عبدالله السماني وحل الحزب الشيوعي والتحالف مع الترابي

كتب الخاتم عدلان:

معركة حل الحزب الشيوعي خضناها في مدني، وكنت ما أزال في الثانوية، وكان من اصدقائي عبدالله السماني وكان في الكلية المهنية بمدني وهي بعيدة عن المدرسة الثانوية ولكن كلنا كنا في مكتبة الطلاب الشيوعيين في مدني، وكان هناك في المدرسة العربية تاج الأصفياء ودخلنا الحزب في نفس التاريخ، شاركنا في موكب في مدني وكان عبدالله السماني منفعلاً جداً حيث أحرق نفسه في الموكب بعد أن صب جالون جاز على نفسه وكان يندد بالمحجوب والصادق المهدي ويهتف حتى توفى..

ماذا يقول نقد وكدوده اليوم؛ وهم يسعوا للتحالف مع الترابي الذي حلهم في الستينات؛وحاربهم عبر اربعين عاما؛ وسام الشعب السوداني العذاب؛ وكان عرابا للمجازر والتعذيب والتصفيات؛ ماذا يقولوا لروح عبدالله السماني؟



عادل

ماذا يقول نقد وكدوده اليوم؛ ؟؟؟؟؟


هو وين الحزب الشيوعي ؟؟؟

الحزب الشيوعي بقا زي الجامعات السودانية العملتا الجبهة الاسلاموية عبارة عن يافطات بها الاسم فقط

هسه انت فى الظيطه دى كلهاوالبلد ماشه فى هاويه حمت وفتشت وده اللقيتو تجيبو فوق!!!!!!
اها انت الما يافطه ده عملت شنو!!!

Quote: لقد دخلت البلاد فعليا مرحلة الصوملة والافغنة التي حزرنا منها واكتفينا فقط بالتحزير ونستعد الان للحظة علاوي وكرزاي

اكتفينا بالتحذير دى يعنى شنو؟؟ ياها دى قدرتكم، وهى "اليفوطيه" دى كيفنها؟؟
يا عقلاء حزب الامه ما تلمو جنازة البحر بتاعتكم دى خلونا نتفاهم فى المصايب الاكبر من كده

اهلا اهلا والف مرحبا وانت ياها دي قدرتك عارف والله صدفة بس وفي لحظة احباط من امر العباد والبلاد وفي اول نقرة عشوائية وقع هذا البوست في يدي

(( يا عقلاء حزب الامه ما تلمو جنازة البحر بتاعتكم دى خلونا نتفاهم فى المصايب الاكبر من كده ))

طيب انا اتلميت بس شاحد الله يفتح عليك بكلمة مفيدة زي ما هربت من البوست داك برضو ح تهرب من دا اصلا مفرداتك محدودة وثقافتك معروفة لكن عارف في امل تتصلح عشان كدا بنتابع الزيك اصلو اي حالة بتحتاج متابعة

نعم اكتفينا بالتحذير لكن انت بتقدر تقول كلمة زي دي في الحزب الشيوعي ؟؟؟؟ ما بتقدر لان اوراق المناقشة العامة لا زالت بايدي ستالين ؟؟؟!!!!!


ملحوظة :
بالمناسبة عندما اخاطبك فانا لا اقصد مراويد وانما اخاطب الحاضر الغائب الحزب الشيوعي السوداني فلا شي شخصي بيننا ارجو ان تفهم ذلك جيدا انت ومن سياتي بعدك من الشيوعيين الى هذا البوست

التحايا النواضر..
الاخ العزيز عادل..
حقيقه سؤال يحتاج لاجابة حتى لاتذهب روح الشهيد عبدالله السمانى هدر الرياح.. وللاستاذ الخاتم تجربه تمنحه الحق فى ان يدلو بدلو ى الشان الشيوعى لموقعه داخل الحزب سابقا..وكذلك انت ...
وفى اعتقادى ان ثورة التجديد لابد ان تجتاح ليس الحزب الحزب الشيوعى وحده نسبة للاعواج الذى وجد له مكانه داخل السياسه والشان السودانى ...
اما موضع الاتفاق مع الشعبى من وجة نظر خاصه ارفضه جملاوتفصيلا مهما كانت الظروف ان يكون وضع الايدى على القتله...الحزب قال رائيه فى هذا الشان ولكن حقيقه لم يكن موضوعى لى كما قلت مهما كانت الظروف ان يكون الشعبى هو قارب النجاة..

الحبيب محمد حسن..
يعنى انت جيت تعلق على الموضوع ولا جيت تفش غلك القديم تجاه الحزب الشيوعى..فماتكتبه لا يمثل الا عين الحقيقه لما تؤمن يه ..وكما يقال (الفيك بدر بيهو)..
طيب انت ماحزبك له تاريخ ماهو دوره الان واين ذاك التاريخ الذى تتبجح به فارجو ان تقتنع بالواقع فحزب الامه دوره انتهى بعد المهدى الكبير ولكن تكابرون فقط..
فاذا كان الحزب الشيوعى كتلك الجامعات التى انشائتها الجبهه..اذا مايكون حزب الامه الجبهه نفسها ام ماذا؟ الم تسمع بان الكيزان اصبحوا اربعة اقسام!!.
وبالتاكيد كما قلت لاشى شخصى بيينا..
ان المرحله القادم مرحله تغير وتنظيف لكل الكارزمه المتواجده على القمم فى مسعى لخلق روح تجديده داخل جسد السياسه لان هؤلاء يخنقونها...
وحزب الامه احد هؤلاء ويساهم بفعاليه..
والتحايا النواضر..
عادل..
مراويد..
محمد..