نـدوة الأحــد بالبالتـوك فى مـواعيـدهـا

الأخـوة والأخـوات الكـرام،
لا تنسـوا نـدوة الأحـد فى الغـرفـة sudaneseonline.com على برنامـج البالتوك.
الزمن هـو السـاعـة الحاديـة عشــرة بتوقيت قـرنتش ناقصـا خمســة سـاعات (GMT -5)..
(توقيت نيو يورك)
وبالله التوفيق.

الغرفه حتكون مقفوله للاعضاء فقط!!

كم سعه الغرفه؟

الذمن 11:00 صباحا بتوقيت نيويورك..


دعوه خاصه لصديقى تاج السر حسن للحضور(سارسل لك ايميل دعوه)


النصرى

Elnasri

it's going to be open.. if you want to admin around, then come early

سنكون معكم فى الزمان المحدد انشاءالله
اجدد الدعوه للاستاذ تاج السر الحســــن
http://www.paltalk.com/PalTalkSite/downloadcr.html

الســــاعه 11 صبـــاحا توقيت نيويورك دى بدرى علينا نحنا ناس أوروبا ---------- يعنى 5 صبـــاحا -------- أليس فى الأمكان تأخيرها؟؟؟

شوف ياابوريش

المواعيد مواعيد

مواعيد السودانيين دى مابتنفع

11 صباحا معناها 11 صباحا

نفس البايسورد؟

يا اوصلى غير المايك بلاى

الشكر لكم جميعا ، ونعتذر عن المشاركه.

يا انا ذاتى امدر

الذمن مقلوب

الساعه 11 صباحا يعنى 3 او 4 مساء عندنكم فى اوربا

ناس كاليفورنيا المظلومين الساعه عندهم حتكون 8 صباحا


النصرى

النصـرى،

11 معناهـا 11 كويس؟
ما تقول لينـا كنت ببيـع فى شـوالات عيش.. بعتهـم بعتهـم ما بعتهـم خليهـم فى الســوق وتعـال.

الباشمهندسه امدر بقت تحسب بالمقلوب يانصرى
وبالطريقه دى ممكن نثور ضد عبود بعد اربعين سنه
وينزاح عنا كابوس الجبهه بعد .14. سنه
على كل طريقه مريحه لمن اراد ان يغسل يديه عن ما ارتكبه فى انسان هذا الوطن المظلوم
المايك اشتغل تش صلحوا سماعاتكم
احزننى اعتذار الاخ تاج السر

أنا أيضـا أحزننى إعتـذار الأخ التاج بعـد العـزومـة الكاربـة دى.. وأرجـو أن يكون المانـع خيــر.

أخونا أبو الريش تحية وأحترام
نصادف أن دعيت لحفل متواضع لزواج الفكاهى الظريف (محمد شيله)، ومما أكرمنا به بعض الطرائف.
حكى أنه وابيه (الذى يتفوق عليه طرفة) ، والمواصلات زحمه وهما ذاهبان للثورة بالنص.
البص يدخل المحطة الوسطى بام درمان فيركبان ويمتلأ البص، وعندما يسال احدهما الكمسارى الى اين يذهب البص؟؟
يجيب الكمسارى ، (بالشنقيطى)، فينزلان ، ويمارسان نفس الدور من جديد.
وهذه المرة يركبان ، وبعد ان يسأل احدهما الى أين يذهب البص فيجيب الكمسارى (الثوره) بالوادى، فينزلان، وهكذا.
فقال محمد شيله ، فى مرة ركب أبوه وجلس والتفت يمينا فوجد حسناء جميله، والتفت يسارا فوجد حسناء اجمل من التى على يمينه.
وعندما سال (شيله) الكمسارى الى أين يذهب البص؟؟
وخيب ظنه الكمسارى حينما قال له: (بالشنقيطى).
فتدخل أبوه بسرعة و(بلهجة شايقيه) قائلا:- (بالشنقيطى بالبرنيطى، مانى نازل مانى نازل) ... ولعله قال غير ذلك.
الشاهد يا اخى بعد ما فاتتنا (عيزومة الحسان، والحفله الدايره ليها قشره) ، تعزومونا على (الحفله البتشبه بيت العذابه)؟؟
أمنياتى لكم بالتوفيق.
ولا زلت أقترح فتح بوست خاص لكل سلبيات ومشاكل هذا البورد الوطن حتى يشارك الكل، ولا مانع من استمرار ماتقومون به فى (البال توك).

شوف ياابوريش

انا مضطر امشى الزريبه اقصد الشغل بعد حوالى ساعه من بدايه الندوه..

دايرك تسجل كل حاجه بعد ما امشى خاصه كلام الاخ اسعد اصلو زول بتاع نقه..

يا اوسلى

احنا جاهزين مويه و نور و وب كام,,,يعنى صوت وصوره..

بس يا ابوريش عليك ما تهرش الناس دى , المره الفاتت هرشت اساسى خليت خشمو ملح ملح

المهم

انا الساعه 10:59 حاخش الغرفه و اسمى

Zool_3adi

النصرى

النصــرى،
أرجـو أن تلاحـظ أنـه فى البالتوك الناس تتناقش وتتفق وتختلـف.. لكن نقل جزء معين للبورد هنا الما حضـر النقاشـات دى، بيـدى صـورة ما كاملـة للناس و يكون سبب فى تعقيـدات ما فى داعى ليهـا.. خصـوصـا لو دخلوا فى النقاش ناس ما عنـدهـم خلفيـة، وتانين عنـدهـم خلفيـة من حتـة تانيـة!!
واللا ماك شـأيف كـدا انت؟

خلاس

رسلا لى ايميل

ولا اقول لك ...حاتصل بيك بالتلفون


تمام؟

سلام برضه أتا البلخبط يا أوسلى( ) ولا أبو الريش

Quote: الزمن هـو السـاعـة الحاديـة عشــرة بتوقيت قـرنتش ناقصـا خمســة سـاعات (GMT -5).. (توقيت نيو يورك)

اوالنصرى

Quote: كم سعه الغرفه؟ الذمن 11:00 صباحا بتوقيت نيويورك..

حبوبتكم أمدر

تعرف ياتاج

قالو فى الثوره بالوادى فى عصابه بتاعت اولاد صغار..بعدين ذعيم العصابه الجن و تمتام....

يوم جا راجع الحله مخبت و مدقدق فسالوه الحصل ايه فرد عليهم

"كان على الهتات ما مسكله الهتات..... الهتات باكلا فى اللبات..المشكله التدى"

معنى كلامه اذا المشكله فى الهكات "بتشديد الكاف" وهى اللكمات مافى مشكله فى الهكات لانه الهكات بياكلها فى اللبات"بتشديد اللام" يواصل و يقول لكن المشكله فى الجغدى و هو الخنجر

فياعزيزى الهكات اكلها فى اللبات ,,بس اعمل حساب الجغدى

نتمنى حضورك و حضور الجميع

النصرى

بت اللخـو، أنا زاتى أم در
ســاكنـة فى ياتا جـزيـرة فى هـاواى؟
قالوا فيهـا خمس جـزر، لكن أنا بعـرف هنولولو بس.

دى ما عارفه ساكنه وين يا ابوالريش
شايف ماسكه النبله وتجدع فى خلق الله كيف
اكيد شغاله بتوقيت السنه العطارديه

وعندنا هنا الساعة كم ؟



علي احمد

الاخوة والأخوات.

أنا اعتذر عن الحضور ليعض المشاغل الهامة.
أرجو تلخيص اللقاء في وقت لاحق.

دينق.

الأخ الكريـم دنق،
خســارة كبيـرة كونك ما تحضــر النـدوة، وأتفهـم ظروف مشـاغلك.
أرجـو أن تتمكن من الطلـة حتى لوقت قصيــر.

خالتو أُمدرمانية و أُسلي إنتو لسة في مسلسلكم ده؟
جايتو يا أُوسلي،، صبجوك بي النبلة ا نفع،، حرضو عليك الجكس برضو ما نفع،، عاقبوك ما نفع،،تعبت معاك خالتو أُمدرمانية،،
يا حليلكم والله مشتــــــــاقة ليكم و لي عزوزة،،تحياتي للجميع و شوقي ليكم،،

سوميتا

ســـوميتا
خالتك غلباويه بالحيل .. اوسلى بالنسبه ليها زى قطعة القماش
الحمراء فى ايادى مصارعى الثيران . ما تشوفنى قداما الا ويبدا الهياج
كم مجالس صلح انعقدت واتفضت والحال ياهو ذاتو الحال بس
جوايا مافى اى صدى للذكرى
يا ريت لو طليتى علينا غدا .. كما ارجو ان تكونى حاضره للقاء
الموصلى يوم 1 اغسطس
تحياتى

"نصادف أن دعيت لحفل متواضع لزواج الفكاهى الظريف (محمد شيله)، ومما أكرمنا به بعض الطرائف"

الأخ تاج الســر:
لا ما فى زول لايمك.. دى غلطـة العـريس! هو القال ليـه إتســم محمـد شيلــة منو؟


الأخ النصــرى:
قلت "رسلا لى ايميل ولا اقول لك ...حاتصل بيك بالتلفون"
عليك الله ما تتصـل بالتلفـون زى المـرة الفاتت.. تتزكـر أديتنى أول أربعـة أرقـام بالتلفون، وباقى النمـرة رسلتهـا لى بالإيميل! عشـان فاتورة التلفـونـات!

الأخت انا زاتى ام در:
تقولى: "سلام برضه أتا البلخبط يا أوسلى ولا أبو الريش"
أنا أعطيك العـذر الكامل، ومعاكى حق تماما.. غلطتى كانت فى الترقيـم.. كان مفروض أضـع نقطـة بعـد "السـاعـة 11" وقبل "بتوقيت قرنتش"


الأخ دقنـة:
تقـول: "وعندنا هنا الساعة كم ؟"
يمكنك أن تحســب من وقت ســدنى، الذى هـو GMT +10
يعنى إذا الغرفـة تفتـح الساعـة 11 (GMT - 5) إذا زمن سـدنى حيكـون:

11 - 5 + 10 = (أترك الباقى لعلمـاء الرياضيــات)

امدر عالمة رياضيات لوووك الصبر حتى تصل امدر
اخشى ان يأتى دقنه بعد .5 . ساعات بتوقيت امدر

ابو الريش
حاولت مع الاخ احمد البشير ان نكون برفقتك ولكن حالت ظروف دون ذلك