التشكيليان صبّار و "قيسان" يشاركان في أولمبياد أثينا ..بالألوان..

يشارك التشكيليان السودانيان حامد صبّار وعبد العزيز عبد الماجد "قيسان في البورد"
في معرض الفنون التشكيلية المصاحب لدورة الالعاب الأولمبية 2004 بأثينا في الفترة
من 12/8 الى 29/9 والذي تنظمه مؤسسة "Artiade" الألمانية التي تعنى بتناغم وإنسجام الفنون العالمية و تمثيل ثقافات الشعوب المختلفة من خلال أعمال الفنانين التشكيليين المنتمين لتلك البلدان وذلك في معرض جماعي درجت على تنظيمه موازي للدورات الأولمبية.
حامد وعبد العزيز تم إختيارهم ضمن 172 فنان وفنانة يمثلون 78 بلداً،
من أصل 4500 تشكيلي من 120 دولة تقدموا للمشاركة
في هذا المعرض ، وقد تعددت المشاركات التي تم إختيارها مابين
النحت والتلوين وأعمال التكوين بالفيديو Vidio Installation
وسيشارك كل فنان بثلاثة أعمال تم إختيارها عبر لجنة محكمة .

مزيد من التفاصيل:
http://www.artiade.com/relaunch/artists.html

----------------

*عبد العزيز عبد الماجد- راقصو الوازا - خدش على صورة فوتوغرافية.
(من الأعمال المشاركة)..

----------------

* حامد صبار- طفولة - كولاج


--- تفاصيل أوفى لاحقاً..


قيسان

الف مبروك يا قيسان
اختيار صادف اهله

ومنتظرين باقي التفاصيل

قيسان...قيسان...زولنا....نان بعد دا المدوبيك معانا شنو؟؟؟

والله الف مبروك...لكما يا قيسان وصبار...وان شاء الله نشوفكم في اثينا
كأرقي مبدعي بلادي...وندوبي معاك هناك...علنا...

مبروك وميدا من الغبداع والمشاركة التمثل السودان

Congartulations dear Gessan and Sabbar
All the best

ألف ألف مبروك

الإختيار ....لقيسان وصديقى وزميلى الرائع الفنان ودمدني حامد صبار

وقد تاوقت من خلال هذا البوست الى ذكريات لفح وجهى منها دخان حروفي المحترقة على حوافها


التوفيق لقيسان الفنان والزميل حامد صبار

تهانينا اخي قيسان واخي حامد صبار

المشاء

مبروووووووك صديقي عبدالعزيز " قيسان " وأنت بحق مؤهل لأداء هذا والمشاركة في فعالية مثل هذه .
كل الامنيات الجميلة لك وصبار بهذه المشاركة.

خبر يسر القلب .
الف مبروك للعزيز قيسان
الف مبروك صبار
ستشرفانا لاشك .

الأخ العزيز قيسان

لك وللأستاذ حامد صبار كل أمنياتي بالتوفيق.

نجاة

مبروك لينا من يزيل بريشته القبح الذي لتخت به السياسة
سمعة وطن الجمال
احملوا معكم هموم دارفور و كل المظاليم و المجوعين و الملاحقين

و ارسموا معالم البشارة و الفجر البنستشرفه

مبـــــــــــــــــــــــــــــــــــــــــــــــــــروك

مبروك ل صبار
ومبروك لك اخى قيسان اتمنى لك كل التقدم
رفعت راس المحميه وسقادى والجابراب وكل المنطقه
الله يخليك لامنه وتشوفك فى احسن المراكز ودائما تفرح بيك

سلامات
وعوافي
الف مبروك قيسان ونتمني مزيد من النجاح لك وللاستاذ صبار
مع امنياتي لكما بالتوفيق

قيسان

هلا هلا يازوول والله انت عظيم ومفخرة لبلادي,,,,وتحياتي لحامد صبار والله يحفظكم ويوفقكم

بالله صور بلادي وقول

فيها الراحة والهواء والبراح والفي
وفيها كرمها والوفا والضمير الحي
وفيها الفيها كلو حاتك ات خيل لي
وفيها بطانة لا اقول ليك ولا تقول لي

الفرجوني

منتظرين التفاصيل على الهوى مباشرة لما ستقدمون وعلى الهواء لسعيدي الحظ مرتادي أولمبياد أثينا


أبنوسي

الله..الله.....ماشا الله..الى الامام يا سفراء السودان الحقيقيين..وان اللوحات التشكلية تعطى هذا البورد بعدا رابعا من الجمال..

سلام للجميع..وكل الذين مروا من هنا ..

* الجندرية
شكراً لك ايتها المبادرة ..
واتمنى ان نكون عند حسن الظن..
ستكوني معنا في التفاصيل القادمة..

* نزار ابو يارا ..
وكتين وصل الفريق وشاف الضو
عمل جفلة وكضم قيدو البسوي شلو
يا زول انا دوبيتك ماني فايتو تب ..وكل ما نلقى طريقة للنـم والله نسمع حِس شتماً ينُقر بنقوم فوقو ..
تسلم يا رفيقي ..وخليك معانا متابع ..ماهو اصلو المعرض دا زي ما تقول كدي زي سبق الجُمال "الزينة"البسووهو اهلنا
ناس البطانة في الأعراس ..دحين خليك قريب..

* الاستاذ خلف الله عبود
هي بلاشك محاولة لتأكيد الانتماء لقبيلة التشكيليين السودانيين ..
الدائرة التي تجمعنا ..
سعدت كثيرا بمرورك من هنا ..

* الاستاذ احمد المرضي ..
نتمنى ان نكون عند حسن الظن..
إضاءات الذين سبقونا في هذا المسار تلزمنا بأن نفعل الكثير ..
لا أخفيك كثير من الهواجس تلازمني هذه الايام ..
شكرا كثيرا لمرورك من هنا ..

* عمر الماحي ..
شكرا لك
جميل ان يكون صديقك حامد صبار حتى يخرج هذا البوست بعض ذكرياتك ..حامد برغم تخرجه من قسم النحت الا انه سيشارك
بالتلوين ..اعتز كثيرا ان يشاركني صديقك هذه التجربة ..كن معنا ..

* المشاء اسامة
شكرا لك ..ومدين لك بإعتذار وبعض الاشياء بيننا قطعا سنكملها كما نحب ..
ارقد عافية ..

* صديقي نصار الحاج..الرائع
كن معنا دائما ..وبيننا لقاء معلق ..شكرا لك

العزيز عثمان تراث ..
اتمنى ان نكون كذلك ..شكرا لك ولكلماتك ..

* الاستاذة نجاة
هي محاولة لنكون كما يجب ان نكون ..أتمنى ان نوفق فيها..
لك التحايا

* عزيزي نصار ..
شكرا لكلماتك ..هي محاولة لتأكيد الانتماء لذاك الشعب ..وبكل جراحاته..
ثق تماما ان ما نفعله لا ينفصل من حلمنا بالوطن الحِن مو الطارد ..
الوطن الذي يحتوينا جميعاً..

* العزيزة راوية ..لووووول
شكرا ليك ..قطع شك المحمية شرقها وغربها و"آمنة" ستكون حاضرة معي كما تلال الإنقسنا وجبل مرة وغيرها ..
تحياتي ..

* ود رملية ..سلامين وعوافي
شكرا ليك ولتمنياتك لنا ..
أقعد عافية..

* تولوس ..كيف حالك آ رفيق النم والخيمة القديمة..

أديتِك جواب يا بُسطة ابقي هميمة
وديهو أم دقاق كسلا المروِق نيما
"باقيها ما تسعلني منو"
يا زول ما عليك ..صورتنا بتشمل القاش ومكرام والتاكا وحلال الرشايدة ..وبالطبع "المحطة الأولى"..
كتر خيرك ..

* العزيز عادل أمين..
شكراً لمرورك ..بكم سنظل نحاول في هذا الفعل ..


أقعدوا عافية
قيسان

اخوي قيسان .. ماك طيبا
من طرابيل البجراوية الى منحوتات فيدياس الأغريق .. حضارة تتواصل مع حضارات
كلامي إت خابرو
ومو دايرو شرح
لكن المهم لمان نقابلك هنا بنطمن عليك أكثر ..
أمنياتي لك بالتوفيق دايماُ وللأخ حامد

وباقي النمة ديك هاك بدايتها والباقي عندك

قدر ما أقول أتوب والتوبة تبقى صميمة
يخلق زول جديد والعين تجافي منيمة
الجواب .. الخ
مودتي لك

تبلدي .. الابنوسي..
تحياتي ..وشكرا لمرورك من هنا..
سأحاول ان اوافيكم بتافصيل اكثر..

اقعد عافية
قيسان

قيسان علي فكرة انا من المحمية.... شرقها وغربها
وتحياتي لتلك البلد الجميلة الطيبة...
ةتحياتي للتشكيلي ابن المنطقة وابن عمي
,,,محجوب بابكر المقبول,,, وكذلك التشكيلين,,, من ابناء المحمية ومقيمين في كسلا,,, محمد الامين الطيب ,,, وندي عثمان,,, ومزدلفة سرالختم

عوووك يا سيف ..يا عمدة كلي..تحياتي..
وين بلدك يا زول ..
ايا والله ياها النمة بدايتا كدي ..الله يديك العافية..

اها غايتو ما بين "طرابيلنا" و"طرابيل"الإغريق ونسة طويلة لا تخلو من النم
ودايرة ليها ملاقاة..كتر خيرك ..

اقعد عافية
قيسان

قيسان .. والله نحن بندور ليس السمح .. لاكين دامك مرقت في بلود الرقاريق ديل غايتو الوصى بالمهلة كما يقول أهل العوض .. والوصية بتعطش يوم القيامة .. ويا ذيب أنا بوصيك .. أها وصيتي أن تنجر لينا مربع دوبيت في واحدة من لوحاتك .. عاد ما بعرف .. مخير .. إن شا الله تسوي ليك عراقي لي زولا ما عندو عراقي في الناس البترسموهم ديل ..

اهل العوض ..مرحبتين حبابك يا رفيقي ..
يعني قصدك بداية لي "مسدار أثينا" والله شنو؟؟
كدي الوصية البتعطش دي ..ينظر في أمرها ..
اها امهلني شوية وبديك خبري تب ..كتر خيرك

اقعد عااافية

قيسان

رفعتو راس البلد يا شباب
عزيز ليس غريبا اختيار اعمالك فتاغرفة التي تسكنها تحفة بذاتها
صداح

شكرا للفرح الذي منحتمونا اياه
بالتوفيق

تحياتي
زولة123

* صداح ..صديقي الغائب عن الساحة..
شكرا لمرورك من هنا ..ها نحن نحاول أن يكون القادم أجمل ..
كن معنا ..مع التحية

** زولة 123
شكرا لكلماتك ..أتمنى ان نكون كذلك ..
لك الود..

أقعدوا عافية

قيسان

طولوس..
معقولة؟؟؟؟
عموما ألف مرحب ..اها خلينا نتلاقى في سوق اللحد ..
او "نيمات المحطة" ..او المحطة الأولى كسلا ..رايك شنو؟؟؟؟

تاني مرحب بيك

قيسان

قيسان حبابك الف يا زوول... عاد كل المحطات دي ليها وقع خاص في نفسي.... واشتاق ليها دوام...تحياتي ليك ولفنك الراقي ... وانا عندي طلب ما بخليهو ومعلق في رقبك الي ان نلتقي بازن الله ... اللوحة التشكيلية للحرف العربي التي تمثل الرجل السوداني ... دي حقتي وادفع نصف عمري للحصول عليها والي ان نلتقي خليها امانة عندك...ولك حبي واحترامي واحتاج الي مزيد من التواصل....
[email protected]

دوما تفعلها يا عزيز كمن يتقن وشم الحب على جدار الزمان ويمضى
ياها الحرية فيك وفى صبار

سودانا فوق

تهانينا للاخ قيسان والأخ حامد..ولى قدام وسوقوا السودان معاكم.

* العزيز شبشة ..
هكذا أحاول وبك وبأصدقائك ان يستمر فعلنا في الجدار ..

شكراً ايها الجميل ..


** عزيزي كوستاوي ..
شكراً لتوقفك هنا ..قطعاً السودان سيكون معنا ..وبه نستمسك بالمسيرة..
تحياتي


اقعدوا عافية

قيسان

الف مبروك

قيسان و صبار

رفعتو راسنا والله

العزيز قيسان ...

مرحي للمحمية بك ..

ارجو المراسلة علي العنوان دا

[email protected]

ولك ودي

مبروك يا قيسان وصبار وجودكم هناك بشرح مافشل فيه سكان القصور الجمهورية من هنا لى هناك : جملوا جسد اليونان بى نقشة من روحنا واغرقوا فى نقوش بلد الاساطير وانصاف الآلهة وتعالوا احكو لينا عن " الجو الاوربى " عن السحر والبحر والامكنة والبنات .

** شكراً راوية لعودتك للبوست ..مع التحية..

*** وليد ياسين ..شكراً لمرورك من هنا..وكن معنا دائما في محاولاتناهذي..لك ودي..

** نجلاء؟؟عثمان التوم؟؟
خالص التحايا..ويا للورطة..
نجلاء..ثقي تماما اننا لن نكف عن المحاولة ..

لكم التحايا..

واقعدوا عافية
قيسان

Vision- Scratch on Photo- Aziz Hamad

شغل جميل
انت حاتمشي متين اثينا؟؟

عايزين نتم شغلنا مع بعض

ارقد عافية
المشاء

يا لهذا الجمال الاخاذ كم اتمني المزيد والمزيد

سلام. اخواني قيسان وصبار والف مبروك ومرحب بيكم
في اثينا كان هنا الهندي واستشهد بها
قال فبها شاعرنا الكبير المرحوم
صلاح احمد ابراهيم قصيدة يا ماريا
وفي اثينا شيخ من شيوخ المعارضة الا وهو الاستاذ
والصحفي صاحب اول جريدة معارضة لنظام البشير
صوت السودان الا هو الاستاذ منصور شاشاتي
مرحبكم في اثينا.
وهذا تلفوني 6947760013
بهاء

مبروك يا شباب دايما التشكيليين رافعين راسنا فى العالـم
ومتفوقين.نتمنى لكم المزيد من النجاح .
بالمنـاسبه عندنا فى كندا الفنانان عزالدين كجور
وحامد ايوب ايضا لهم صولات وجولات وهم حضروا الى هنا
فىمشاركات فنيه قبل اعوام نتمنى لكم ولهم مزيد من الفن

الحبيب قيسان
عشاء الضيفان .. ريحة الحبان .. مكنة نيسان
اتلفح بي توبك ، وأقدل بي سوطك ، وارفع صوتك بالنم وقول يا أثينا جاك بلد بي نيله ونخيله وأبنوسه ورماله وجباله
يعليكم الله فوق خلق الله
التحية لك وللأخ صبار
وفوق فوق .. سودانا فووووق
سيف كلي
حمد الله على السلامة
بركة الشفناك طيب
الشوق والريد

المبدع قيسان

تبحث عن المشاركة والمشاركة تبحث عنك لقد كانت دوما اعمالك ناضجة وذات مفردة تشكيلية فريدة ولكن الفضاء دوما كان لايسع ابداعك عموما حان الان موعد الانطلاق فلتكن انطلاقة عالميه بمفرده محلية شديدة الخصوصية حتي يعرف العالمين من نحن؟؟؟
اجمل الامنيات
وشكرا لكم دوما لعكس الوجه المشرق لنا رغم المحن الوطنية العظيمة...

* عبد العزيز عبد الماجد- قرية - زيت على قماش.
** "من الأعمال المشاركة".

التحية لكل من توقف هنا..ولي عودة..

قيسان

* الاستاذ التشكيلي بابكر كنديو ..
تحياتي وشكرا لتوقفك هنا ..كلماتك هنا تعني لي الكثير ..

** Elkalakla_sanga3at
التحية لك ولكلماتك المرحبة واثينا منورة بيكم انتو ..اتمنى ان تسير الامور
كما يجب ونلتقيك هناك ..عموما بيننا تلفون اكيد ..
خالص ودي ..

*** الاستاذة هادية محمد ..
شكرا لكلماتك عن التشكيليين ..ونتمنى ان نكون امتداد لهم ..ومبروك لكم بكجور و حامد ايوب بالتأكيد
هم من المساهمين في هذه المسيرة للتشكيل السوداني ..

**** رفيق النم ..سنجاوي ..كيف حالك يا خوي ..وكتر خيرك علي الطلة هنا وماك مشحود عليها ..
وليك علي بي وصيتك دي .."والخبر قطع شك بجيك".. كن معنا يا صديقي ..

**** المامون ..ود خدر ..
شكرا يا صديقي وقطعاً بكم ولكم ستكون محاولاتنا ..ألم نغني من قبل معاً:"في وسعنا ان نكون كما يجب ان يكون"؟؟

واقعدوا عافية

قيسان

عبد العزيز عبد الماجد- كلاج مواد مختلفة على ورق .

التحية لكل من يعمل على نشر الثقافة السودانية في أرجاء الأرض
لي قدام
يا فنانين

شكرا لكل الذين الذين مروا من هنا ..

*** تنويه هام : الزميل حامد صبار يشارك في المعرض بثلاثة اعمال من اعماله في النحت وليس بالتلوين كما جاء في بداية البوست ..

** مرفق مكان وزمان المعرض ..
والدعوة لبورداب أثينا .. وماجاورها ..


------



** Artiade


اقعدوا عافية
قيسان

الاعزاء أبناء الضوء
عبد العزيز قيسان/حامد صبار
بالامس تم اصطيادكم في ونسة جميلة مع الاخ سيف اليزل حيث استضفنا محموعة من الاخوان التشكيليين رغم غيابهم الا ان حضورهم السمح كان كثيفا .كيف حالكم وأجدني من الممتنين جدا بإختياركم في اولمبيات اثينا وذلك نتيجة جهدكم المقدر وإبداعكم المتميز .اثق جدا ان عيونكم امينة تجاة الطبيعة وتلك المخيلة ذات السقف اللامحدود وثورية إحساسكم.

الاخ حامد صبار
لك شوق عظيم ويبدو ان جنجاويد الغياب مارس سلطتة لكن حتما سوف نلتقي .

لوحاتكم التي تم عرضها في هذا البوست تعلن انكم سوف تكون الدهشة متعة الجميع

مجدي شبندر

مجدي شبندر؟؟
إزيك يا زول ووين الحي بيك؟؟
شكرا لك ولسيف اليزل وكل الجماعة المبدعة بجدة ..وبالله عليك بأبي الحرم ياسر..وتلوينه الجميل ..

شكرا تاني لمرورك من هنا
أقعد عافية

قيسان