Post: #1
Title: سؤال في الفن.. من جاهلة
Author: مريم بنت الحسين
Date: 07-24-2004, 01:12 PM
Parent: #0
سلامات.. وكيف أحوال الجميع.. في سياحة في القسم الغنائي لسودانيز أونلاين.. وجدت فنان ينزوي باسم لم أسمعه من قبل.. وأغنية يتيمة.. لكنها ذات ألحان تنساب بقوة إلى داخل القلب.. رغم بساطة الآلات...
الفنان اسمه أحمد ربشه... وأغنيته اليميته اسمها يا فرايحي اللون ...
سؤالي يا جماعة.. هل يعرف أحد هذا الفنان؟ هل له أغاني أخرى... أين أجد المزيد منها.. ماذا تعرفون عنه...
عمو الموصلي.. أيدك معانا بالله....
في الانتظار
بنت الحسين
|
Post: #2
Title: Re: سؤال في الفن.. من جاهلة
Author: jini
Date: 07-24-2004, 01:18 PM
Parent: #1
الفنان الصبوح احمد ربشة صومالي أحب السودان عمل أستاذا بمعهد الموسيقى غيبه الموت هذا العام
جني
|
Post: #3
Title: Re: سؤال في الفن.. من جاهلة
Author: حبيب نورة
Date: 07-24-2004, 01:22 PM
Parent: #2
أطرشني يا مريومة
 لكن أسكتي ...دة ما يكون قريب حمادة رقشــة؟؟!!
|
Post: #5
Title: Re: سؤال في الفن.. من جاهلة
Author: 3mk-Tango
Date: 07-24-2004, 01:51 PM
Parent: #1
بنت الحسين
معليش تخريمة بعيد عن الموضوع شوية ... لكن تصب في خانة سؤال برضو
بعد ما راجعت الوصلات دي لقيت الناس وكلامها جميلة وفيها روح حلوه
في التلات وصلات روح كدا مفقودة الايام دي .. لاحظي معاي الحكاية دي
وفي ناس كتيرة اختفت وما ظاهرة اسة
يا ربي الحصل علي البورد دا شنو قلب كيانو ؟؟
|
Post: #6
Title: Re: سؤال في الفن.. من جاهلة
Author: Elmosley
Date: 07-24-2004, 02:26 PM
Parent: #1
بتنا يامريم
ربشه مجهول لجيلكم فقط
هو زميل دراستي امه صوماليه
وابوه من اليمن عاش معظم حياته بالسودان
عبقري
الحانه رهيبه
تخرجناسويا عام 1979
ةاليك هذه الوصله للمزيد
والان ارخو اضانكم كويس مع درة الدرر وتسألين والعبقريه
|
Post: #7
Title: Re: سؤال في الفن.. من جاهلة
Author: مريم بنت الحسين
Date: 07-26-2004, 01:05 PM
Parent: #1
Jini
أشكرك يا أخي.. كلك ذوق.. مجرد الرد أعتبره قيمة كبيره.. ألف شكر ليك
حبيب نوره.. ونوره.. عاد بالغته.. طلعتي زيي كده .. غايتو ما بعرفه قريب منو.. لكن لحنه، لا قريب له.. عشان كده سألته عنّه
عمّي التنقو.. دايما سبّاق .. ألف شكر ليك على البانوراما والبوستات الشاملة الكاملة.. دي المحرية فيك.. لماذا فنان بهذا العمق يغيّب.. زي ما قال حبيب نوره.. يطرشني ما سمعته بيهو..
عمي التنقو تاني.. مع التخريمة بتاعتك.. البوست يا عمي اتسخت يا كافي البلا... لكن صدقني قبل ثلاثة دقايق بس.. جاني أمل بي إنه السخته إلكترونيه فقط.. سعدت جداً بالكلام مع الأستاذة رقية وراق.. اتصلت بي قبل قليل.. كانت بيننا اتصالات كثيرة خلال الأيام الماضية.. رغم أن اللقاء لم يتيسر للأسف الشديد.. لكن دفء صوتها .. وعمقه يجعلك توقن أن "الدنيا لسه بخير"...
عمو الموصلي.. أولا .. خليني أعلق على كلمة "عمو" دي.. اتمنى ما تمانع، انا ما كبيرة شديد .. ما بكبرك  ... يعني لما إنت اتخرجت من الجامعة والدي ووالدتي اتزوجوا..وبعدها بي سنة انا جيت الدنيا.. ...سعيدة جداً بهذه المعلومة.. وأكثر سعادة بالوصلة التي حوت أكثر مما تمنيت... ألف شكر على تلبية الدعوة للإجابة عن السؤال.. ندي الخبز للخباز حتى لو أكل نصه.. لكنك لاتأكل نصفه.. بل تعطينا أكثر مما نطلب....
تحيتي إلى المرحوم أحمد ربشه في الخالدين... أتمنى أن يرتفع الظلم عن اسمك.. وتبلغ ألحانك من به صمم... التحية لمحبي هذا الفنان.. ولرسالة الفن ...
بنت الحسين
|
Post: #8
Title: Re: سؤال في الفن.. من جاهلة
Author: nadus2000
Date: 07-27-2004, 00:50 AM
Parent: #7
البت الصغيرونة مريومة
تحياتي
لا إضافة بعد الموصلي، وعمك تنقو وبقية الأخوان.
فأحمد ربشة (عليه رحمة الله)هو بالفعل ينتمي إلى اليمن والصومال دماً، ولكن ثقافة فهو بلا شك سوداني حتى النخاع، وأذكر أيام كانت الخرطوم تحتفي بالكريسماس وليالي رأس السنة "زمن السنة عنها راس" فكان ربشة نجم تلك الإحتفاليات.
وسأنقب لكي في مكتبتنا فقد كان لي شريطين آمل ألا يكون إختطفها القراصنة.
بالمناسبة حديثك يؤكد أنكي صاحبة آذان نضيفة ولا شنو يا موصلي
|
Post: #9
Title: Re: سؤال في الفن.. من جاهلة
Author: Elmosley
Date: 07-27-2004, 03:42 AM
Parent: #8
اكيد يانادوس بس ماتاكلني في الشريطين بتاعين ربشه
|
Post: #10
Title: Re: سؤال في الفن.. من جاهلة
Author: مريم بنت الحسين
Date: 07-27-2004, 01:31 PM
Parent: #1
| Quote: البت الصغيرونة مريومة |
بالغته فيني يا نودوس..
الشرايط دي اول ما تصلني.. إن شاء الله.. حتتجمرك يا عمو الموصلي.. وكله بحسابه
ألف شكر ليكم...
بنت الحسين
|
Post: #11
Title: Re: سؤال في الفن.. من جاهلة
Author: nadus2000
Date: 07-27-2004, 09:22 PM
Parent: #10
هسع عليك دا ما بيأكد إنك صغيروووووووووووونة.
وإنطلاقاً من دورنا كأخوان كبار، نصحح لكي هذه المعلومة
نادوس:الكلمة هي عبارة عن قراءة معكوسة لحروف السودان "س و د ا ن" و "S U D A N" بدءاً من الحرف الأخير وبترتيب عكسي أي (ن ا د و س) ، (N A D U S).
|
Post: #12
Title: Re: سؤال في الفن.. من جاهلة
Author: عبد الباقي الجيلي
Date: 07-28-2004, 01:07 AM
Parent: #1
أختي مريم ، كما قال الأخوة (أضانك نضيفة) لم تتشوش بعد بهرطقات اليومين ديل ..
كنا نندهش كيف كان يستطيع هذا الربشة العزف على آلتين وهو يترنم ببعض أغاني هاشم ميرغني .. حان الزفاف وغيرها ..
لم أكن أعرف أنه قد رحل ... له الرحمة
وله نقول ..
بدري من عمرك لسه إنت شباب .... !!!!
|
Post: #13
Title: Re: سؤال في الفن.. من جاهلة
Author: الجندرية
Date: 07-28-2004, 10:02 AM
Parent: #1
يا سلام عليك يا مريومة الواعية
تعرفي الحكاية ما حكاية عمر زي ما قال ليك نادوس
في ناس كتاااااااااار من جلينا وما بعرفوا ربشه
غايتو حقهم /ن رايح
|
Post: #14
Title: Re: سؤال في الفن.. من جاهلة
Author: nadus2000
Date: 07-29-2004, 04:07 AM
Parent: #13
الأخت أماني
لكي ولتراث كل المحبة
طبعاً حكاية "صغرنة مريومة" دي لا علاقة لها بمعرفتها للفنان الراحل أحمد ربشة،
لكن ياأختي (الشاف) ليس كمن سمع.
|
Post: #15
Title: Re: سؤال في الفن.. من جاهلة
Author: مريم بنت الحسين
Date: 07-29-2004, 10:30 AM
Parent: #1
| Quote: لكن ياأختي (الشاف) ليس كمن سمع |
طبعا نادوس أول ما شافوني هو وأبنوسه.. علقوا تعليق لحدي حسي بضحك فيهو.. نادوس قال لي "بالله إنت الشافعة المقومة البورد على حيله!"... يا أماني إحنا ناس ديم لطفي ما بنكبر ... .. انا يمكن عمري صغير.. لكن برضه، جابدني أهلي الركابية.. بظهر شافعه.. لكن كمان ما للدرجة البقولها نادوس دي.. ألف شكر ليكم على المشاركة
الأخ عبد الباقي الجيلي .. اشكرك على التعليق.. ورحم الله الفنان..
بنت الحسين
|
|