ارتـــــحـت لـيــــك ... !!! ؟؟؟

ارتحت ليك
ارتحت ليك
لأنك من تراب بلدي
عجين الطين مع الرملــــة

ملاح الويكة والسبــروق
لقمة زول رجع مريـــوق
وتاريخ الوطـــن جملـــــة

ولأنك في سما بلدي
غيوم بى خيرا بتعدي
ومحاسن للعيون تمــــــلا

مزارع في الخريف خدرا
جداول موية منحـــدرة
وملامح أخلاقنا مكتمـــــلة

مكانك في الفؤاد جــّوا
وغرامك فينا شن ســـوا
عامل فينا جـد عملـــــة

سابنا على المدى المشتاق
نسافر في المـدن عشـــاق
ونكتب في الشعر جمــــــلة

*******************

أرتحت ليك.....
لأنك نبتـة فـوق النيل
ضاربـة جذورا في الأعمـاق

ولأنك انتي سوميــتا
مضـوية في الليدين والساق

ولهـفة زول سنين غأيـب
راجـع للبـلد مشــتــــاق

وارتحت ليك ......
لأنك للجمـال عنوان
وفي عينيك أغاني زمان
ملامح عزنا الســـــــــودان

ولأنك رنة في طنبـور
ولأنك شقشقة عصفور
ينطط فوق غصين فرحـــــــان

ولانك يا صفا عمــري
ضحـكة فجـرنا البدري
ودليل الضايع الضهبــــــان

تائه في صحـاري الهـم
سحـايب أحـزانو تتلملم
تمطر آهــة في الوديــــان
وشاف عينيك
وأرتاح ليك
رقص طـــربــــــــــــان
عانق فيكي أمدرمان
لقاك في دربو ملجا أمان
وفي زمن الضياع عنــــــوان **


مع تحيات أخوكم أبدا
خضر عطا المنان

[email protected]

الرائع خضر

شكراً لهذا البهاء .
مارأيك فى صوت عثمان مصطفى كخلفية لهذا الالق ؟؟

الحبيب خضر

ما اجمل الكلام حينما يتوشح بدثار الوطن الجميل ويحمل الينا عبقه وعبيره الفواح الذى ما ان يلامس حواسنا حتى يرحل بنا الى هناك حيث كل جميل وكل راق ..

ما اجملك عزيزى خضر وانت تتحفنا بمثل هذه الروائع فكم حرمنا منها اخى فى غيابك عنا فنرجو ( ولعله حقنا عليك ) ان تعوضنا ما فاتنا من حلو الكلام ..

اننا نشتاقك وننتظرك سيدى

* * التوقيع

إذا لم يكن صفو الوداد طبيعةفلا خير في ودٍ يجيء تكلفا

مع تحيات قرشو

النجمان في ليلة مسودة ولكنها معبقة بعبير الوطن : لؤي وقرشو

لكما محبتي ..
وأنا مدين لك يا أبو اللآلئ بما تراه مناسبا فهي ورغم أنها بعض مني ولكنها مهداة لك فدعها تعيش في كنفك يا سيدي وتصرف فيها كما يحلو لك ان تتصرف

وقرشو كم أنت رأئع ..... ورائع ...... ورائع .....
وليس لدي المزيد أن أقوله

أخوكما : خضر