Post: #1
Title: اعتذار الى سارى الليل وآخرين
Author: shawgi badri
Date: 07-10-2004, 02:47 PM
عزيزى سارى الليل لك عظيم التحيه . وكثيرا من الاعتذار . لاننى لم اتمكن من الرد عليك مباشره بعد موضوعك الذى تطرقت فيه لمجموعتى القصصيه المشبك . وشكرا لاطراءك للكتاب . لك العتبى الى ان ترضى وتغفر يا سيدى .
الحقيقه انا افلى البورد عده مرات ولكن للنعام ما ببقه الجرى والطيران فأنا لا اكتب بل استجدى وقت الآخرين وكرمهم . والحراش ما كاتال . ومره اخرى اعتذر لكل اللذين يتداخلون معى ولا اتداخل معهم كثيرا . والامر ليس تتقلاً او صلفاً فهذه الاشياء لا استطيع ممارستها حتى اذا دخلت درس عصر . ولكن مداخلاتى تكون بالتفكير وكحل الكى بورد والتحسر . وكلما اطمع فيه تسامحكم وتفهمكم . وشكرا جزيلاً ..
شوقى ....
|
Post: #2
Title: Re: اعتذار الى سارى الليل وآخرين
Author: Hussein Mallasi
Date: 07-10-2004, 03:02 PM
Parent: #1
الخال شوقي
سلامات و مشتاقين
بالله يا خال لو لقيت ليك زول يكتب؛ عليك الله احكي لينا شوية عن الهاشماب كحي و ناس؛
و عن اعمامنا صلاح عبد الماجد احمد و محمد عبدالقادر عمر الصادق رحمهم الله.
و من يخطر على بالك من سكان هذا الحي العريق.
و لك الود و التقدير
|
Post: #3
Title: Re: اعتذار الى سارى الليل وآخرين
Author: Hussein Mallasi
Date: 07-13-2004, 07:08 AM
Parent: #2
فوق مع التحية
|
Post: #4
Title: Re: اعتذار الى سارى الليل وآخرين
Author: shawgi badri
Date: 07-13-2004, 12:28 PM
Parent: #3
العزيز ملاسى ... شكرا على المداخله طلبك جميل خاصه سيره الأخ البطل محمد عبد القادر عمر الصادق . والهاشماب حى لى فيه كثير من الذكريات والافكار تتزاحم فى الراس . ولكن البحث يجرى الآن عن ضحيه لكى يقوم بالكتابه . وسأكتب لك .
شكرا وتسلم ...
شوقى ....
|
Post: #5
Title: Re: اعتذار الى سارى الليل وآخرين
Author: Nada Amin
Date: 07-13-2004, 12:55 PM
Parent: #1
يا أستاذ شوقي لك الود و الاحترام متابعه كل كتاباتك الجميلة و التي أتمنى ألا يمنعنا الكيبورد من تذوق رحيق الذكريات الدسمة بها.
أقترح عليك و الى حين العثور على الضحية المنشودة للكتابة أن تحاول الطباعة بالماوس و الكيبورد الموجودين على صفحة المنبر الحر. هل تصدق أن كل كتاباتي المنشورة بالمنبر كتبتها بهذه الطريقة. هي قد تكون مرهقة في الأول لكن صدقني مع مرور الوقت سوف تتعود عليها.
|
Post: #6
Title: Re: اعتذار الى سارى الليل وآخرين
Author: shawgi badri
Date: 07-16-2004, 01:31 PM
Parent: #5
بنتنا العزيزه ندى ...
قالوا حموها الكلوميت شدت العرقى . انا كدى ما خلصان دايره يا بت اخوى تدخلينى غابه ماوس وهاوس , هو انا كان بعرف قدر ده العاجبنى شنو فى انتظار الناس . فى قصه قديمه فى امدرمان واحد ساكن جمب ناجيريين وامورهم ماشه ما شغالين لكن ماكلين وشاربين لمن اطمأنوا ليهو وروهو انه عندهم جنى فى قزازه لمن يحتاجوا اى حاجه بيجيبها ليهم . صاحبنا فرك القزازه جاهو الجنى قال ليهو عاوز وعاوز وعاوز وعاوز وبيت ثلاثه طوابق فى الرياض . الجنى قال ليه انا بتاع طلبات صغيره وقت انا بعمل بيوت ثلاثه طوابق فى الرياض العاجبنى شنو فى سكن القزاز .
انا يا بت اخوى كان بقدر على ده ما كنت سويتوا زمان العاجبنى شنو فى الشحده .
لكى التحيه ...
شوقى ...
|
Post: #7
Title: Re: اعتذار الى سارى الليل وآخرين
Author: Ahmed Al Bashir
Date: 07-16-2004, 10:58 PM
Parent: #1
يا عم شوقى يا ظريف
اقسمت بالدّيان انك فاكهة هذا البورد
العم عبد الرحيم الشيخ فى طريقه الى نيويورك عما قريب
الرجاء ان تدلنى على عنوان المكتبه التى يباع فيها كتاب حكاوى امدرمان كى يحضره معه
ليك على نعمل ليك نلفون مع بعض لو رقمك كما هو فى البروفايل
|
Post: #8
Title: Re: اعتذار الى سارى الليل وآخرين
Author: shawgi badri
Date: 07-17-2004, 09:11 AM
Parent: #7
احمد ود اخوى ..
سويت عمك فاكهه . كلام عجبنى بس لكن رفاقتى ناس العباسيه زمان طليق راس خروف البعاتى وبارود وكرك وكدومبوس كان سمعوا الكلام ده ما حأخلص منهم . يا سيدى كتاب امدرمان انا ذاتى كايس ليهو طبعاً نحنا الكتب دى ما بنشيل منها قرش ولا بنقبل وكل زول بطبع وببيع . فى امدرمان انت بتبنى البيت وبسكنوهوا الناس الثانيين .
لكن سمعت ببيعوهوا عند مكتبه عزه لصاحبها نور الهدى ممكن تكلم ود امى النخيل يتصل بمحجوب شريف الشاعر فى الاحفاد الثانويه ممكن يساعدو . وسلم على عبد الرحيم وانا منتظر تلفونكم ..
لك التحيه ...
شوقى ...
|
Post: #9
Title: Re: اعتذار الى سارى الليل وآخرين
Author: sari_alail
Date: 07-17-2004, 11:25 AM
Parent: #1
استاذنا شوقي بدري
حمدا لله على السلامة
سلم لي علي السياسي و المشبك
على ما اعتقد انو شخصية على تظهر فيها جوانب الشلاقة والشتارة والتعصب عند الرفاق
وليك التحية وسلام مربع
|
Post: #10
Title: Re: اعتذار الى سارى الليل وآخرين
Author: sari_alail
Date: 07-18-2004, 11:33 AM
Parent: #1
UP
|
|