تماضر بت عمى شيخ الدين

تتضارى انتى ؟
يتضارى الحزن الجوة الجوف
حاشاك يا نخلة وحات الشوف
يتضارو بدونك خفافيش ليل
يقيّلوا فوق الشوك الدامى
وفوق السيخ وتحت الخوق

حاشاك يا نخلة الكلام النى
لبستى العفة والابداع
لبستيهم زى
وجودك بينا ما احلاهو
ما احلاك …. اكويهم كى

بت ملوك النيل
بت جمال الشيل
سلالة الورود
وفوح العبير
شموخك مليون ميل
يا اعتزازنا وحُلة فرحنا
وتاجنا الجميل
لما نحكى
لما نضحك
لما يتضايق نفسنا
وين نقبل؟
غير نزيح عنا همومنا الرحيل
من كلامك .. من مسامك
من رحيق قلمك عليل
لمّا تتقفل خطوطنا
لما تمطر تجوطنا
بنمشى ليك دون مراعاةالمقيل
ما تحزنى
ما تشيلى هم
كل البنيات والوليدات
ليك خليل
ما اجملهم/ن جمال الشيل
يا اجمل منك الا انتى
كلك شمائل اصيلة
وزيّك قليل

انت قايلة فى كلام غير الزيف ؟
انتى شايفة حقيقة بتتضارى ؟
غير الوجع ووشائج التزييف !!
خلونا نتألم من متين ؟
من وكت جونا .. ودّونا فى بحر النزيف
بس اصبرى
حتماً سينجلى غشاء التراكم
وسنصل لحدى القيف
وحات كتاب الله وحات الطيف
وحاتك انتى يا اجمل كيف


تماضر بت عمى شيخ الدين
بت الشيوخ
بت الماسكين حبال الدين
كمل الكلام
صاح المقام
كل الحروف
خاء .. وياء .. وسين
كملت حروفم
ذات الصوارى
وسمرقند وحطين
كملت حروفم فى الكلام الشين
وانتى العفاف والطهر
انتى السماح الزين
تغطس حروفم
تنغمس فى البرجوب والطين
ما اجملك
يا انتى زيك وين ؟!
تماضر بت عمى شيخ الدين

وأبشر بالخير يا هذا

الأخ الفاتـح،
شـكــرا على هـذا الإبـداع..

كنت قـد سمعت بوبســايت يشتمـوا فيـه البورداب، وفشـلت فى الدخـول إليـه عـدة مـرات.. ولكن عنـدما نجحت المـرة الأخيــرة، لم أجـد وبسـايت، وإنمـا وجـدت بعض الذين مظهـر كتابتهـم سـودانى، وجـدتهـم فاتحين بيت للدعـارة السيــاسيــة .
فخـرجت.

up

حبيبو الفاتح ياجيري يارهيب
ابدااااااع
تسلم وتسلم لينا تماضر

الرائع الفاتح
سلامي وإحترامي

Quote: حاشاك يا نخلة الكلام النى لبستى العفة والابداع لبستيهم زى

غني ياقمري .. غني واسمعني .. في حبيب عمري وصفك المغري
والله ويشهد الله بتستاهل

إذا ضرب دف الحماس
فإن الفوارس يأتون
من كل فج
إذا فتح باب الزريبة
تجيء العجول إلى الضرع عبا
إذا جاء ذو الحجة هب
إلى بكة المؤمنون
والخوالف تقصمهم غصة من حنين المحج
إذا جاء ذكر تماضر
فإنا نلج
نمسح دمعا يصب الدرج
ويركب فوق الروؤس رجاء
وينثال بين النسيم الأرج
لأن تماضر غيمة
ونرجو لها دمع فرح يفرهد أرض المقال
لأن تماضر غيمة
مع الحزن تهطل دمعا يلوك القلوب
ويرشقنا كالنبال
لأن تماضر غيمة
لأن نساء بلادي يرين تماضر أخت الكمال
لأن تماضر أخت السماء
ولأني امرأة
حين تذكر تلك التماضر
تلك التي جرعتناالفخر حساء
ما جزت راسا
ما ابتغت أن تكون
مدية أو فأسا
بل بنت بيتنا الميمون
جملت عمرت
عبدت دربا
حين تذكر آتي مرغمة،
كي أقدم ورق اعتمادي محبة
للمرة الألف أو ما يزيد
أتفكر فيها
وفي طعم عشق النساء النساء

رباح

Quote: إذا ضرب دف الحماس فإن الفوارس يأتون من كل فج إذا فتح باب الزريبة تجيء العجول إلى الضرع عبا إذا جاء ذي الحجة هب إلى بكة المؤمنون والخوالف تقصمهم غصة من حنين المحج إذا جاء ذكر تماضر فإنا نلج نمسح دمعا يصب الدرج ويركب فوق الروؤس رجاء وينثال بين النسيم الأرج لأن تماضر غيمة ونرجو لها دمع فرح يفرهد أرض المقال لأن تماضر غيمة مع الحزن تهطل دمعا يلوك القلوب ويرشقنا كالنبال لأن تماضر غيمة لأن نساء بلادي يرين تماضر أخت الكمال لأن تماضر أخت السماء ولأني امرأة حين تذكر تلك التماضر تلك التي جرعتناالفخر حساء ما جزت راسا ما ابتغت أن تكون مدية أو فأسا بل بنت بيتنا الميمون جملت عمرت عبدت دربا حين تذكر آتي مرغمة، كي أقدم ورق اعتمادي محبة للمرة الألف أو ما يزيد أتفكر فيها وفي طعم عشق النساء النساء رباح

رباح الحبيبة
الآن فهمت كلماتك عن ان تماضر تعلم النساء حب النساء
محبتى لكم

الفاتح
تحية عطرة ليك
و
لل
مثلث
ورمضان كريم

الحبيب هشام يا زول
رمضان كريم
وحمدا للسلامة بالعودة من ارض
الوطن ... ارض النزيف ارض اجدادى
عازة ... والشافك شافا متلبدة فيك

تسلم يا زول ويسلموا ال عمى شيخ الدين من كل شر وربنا يحفظكم
لتضيئوا لنا دروب الكلمة المموسقة وبيوتات الابداع الساكن جواكم
امين يا رب

شكرا ليك لرفع البوست يا حبيب

الفاتح

عمر رجب
تووووم
ليك تحية رمضان الكريم عليك
وتسلم انت برضو من كل شر .. وعين الحسود فيها عود وكمنجة

رمية ...
صدقنى مشتاق ليك كتير

الحبيب المبدع بدر الدين
السمح والزين ....

يا نخلة
نرمى حجرا
نكسب ثمرا
حجرا ... ثمرا
برغم قساوتنا نًَََِعطى

النخلة تماضر تستاهل اجمل ورود العالم
فليك وليها التحية اينما حللتم وربنا
يخليكم لينا اجمل ناس يعطرون دنيانا بنسيم الحب

شكرا ليك قدر دعاء الكون

الفاتح

شوف رباح دى بتقول فى شنو

يا اللــــــــــــــــــــــــــــــــــــــــــــــه

تسلمى يا مصونه ، يا أم العارفين وستهم

الحبيبة رباح الصادق

شكرا لتماضر الجابت خطاك فى دربها العامر بالازاهر
شكرا يا تماضر ... شكرا مرتين

رباح الحبيبة

لك التحية وانت تعبرين حواجز الكلمة
ومهما جادت قريحتى ان اكتب تماضر لن استطيع
فهنيئا بكلماتك عليها بردا وسلاما ...
وللعشق بين النساء شرار
وللحب بين التماضر ورباح
وبيننا اوتار قرار
وللمدى العاطفى تغير مدار

لك الحب

الحبيبة لنا

رمضان كريم

تعرفى ... رباح دى عقدتنى

وبعدين مشتاق ليك كتير
تسلمى يا رب ايتها الاديبة المبدعة
ويسلم يراعك ...


التحيات لل
مثلث
وصلت سليمة من دون خدش

سلامى وتحياتى ليكم

الحبيب يا زول


انت عارف كلام رباح دة نزل على بردا وسلامالايفائها صك الحقيقة
بحق الحبيبة العزيزة تماضر ... وجد ابدعت ايما ابداع فلك ولها
التحية المفروشة ورد

"طيب اولادى ما بسمعوا كلامى ليه؟"
كلما اسمع مثل هذا الاطراء اتحسس حدود ذاتى وازجر نفسى ان سمحت لهها بان تتمدد..راسيا او افقيا..

من اين لى كل هذا ؟؟ وانا "المقصرة" عن تحقيق حلم واحد..؟
حلم الانسان السودانى وهو يعيش بكرامة فى وطنه ..ولا يمد يده لناشطى السلام او منظمات الاغاثة؟
كيف والمرأة السودانية تبحث عن انسانيتها كل صباح فى..."محفطة" رجل أو"جفير" سيفه.. او ادغال ولايته؟
كيف وهن يهبن الاجنة فى جذوع الاشجار كما تفعل الماشية والانعام؟
كيف وهن يكتحلن بالدموع وينمن فى سرير السهر والهموم؟
كيف والطفل فى السودان مازال يلعب فى "التراب" ويقتات من صفائح "مول عفراء" وصدقات المقتدرين ..ان اقتات اصلا؟
كيف استوى والاشياء لا تستوى؟


الفاتح
ولنا
ورباح
بدرالدين شناة
وهشام
وعمر رجب

انتم لا ترون الا جمال فيكم فتلبسونى اياه

لكنكم ...بصراحة...

تمسون حزنى بعصا الفرح السحرية ...
وتجعلون منى انسانا بابعاد لا نهائية...

وزى ما بقولو الخواجات "you just love me"

ابادلكم حبا بحب
ودعما بدعم
واشراقا باشراق



وكما قال صديقى: حسن الظن هذا مسئولية

لقد زدتم على اعبائى..عبء حسن ظنكم..

فدعونى اسالكم ذراعا استند عليها..وحماسا غير منقطع

ابادلكم حبا بحب..
وشوقا بشوقا
وسافتح عينى ...واسعة على طريق وعر...واعبره..

ليت نساء وطنى يحظين بما حظظت به من محبة وتشجيع..
للامسن السماء باطراف اناملهن وابهجن الفراشات فى يوم عيد طويل ...بطول عمر العافية




الفاتح:

شكرا خالصا لانك احتملت غيابى عن الرد على مدحك "المخيف" لى حتى لم اجد ما اقوله..

رباح الصادق:

الجمت لسانى ..ومرحبا بك مرة اخرى يا اديبة ...على صفحات البورد...ودعينى اشكرك وكذلك الشكر للنا المهدى على رسائلكم الجميلة لى ايام المأتم وشحنة السلوان العبقة التى عطرتم بها حزنى...

"لم اسمع ان السيد الصادق المهدى قد جاء الى العزاء..هل هو غائب عن البلد؟؟ وهل سمع بالمرحوم؟" له تحياتى العامرة ..

بدرالدين شناة ياصديقى الدائم من الازل الى الابد..

هاك يدى وامتنانى وصحبتى..."واتصرف"


ولك معزتى الدائمة يا هشام على كونك ابن امى وابى...

ولعمر رجب السلام الجميل

وللجميع


الله يقدرنى على حسن الظن

Quote: لم اسمع ان السيد الصادق المهدى قد جاء الى العزاء..هل هو غائب عن البلد؟؟ وهل سمع بالمرحوم؟" له تحياتى العامرة ..

سوف ازداد حزنا اذا كان هذا الكلام صحيحا ....افيدونا


تحياتي لك اخي الفاتح ...