Post: #1
Title: سودانيون يكتسحون الثانوية المصرية .. ندى وبشرى وأنديرا .. مبروك
Author: kabaros
Date: 07-18-2004, 05:44 PM
قهر صديقي العزيز "بشرى بن الشفيع بن خضر" الثانوية العامة المصرية بحصوله على نسبة 99% في المرحلة الثانية من الثانوية المصرية ( تالتة ثانوي) و 98% في مجموع السنتين .. متفوقا على جميع أفراد الحرس القديم (عزة بنت الشفيع وخالد بن الشفيع وأنا) ..
لذا أقر أنا المذكور أدناه
بأن "بشرى بن الشفيع بن خضر" قد تفوق علي وانتهى مني بما لا يدع أي مجال للاستهبال واللف والدوران .. وأثبت أن العين ممكن أن تعلو على الحاجب أحيانا ..
لكنها تبقى معركة في الحرب بين آل حيدر وآل شفيع .. وسيكون النصر حليفنا ..
حيث أن ..
أختي أنديرا بنت حيدر بن إبراهيم نجحت في المرحلة الأولى من الثانوية المصرية بنسبة 97 % .. لتبقي الصراع مفتوحا للجيل الثالث في العائلتين ..
وتبقي المفاجأة الكبرى في البنت الشرامية المزعجة .. ندى بنت حسين بن عبد الله .. التي نالت نسبة إعجازية 98.7% في المرحلة الأولى من الثانوية .. مما يؤهلها لتصبح أول سودانية تخترق قائمة الأوائل المصريين إذا حافظت على نفس النسبة العام القادم ..
مبرووووووووك لكم جميعا ..
ويود الثلاثة المذكورون (غصبا عن عينهم) أن يتوجهوا بجزيل الشكر لي ولخالد لمساعداتنا الجليلة لهم طوال العام والدعم المعنوي الهائل الذي ما كان ليتححق هذا النجاح بدونه ..
مبروووووك تاني .. لكن ما تقدوا لينا راسنا يا شفع ..
|
Post: #2
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: Rawia
Date: 07-18-2004, 05:51 PM
Parent: #1
كباروس براحــــــــه
تتهنوا بالنجاح كلكم يارب
طبعا انا ما متخيله بشرى الصغنتوتى يطلع منه دا كله
والاغرب انه رجاء قالت لى مره الاب توب بتاعها عند مهندس الكمبيوتر بيصلح فيهو
وطلع المهندس خالد الشفيع
ربى يكملكم بى عقلكم ونجاحكم يارب
تحياتى للوالد
|
Post: #3
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: kabaros
Date: 07-19-2004, 00:40 AM
Parent: #2
العزيزة راوية ..
طبعا "صغنتوتي" دي حنغيظه بيها أسبوعين تلاتة كده ..
خالد مهندس كمبيوتر ومصمم مواقع وطلع التالت على الدفعة (كما يدعي)
وعزة حتتخرج بعد يومين بامتياز مع مرتبة الشرف
وبشرى ..... بشرى قفل الفيزياء يا جماعة
يعني عيلة عباقرة يا جماعة .. عشان كده لازم مبروك تانية لعم الشفيع وخالتو إحسان ..
مبروك لنا جميعا ..
مظفر
|
Post: #4
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: مراويد
Date: 07-19-2004, 00:58 AM
Parent: #3
مبروك للشباب والشابات ديل
لكن يا كبروس التهنئه عندك،
Quote: أقر أنا المذكور
وأثبت أن العين ممكن أن تعلو على الحاجب أحيانا
لكنها تبقى معركة
البنت الشرامية المزعجة
(غصبا عن عينهم)
يتوجهوا بجزيل الشكر لي ولخالد
كان ليتححق هذا النجاح بدونه
لكن ما تقدوا لينا راسنا يا شفع .. |
طيب ده الكلام الكتبتو هنا،معناها هناك ام المعارك مدوره تقيل
يا شفع قدوا للشافع المتفلقص ده راسو ومدوا ليهو لسانكم ... قال كباروس كمان
سلم على ابوك وعمك الشفيع
|
Post: #5
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: sari_alail
Date: 07-19-2004, 01:00 AM
Parent: #1
الاخ kabaros
أنت مظفر حيدر ابراهيم ولا شنو
مبروك النجاح لأنديرا حيدر ابراهيم و بشرى الشفيع خضر
kabaros
اتقابلنا انا وانت في شقتكم في مصر الجديدة شهر 8 سنة 2000
أحمد يوسف ادريس
وبلغ تحياتنا للعم حيدر والخالة حياة
|
Post: #6
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: talha alsayed
Date: 07-19-2004, 01:04 AM
Parent: #1
التحيه لابنائنا وبناتنا المتفوقين والناجحين فى الثاويه المصريه
مبروك بشرى والشفيع واحسان وانشاء عقبال تخرج عزه
|
Post: #7
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: degna
Date: 07-19-2004, 01:34 AM
Parent: #6
الف الف الف مبروك لكم فرسانا البواسل في قاهرة المعز
البطل الصنديد مظفر (كابروس ) تحياتي والف مليون مبروك ياعزيز
كم فرحا لكم هنا في ارض (الكانجروا) ونزف لكم اسمي ايات التهاني والتبريكات
وبعدين اها انتهت الامتحانات وربحتم المعركة فهل نبتدئ معركتنا (الشبابية ) المؤجلة منذ عهد ليس بالبعيد ؟ اما ماذا تعتقد ويعتقد الشباب الذين تحمسوا لهذا الشئ ؟
ارجوا ان تبلغ تحياتي للاب الاستاذ د.حيدر ابراهيم
علي احمد
|
Post: #8
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: maman
Date: 07-19-2004, 02:01 AM
Parent: #1
الابن كبروس
تحية
مبروك النجاح للعائلتين. وأرجو أن تبلغ تحياتي للوالد د. حيدر والوالدة حياة (بت الريح)..
خالك وعمك مامان
|
Post: #9
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: abdalla BABIKER
Date: 07-19-2004, 06:51 AM
Parent: #1
مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك
|
Post: #10
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: Walid Safwat
Date: 07-19-2004, 09:52 AM
Parent: #1
Alf Mabrook
|
Post: #11
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: AnwarKing
Date: 07-19-2004, 10:22 AM
Parent: #1
الف الف مبروك...
عقبال ناس كابروس يا مظفر...
أنور
|
Post: #12
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: kabaros
Date: 07-27-2004, 05:53 AM
Parent: #1
ردود متأخرة جدا .. معليش
العم مامان
أمي مشتاقة ليك ولحنين القرير .. وحكت عن درب الساقية والجزيرة والحفير .. والتقه والنوريق واللعب والطمبور والفزع وضلالة البيت .. وعصامية أبناء القرير وشعراء الفطرة المخضرمين والحب العذري الذي يباركه الأولين ..
تحياتنا لك ولأسرتك .. مع مزيد من التواصل
=====================================
مراويد ..
فعلا أم المعارك كانت مدورة بجاي .. والخسائر عنيفة لتحالف الحرس القديم ..
الشباب ديل ما بتوصوا يا مراويد .. بشرى بقينا ما بنلم فيه غير بمواعيد .. وانديرا طردتني من البيت .. وندى .. إحمم .. ندى الآنسة الرقيقة، لازم نوضح انه في hacking حصل وغير الآنسة الرقيقة إلى الشرامية المزعجة .. عشان كده الانتقام يكون من الهاكر ما من العبد لله المسكين .. زول يقول ليها مبرووك يمكن تهدى ..
أحمد يوسف .. طبعا ما متذكر زيارة سنة 2000 دي .. لكن أتمنى أنها تتكرر والمرة دي ما حنسى أكيد ..
علي .. راجعين
وليد .. اتخيل أنديرا تجيب 97 .. ما عوجة دي؟؟
والأساتذة طلحة السيد وعبد الله .. الله يبارك فيكم
أنور ... ياااا ربّ !!!
|
Post: #13
Title: Re: سودانيون يكتسحون الثانوية المصرية .. ندى وبشرى وأنديرا .. مبروك
Author: maman
Date: 07-27-2004, 06:07 AM
Parent: #1
| Quote: أمي مشتاقة ليك ولحنين القرير .. وحكت عن درب الساقية والجزيرة والحفير |
الابن كبروس والعائلة
تحياتي وتحياتي الأسرة
سأرسل لكم مع أول قادم للقاهرة نسخة من شريط فيديو هدية للوالدة، صورته في البلد عام 2000م عند زيارتي لها مع الأسرة وقول للوالدة الشريط فيهو كل الأشياء التي ذكرتيها بالاضافة الى فتحي ولد طه حامد يحش في البرسيم كمان في الجزيرة.
مع التحية
مامان
|
|