Post: #1
Title: قُتْ لُو حَاسِبْ قِالْ لَيَّ نَانْ
Author: Shinteer
Date: 07-21-2004, 05:51 AM
يا خفيف الروح يا الرزان ... فرْعَك المصقول خيْرزان
كيف نشابْه البان يبقى زان ... وانت كالميزان يا المُزان
وبـــسْ
يا أمة .. وين اختفت الدماء الخفيفة: ناس شيري وتماضر وبت قضيم وبدر الدين شنا وأبو حراز ويازول يازول وأهل العوض والجندرية (ونزار ود حسين، ده طلب خسوسي تبعي) .. والملا عمر (ودكين، برضو خسوسي) .. وعييييييييك من الدماء الخفيفة المفروض تنزل في لحظة واحدة تحوّل البورد أبو دماً تقيل ده لبورد ظريف شوية. البورد ده دمو بقى أتقل من القطران .. ومثير لأمراض غير قابلة للعلاج. دحين يا ناس تماضر وبت قضيم وشيري .. ألحقوا "الرجال" قبال ما يخربوا كل شيء. عالم تعيش على النكد؟ لا حكت ولا بقت. ما في زول يسر النفس بقفشة أو نكتة أو حاجة حلوة؟. البركة في بعض الاخوة .. الشويييية ديل.
أنا داير أغني. أها .. شيلوا معاي: انتو وين دافي؟
نحن أبناء حلة الفقرا .. نطالب بإقامة يوم كامل دلّوكة بس .. وعرضة. ليه التجهم ده؟ من الشمس؟ والله شمس السودان حارة .. لكن الجعلي يعدي يومو خنق .. أها هللا هللا على الخنق والخنق هللا هللا عليه. عبوها سيرة: كدي كدي .. أها أها .. يا سجيمان .. كدي كدي. يكد راس البؤس المعشش في البورد ده.
أنا نعست وكلامي ظاهر كلام زول نعسان. تصبحون على خير .. لكن ابتسموا عليكم الله.
|
Post: #2
Title: Re: قُتْ لُو حَاسِبْ قِالْ لَيَّ نَانْ
Author: مراويد
Date: 07-21-2004, 06:11 AM
Parent: #1
اوفوفوفوفوفوفوفوفوف
زهج شدييييييييد
الروح الايام دى ضايقه، الواحد يكون عندو ظار و لا شنو؟؟
|
Post: #3
Title: Re: قُتْ لُو حَاسِبْ قِالْ لَيَّ نَانْ
Author: nazar hussien
Date: 07-21-2004, 07:05 AM
Parent: #1
حبابك آآآآ الصديق....
عنوان بوستك دا دايرلو رق وشيالين جلاليبن بييييييّض...واهم شي يكون فيهم واحد عندو سن دهب عاجباهو...
كونكش كش كونكش كوش كونكش كوش
قت لو حاسب قال لي نان
ما اللهيج يا ناس برتكان
يا خفيف الروح يا الرزان
فرعك المصقول خيزران
شوفو كيف انتكي يا اللمين
وميّز الشبّال باليمين
وهنا الشيالين يعاينو لي بعضهم التقول بالصح بالصح...
وكونكش شغّاله,,,قرف...
لو قليبك ما كان سمين
كان بركت وقيدك ضمين
يا...يا..
يا خفيف الروح يا الرزان
.....................
مهره تقدل في ساحته
وترفسك كف بي لمحتّأ
كم جباهاعرقت شتا
ورحي راحت لي مصحّتا
وتقول كدي سن الدهب تمرق وتلصف...زي البراق...
دا هسي عليك الله مو كلام زهج...والله فعلا زيّك متضايق من البورتي...يا قول اهل العوض...علا كاربنا الشديد القوي...يومنا هنا نبلع فيه زي اللسبرو...وقدر الناس هنا ما ينكدو علي بعضهم,,,,ما بنقدر نفوتهم...تب...وزيك كمان باحث عن شيري وبت قضيم....وكل الناس الحلوين القادرين علي تلوين صفحات البورد بي نضمن السمح
|
Post: #4
Title: Re: قُتْ لُو حَاسِبْ قِالْ لَيَّ نَانْ
Author: Shinteer
Date: 07-21-2004, 08:40 AM
Parent: #3
مراويييييييد .. ونزووووووور .. شي لله يا حسوووووووووون يا حسن يا سلطان الزمووووووووووون يا حسن.
الزهج حاصل.
جدي العزاز الجيدو قزاز .. ها يا عُزاز أنا نومي خزاز
والله نومي بقى خزاز الليام دي
اللونو تِبِرْ .. صافي الـ ما غِبِر
يا الـ ما بِتبِر .. أنا جني كِبِر
الجن كبر يا يا نزار ومراويد .. وقامت ليه صلعة في نص راسو. الهقلة التهقل الجن المهيقيل.
|
Post: #5
Title: Re: قُتْ لُو حَاسِبْ قِالْ لَيَّ نَانْ
Author: nazar hussien
Date: 07-21-2004, 11:18 PM
Parent: #4
يا ود شنتيييييير
نحن الدنيا عندنا خميس وعطلة نهاية الاسبوع الباقي ليها تلاته ساعات
بس...ود الكلب ....آ ...الزهج...امانه ما يقوم جاري جري بعد دا...
وانا هسي بقرأ في خبر في جريده...هنا...وزارة الكهرباء تعتذر لبعض المواطنين والمقيمين بشأن الانقطاع الجزئي للكهرباء...وانا كنت ضمن المقيمين وانقطعت مننا عشرة دقايق وجات راجعه....بلاي شوف النعيم دا...هسي عليك الله في داعي نزهج....ويبدو ان الزهج من اصل ود ابنادم من قدييييييييييييييييييم...
قلتلك الكلام دا لاني متأكد انك عايش في نعيم يا صاحبي...وهبوبك تكاشح...بس فاقد...جخانين النميمه والدوباي....دوبي براك في زول ساعلك والله بقولك وطي صوتك يا زول هوي
وتضري قبلي وبحري...
|
Post: #6
Title: Re: قُتْ لُو حَاسِبْ قِالْ لَيَّ نَانْ
Author: مراويد
Date: 07-21-2004, 11:38 PM
Parent: #1
نزار بالله شنتير ده ما مفترى، الزهجان ليها شنو، والمثل بقول "العربى كان شما الطراوه ، بسويلو جيب فى طاقيتو!!!!!"
| Quote: بس فاقد...جخانين النميمه والدوباي |
وبس؟؟؟ باقيلك مافى جخنونآ ناقص؟؟؟
|
Post: #7
Title: Re: قُتْ لُو حَاسِبْ قِالْ لَيَّ نَانْ
Author: الجندرية
Date: 07-21-2004, 11:39 PM
Parent: #1
الصديق
يسعل منك الخير
تراني قاعدة وين نطير يعني
لكن تعرف
الزول القال "كان فاتك الميري اتمرمغ في ترابه" دا كضاب جنس كضب
تعرف نزلت اجازتي السنوية من شغلي في القطاع الخاص
ولانه هناك وقت العمل طويييييييل والاجازة الأسبوعية يوم واحد بدل يومين
قت كدي النمشي افتش لي تراب ميري اتمردغ فيه
اها وحاتك
بشتنه السواد
بقيت ما بقدر ادخل النت
الا الخميس والجمعة
وشكلها دي بتجيب الطلاقات بعد دا لانه فاتورة التلفون جاااااااااااريه
والله يكفينا شر الميري عاد
|
Post: #8
Title: Re: قُتْ لُو حَاسِبْ قِالْ لَيَّ نَانْ
Author: صديق الموج
Date: 07-23-2004, 06:08 AM
Parent: #1
Quote: يا خفيف الروح يا الرزان ... فرْعَك المصقول خيْرزان
كيف نشابْه البان يبقى زان ... وانت كالميزان يا المُزان |
شنتير...معليش خلينى اصلح ليك المقطع الثانى
بقول فيه:
بيك نشابه البان يبقى زان وانت كالميزان يا المزان
|
Post: #9
Title: Re: قُتْ لُو حَاسِبْ قِالْ لَيَّ نَانْ
Author: Shinteer
Date: 07-23-2004, 06:24 AM
Parent: #8
صديق الموج .. صلح الأعوج كلو يا رفيقي وصلح لينا مزاجنا معاك بالمرة كدي.
مراويد .. ونزار .. والجندرية .. أكان كدي أنا فعلاً مفتري وقاطع الدرب. غايتو "النفيسة" دي ما يملاها إلا التراب. أنا يعميني ما شفت قطع الكهرباء .. وقطع الموية .. وقطع النفس من الحر والنمتّي. ها ناس أكان بحسبوها كدي .. أنا في نعيم وسرور. بت الخدر الله يرحمها قالت: الـ عندو ديك وجَدادة في خيرين وزيادة. محمود الغني .. أنا ماني ناقص حاجة تب من هلاتيت الدنيا دي .. غير الجخنون المعملوم .. جخنون الغنا والنميم. وين يا ناقة قش السافل أبو غرّاد.
إتّو خابرين .. أنا سمعت القيامة الباقيلها دور بس .. تمانية يوم .. والدكنابة تقوم.
أمانة ماني زهجان زهجة أبو الدنّان الـ طينتو راحت. لكن وكت أتذكر ناس اليمن والخليج وناس مراويد (الزول المطرطش ده قاعد وين هو؟) .. بقول الحمد لله الذي عفاني وابتلى غيري.
وهكذا دواليب .. مش دواليك.
|
|