يا شنتير...وقيسان...واهل العوض...وسنجاوي..وباقي الربع

ام شدره وخلاويها ومدارس انجالــــه
وخّــرن الشروف الصي بدنّي زوالــــه
الوطتني سم الحيّـــــه والملالــــه
اسمح من سبايك الخيــل ووحش الناله

نزار .. يا أبا يارا ، حياك الحيا

ينصر وينطلق زي المُصاب بي حُمى
ويكفت في الارض كفت الصقر للرِّمة
يتخفس برا الدراق ..سريع .بي همة
ايديهُ التقول.. غسَّال بِنفِّض ...عِمة

عامر جمعكم .. إن شا الله ما ينفض

حباب فرسان الكلمة الحرة

حباب نضامين نظم اخوان السرة

جرو الحرف ختو القوافي ابعدو الطرة

تعالو الميس ابرمو الطواقي ما تمرقو لا برة

اهل العوض...عارفك يا صاحبي ...سريع نهمه...وان كنت افتقدك بي شده..

قرجه...غني ودوبي معانا هنا للصباح...وماك مشحود يا صاحبي...سيد بيت ودار...




شدرات الغراب جاهن يعوم بي الصفحــه
رسنو الجابدو نفّحبو اللصابع نفحـــه

علي كولمة كريمه البالحت للتفحــــه
ذاعبي منعني تحريك الورك واللفحـــه




كولمة دي يا اهل العوض اصلها كلمة بضم الكاف...ومعناها صبيطة التمر...وبالحت دي يعني بقي لونها اصفر...اها قمت ختيت ليها واو لاني ما بعرف وين القي تشكيل الحروف....وسامحنا...ترا...علي القصور والشرح...انا عارفك مكجن الشرح

أبشر بالخير يا نزار

إن خـلاني بـن البنـات يقلنـي
جمعن محفلن في فندقن هرسنـي
أو خلاني زيت في بشرتن مسحني
أو مسواك أراك قامن فجر مضغني

أححححححححححححححححح حي

الأحباب أهل العوض وقرجـة
الشوق والريد
لكم خالص الود وأطيب المنى

صح لسانك يا نزار .. وحاشاك القصور ، وتاني مشتاقين ، لاكين البدفي القلب ، بنشوف أترك في بكانات الجمال .. ليهو الحمد والشكر .

قرجة .. والسنجاوي .. وينكم آ ناس .. طيبين ، جدة غير ..

دناي المسافات البعرف العوم
نقصت عليقتو .. باكر ناوي بيهو شيوم
أكان هوّن علينا الواااااحد القيوم
نشوفبو الكاسي قاعد ، ومن وسط ، مقسوم
وفي رواية ، معدوم كلو كلو

من القِهيد يا تيس نويت متصاعد
ضهرك قج وسدرك باب وراسك قاعد
زولي اللصلو من كلام الناس متباعد
سنونو البرق وبرطمو نيل سحاباً راعد

******
الحبوب سمح عُرفو المربى طويل
وخرار دومتو ساساقة ومشيها تقيل
بكيرت المغربي الحُرة ومشيها عديل
إسمك في البهايم للبعرفو قليييييل

******

سلام جاكم ..
والتحايا لكل الذين عقبوا الرِد ..



أقعدوا عاااافية


قيسان

* الشوق لأم شديدة وشدة الخبّاب ..

الحبيب نزار

هاك التشكيل يالحبيب

لكتابة الفتحة تضغط مفتاح العالي ( Shift ) مع حرف الضاد ( بعد كتابة الحرف المراد تشكيله )
للتنوين بالفتحتين تضغط مفتاح العالي ( Shift ) مع حرف الصاد - صاً

ولكتابة الكسرة تضغط مفتاح العالي ( Shift ) مع حرف الشين - شِ
التنوين بالكسرتين تضغط مفتاح العالي ( Shift ) مع حرف السين - سٍ

ولكتابة الضمة تضغط مفتاح العالي ( Shift ) مع حرف الثاء – ثُ
التنوين بالضمتين تضغط مفتاح العالي ( Shift ) مع حرف القاف - قٌ

أما السكون فتضغط مفتاح العالي ( Shift ) مع حرف الهمزة على السطر المجاور لحرف ( X ) الإنجليزي .

ياوالـدة وااا حـراقـيي
ماقلتـو الحـي بلاااقيييي
يــااللااابس الصدييرييي
فصلني ليييك عـراااقييي

شكراً جزيلاً

اها

البارح في خلانا
متونسين برانا
شن جاب اللوم
يا مطيرق الخيدرانه

هو هو هو هو هو هو هو

Quote: البارح في خلانا متونسين برانا شن جاب اللوم يا مطيرق الخيدرانه

تاني يا نزار قمت على التباريح
نحنا بارحاتك ديل ما بربحننا عديل
ماك خابرنا؟ متل فيران سيد الصفارة الساحرة ديك
حس النم دا بنبراه مغمضين

قيسان والجندرية والاحباب
سلام جاكم

فرع الحنـة الكابـي
تحتو بكُـر الدابـي
انا جنيت يا اصحابي
من أم سناً قصابـي

الجندريه وحات الله العظيم مشتاقين ...وانا التباريح مي مفارقاني شبر

وبركه الجابك حس النم

واها يا سنجاوي...اجبد



يا والده واااااحراقي
ما قلتي الحي بلاقي
يا اللابس الصديري
فصلني ليك عراقي

هي فصلني ليك عراااااقي
يا اللااااابس الصديري
فصلني لييييييك عراقيييييي

اها في عدل الجابودي دا ..يا نزار وسنجاوي والجندرية البجيبا النم ..

جدياً دابو قرم
يرعى العِسين والبرم
الديس شبه الليل الظلم

**
السارية أم برقاً عالي
بِتجيب الهواد طوالي
ما أصلو الضيق بفرق اللهالي

اصلو الضيييق بفرق الاهااالييي
اصلو الضيييق بفرقووو اللهاليييي

العديلة قدامكُن ووراكُن..

اقعدوا عافية
قيسان