الجالية السودانية بابو ظبى تكرم العشرة الاوائل للثانوية العامة تكريم راائع

كرمت الجالية السودانية بابو ظبى المتميزيين من طلبة الثانوية العامة وخاصة العشرة الاوائل .
كان التكريم رائعا ومتميزا كان السلام الوطنى لدولة الامارات روعة وكان السلام الجمهورى لجمهورية السودان الديمقراطية قمة وقمة وقمة .
وكم سالت معه الدموع غزيرة .
اهدى الطلبة نجاحهم للوالد سمو الشيخ زايد بن سلطان آل نهيان وكانت لفتة رائعة منهم وبعدها قدموا لوحة فى منتهى الجمال اغنية لسمو السشيخ زايد ومعها خلفية مصورة لانجازات سموه عرضت اثناء تقديمهم لاغنية سمو الشيخ زايد وكانت رائعة .
قدم الطلبة لوحات رائعة من السودان غنوا لابراهيم الكاشف وعثمان حسين واخرون .
غنوا كورال وغنوا منفردين ، قالوا شعر يحير تحدثوا عن الاستاذ على المك ومحجوب شريف واسماعيل حسن .
قدم السيد عمر صالح القائم بالاعمال السودانى ( طبعا الايام دى ما عندنا سفير ) والمهندس على ابو زيد رئيس الجالية والسيد محمد حسن حمو مسؤول التعليم بالمركز الثقافى السودانى شهادات التكريم وكانت جميلة ورائعة ، وقدم السيد مدير سودانير ومدير بنك النيلين اجمل وارقى الهدايا .
حفظ الطلبة للتراث السودانى يزهلك تماما ، غنوا لمهيرة فى الشمال
وغنوا لزنوبة فى الغرب وغنوا لميرى فى الجنوب لادروب فى الشرق ،غنوا ورقصوا وابدعوا .
منتهى الجمال من طلبة وطالبات لم يكمل كبيرهم ثمانية عشر عاما .
تغنوا للسلام فابدعوا وابدع معهم الاستاذ ابو زيد عبد الله عبد الرحمن
لوحة ( لا للحرب ) كانت الاولى من كل النواحى الاخراج ابداع بكوا وفرحوا ورقصوا ورقصت معهم القاعة طربا وكان التصفيق داويا ينم عن فرحة كبيرة .
اقيم الحفل فى قاعة المجمع الثقافى فى ابو ظبى الذى لم يبخل يوما للجالية السودانية بتقديم عروضها دائما بهذا الصرح الشامخ ، الشكر والتقدير لمعالى محمد احمد السويدى رئيس المجمع الثقافى بابو ظبى وكل موظفى المجمع وعلى رأسهم السيد فتحى شاطر ( المحسى الضكران ) الذى يقدم للجالية كل المساعدات من المجمع الثقافى .
الشكر لجمعية المرأة السودانية وعلى رأسها الاستاذة حبيبة شبو
والشكر للاستاذة هدى يونس سكرتيرة الجمعية على جهودها الجبارة
وتقديم الغالى والنفيس من لبس واكسسوارات وجلاليب وعمم ويكل ما يحتاجه الطلبة .
لا يفوتنى ان اذكر اللفتة البارعة من الجالية السودانية فى تكريم الطلبة الاوائل من الجاليات الاخرى من اللذين اخذوا دروس خصوصية بالمركز الثقافى السودانى ونجاحهم قد تم على ايدى اساتذة سودانيين ( فيزياء ، وكيمياء واحياء ، ورياضيات ، وانجليزى )
وذكر اولياء امورهم بانهم يهدون تفوق ابنائهم للاساتذة السودانيين .
والطلبة من الدول الآتية مصر ، الصومال ، الاردن ، سلطنة عمان ، فلسطين ، وسوريا .
كل الشكر للمركز الثقافى السودانى الذى رفع رأسنا فوووووووق
بهذا الحفل الجميل .

لأول مرة ومنذ سنوات يغيب عن اخراج هذا الحفل وتدريب الكورال واختيار الفقرات الاستاذ عبد الرحمن سوركتى له التحايا .
بالمناسبة دى سوركتى مسجل غياب منذ ذهابه للسودان لعل المانع خير افقدوه يا بورداب الخرطوم ووروه بتدخلوا كيف للمنبر له التحايا وللاسرة الكريمة .


اكتب هذه الاضافة وانا زعلانة شديد من نفسى لأنى سهوت عن ذكر اسم
الشابة النشيطة المبدعة الدينمو المحرك لكل مناسباتنا فى أبو ظبى
عفراء او( شكولاتة 78 او زحوا من وشى ) لا استطيع ان اصف لكم هذه الشابة
مهما قلت ، كتلة من النشاط ، والهمة ، والمسؤولية ، لها نهدى كل نجاحاتنا،
وقفت وراء كل البروفات من الظهر وحتى منتصف الليل ، اخرجت الحفل فى ثوب راقى
وجميل ، لا تكون وراء شىء الا ويحالفه النجاح .

الحبيبة عفراء الشوكولاتة

نفخر بك كثيرا ، ونعجب بك ، وانت نقطة الضوء العالى فى عتمة الليالى ،
انت فخر الفتيات فى مجتمع ابو ظبى .

الشكولاتة
انت بالتأكيد لا تحتاجين لمثل هذا الاطراء وهذا الكلام ولكنها الحقيقة عزيزتى .
انت عقد وسوار من اللالىء الطيبة الكريمة تحفيننا بها هنا فى ابو ظبى
نحن خالاتك وكذلك اخواتك تحفيننا بحسن العشرة والطيبة والعرفان وانت قدوة لكل ما هو جميل ونتمناه وكل ما نتمناه لبناتنا .

كلمة اخيرة وهى جملة تعودت ان اسمعها من كل صديقاتى فى ابو ظبى وهى :

ان شاء الله بناتى كلهم يطلعوا لى زى عفراء

وانا بقولها بالفم المليان يا ربى شيماء وحيدتى تطلع لى زى الشكولاتة العسل دى .

وزحوا من وشى ............................


تمنيناكم معانا اخوتى البورداب ولكم التحايا .

ام وضاح

أنه لمفخرة لكل سودانى لهذا النجاح الباهر والتحية للأباء والأمهات الذين وقفو خلف هذا الأنجاز العظيم والتحية لكل أفراد الجالية السودانية بالامارات والتحية الخاصة لك يا أم وضاح.

سيف الدين جبريل

العزيز سيف الدين جبريل
لقد كان حفلا رائعا
وانا حقا فخورة به
لك الشكر
والنجاح الدائم

ام وضاح

يا جماعغة نحن حفلتنا في العين يوم 21 أو يوم 28/7
وصاحبكم ساري الليل حيكون في التكريم
عموما لمن اتاكد من تاريخ الحفلة حانزل بوست بالاشتراك مع الاستاذ اباذر مسؤول ملتقى الثقافة والفنون في النادي السوداني بالعين وهو عضو بالبورد , فيه اعلان للحفل ويلا يا بورداب الامارات تعالو هناك

I feel proud to have been a member of this community in the past. I miss working with the students and the always available Ustaz Fathi Shater.

العزيزة بنت الناس المبدعين : أم وضاح
مليون شكر على هذه اللفته الكريمة منك
وقد ذكرتني سطورك هذه كيف كنت يومها نجما في هذه المدينة حيث لم تمر مناسبة كهذه والا كنت انا لو تذكرين اما مشاركا فيها او مقدما لها لسنوات هي كانت احلى سنوات غربتي

سلامي اليهم من دون فرز

ولك انت يا أصيلة كل المودة

وفقط الرجاء يا أختي ام وضاح مدي برقم هاتف عمي الفاضل
على ابوزيد وبالله عليك اغريهو خالص سلامي وكل معارفي في ابوظبي

خضر
[email protected]

ابنائى الاحباء
سارى الليل
ووليد صفوت
لكم الشكر والله انه لاحتفال رائع حقا
والشكر مكرر للاستاذ فتحى شاطر
وعقبال حفلتكم يا سارى الليل حدد لينا عشان نشارككم

اخى الفاضل خضر عطا المنان
حقا كنت سباق للابداع
ولا تبخل ابدا بتقديم ما هو جميل افتقدناك منذ سنوات
سوف ابعث لك بموبايل عمى على ابو زيد اليوم على ايميلك
لكم الشكر احبائى
ولكم الود

ام وضاح

شكرا ام وضاح علي هذا السرد الرائع
ومزيدا من التقدم والتفوق لكل ابناء الوطن في كل بقاع الارض والمني ان يحدث تحولا جذريا في السودان الوطن الام كي يفتح ذراعيه لضم ابناء الشتات كي يعملوا علي رفعته ووضعه بين مصاف الدول كالامارات وغيرها .
القال وطني ما خلي شئ

أم وضاح وأبو وضاح وكل ناس الامارات السمحين
أولا لفتة بارعة منك أن تنقلينا بمشاعرنا وأحاسيسنا لتلكم الاجواء الرائعة والصفحة الناصعة التي تجسد فيها أصالة السوداني ومعدنه الأصيل الذي لا يصدأ أبداً رغم جور الزمان علينا
التهنئة لإبناءنا وبناتنا ونتمنى لهم مستقبل مشرق مضيئ
والتحية كذلك لدولة الامارات شعباً وحكومة من منحوكم هذه الفرصة عرفاناً منهم بالدور الرائع بعطاء الجالية السودانية في بلادهم

Quote: وكان السلام الجمهورى لجمهورية السودان الديمقراطية قمة وقمة وقمة .

الله...رجعت ديموقراطية تانى!

سلامات ياام وضاح...شكرا لك كتير على نقل الاحتفال...
الرجاء دعوة الطلبة لموقع سودادف (جمعية المطورين السودانيين)...نحاول ان نبنى قاعدة بيانات بالطلبة الاقل من 19 عاماً لتدريبهم فى مجال الحاسب الآلى ومشاركتهم فى الأولمبياد الدولى للمعلوماتية)...
http://sudadev.net

شكراً لك مرة أخرى...
أنور

التاكيد على المواعيد الليلة بالليل

تحياتي يا ام وضاح
وشكرا لاسرة المركز الثقافي السوداني وجمعية المرأة السودانية بابوظبي
على هذا الحفل الجميل

طبعا حتقولي عني بكاشة تاني
لاكن والله ما تتصوري مبسوضة قدر شنو اني شفتك
وعيني عليك باااااردة
ما اتخيلتك انك انت ام وضاح
طبعا اكيد شفنا بعض قبل كدة
لاكن كوننا بقينا زملاء في البورد اضفى الكثير من التقدير والاحترام والحب

عن الحفل
اعجبتني كثيرا الفقرة الاخيرة والتجديد الواضح في تقديم الرقصات من مناطق السودان المختلفة
اتمنيت تماضر تكون معانا تشوف البنات حلوات ورقاصات كيف
وكل واحدة امها وابوه مع الحضور تصفيق حار
والصغار
حاجة تفرح وتهاني الحارة لاسر الناجحين

عزيزي ساري الليل مبروك النجاح
الجالية السوداني بدينة العين نشاطها مميز
واجمل ما حضرت حتى اليوم من نشاطات واحتفالات كان بمدينتكم الجميلة
على مسرح البلدية
فهنيئا لكم

تحياتي
زولة123

الاخت ام وضاح

شكرا للسرد الجميل للحفل وما تركتي لينا حاجه عشان نضيفها عن الحفل
وفعلا كان الحفل رائعا ومنظما

وانا كنت من المحظوظين جدا بحضوره

وان شا الله دائما السودانين متميزين في كل المحافل

وربنا يرفع السودان

وربنا يطول في عمر الشيخ زايد

الحبيبة دوما
لك التحايا ومشتاقين كتير لبوستاتك الحلوة
الايام دى بتغيبى كتير خففى الغيبة بالله
والله يا دوما منتهى الروعة وزى ما قالت الاخت زولة
يا ريت لو معانا تماضر عشان تشوف تشجيع اولياء الامور فى الرقصات
كيف حاجة تفتح النفس

حبيب بلدو
يا ريتكم معانا فى مثل هذه الفرحة بالنجاح
وهى من اجمل المناسبات .
وناس الامارات دايما مغرقننا بجمائلهم الله يزيدهم
ويحفظ سمو الشيخ زايد بن سلطان آل نهيان .........

انور كينج
والله انا محتارة معاك ما عارفاك وين
ارسلت قيل يومين لوضاح وشيماء عشان يتصلوا عليك
ويعرفوا نظام الموقع بتاعك لانهم الاتنين مجانين كمبيوتر
ووضاح دى دراسته فى جامعة الرباط .
وشيماء بدأت دراسة الكمبيوتر من قبل اربعة سنوات وكان مادة اساسية فى المدرسة وكانت دايما تاخد فيه النمرة الكاملة عشان كدة انا مصممة انها ترسل ليك عشان توريها البرنامج بتاعك .
لكن انت فى السودان ولا كوريا انا اخدت ليها رقم تلفونك من البروفايل بتاعك .

سارى الليل الظريف
نحن فى الانتظار

زولة123
كنت منورة امس فى الحفلة
ان شاء الله معرفة دائمة واتشرفت كتير بلقاك يا ظريفة

اخى عبد الله بابكر
والله نحن مقصرين شديد بورداب الامارات الشمالية احسن مننا
يعنى نحن كنا امس مجموعة كبيرة وما اتعارفنا والله ده عيب
شديد المرة الجاية نعمل خطة عشان لو فى مناسبة نتفق على كيفية اللقاء ان شاء الله .
كما قلت الحفل جميل لكن لازم تتضيف لينا حاجة من عندك
وربنا يخلى لينا الوالد سمو الشيخ زايد بن سلطان آل نهيان
حفظه الله..

ام وضاح

الاخت ام وضاح

نحن بورداب الامارات الشمالية في اجتماعات وشغل كتير حاصل
وتقريبا في تعارف كبير بيننا

وانا من بورداب ابوظبي بعرف بت القبايل بس

وانا راجع ليك عشان احكي ليهم الحفله كانت كيف

الاستاذة ام وضاح
الزمان:مساء الاربعاء 21/7/2004
المكان:مسرح بلدية العين (على حسب اخر معلومات)
الدعوة موجهة لكل البورداب حبايبنا

يا سلام يا أم وضاح حاجة تشرح القلب بالجد.

الحبيبة ندى امين
صورتك تشرح القلب لما اشوفها بحس انه الدنيا بخييييير
يا ليتكم كنتم معنا
لكن الجايات اكتر
فعلا حاجة تشرح القلب
ولك الحب

سارى الليل
نحن معكم باذنه تعالى
لو فى اى تعديل اكتب لينا

ام وضاح

ام وضاح...
Salamat, I'm in Korea & here is My number
+
8
2
1
0
6
6
5
8
5
3
4
9
From up to Down....
The site is SudaDev.net & they have to register in the forum
http://sudadev.net/forum/
wish I can hear from them soon...
Anwar

مشكور يا كينج
وسوف نتصل بك قريبا ان شاء الله .

ام وضاح

essam&amal

شكراً لكل أهلنا في الإمارات ومبروك مرة وأثنين وثلاثة
مبروك النجاح
ومبروك الفرح
ومبروك .. مبروك ...وانتم ترفعون اسم السودان عالياً
ونثرتم كل هذا الفرح.
ومبروك لأنكم كرمتم السودان قبل كل شئ

كبسيبة العسل ابو سنينات
يا حليل شيماء بتى مرة قالت لى انت بتقرى لى كبسيبة
بالليل كيف يقطع القلب من الخوف .
لكن اتعودنا على صورتك واقول ليك حاجة الصورة دى انا اكتشفت فيها لوحة جمالية ما عادية امكن عشان انا بحب اهلنا فى الجنوب .

كبسيبة العزيز
والله رفعنا راسكم فوق
زى ما الطلبة السودانيين رفعوا راسنا فووووووووق
عشرة من العشرة الاوائل حاجة تفتح النفس
الاولى سودانية على مستوى الدولة
التانية ,, ,, ,, ,,
التالتة ,, ,, ,, ,,
الرابع
السادس مشتركين ولدين سودانيين
التامن ،،،،،،،،،،،،،،،،،،،،،،
التاسع طالبة,,,,,,,,,,,,,,,,,
العاشرة,,,,,,,,,,,,,,,,,,,,,,
رايك شنو ؟؟؟؟؟؟؟؟؟؟؟؟؟؟؟؟؟
نجاح تمام
وعقبال كل الاولاد والبنات
شكرا ليك يا كبسيبة
ام وضاح

الفاضلة : ام وضاح
سلام من بلاد الاسكندناف اليكم في عروسة الخليج الحالمة ابوظبي

يبدو أن نشوة النجاح العارمة ـ ومعك كل الحق طبعاـ قد أنستك
أن ترسلي لي رقم هاتف عمي العزيز على أبوزيد
وعلى حسب وعدك فانا لا زلت في الانتظار يا سيدتي الكريمة
مع تحياتي لأحبابي وأبنائي الكرام : وضاح وشيماء
وكل أهلي بأبوظبي
أخوك : خضر