مذا يحدث في السودان ... للدرجة دي ؟؟ معقول طاردٌ أصبح الوطن؟؟ !!!

تالت زول يمشي السودان ويقول لي قسماً أسافر تاني ما أرجع ، هل أصبح الوضع محبط لهذه الدرجة؟ طيب لو قلنا زول واحد معليش نقول حالة خاصة لو قلنا اتنين نقول ظروف خاصة ومتشابهة ممكن ... بس ديل تلاتة كلهم في حالة غريبة من الإحباط والقرف والحزن والدبرسة

يا ناس الحاصل شنو؟؟؟ هل الوضع مأساوي للدرجة دي؟؟؟ يا ناس جوة أفيدونا بالله

الاخ نادر
لك التحايا
وماعاد بورداب الداخل يعلمون باكثر مما يحدث
المغتربين عموما بتحصل ليهم حاجات غريبة هنا في السودان
اولا لانمهم مواجهون بنوافذ صرف كبيرة
ثانيا عدم القناعة والتاقلم بالعيش في هذه الظروف
ثالثا وضع اليلاد عليه ضغط كبير في ظل الترقب الذي يحدث الان من امنيات بالانفراج السياسي والاقتصادي.
اخي نادر
نحمد الله عايشين احسن عيشة على بساطتها وجمالها

لاولوب بلدي ولاتمر الناس

العزيز نادر

سلامات

ياأخي بشروا و لا تنفروا،،،أنا حاسم امري لعودة نهائية للبلد مهما كانت الظروف،،،و الكلام دا بعد غربة طويـــــــــــــــــلة طولاً يجنن موش بس الاخوان الراجعين من اجازات، لا حتي المسؤولين في البلد دي بعتبروا دي مثالية و انتحار عديل كدا،،،و برضوا مصر ارجع،،،لسببين
اولهم أن الحياة في الغرب مفصلة علي الناس العاوزة تعيش هنا الي الابد و مافي امل يعني أنك بعد سنين اضافية ح تكون في وضع افضل للعودة للوطن.
و ثانياً المتغيرات الحاصلة و الح تحصل في البلد بتخلق واقع جديد يجعل العودة خيار افضل و مفروض علينا كمان