Post: #1
Title: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: عاصم الحزين
Date: 07-27-2004, 07:49 AM
من اجل عالم معافي ..
وطن معافي ..
انسان جدير بالاحترام ..
فلتكن الحياة هكذا للجميع ، خطوه نبدأها من الحنين بواجبات البني صافي النيّه ،و نضمّخها بخضاب المسئولية تجاه المطالبة بالحقوق لدي ضياعها.
للبنات لي حدّهن
منتهي الاحترام ونحن في خندق واحد نناضل من اجل الحقوق الاحلي ( المساواة .. الحريّه .. الاخاء .. احترام الآخر .. ......الخ )
الكن هذه الكتابه
***************
اقري يا بنيّه
ما بتقري ليه
كتاب بيحبي جوّاك
راجيكي تفتحي
صفحه ليكي مرّه
و مرّه عن سوا
و في الغلاف وطن
و كم عن الوطن
بجن وكم بحن
لعشق محترم
جواي اهندمو
حق البنات تغنّي
و اختي ليها فكري
تغشاهو تملا بيهو
قليبا للحبيب
و امّي في الوريد
تسكّعت
تفهّمت لما الشعر كدا
و ريقي استحمّ بطيبة الحبوبه
و للتي هنا
جوّاي لها التحايا
تحيّه يا انيقه
تحيّه للصديقه وكت تبق حقيقه
تشير لكم حديقه
تفتّحت في البال
بتشبه الليمون
وكت يفك بخضرتو
عطش سكن بالعين
تنقّط السحابه
و ترتوي الشوارع
هتاف بلا حدود
ضد الشقا الموجود
ما تقري يا بنيّه
ما بتقري ليه
و اتحدّاك هنا
لو الوعي تقاوي
جوّاك و تغلبي
خليهو يغلبك
وتنسجم جوّاك
ملامح الحنين
فبكره جنب هنا
اذا السؤال صحيح
سؤال عن الوطن
سؤال عن المحن
سؤال عن الحريّه
و عدل و انبساط
تعالي يا بنيّه
سؤالي ما تخلّي
هناك تتركي
بس عساك تختّي
في بيت دمّك تبلّي
تشطّفي الرتابه
تلبّسي الكتابه
قميصها بمبي يلمع
و بنطلون وعي
ليفضح السلوك
وكت يكون مغبّش
فلتضحك البنيّه
و الود يغنّي ليها
سودانا امّي ليه
علمنا فوق يرفرف
تحت وجع سرح
عيونّا ما ترف
جفون نغمّضا
رميشنا كم وقع
و الديش فتح للنار
طريق تخش تتش
حلمنا بالحريّه
و الارزقي نهب
بالدين تعب غلابا
و ميّلت حيطنا
ما تقري يا بنيّه
لون وردة النضال
سؤال عن الحنين
حنين لكم صديق
تشتّتوا بعيداً
دحين لما الفتر
كأحمرٍ خطر
و نحنا بالسكات
ندس جوّه الوتر
حزر و كم قمر
نشيل ريشتنا بدري
نرسم علي الارض
شهيق للنيل عبر
نرصّها الشوارع
فترانه بالصهيل
قصائداً قصائداً
في الجو محلّقه
تشير كما الطيور
للافضل الهناك
فيلا يا بنيّه
لنقرا للوطن
كيفن هنا القلب
بابيض التحايا
و اهلاً ارتمي
عليك بالحنيّه
حبل فرح نمد
و ايد في ايد نخط
كلام عن الحلم
و نقرا لينا بكره
نمش لاعلي خطوه
من سلّم الوصال
وصول و ما نصل
و نجدع النهار
يتفتّح الذي
في القلب مستخبّي
و يفرح البهار
ما تقري با بنيّه
ما بتقري ليه .
و
سلام حتي مطلع الامر
|
Post: #2
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: السمندل
Date: 07-27-2004, 09:03 AM
Parent: #1
عاصم الوريف ..
ما كنت ح اغفر لنفسي ، لو ما جيتك اول زول ..
.. ومعاك للأبد .. وعشانن في البداية .
محبتي
|
Post: #3
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: منوت
Date: 07-27-2004, 09:52 AM
Parent: #1
و لولا ( عصلجات ) الحاسوب ، لكنت اندلقتُ قبل ( السمندل ) ..
يا أيها الفتي العاصمنوتصافي المتدفق ليمناً - دائماً - هو الأحلى ..
" ... تحيه للصديقه وكت تبقَ حقيقه ..
تشير لكم حديقه
تفتّحت في البال
بتشبه الليمون
وكت يفك بخضرتو
عطش سكن بالعين ... "
التحية لك ، لها ، لهم ، لهن ، للذي يأتي ليموني الموائل !!!
|
Post: #4
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: أبو ساندرا
Date: 07-27-2004, 10:26 AM
Parent: #1
1-منوت
{ عطش سكن بالعين }
الله يرويك يا ولدي من جنس ده ،لا يعرف الشوق إلا من يكابده ، حقآ،
2- عاصم الحزين
بهذه الحالة ، هذا التماهي ، أخشى عليك أن يفاجئك الطمث !
وحا نتضامن معهن حتى يصطفن معنا في صلاة الجنازة !
|
Post: #5
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: عاصم الحزين
Date: 07-28-2004, 08:56 AM
Parent: #4
السمندل
تعرف
الازرق مستحيل و ليس برجوازيّاً كما زكرت حين تجوالك في بلاد الشاعر الانيق عبد العال السيّد .
تعرف
( دي كانت واقفه لي في حلق استمتاعي باللون )
اها
اهلاً
و اعضّك في الانف علي طريقتي الاجمل
تعرف
سعدت كثيراً لمرورك من هنا .
منوت
ايّها الصديق الاحلامنوتصافي
كيفك وذلك اللون المرتّب في حدايق الروح عندك
اهلاً تماماً بمثل ما تشتهي
و و لنحلب من بلاد وعينا هتافاً يناسب حالة احترامنا لهنّ .
ابو ساندرا
ياخ مشتاق ليك عدييييييييل كدا
تعرف
و للطمث حين القصيدة بعض ذلك النشيج الذي تراه كل حنين ( لها ) .
و
سلام حتي مطلع الامر .
|
Post: #6
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: ناجى الزبير الملك
Date: 07-28-2004, 01:09 PM
Parent: #5
عصام
مع أن الحديث موجه لقبيلة النساء .... لكننى مررت ...
تذكرتك عندما تعكر الجو هنالك
فقط
أعلم
أنك منتبه على خارطة الصحو الأتى
وأعلم انى مشتاق أليك جزيلا
فلك هذا النبيذ الحاضر
وما تأخر من دمى
سيكون كحلا وجرتقا عندما نلتقى
....والسلام
|
Post: #7
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: الجندرية
Date: 07-31-2004, 10:28 AM
Parent: #1
****
|
Post: #8
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: عاصم الحزين
Date: 08-07-2004, 10:33 AM
Parent: #7
ناجي
.
.
.
و نكتبهن يكتبننا في الارض ورده .
الجندريه
يا سلام عليك
يااااا سلام
و
معاكم معاكم و ايد نشيد في يد وتر نجدع فترنا بكم حجر ز
و
سلام حتي مطلع الامر
|
Post: #9
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: TahaElham
Date: 08-08-2004, 02:41 PM
Parent: #8
وللولد الناصع الفكرة
ولي بكرة
بعاين بقلب ثابت
وللولد الناصع الفكرة
ولي بكرة
بشارط في الحلم
انو......... بيتحداه
لامدن نامت
ولاشوارع سادره
في قول الكلام الفاضي
ولابيوتا حيطتا المايلة
في ضهر البنية الشاردة
منجدعة ....
تسد خشم الغنا المول
وتتقول
علي الولد الناصع الفكرة .....
عاصم الحنين شكرا لهذا الحب وشكرا لهذا الحس الذي يسند الضهر ....
الهام
|
Post: #10
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: Raja
Date: 08-09-2004, 04:19 AM
Parent: #1
********
|
Post: #11
Title: Re: للبنات لي حدّهن ..اليكنّ هذه الكتابه في أزمنة حرّاس النوايا هذه
Author: خضر عطا المنان
Date: 08-09-2004, 08:22 AM
Parent: #10
الفاضل : الحزين
بارك لك في ما نويت هنا
عموما يا سيدي فأنا أسميهم دائما:
أصحاب الرجولة المفلسة
وأصحاب الفحولة المتكلسة
أما هن : فيكفيهن ان يكن حفيدات لمهيرة
وحفظ الله الجميع من خفافيش الليل !!!!!
|
|