وزير الخارجية السوداني يخرق البروتكول فى بروكسل

فضيحة بجلاجل للسودان فى مقر الاتحاد الاوربي فى بروكسل

تابع الكثير من المشاهدين اليوم عبر القنوات الفضائية ظاهرة خرق وزير خارجية الانقاذ وابنها المدلل د.مصطفى عثمان إسماعيل للمراسيم البروتكولية بمقر الاتحاد الأوربي فى بروكسل بحضور خفير سولاناالمنسق الاعلى للسياسات الخارجية والامنية للاتحاد الاوروبي ، وحسب الاعراف البروتكولية فى حالة المؤتمرات الصحفية كل ممثل دولة يقف فى المكان الموضوع عليه علم دولته ورمز سيادتها ، ولكن طبيب الاسنان الذى بقدرة قادر فى هذا الزمان الاغبر صار رمزا" للدبلوماسية السودانية ، لم يلتزم او انه لا يدرى البروتكول !!!!!!! فوقف أمام علم الاتحاد الاوربى مما حدا بالسيد خفيير سولانا بسحبه بصورة لافتة للنظر وارجاعها لموقعه خلف علم السودان ، وتتكرر هذه الظواهر كثيرا" للمسئولين السودانين فى المحافل الدولية فى عهد هذه الحكومة .............

ويزكرنى هذا الموقف ، بموقف اخر شبيه حصل لرئيس النظام العميد / عمر البشير انذاك ابان اول زيارة خارجية له وكانت لمصر ، وعند استقبال الرئيس حسنى مبارك له بمطار القاهرة واثناء تفقد طابور الشرف التفت حسنى مبارك بان الضيف يسير خارج البساط الاحمر فسحبه له ، ومن المعروف بانه حسب الاعراف المراسمية عند استقبال ممثل سيادي لدولة اجنبية يسير فى منتصف البساط وومثل الدولة المضيفة فى الجانب الايمن من البساط ؟؟؟؟؟؟؟؟؟؟ وجات الطامة الكبرى اثناء انعقاد المؤتمر الصحفى بمقر رئاسة الجمهورية المصرية بقصر القبة ، واثناء المؤتمر كان لافتا" على ان الرئيس البشير كان يحك ظهره بالعصى التى كان يحملها فى أيديه عدة مرات ، وقال قوة مشهورة صارت نكتة لدى الاخوة المصريين ، كدلالة باننا شعب طيب غلبان
( جينا نسلم عليكم كاول دولة خارجية ، ولكن والله لو لا ان العيد زنقنا كنا نقعد معاكم فترة أطول والجايات اكثر من الرايحات )

التحايا النواضر
الصديق العزيزdemocracy

هذا زمانك بامهازل
قد عد كلب الصيد فى الفرسان..

رفيق وجعي : حنين

شكرا لجهدك الطيب

وما زال العرض مستمرا !!!!!

ألم أقل لكم بان الرجل (( صحاف الانقاذ !!!! ))

أنه بالفعل مندفع أكثر من الكل !!
انه يستميت من آجل تحسين صورة هي أقبح من يطالها أي ترقيع !!!
وبالضرورة من أجل الحفاظ على مصالحه ومصالح من قفزوا به
من منصة طبيب عادي مغمور الى قمة الدبلوماسيةالسودانية !!

انه قفز بالزانة يا سادتي !! أليس كذلك ؟؟ .

أقرأؤوا على هذا المنبر ما كتبته عن الرجل بعنوان :
( سلام أمان .. صحاف السودان )..

الاعزة / معتز تروتسكي & خضر عطا المنان
أشكر لكم مداخلتكم فى بوست لتة زمانه الشخصية العالمية والدبلوماسي بالفطرة كايحب ان يسميه شيخ تنظيمهم الهالك د.الترابي وقائد انقلابهم البغيض الفريق البشير .

loooooooooooooooooooooooooooooooooooooooooool
( جينا نسلم عليكم كاول دولة خارجية ، ولكن والله لو لا ان العيد زنقنا كنا نقعد
معاكم فترة أطول والجايات اكثر من الرايحات )
loooooooooooooooooooooooooooooooooooooooooool

ود حماد شارك لك المداخلة ولكن !!!!!!!!!!!!!!!!!!!!!!!!!!!!!!!!!!!!
و شر البلية مايضحك ،،،،،،،،،،،،،،،

ديمكرسى العزيز تحياتى
زكرتنا قصة واحد من الجماعة جابتوا الزانة للخارجية اول ايام النظام..وكان هناك رحلة لافغانستان وصاحبك قالوا ليه فصل بدلة انت سوف تذهب مع الوفد ولم يكذب صاحبنا خبرا وفصل البدلة الما خمج
لما جاء الوزارة اسمه لم يكن من ضمن اعضاء الوفد المسافر لكابول
قالوا صاحبنا طنطن عشان بدل السفرية راح منه وقال ليهم ان شاء الله
كاسترو يطلع روحهم..فالرجل لا يفرق بين كابول وكوبا..قال كارير خارجية قال....

الاخ صديق الموج

سلام مربع ،،،،،،،،،،،،،،،،

تذكرنى هذه السانحة ايام الدراسة بباكستان ومعروف منذ مجئ الانقاذ هناك احتكاكات فى السفارات السودانية تحدث بين الحين والاخر بين كوادر النظام المعينة سياسيا" بالخارجية ودبلوماسي الخارجية العاملين بها ، وكان بالسفارة المعنية قنصل من كوادر الجبهة فصل من جامعة الخرطوم كلية العلوم واشتقل تاجر عيش لفترة فى القضارف وبقدر ة قادر استوعب فى وزارة الخارجية وعين بوظيفة سكرتير اول بسفارة اسلام اباد ، وشهدت تلك الفترة خروج الكثير من قيادات القاعدة من باكستان للسودان وبما فيهم اسامة بلادن ، وكنا مرة لدينا مواعيد مع المستشار الثقافى بالسفارة ومعى عدد من اعضاء لجنة اتحاد الطلبة ، وجددنا اثين منا الاخوة المجاهدين العرب وكانو ا يسفسرون ون عن هل وصلتهم موافقة بخصوص طلبهم للحصول على تاشيرة سفر للسودان بحكم انهم كانوا يحملون الجنسية الامريكية وتعليمات الوزارة بالخرطوم تتطلب من جميع رعايا الدول الاوروبية ومعهم امريكيا ترسل جوزاتهم للخرطوم ومن ثم تجى الموافقة ، وبحكم دبلوماسي الخارجية ع ..... كان له ميول يسارية ويكره ناس الجبهة وحضروا لمكتبه دون اخطار فانفعل فيهم وقال لهم كرهتونا السودان عاوزين تركةما السفارة اخرجوا برة ، فقام القنصل الجبهجي أ..... بتلطيف خاطرهم وادخلهم مكتبه وقال لهم انكم سوف تذهبون للسودان حتى لو دعى الامر ان نعطيكم جوزات سفر سودانية .

- والحادثة الاخرى حصلت مع نفس القنصل أ .......، وتصادف مرة وصلت سودانية من حدى دول الخليج لعمل قبول لابنائها بالجامعات الباكستانية ، فقال لها اولادكم يامغتربين ذبدة طرية ، ونحن عاوزنهم يرحوا للسودان علشان يسيحوا هناك ؟؟؟؟؟؟؟؟؟؟؟؟؟؟؟؟؟ ها ها ها

عادي جدا لنظام دمر اروع برتكول مراسم في افريقيا و الوطن العربي
حيث الان يعملون في قطر والسعودية( دول الخليج عامة).

Quote: ( جينا نسلم عليكم كاول دولة خارجية ، ولكن والله لو لا ان العيد زنقنا كنا نقعد معاكم فترة أطول والجايات اكثر من الرايحات )

قلت لي كان قعد يومين لوما العيد زانقو قصة لكن

يا أخـوانا انا ما شـايف أى كارثـة حصلت.. شنـو يعنى لو مشى فى التـراب سـاكت.. ما كل الســودانيين ماشين فى التراب 24 ساعـة.. ودا ممكن يكون تواضـع برضـو.
تعـدين كلام البشيــر كلام زول سـودانى ود بلـد زار جيـرانـو.
انا شـايف الكارثـة والماحقـة والسـاحقـة، هـو الكلام الحاصـل فى دارفـور، التقتيل والفجـور والظلـم.

بصراحه السودانين اغلبهم طرش فى الحاجات دى يعنى ماتلم الوزيز الاطرش والرئس المقمد الشعب السوادنى اغليه كده والوزير والله الرئس خرجوا من الشعب دى ياخوى انا محتاجين تغير كامل ومن غير زعل دى الحقيقه السودانى بتعرفه بلبسه المبشتن بعضهم يعلل ذلك باننا شعب زاهد فى الدنيا وغيرنا بيوصفنا باننا درويش

فى احدى القاءات الصحفية تحدث الرئيس الهمام عن رحلته فى الجيس وعن السينمار senimar المهم انا ولدى صديق استغربنا ماذا يقصد هذا الرجل ولان لدينا صديق صاحب طرافة قال ياجماعة ما تستغربوا الراجل ده حدود ثقافته كتاب المطالعة بتاع جزاء سينمار ولهذا يفتكر كل الامور فى تلك الشاكلة.


ياحليلى انا ياحليلى

Quote: فوقف أمام علم الاتحاد الاوربى مما حدا بالسيد خفيير سولانا بسحبه بصورة لافتة للنظر وارجاعها لموقعه خلف علم السودان ، وتتكرر هذه الظواهر كثيرا" للمسئولين السودانين فى المحافل الدولية فى عهد هذه الحكومة .............

طبيب الاسنان الفاشل والدبلوماسي الفاشل قال عنه البشير "انه دبلوماسي بالفطرة"
عميان شايل ليه مكسح

Quote: واثناء تفقد طابور الشرف التفت حسنى مبارك بان الضيف يسير خارج البساط الاحمر فسحبه له ، ومن المعروف بانه حسب الاعراف المراسمية عند استقبال ممثل سيادي لدولة اجنبية يسير فى منتصف البساط وومثل الدولة المضيفة فى الجانب الايمن من البساط ؟؟؟؟؟؟؟؟؟؟

مستغرب كيف يمشي قدام سيده ويتحكر في نص البساط
عارف مقامه كويس والعين ما بتعلي علي الحاجب

Quote: الرئيس البشير كان يحك ظهره بالعصى التى كان يحملها فى أيديه عدة مرات ، وقال قوة مشهورة صارت نكتة لدى الاخوة المصريين ، كدلالة باننا شعب طيب غلبان ( جينا نسلم عليكم كاول دولة خارجية ، ولكن والله لو لا ان العيد زنقنا كنا نقعد معاكم فترة أطول والجايات اكثر من الرايحات

هذه العصاية يرقص بيها ...ويحك ضهره بيها وبيعمل بيها شنو تاني يا ربي
..ولي فيها مآرب اخري