليكي
تاني اسبووووووع؟؟؟؟؟

طيب انا بس باحذرك
انا عندي مرض اسمه
Shamar Syndrom
والحالة دي لمن تجيني عواقبة وخيمة
اكرر وخيمة
وكان ما مصدقاني مشي اسألي اي دكتور بوريك العواقب دي شنو
ذنبي في رقبتك
حتستني للخميس ولا حتوريني؟



زولة123

ندى
يا ربي جبتوا الطبع ده من وين انتي ورجاء
انا يوم بخلت عليكم بخبر؟
لاكن هانت
الله يديني خبر ادسه منكم زي ده
فضحتونا امام الاخوة البورداب

نوف
انتي برضو؟
شوفي اولها قصر النفس
وكان بقى فيها هلوسات اتصلي بي


تحياتي
زولة123

يا رجاااااااااااء

هاهو الخميس قد اتى مجددا
العريس مشى ولا لسه؟

تحياتي
زولة123

يازولتنا الحلوة

عريس شنو عليك الله
القضية اكبر من كده

بالمناسبة وين الصورة التانية، بتشجعنى على المشاط

لك ودى

غايتو بديها ساعتين امهم و ابوهم

جات جات ما جات ياني الفاتحه البرطمان



حتى لو العريس ما مشى

خلونا نفرح ياجماعه

رايوة العريس خليهو يمشى
المهم نصيبنا من البرطمانية

اشراقه يا عسل

الموضوع دا بالتحديد عريس

وعريس السرور كمان

ربي يهنيهم

والله تكون بالغت كان طلع عريس
انا قايلة الموضوع فيهو فائدة

لووووووووووووووووول

زولا واحد اتنين تلاتة..


غايتو لكن شفقة ما سبقك عليها زول..


عليك الله اصبري لغاية ما العريس يديني الـ "green light" وبعدها نفرح كلنا..




نوفا..

مرحب بيك في القاهرة.. ومن هسع منتظرينك..




راوية..

انا حذرت العريس منك انتي بالتحديد.. قلت ليهو الموضوع لو راوية عرفتو حتفرًح بيهو الناس..

قال ليك.. أصبري شويتين بس.. مش يمكن الفرحة تبقى اتنين ..




إشراقة العسل..

والله اليومين ديل الموضة والله أعلم "العرس".. عشان كده خلينا نسايرها شوية.. عشان تاني ننتهي من الحكاية دي..

Quote: والله اليومين ديل الموضة والله أعلم "العرس".. عشان كده خلينا نسايرها شوية.. عشان تاني ننتهي من الحكاية دي..

أنا دايره معاكم

اشراقة

Quote: عريس شنو عليك الله القضية اكبر من كده

انت عشان في السليم ما هاميكي؟
الصور احترنا عايزين الالق البنفسجي ولا المشاط؟
وما تغيروا رايكم

راوية
خليكي معاي احسن
اها واحدة واحدة
ولو الحرف الاول بس

رجاء
والله انا كلمتكم بالحالة وانتوا المسؤولين بعد ده
قولي ليه يستعجل بالله, البت يمكن تطير منه

smilewomen
دايرة شنو يا ستي
وبعدين حتى لو في تقسيم اقيفي في الصف من فضلك

زوله جيبي زهره بانسيه وفي ليله يكون فيها القمر بدر (ما شنا)
سمعي الورده فيروز بعد داك ختيها قرييب لي اضانك بتقول ليك اسمها هي










هي نسمه والله

Quote: هي نسمه والله

والله يا راوية النسمات كتار في البورد
عندك انا مثلا

لاكن اناشكلي قربت للحل الصحيح
مضطرة اسكت على كدة

زولا واحد اتنين تلاتة..

والله مع راوية الظاهر كده بكرة لما افتح البوست ده الاقي اسم العروسة محكًر ..

يا جماعة العريس قلبو قرًب يقيف ..



سمايل وومان الحبيبة..

اولا وييينك..؟ ولييه الغيبة دي..؟

تانيا اكييييييييييييد معانا في الموضة الجديدة بس ما تغيبي..

الحبيبة زولا واحد اتنين تلاتة العسل..

والحبيبات: إشراقة.. راوية.. ندوية.. نوفا.. وسمايل وومان..

أها جيتكم ببرطمان المربى الوعدتكم بيهو..

انا كنتا عايزة أبشًر بخطوبة.. بقى كتب كتاب عديييل ..



..

خلونا ننتظر شوية ..

Quote: انا كنتا عايزة أبشًر بخطوبة.. بقى كتب كتاب عديييل

ومن ورانا؟؟
دة كلالالالالالالالالالالالالالالالالالالالام دة
انتظرى مكالمة فورا

طبعا يا رجويه لو الشمار الانتي قاصداه الزمااااان داك أتخيلي اني عارفاه و لو ما مصدقاني كمان أسألي راوية

أنا ذاتي كان عندي برطمانية شمار لكن طرششششقت

لووووووووول يا لنًو..

ما قدر ده..

المشروع بتاعنا حيبتدي فيهو التفكير من "أول يناير" زي ما شعبان عبدالرحيم ما قال ..




ندوية..

آآآي ياهو زاااتو..

راوية لما قالت لي استغربتا.. قمتا طوالي عملتا اتصالاتي والذي منه عرفتا الموضوع ..

خلي زولا وضيفاتها ديل يشربو الشربات الأول.. وبعدين نحكي ..

قلتي لي برطمانيتك طرشقت..؟

ولا يهمك يا عسل.. حتعملي غيرها زلعة عسل بحالو..

ودي..

Quote: المشروع بتاعنا حيبتدي فيهو التفكير من "أول يناير" زي ما شعبان عبدالرحيم ما قال

همممممممممممممممممممممم يا رجوية
قلتى لى من اول يناير؟؟

لنًو..

بطلي الشمار هسع..

خلينا النشرب الشربات هنا الأول..

Quote: لنًو.. بطلي الشمار هسع.. خلينا النشرب الشربات هنا الأول..

شربنا الشربات
اها؟؟

Quote: أنا ذاتي كان عندي برطمانية شمار لكن طرششششقت

خيرها فغيرها

يا بنات أنا البرطمانه القاصداها و اللي هي طرشقت برطمانية شمار سوداني "أصلي" جيت أشيلها من رف المطبخ و اتكسرت و طرشقت...بالجد كده
قايتو يا بنات العباسي انتو بتحبو الشمار بشكل، عقبال ما نسمع بشماركم على حسب وعد رجويه في الأول من يناير

يا بنات النسألكم
انتوا أولاد الزمن ده بقوا تغيانيين كدة ليه؟
البوست ده من شهر سبعة, البنية واحنا معاها مستنين , ما مشى يخطب الا حسي؟
طبعا يا رجاء بكون مغتاظ من كلامي لاكن وصليه ليه على مسؤوليتك طبعا
الشمار وصلني زماااان, ولو ما كان وصلني تفتكروا كنت باصبر قدر ده
الله يخلي لينا راوية
ألف مبروك وفي انتظار الاعلان الرسمي والشربات
وعقبال كل العايزين

تخريمة لندا: قلت لي طرشقت؟ كييييييف لاكن؟

يعني يا جماعة الزول أصلو ما يقشر ليهو بمعلومة حلوة..؟

انا حالتي قلتا الخبر "سبق صحفي" اجي الاقي الحلة كلها عارفاهو..؟

..

طيب.. وكت قلتو كده النبارك لي الزميلة الشاعرة الجميلة نجلاء التوم.. وصديقنا الصحفي المعانا هنا وائل محجوب.. الغريبة طلال عفيفي صاحب الاتنين قاطع الحركة..

.
.

لنًو..

أها شفتي قلت ليك ما قدر ده لييه..؟

..
.


ندوية..

برطمانية الشمار زي الشمار المنتظرينو.. أخدت الشر ومشت..

وبكرة يجي سيد سيدو..

أوووبس اقصد .. سيد سيدها.. للبرطمانية ..

لووووووووووووووووووووول
.
.

زولا العسل..

وصيتك حتصل لوائل ومعاها لوم محترم.. عشان كان المفروض نحتفل بيهم قبل كده..

ماشة احضر لي مسلسل من الـ 50 بتاعين رمضان وارجع ليكم..

اسف اسف اسف جدا

يظهر انو انا دخلت غلط.
معليش امسحوها لى فى وشى
واوعدكم تانى ما بتتكرر



اقعدن عافيه.

محمد الشيخ زااااااتو..

ما معقولة..

وتقول آسف برضو..

وينك..؟

يــــــــاالله ... دا منو دا الدفرنى دا ....

هسه يقولوا علينا قاعدين نصنت عليهم...

لكن والله انا ما سرقته انا بس جييت اعاين...

لووووووووووووول يا زولا..

اهو انتي سألتي بس..

جوك اتنين قالو دخلو بالغلط ودفروهم ..

انا كنتا متأكدة الـ 600 القرو البوست ده ما البنات ..

ســــلام ود العباسية..

الناس الداخلين صاح والداخلين غلط سلام
ما شافة بوست تهنئة لسة ولا تبريكات؟
ندى زاغت ولا شنو؟

يا رجاء البوست ده ذكرني بوست بت القبايل تتذكريه؟
( اوضتنا يا بنات )
اي رايك نعمل واحد تاني؟
يعني للشمارات الزي دي وللونسة من اجل الونسة
من غير شعر وابداع ولا سياسة,حاكم بتزهج مرات

تحياتي
زولة12

زولا واحد اتنين تلاتة يا عسل..

موافقون على بوست اوضة البنات.. وتحياتي لبت القبايل..

وبالمناسبة سمايل وومان برضو مختفية.. اتمنى يكون المانع خير..

..

عليك علي البوست ده يتملي باخبارات حلوات من هنا لغاية.. أول يناير.. على قول شعبان عبدالرحيم ..

انا طبعا كنت ميت من الشمار لكن الحمد لله يا رجاء الفتيتيهو قبال العيد طبعا أنا بحكم انى بقيت من بورداب الداخل قابلت الرايعه نجلا فى احدى ليالى رمضان فى مركز عبدالكريم ميرغنى وهى لمن لا يعرفها انسانه شاعره ملهمه فهنيئا للاخ وائل وربنا يتمم على خير

ود الجعلي "المشكوش ".. زااااتو..

وينك يا راجل.. رجعتا نهائي للسودان..؟

وليه ما ظاهر مع بورداب الخرطوم..

يالله ادينا باقي الشمار..




ليك وحشة..

رجويه مليووووووووووون مبروك
وربنا يتمم على خير ويسعدك ويهنيك إنشاءالله

انت عارفه أول واحده تسأل من غيابى فى المنبر إنت
لأنى قليل جدا ما أكتب فيه
لكين بدخل وبتابع الحاصل كلما وجدت فرصه
تقبلى تهانى القلبيه الصادقه

و الحفله بى منو؟

الحبيبة سمايل وومااان..

يا مليون مرحب..

عليك الله تاني ما تختفي كده..

بجد فرحت لما شفتك هسع..







كوستاوي العزيز..

الحفلة بي "&||||||" ..