كنا نعتقد أن بورداب الرياض رائعين

لكنا وجدناهم أروع من الروعة ... شباب يجيدون خَلق الابتسامة وبعثرة الفرح وصياغة الإلفة والمحبة ... ما أروعكم و(ما أحلاكم) وأنتم تنسجون أمسية العريس ود شندي بهجة وعيداً متفرداً وتُلبسونها حُلة زاهية ... ودقاسم ... صديق الموج ... تمبس ... شتات ... إسماعيل وراق ... أحمد حنين ... الصادق خليفة ... حبيب بلدو ... معتصم دفع الله.

شكراً لسودانيزأونلاين وشكراً لطلتكم الأنيقة ونتمنى أن تتكرر اللقاءات بيننا لنحيل ليالي الغربة رغماً عن سأمها وقساوتها وضيقها بهجةً

واحد قال ناس الرياض ديل جو علمونا رقصة القرد ومشوا!!!!


بالمناسبة

Quote: آخر الترتيبات لسفر بورداب الرياض ، تم الاتفاق مع حافلة من النوع الفاخر وموديل حديث جدا لنقلنا إلى موقع الحفل بشكل جماعي

؟؟؟؟ !!!!

ود قاسم الكلام ده بذكرنا وعود حكومة الجبهة من نوع تمزيق فاتورة القمح وما إلى ذلك

منذ سنوات وأنا أعشق المنطقة الشرقية ، كلما زرتها ازددت بها إعجابا ، وعشقا ،، لكنني هذه المرة وجدت نفسي قد فاض بي الكيل ، فقد تحقق رباطان مقدسان بزواج ودشندي ، الأول هو الرباط الأبدي بين ودشندي وعروسته ، والثاني هو الرباط الأبدي بين بورداب الشرقية والرياض ،، من زمان وأنا أزور الشرقية وأنزل في فنادقها فيتخرب جيبي ، هذه المرة تمت استضافتي في بيت رحب ، ارتحت وجلست ، وتمخطرت كما يحلو لي مجااااانا ،، مش تقولوا لي عزابة ، المرة الجاية أنا جاييكم بزوجتي وأطفالي وشوفوا شغلكم ،، ،،
انتظرنا أن يأتينا أحد بورداب الشرقية ليوصلنا إلى موقع الحفل ، لكنهم تدافعوا إلينا كلهم ، لم يبق أحد ، سلموا علينا بالأحضان ، وكأنهم يتحسسون فينا رائحة المنبر الحر ، وكانت ليلة خميس ، وفي حناجرنا ما زال يتردد طعم لحن الخميس للرائع عثمان مصطفى ، من شغل العم تنقو ،، لم تكن بنا حاجة لكثير تعارف ، وجدنا أنفسنا نمازح بعضنا ، كما لو أن بيننا عشرات السنين من أجمل العلاقات الإنسانية ،، اصطحبنا عمك تنقو ، نادر ، شرغوف ، إلى موقع الحفل ، والتقينا هناك العريس عماد ( ودشندي ) ، ود محجوب ، زورو ، وصالة العرس كانت رحبة ومضيافة كبورداب الشرقية ،، وكان أهل العريس وأهل العروس مرحابين ومضيافين ، فمنحونا الفرصة أن نصبح أهل المنزل وأصبحوا هم ضيوفنا ،،
زميل المنبر ، الفنان عمار السنوسي ، كان رائعا كعادته ، غنى لنا كثيرا وكثيفا ، ورقصنا معا ، كلنا ، بورداب الرياض وبورداب الشرقية ، وأهل العريس وأهل العروس ، لم يستثن الفرح أحدا ، كلهم كانوا فرسانا وسط الحلبة ، ومن بنّوتنا سمحات الصفات كانت هناك حنة ودخان وثياب وموضات وشعور حية ، وكانت بنّوتنا في قمة الأدب ، يرقصن بأدب ويبتسمن بأدب ويرددن الغناء مع عمار بأدب ، وقد لفت نظري وأعتقد أنه لفت نظر الكل خال العروس القادم من كينيا ، ذاك الرجل الذي تراه كبير في سنه ، لكنه كان كبيرا في عقله وفي تعامله ، وفي فرحه ، فقد كان يرقص ويتفاعل مع الفرح بكلياته ، وكان رائعا ذلك الفاصل الغنائي الذي قدمه لنا ، والشكر للفنان مالك عازف الأورغ الذي أطربنا بموسيقى اهتزت لها اعماقنا ،،
قد كان أيضا من ضمن مستقبلينا الأخ محمد خال معتصم دفع الله ..
نادر ،، ما تخاف المرة الجاية بنجيكم بالعربية الجديدة وآخر موديل ،،

نادر ..
يا صباحات الورد..




بجي راجع ..

العريس ود شندي
الف الف مبروك وبيت مال وعيال
بورداب الشرقية .. وددت لو كنت معكم .. فرحت كثيرا وحزنت اكثر ... اتمنى ان اسمع جديدكم وفرحكم
بورداب الرياض الدار داركم والشرقية ازدانت بحضوركم وعقبال ما تحضرو فرح باقي بورداب الشرقية يا رب

الرحلة ما بين الرياض والدمام ليست بالقصيرة، تمتد إلى أكثر من خمسمائة كيلو متر، ولكن حينما يتغمسك الشوق إحساساً بلقاء من تهفو إليهم النفوس، تنكسر في هذه الحالة قواعد الحساب والرياضيات فتصير الكيلو مترات بضع سنتمترات، يا له من شوق.
سهر وطرب
رقص وغناء
عرضة هنا وتبشيرة هناك
زغرودة خالة
جو أسري جميل
زاده جمالاً وألقاً المبدع عمار السنوسي
غنى كما لم يغن من قبل
رقص الجميع، بل خرج البعض من وقاره المعهود
بورداب الشرقية أولئك الرائعون.
الأصالة والكرم تكسو محياهم
هكذا دخلنا في قلوبهم وسكنوا في دواخلنا دون جوازات سفر
فهل العشق الأصيل يعرف القيود والحدود
لا أعتقد..
لقد غمرتمونا بل أخجلتمونا بطيب لقياكم وكريم إهتمامكم
فلكم الشكر مرات ومرات
والتحية لك أيها القادم من ديار جعل
يا من نسجت خيوطاً من الجمال يلتقى عندها الأحباب

Quote: ... ودقاسم ... صديق الموج ... تمبس ... شتات ... إسماعيل وراق ... أحمد حنين ... الصادق خليفة ... حبيب بلدو ... معتصم دفع الله.

طبعا نسوا اهم زول اخونا محمد الشيخ ولما سالنا نادر قال ده بستاهل بوست براهو عشان كده لم ندرج اسمه مع المواطنين العاديين من شاكلتى وشاكلة تمبس والرجل محق فمحمد الشيخ اكبر من ان يسعه بوست جماعى فهو يحتاج لدفار خصوصى....لكم العتبى..انا قصتى مختلفة فعندما وصلت مكان الحفل وجدت اخوال العروس عبد العزيز ابو عضل ومحمد ود الرمنو
اصحابى ..وانا جاى من هناك مقشط قلت ابقى وزير عريس لقيت روحى من اهل العروس..اما اهل الشرقية وبالاخص بوردابها نسونى وزارتى الجيتها وصحبتى لاهل العروس فقد اكتنفونى كما لو تعارفنا قيل سنوات طويلة...عمك تنقو طلع ود جيرانا عدل ..نادر النادر
لحم ودم ..زورو اكون اكلت سمايتو وجيت على جاى..اهل العوض شرغوف فهذا قريب ابو امنة
ولى مودة خاصة باهل فداسى الحليماب ولو مغالطين اسالو بركات بله ومبارك خوجلى
احزننى ان نجد ان ام الشرقية(ام سهى)قد غادرت الى السودان ونقول عشان بورداب الشرقية
ما يتيتموا الله (يغرب ردتا) بمعنى تعود او الله يرد غربتا ..المهم الجهال ديل فى
حوجة ماسة ليك يا ام سهى وياامهم....لكن البرجع وهو خلف اولاد من شاكلة هولاء الجميلين
ما بندم على رجعتوا ونشهد الله انك خلفتى رجال...فالتحية لهم مثنى وثلاث ورباع واحسبوا
دون ان تهدكم اللانهايات...وشكرا جزيلا حسن الوفادة وحقيقة انتو كرماء وناس ودقاسم بستاهلوا..(باعتبارى روحيا انا بوردابى من الشرقية)اما العريس ابن عمى ود شندى وعروسته الجميلة فنتمنى لهم حياة زوجية سعبده وعشان ما اكون كذاب بقول لعماد
المال فارقتوا بيت عيال ساكت..لكن ما مهم المال مش العيال اكبر استثمار وربنا يهنيكم
ويحفظكم( يا اخوى بقرق ما تقوم تفلس تقول ود الموج نجهنى)..
اخيرا با شرقاوية طالبنكم جية وما عافى ليكم لبن شطرى وشيل حكرى كان ما اتلميتو
خميس وشرفتونا...لكم الود واعفوا لينا كان غلطنا فيكم اصلنا كنا فى ذمتكم مش
قالوا الهناى فى ذمة الهنايين..هذا بخصوصى انا والابن العاق تمبس...ربما اعود،،

Quote: لكم الود واعفوا لينا كان غلطنا فيكم اصلنا كنا فى ذمتكم مش قالوا الهناى فى ذمة الهنايين..

والله مش فارقناكم امس الصباح لكن بالجد اشتقناليكم يا شباب ويا ريت لو كنتم معانا كل يــــوم .
لكم كل الود ونفرش لكم قلوبنا فرح
ودقاسم الخال.. صديق الموج(ابو الشباب) .. حبيب بلدو .. احمد حنين(المبتهج).. وراق.. ودالشيخ الماسيترو.. شتات يا فردة .. معتصم دفع الله (يا صوااار ) ..الصادق خليفة..تمبس (يا ممسوخ نسيت شنو عندنا !!!!) .... فى انتظاركم ..


مع تحياتى

الشرغوف

تمبس الخال ده أظنو بتاع حفير شوف جنس كلامو ده؟ هناي ده شنو؟؟

محمد الشيخ

لك العتبى حتى ترضى ... لكن حقيقةً كما قلت سابقاً تستحق أن يفرد لك بوست (براك) فقد آنستنا وشرفتنا مع بقية العقد الفريد ... والحق يكفى أن نسميكم(بورداب الرياض) ولا نذكر أسماءكم كأفراد فبترابطكم وصلاتكم الجميلة أصبحتم جسداً واحد يحمل كل أرواحكم العذبة ومعادنكم الأًصيلة ... وسننشئ معاً تحالفاً راسخاً يترجم أهداف هذا الوطن السيبيري السامية إلى واقع محسوس ... وسنحقق كل رؤى وبرامج أم سهى الواعية التي كانت تهدف لخلق مجتمع مترابط في الغربة يخدم قضايا الوطن جنباً إلى جنب مع قضايا المغترب السوداني ...

مرة أخرى شكراً جميلاً بورداب الرياض بدون فرز من حضر ومن لم يحضر فقد مثلكم هؤلاء الأخوة الكرام خير تمثيل ...

كنتي بتطلعي
من عينيهم
وكتين يفرحوا
او يندهشوا
أو يفترشوا سواعد بعض
أو يتكلموا
عن الأرض
وسلام العالم
وكنت غريب الوجه معذب
ما أحلاهم
شالوا معاي
الهم بالجملة
وهتفوا البحر ... البحر ... البحر

قال رايعين قال؟؟

وحاتك يا نادر انا جيت قتا ليهم ياخوانا انا ود شندي ده بعزو

ود قاسم حلف دينو وايمانو اني ما اكرب معاهم الا ادفع قروش
وانا طبعا زول ما شغال وظروفي سعبة وبعدين السفنجة ذاتا خلاااااااااااااص قاب قوسين ..

اها ود قاسم اتفسح ليك فيني وقال لي امشي اتشعلق في قطر الخبر ..لكن معانا بدون قرش ما بتركب
ولو بقيت نبي..

اها وطبعا لانو زمن الانبياء انتهى ..
اخوك مع ود قاسم ما ركب..


اها يا ود شندي غايتو مبروك العرس وفرحتا ليك والله وكان نفسي اجيك وابشر ليك بالسجارة وانطط فوق اهلك واقول ليك ابشر بالخير..


بس ظروفنا لمتنا مع بورداب رحمة ما عندهم

ويجي يقول ليك نادر بورداب الرياض رايعين..



تصدق يا نادر لو ان هناك ما يكفي من الصعود لصنعت لك مثلهم ..

اخواني ناس الشرقية

ما عارفين نقول شنو
الأشواق ماسورة مكسورة
في بيت عزابة مافيشين

لك كل الود
ونأسف للأزعاج ،،
اما بخصوص الرحلة ،، العجيبة
سوف احكي ليكم شوية شوية
من طق طق للسلام عليكم
وبعدين ما تنسو صديق الموج نسي سفنجتو عندكم
وام حيدر حلفت ما يدخل البيت الأ يمشي يجيب
السفنجة او يشتري واحدة جديدة
وطبعا صباح الجمعة المحلات كلها مقفولة
وبجي راجع اتم ليكم القصة
ولحدي ما اجي اتخيلوا يكون الحصل شنو

غدا نعود كما نود .. ونلتقي عند الغروب ....
احبكم يا من اودعتم الفرحة و البهجة .. هاهو العالم السايبري يجود علينا بفرحتين .. فرحة زواج الاخ عماد ودشندي .. وفرحة لا تقل عنها لقيا وجوه ظهرت ملامحها من خلال الكتابة ومن خلال الصوت ... وهاهي الوجوه تظهر بملامحها الحبيبة لم نكن في حاجة لاكثر من سماع الصوت لتعرف من هو صاحبة .. وكانت الفرحة عامرة وضحكنا ورقصنا .. واندمجنا كانها معرفة دهور .. وهي كذلك لعمري ...

بعض التخريمات مع بورداب الرياض بعد اللقاء

ود قاسم : كان اصغر في العمر مما كنت اتخيله .. وكما توقعته كان حكيما جدا

صديق الموج : ظهر اكبر عمرا مما رايته اخر مرة ... وهي سنة 1987 ... كلما انظر اليه كنت اتذكر واحدة من قفشاته التي لا تزال عالقة في الذاكرة و من ذلك التاريخ ... صديق لمن عرفت انه صديق الموج ود حلتنا نفسة ادركت انني صغير في العمر اكثر ما كنت اعتقد .. الكتوف اتلاحقت . طبعا زمان ما كنا بنقعد معاهم عشان ديل اولاد الحلة الكبار .

تمبس : لم يختلف ولا بشعره مما كنت اتخيله ... من اول لحظة عرفت انو زولي ودمنا واحد .

معتصم : اول ما رايته اتذكرت اسبوع الشوق الذي اشعلنا به البورد قبل فتره ..

احمد حنين : كنت متخيله مشاكس كما في البورد .. ولكنني وجدته هادي جدا لكن لازع .. خفت اقول ليهو انت رباطابي ..

صلاح شتات : كلما نظرت اليه كنت اتذكر يوسف الحبوب واسعد وأيمن .. في ابوروف .. ولم ارتح حتي سالته ... يخلق من الشبه 40 فعلا ... صلاح رجل باسم وخفيف الظل .. وطالبني حاجة

اسماعيل وراق : زول وجيه جدا والصورة المعلقة في البورد دي ما كفاية وأتخايل لي ظالماك يا وجيه .. بالله يا تمبس نزل ليه صورة وهو ماسك المايك وبقدم عمار السنوسي .

ود الشيخ : ياخي دا زول رقاص جدا ... طلعونا ناس هو وصديق الموج ..

الصادق خليفة : والله نحنا بنتعارف من السودان لكن لمن نتلاقي تاني بقول ليك كيف ووين ومتين .

حبيب بلدو : مشاركته في البورد قليلة عكس شخصيته تمام .. زول مشارك وفعال جدا كان .

عمار السنوسي : ابدع في كل الاغنيات وخصوصا ولي المساء .. صدح روعة وعطر سماء الشرقية ... عمار انا حاجزك لي عرسي من اسة

غنينا مثل الطير في رياض العاشقين ..
بورداب الرياض لا ازال ممتلئ بفرحة اللقاء ..
رغم انها سويعات قليله ولكنها كانت كافية لاحتلال القلب ...
الدعوة مفتوحة لكم بزيارة اطول بدون رطوبة الشرقية العاليه
لكم كل الحب لكم كل الورود ...
تنقو

Quote: ود قاسم : كان اصغر في العمر مما كنت اتخيله .. وكما توقعته كان حكيما جدا صديق الموج : ظهر اكبر عمرا مما رايته اخر مرة ... وهي سنة

1987 ...

تنقو انتوا كريمين بى جد حتى فى حكاية الاعمار دى برضوا راعيتوا ودقاسم...يا حبيب ده عمك تنقو انت قريت عنه فى مجلة الصيبان ده كان صاحبه عديل وبعد كلامك ده رسل لى انزار... لو انا قلت ليه يا خال قال حا يقاطعنى عديل كده...دحين حنس لى حبيب بلدو يقبلنى خال
والا برضو اصغر...تسلموا يا سمحين....وبعدين ما تنسى حكاية البت
الشافت ود قاسم قالت ليه ..يا عمو الرجال الجو للعقد مشو قبيل انت
قاعد لى شنو..ولو مكضبتى اسأل احمد حنين،،،،

مبروك الف مبروك
وبركه الاتشاوفتو


ومبروك لى العروسه وود شندى




دكين يا صديقى

حقيقة ما بقيتوا لي كلام أقوله
أولا التحية والتقدير لكم جمعياً بورداب الشرقية فكلمة كنتم رائعين لا توفيكم حقكم
كان اللقاء جميل والضيافة والترحيب أجمل والأجمل من كل ذلك ود شندي العريس وعروسته فادية وما زاد كل ذلك جمالاً عمار السنوسي وصوته الدافئ الذي أشجانا وحلق بنا في سموات الوطن وحط بنا في قلب دار جعل (شندي العظيمة وأهلها الطيبين الذين أشعرونا وكأننا منهم بل أكثر شعرت في لحظة بأننا نحن أهل العرس وهم ضيوف
حقيقة كانت ليلة من ليالي ألف ليلة
الدعوة مفتوحة لبورداب الشرقية لتشريف الرياض في اي لحظة ونكون سعداء بوجودكم معنا
وكلمة شكرا لا تكفي ولا توفي
بالله يا تمبس نزل باقي الصور بعد الدبلاج والمنتاج طبعا

الأخ نادر
والإخوة بورداب الشرقية ..
تحياتي وسلامي ..
هذه المداخلة كنت قد كتبتها في بوست الخال ودقاسم ..
فآثرت أن أنقلها هنا مره ثانية ..
الجزء الآول ..
عند تمام الساعة الرابعة إلا ربع توجهنا تمبس وشتات والعبد لله إلى منزل الخال ودقاسم إستقبلنا الإبن زياد عند الباب وأحضر لنا البارد والشاي ودخلنا معه في دردشة عن الطفولة والشقاوة وحكاوي الزمن الجميل قطعها علينا صوت الخال يا أولاد ما تغشوا الولد دا لسه صغير وبعدها تسالمنا ولم يمر وقت طويل حتى حضر أحمد حنين ومعه ودالموج ولم يكملا سلامهما دخل علينا محمد الشيخ وكم كانت سعادتنا لأننا فعلاً خفنا أن لا يحضر معنا هذه الرحلة ، إسماعيل وراق ومعه الصادق خليفه دخلا علينا و قطعا ونستنا إستعداداً للخروج وعرفنا بأن البقية إعتذروا وقبل توجهنا إتصل علينا حبيب بلدو وذكر لنا بأنه سوف ينتظرنا في محطة ماكس عند النسيم وعندها بدأت الرحلة إلى الدمام وبعد مرور نصف ساعة حصل ما لم نكن نتوقعه سخانة شديدة في ماكينة العربية أدت إلى تعطيلنا ساعة من الزمن ولكن بحمد الله تم تدارك العطل وكانت شهامة السودانيين حاضرة وقتها فقد توقف لنا صاحب شاحنة سوداني أصيل وود بلد أبدأ إستعداده للمساعدة ولم يخيب ظننا فيه وهذا ديل على مرؤتنا وشهامتنا في أي بقعة من العالم شكراً محمد لوقفتك الكريمة والأصيلة .
تواصلت الرحلة وتجلي ود الموج بأغاني الحقيقة ومعه إسماعيل وراق فقد إكتشفنا حس موسيقي عالي لود وراق وكانت الضواحي ونجوم الليل أشهدي وأنا أم درمان أغنيات طربنا لها كثيراً وبعدها دخلنا في دور شعر طويل وكذلك لم ينقطع الحوار كعادة البورداب في هذه السانحة فقد كان شتات وأحمد حنين وإسماعيل كعادتهم نقاشات حادة ومناكفات لم تنقطع طوال الرحلة وأخذ محمد الشيخ وتمبس في دور ونسة جانبية لم نسمع لهما حساً .
قبل دخولنا كانت الإتصالات ترد إلينا من بورداب الدمام للإطمئنان على سلامة وصلونا فقد كانوا في إنتظارنا على أول المدينة .
عمنا تنقو ..
نادر ..
زورو ..
خالد الطيب ..
شرغوف ..
شكراً عماد ود شندي فقد كانت سانحة طيبة لنا للتعرف على هؤلاء الرائعون عن قرب فكانت أكبر مكاسب رحلتنا هذه فقد غمرونا بكرمهم وأحاطونا بإهتام كبيرأكد لنا أصالة ومعدن هؤلاء الأحباب فكلمة الشكر لا تكفي هنا كانوا معنا حتى لحظة خروجنا من الدمام ، كما لا أنسى أن أشكر الخال محمد بابكر فقد شاركنا فرحتنا وتعرف على بورداب الرياض عن قرب وتمنى لنا التوفيق ولم تمضي عشرة دقائق من مغادرتنا حتى إتصل مطمئناً على الجميع وسير رحلة العودة إلى الرياض .
لسه ما تستعجلوا بحكي ليكم الحفلة بي رواقة ..
راجع

----------------------------------------------------------------------------------------

الجزء الثاني ..
قبل دخولنا لمكان الحفل إنتظرنا الصديق والأستاذ عمار السنوسي وفرقته عند البوابة ودخلنا مجموعة واحدة صافحنا ود شندي ومعه عروسته وهنيناهما على الزواج الميمون وتمنينا لهما حياة زوجية سعيدة .
قدم إسماعيل وراق التهنيئة بإسم أسرة سودانيز أون لاين ونيابة عن بورداب الرياض للعريس عماد ود شندي وعروسته و للحضور الكريم وبعدها شدأ الأستاذ عمار بأغنياته الجميلة وتجاوب معها الجميع بالرقص والتصفيق وبورداب الرياض لم يتركوا ساحة الرقص وكانوا يحيطون ود شندي مبتهجين وفرحين ، أحمد حنين ومحمد الشيخ رقصا رقصات خاصة تجاوبنا معها جميعاً والخال ودج قاسم لم يترك أحداً جالساً في مكانه أصر أن نكون بجوار الصديق ودشندي نرقص ونطرب معه ، ودالموج وتمبس ورقصات جانبية شاركمهم كل من شتات والخال محمد بابكر والصادق خليفة وعمك تنقو ونادر وزورو وشرقوف وكنت أنا العبد لله في التصوير " كاميرا مان " ومعي تمبس وشرقوف نتبادل تصوير الحفل الجميل . حبيب بلدو لم نراه إلا في فترات متقطعة فقد كان مع مجموعة من أقربائه في مكان ما داخل الحفل .
توقف الحفل لأداء صلاة الصبح وبعدها تواصل لوقت طويل من الزمن ختمها عمار السنوسي بأغنية أودعكم أفارفكم أودع أودع كيف .

عندي أمل يا بورداب الدمام ألاقيكم في أقرب الأوقات ..
عمنا تنقو ..
شرغوف ..
خالد الطيب ..
زورو ..
نادر ..
نسعد بيكم ..
ونقضي معاكم أجمل اللحظات ..

دي من عندي أنا طبعاً ..
نشوفكم على خير ..

الاخوة الاعزاء

طبعا انا ما زلت نائم من تعب السفر و من مخاواة ناس حنين و من شراب شاي الحاجة فوزية .

اخوتي بورداب الشرقية فردا فردا
ما احلى ساعات اللقاء وفي الشرقية وقرب الماكدنولز
لقد كنتم رائعين كروعة ذالك المساء الذي جمعنابكم ، اخجلتم تواضعنا بكرمكم الفياض ، لقد غمرتمونا بحنانكم،لم نحس بأننا غرباء عنكم كانت كثير من القواسم المشتركة تجمعنا.

تنقو شخصيته كما توقعتها رجل هاشا باشا مرح كلحن الخميس تحس بأن هنالك كثير من الاشياء تجذبك اليه .

نادر : زول وجيه تحس بهدوء شخصيته ولكن ظهرت الحقيقة في الحفل الرجل كان قمة في الحركة ويبدو انه قد اشبع رغباته في ذلك اليوم المشهود .

زورو : رزين كعادة الانصار ( ما يقوم احمد حنين يشب لي في حلقي)حتى وهو يتمايل فرحا مع المبدع عمار يتمايل بكل وقار .

شرغوف : كاميرا مان ابداع في التصوير وقمة في التركيز و الراجل شكل صياد كويس و الكاميرا تحكي (بدون تعليق).

خالد الطيب :طبعا لم يجلس مكان واحد كان يتنقل هنا وهناك كالنحلة هاج طربا ومرحا في كل فاصل لعمار السنوسي و طبعاكان اكثر اعجابا بالفان القادم من كينيا خال العروس

عمك تنقو : صدقني انا عندما شفتك حسيت بأننا اتقابلنا ولكن لا ادري اين وها انت الحين تقول ذلك ، يا اخي عليك الله ما تشعتف روحي نحن تقابلنا وين ؟

الاخ/ عماد

اولاً الف مبروك، وانشاء الله زي ما بقولوا اهلنا في السودان انشاء الله بيت مال وعيال، وناسف لعدم تمكني من الحضور
لكن عزاي انو باقي اخواني موجودين وكانوا حاضرين وممثلينا لينا بالحضور وماعاوزين نعدد، على العموم الف مبروك وانشاء الله نجيكم في السمايات وباقي الافراح التانية وكدا.

الاخوة/ بورداب الرياض

اتقدم اليكم بأعتذار لعدم الحضور وذلك لظروف طارئة وخارجة عن "الكنترول" الارادة ولحدي أخر لحظة أنا ناوي الجية وأسالوا أخونا اسماعيل وراق واخونا معتصم دفع الله ولكن ابت تلك الظروف الا ان تطاردني وتلك البعبع المخيف هادم اللذات ومفرق الجماعات فتقبلوا اعتذاري ولكم العتبى حتى ترضون، فهلا تقبلتم اعتذاري لكم، والمسامح كريم رقم انني حزين جداً لعدم مشاركتي اخي عماد هذه الفرحة وبقيت الاخوان، ولكن عزاي انو الافراح الجاية كثيييييرة انشاء الله ادامها الله حيث أن " ليبيا فتحت" ولن تتوقف المسيرة ... الله يديكم العافية يا أخوان الصدق زي ما قال اخونا نادر لكن اخونا عماد ودشندي كان دايماً المبادر فالرجل يستحق اكثر من ذلك ولا شنو يا بورداب الرياض....

وليد احمد عبد الله

[SIZE=7]ألف مبروك للأخ عماد





وعقبال لود قاسم


صديق الموج ما تنسو وعدكم لنا





ويا تمبس وين صور العرس

[/SIZE]

Quote: دكين يا صديقى

راوية
سلامتك ،، مالك راسك مسخّن وللا شنو ؟؟

Quote: وعقبال لود قاسم

ودمحجوب
جمعا يا رب ..

انا عارف نفسي ما محظوظ دايما
يفوتني عرس ولقاء ذي دا اكيد انا ما محظوظ
قلت شنو يا اخوي ودقاسم
Quote: وعقبال لود قاسم
ودمحجوب
جمعا يا رب ..

قلت جمعاً
طيب ما تقول انا واخوي حمزاوي

شباب زي الورد ..
يفجرو بداخلك كمية من الاحاسيس الخرافية ..
استفزونا بالكرم والشهامة السودانية .. يمكن أن تميزهم من بين ملايين البشر ..

فاصل عرضة
بالبلدي كده

ود محجوب .. وحبيب بلدو .. الرزق تلاقيط .. وحبه حبه بجيبكم كلكم هنا

زورو .. ابو الشوش .. خالد الطيب .. قاعد افتش عليكم لسه في شريط الفيديو ..


اهل العوض .. لو كان جيت كان فرحتنا تمت .. لكن هنئا لضيوفك بيك .. وانت بيهم

ضمرة ودعقاب .. رسالتك وصلت عبر ونحنا في الخط السريع ما بين الدمام والرياض .. ووصلتها في لحظته . وأنت دائما زول جميل ..

بورداب الرياض ..
لما قلتو ماشين ..قررررررررربت اطلع بره ( انفس ليكم لساتك الميني بص ) تاني ما تعملو كده بلاهي

دكـــين ..
ما كان في حلل نزوغ منك الا بالدبلوماسية دي الدبلوماسية دي .. انته بتجيب لينا الهوا في الشرقية.. بوردابي افتراضي محبط


تاني برجع ليكم

رايوة ..
اعملي ليك صديق من ( عجوة )

تمبس..اشمعنا جايب صور الرجال بتاعين الرياض فقط(ودقاسم وحنين)
فين حبيب بلدو..نزل الصور يا جبان دكين ما موجود،،

د. ود محجوب

Zoro

يا مووووووووووج ..

برجع تاني

كل الإحترام والوُد لكم/ن جميعاً على هذا المثال الرائع لمعنى وجودنا هنا ..