اختطاف سودانى بالعراق وقتله رميا بالرصاص

اخبرنى احد الاصدقاء بالجامعه والعايد قبل اسبوع من العراق انهم وجدوا سودانيا مقتول بعد ان تم اختطافه
وطلب المختطفين فديه مقدارها ميه وخمسين الف دولار وبعد
المناقشات تم الاتفاق على دفع خمسين الفا ونم جمع المال ولكن
عندما ذهب الشخص الذى يحمل القروش الى المكان المتفق عليه لم يجد احد وبعد عدة ايام وجدوا جثمانه احد
مشرحات مقتولا اثر طلق نارى اخترق راسه
ماعارف هل سمعتو الحاجه دى والله لا واذا لا ليه لانى ما
سمعتها فى النيوز
المهم ربنا يغفر له ويسكنه فسيح جناته مع الصديقين
والشهداء وحسن اولئك رفيقا ويلهم اله وزويه الصبر
وحسن العزاء وانا لله وانا اليه راجعون

ود الجعلي

سلامات ..
قبل فترة ( هاشم نوريت ) كان عندو بوست بيشبه الكلام ده ؟؟
كنت متابع الردود .. ما وصلت لي نتيجة ..محددة

وما سمعت الخبر حتى في اي مكان غير هنا في البورد..
لكن عرفت كتير من مصادر في موقع الاحداث عن الجماعات دي ..

وتبقي كارثة كبيرة جدا إذا الخبر ده صاح ؟؟




نشوف الاخبار البجيبه بوستك ده شنو ؟؟

الاخ ود الجعلى
للاسف الخبر صحيح
اعرف المرحوم جمال و فد كان يقيم و يعمل هنا فى نيويورك
لا ادرى متى ذهب الى العراق بالتحديد
لا يزال الجثمان مزجى بقاعده عسكريه فى فرجينيا فى انتظار توكيل من اسرته لتسليمه الى من ينوب
رحم الله الاخ جمال
ولا حول ولا قوة الا بالله

Quote: اعرف المرحوم جمال و فد كان يقيم و يعمل هنا فى نيويورك

لا اله الا الله

هل تعرف اسرته بعد بالوفاه؟

اذا الاجابه بنعم ,,ما اسمه الكامل؟ و كم له فى امريكا؟؟؟

اللهم اغفر له و اجعله بين الصديقين و الشهداء

الاخ النصرى
ساوافيكم لاحقا بالتفاصيل

لك الشكر

الاخوان
ود الجعلى
واحمد
وكل المداخلين سلامات
خبر مؤسف ولكن ان اردت ان يهتم بك السودانى لابد ان تفارق
روحك جسدك والا لن تجد اى اهتمام وبل سخرية واتمنى ان توافين
اخى احمد بتفاصيل اكبر ...

الا رحم الله الفقيد وادخله فسيح جناته وصبر اهله على فراقه


ولكن اخوتى كل من يذهب الى العراق فى مثل هذه الظروف فلا يتوقع افضل من ذلك ..

العراق اصبح مسرحا للعبث ومن حديث احد الاحباب يتضح ان المرحوم كان احد افراد الجيش الامريكى ويتضح ان الامريكان باعوه بابخس الاثمان لانه ليس امريكى اصلى ولا لسمعنا به فى الاخبار واقيمت له الصلوات هنالك وخرجت المظاهرات وتداولت القنوات خبر اعتقاله اولا ...


سمعت ان الجنود غير الامريكان لا يهتم بهم البته عندما يموتوا فى العراق وهذا ما حدا بالكثيرين للهروب من العراق كلها وحفظ دمائهم ..

لا حول ولا قوة الا بالله

الله ارحمه واغفر له ذنوبه واسكنه فسيح جناتك مع الصديقين والشهداء والصالحين وحسن اولئك رفيقا

قبل فترة كان هناك ظاهرة سفر كثير من السودانيين المقيمين في

امريكا للعراق مع الجيش الامركي كمترجمين والعرض مغري جدا

75 الف دولار سنويا .

رحم الله الفقيد وأدخله فسيح جناته.

اخوى الفنان تمبس تحياتى لكن ياخى ابدا ما احترمتنى انا ممكن انظر فى حاجه لكن للموت قدسيه خاصه عندى لا يمكننى التلاعب فيها
اخونا جمال الله يرحمو رجل يتصف بسمو الخلق نسأل الله ان
يدخله مع الصديقين جنات خلد وعدن
ولك العتبى اخى الحبيب

إبن عمي ود الجعلي.. سلامات..

Quote: ياخى ابدا ما احترمتنى انا ممكن انظر فى حاجه لكن للموت قدسيه خاصه عندى لا يمكننى التلاعب فيها

ده كلام شنو الفوق ده ؟؟
في كل الاحوال انا ما ممكن افكر بالطريقة دي ..أو ممكن اخلق منك زول اسطوري ومستهتر في خبر زي ده لعدة اسباب واهمها انو عاصرتك هنا من فترة طويلة زي ما عاصرت كتيرين وعارف عنهم زي ما عارف عن نفسي.
كل ما في الموضوع انو انا ما سمعت بالخبر ده .. ومداخلتي كانت عبارة عن استفسار لانو زي ما وضحت ليك انو المرة الوحيده المر علي خبر زي ده كان في البورد هنا وما وصلت فيهو لي شي واضح ووقفت عن المتابعة..
علي العموم ..
الدوام لله .. والبركة فيكم وفينا..وفي الجميع.

ودالجعلي .. والله فعلا اندهشت من ردك .. انا ما من النوع ده ياخ

يبقي بينا الاحترام..طالما احترمنا نفسناوغيرنا

اخى تمبس ياخى والله ماقصدى لكن كنت بقرق عليك
بعدين مش بقولو الما دارك ما لامك
حقك على يا حبوب وامسحا لى فى وشى
وبرضو يبقى الود بيننا