يا مطبلاتية .. هل تكتفي .... وتكتفون بهذا الرد

كاتب المقال : بنت الاحفاد

الاخت الكريمه تماضر

لقد تأثرت برسالتك حقا لأنى لمست فيها الصدق والشفافيه, اعلم تماما بنيتك السليمه فى سعيك لربط ابناءك وابناء الجاليه السودانيه فى امريكا بوطنهم الام, كما اعلم نيتك السليمه فى تعريف الشعوب الاخرى
بعاداتنا وتقاليدنا

لكن ورجاء ان تتقبلى كلامى بصدر رحب, فوالله لا اسعى لأنتقادك لمجرد الانتقاد بل اقدرك كثيرا واخيكى الفاضل يازول

لقد شاهدت العرض وحقيقه صدمتنى منظر الفتيات بالملابس القصيريه جدا, فيا عزيزتى كان العرض سيكون مقبول الى حد ما لو ارتدت هولاء الفتيات الذى السودانى الاكثر حشمه, الا يوجد من ترقص بالثوب السودانى فى ليله عرسها

عزيزتى

بعيدا عن الدين, المجتمع السودانى لا يرحم, ومهما قال لك الكثيرون ان هذا شئ عادى فوالله غالبيتهم لا يرضونه لبناتهم او زوجاتهم

فى مثل بقول ليك اسمع كلام الببكيك ولا تسمع كلام البيضحك ويمشى يخليك

وصدقينى يوما ما ستعرفى ان من انتقدوا عملك يفعلون ذلك لصالحك , لأنهم يقولون لك الحقيقه بدون تزييف ولا يغلفونها بأغلفه جميله قبل ان يقدموها

ان من اختلف معك فى عرض عرائس النيل لم يختلف معك لأنه يكرهك, او يسعى
ان يقيد حريتك

اختى العذيذه

اتفهم مساعيك النبيله ولكن لا يجب ان تضحى بأن يصرن بناتك على كل لسان حتى ولو كان الهدف نبيل مثل تعريف الاخرين بعاداتنا وضعى مصلحه بناتك وبنات هذه الاسر فوق كل اعتبار فالأم تضحى بكل شئ من اجل سعاده ابناءها وتحرص الا يتعرضلهم احد بسوء

الرجاء التفكير فى كل ذلك بهدوء وبعيدا عن اى تأثير, يمكنك ان تصلى ركعتين استخاره وتدعو الله ان يكشف لك الحق, اعلم انه قد يحزنك كلامى هذا
وقد تعتبرينى عدوتك او اكرهك او حتى ظلاميه وجاهله او متخلفه لكن يوما ما ستعرفين اننا لا نفعل ذلك الا لمصلحتك واننى لولا لمست فيك صدق النيه والشفافيه لما اتعبت نفسى بكل هذا الكلام, اعلم ايضا انه سيأتى من ينتقدنى ويقول لك هذا كلام هراء, حسنا مافى مشكله يمكنكى ان تسمعه وتتجاهليه ان اردت, هذا سيكون اخر تعليق لى فى هذا الامر لانى لن ادخل فى جدال مع اى شخص
اعتزر لك واخوك الفاضل اخ هشام ان كان فى كلامى ما يسئ, والعفو والعافيه


وفى امان الله

لا اله الا الله

أخوي شندي سلام كتير في البداية
بتفق مع الأخت الفاضلة بت الأحفاد في كلمة كتبتها , لكن ..
يا شندي يا أخوي كان ممكن يكون عنوان بوستك أخفّ حدّة , وما لي شي بطلب منك كدة غير إنك تفتح بوست لي حوار هادي ويمكن توصل فيهو فكرتك ورأيك لي موضوع العرض .
وأهو أختي بنت الأحفاد قدرت تخاطب الأخت تماضر بي هدوء وتروي يدفعان تماضر لقبول رأيها كنقد أخت لأختها .
مطبلاتية ممكن تحفز كل واحد داير يخش يكتب رد أو حتى عابر سبيل داير يقرا لي رد مشحون وتاني تكون بديت نفس الدايرة وبعدت عن مسعاك



نسأل الله السلامة يا زول

أبنوسي

Quote: مطبلاتية ممكن تحفز كل واحد داير يخش يكتب رد أو حتى عابر سبيل داير يقرا لي رد مشحون وتاني تكون بديت نفس الدايرة وبعدت عن مسعاك

الفاضل : تبلدي

ما عايز اعيد ليك نقاط كتبت من قبل في شتى بوسطات بهذا المنبر العظيم.
كلمة مطبلاتية يا عزيزي
لو تراجعت قليلاً أو من قبل موضوع فرقة النيل التي مست وخدشت جدار الوطن الحبيب بذاك العرض المخجل للناظر .
ممكن تعمل بحث لشتى مواضيع الاخت تماضر والردود وستجد معني لكلمة مطبلاتية..


أما الهدؤ الذي تعنية أخي الفاضل الذي كتب بيد الاخت الكريمة بنت الاحفاد ... يكف لعابر السبيل الذي تعنية ويكف لهولاء المطبلاتية ..
فأنا اعتبر هذا المقال الذي ( كتب عن عقل يمثل رأي سليم .. ونعمة الحديث المرشد ) ..

لك الود تبلدي

كلمة مطبلاتية
للاشـــــــارة وليس للإثــــارة

الاخ شندي ..
لو ترك الامر لتماضر في الرد علي منتقدي العرض ..
وانا واحد منهم .. كان اجدى ..
من هذا النعيق الذي يصم الآذان ويحجب الرؤيا ..
كتبت بت الاحفاد ما عجزنا ان نقوله ..
تماضر هي تماضر بالنسبة لي .. وهي تعلم ذلك ..
فلا نحمل تجاهها اي ضغينة .. كما يروج المطبلاتية ..
ولكن ذلك لا يمنعنا ان نقول ما يجول في خاطرنا ..

شكرا بت الاحفاد ..
شكرا شندي ..

الاخوة المطبلاتية ..
حتي التطيبل .. يحتاج أحيانا لضبط الايقاع ..
واذا عدتم عدنا ..

حميدة
اشكرك على قولك ومقالك الجميل


نعمة القول

الاخ شندى شكرا لك لنقلك ما كتبته الابنة بت الاحفاد
وقد عبرت عنى انا شخصيا احسن تعبير.. ربنا يكملها بعقلها
لانه هذا ما حاولت ان اقله لها..
فعلا ضجيج المعركة على صوت العقل.. وانطلقت العواطف
تعربد فى جنبات البورد..

حميدة برضو بتفق معاك
شكرن

Quote: لو ترك الامر لتماضر في الرد علي منتقدي العرض .. وانا واحد منهم .. كان اجدى .. من هذا النعيق الذي يصم الآذان ويحجب الرؤيا

يا حميده وود شندي ودكتوره بيان وبنت الاحفاد..

لا اتفق معكم...هل عدم اتفاقي نعيق يا حميده؟

فانا اتفهم نقدكم لو كنتم تعيشون في افغانستان قبل حرب تورا بورا

اها النستعد للمشاكل.....

يا ود شندي أنت فاكنك بنبله...وله راسك مسخن ساكت؟

و له أكل الكبسه الكتيره عامل ليك انتر ربشن فى المصارين؟

كوستاوي
ليس هكذا ودشندي ،،
ارجع البصر كرتين ، وستعرف أنك تريد أن توجه خطابك لشندي ، وليس للرائع ود شندي ،

شكرا ود قاسم..أقصد شندي
و أعتزر لود شندي.

شندي
لا اري مبررا لفتح بوست جديد خاصة وان رد بت الاحفاد نزل ببوست اخر وقرأه الجميع
والامر فعلا للاثاره وليس للاشاره كما زكرت
هذا رأي وارجو ان لايكون نعيقا او تطبيلا
تسلم

تعال يا شندي انت فاكيها في روحك كدا ليه بلاش قله ادب ومسخره فاضيه السودان دا ملكك ؟؟؟تماضر علي كيفها تعمل العايزاه حد منتظر منك انت الاذن عشان يثني عليها ولا ينتقدها ما فيش .بعدين بدل تعمل كوبي اند بيست لي كلام بت االاحفاد ورينا اولاد افكارك يا شاطر. وبلش قله الادب لانها اسهل شئ وكلنا بنعرفها

فيا عزيزتى كان العرض سيكون مقبول الى حد ما لو ارتدت هولاء الفتيات الذى السودانى الاكثر حشمه, الا يوجد من ترقص بالثوب السودانى فى ليله عرسها




هل تميز بنت الأحفاد ما بين رقيص العروس وبيت البكاء يا شندي ..

كلام الطير في الباقير .... مع احترامي للباقير

هاك يا دوما .... موش كلامك عن الحجاب وما ببلدان الخواجات .من عري ووو كما توصفين..وتستنكرين


Re: الحجاب وسلوك المرأة


وهذه بعض ردودك الهذلية بعدم الموضوعية ...

Re: مــــن الـــذي.......قتــــل حمـــــزة؟

Re: هل وصلنا هذه الدرجة من الجهل؟؟؟؟


من حديثك .. يبان أنك تدرين عن قلت الأدب

وتأكدنا بأنكي تعرفينها جيداً ممكن تورينا بس يكون نموذج صغير ..ما كبير مره

يا لفجيعه شندي وناسها وكت الطير المتلك دا بيكتب باسمها

يا شندي

انا مطبلاتي جدا
ولم اكتفي بالرد
ماذا تريدني ان افعل
هل اعلن الجهاد علي تماضر وعرائس النيل
ام اعلنها غزوة تماضر وبناتها
ام جهاد الكتروني
فالتراق كل الدماء
هيا علي الجهاد
يلا ارقصوا واجمعوا زاد المجاهد
والمتحركات ،، الفتح المبين
صيف العبور،، المغيرات صبحا
يلا يلا علينا جاي

كتبت الاخت دوما (ورينا اولاد افكارك يا شاطر. وبلش قله الادب لانها اسهل شئ وكلنا بنعرفها )

ده كله يطلع منك يادوما ؟ عيب منك كده والراجل بيتناقش
كان إتفقتى معاه او إختلفتى قارعيه بالحجة بدون كلمات جارحة
زى دى ودمتى

المحترم ترهاقا الراجل دا ما بناقش لقد تتبعت العديد من كتابته البائسه في هذا الموضوع وكانت مهاجمه شخصيه لتماضر ولمن يقدرون مجهودها ولم يات حديثه نقدا موضوعيا بل حطا من قدرها وطعنا في اخلاقياتها وكانت تماضر مؤدبه معه لابعد الحدود ولكنه لم يرعوي.

السادة / الاخوان الاعزاء
ما فهمت بتقصدو شنو عشان ارد عليكم ... وما بنحكي عن السياسية والشوعية بنتلكم عن العري


الغريبة انكم الثلاثة لابسين كرفتات مشاء الله

سؤال لوجه الموضوعية
ان كان ثمة موضوعية يتحراها هذا البوست

ما الذي يجعل من المعجبين / ات بالعرض مطبلاتيه
ونقيضهم ناقدين / ات ؟ !!!!!!!!!!!!!!!

اكرر السؤال هنا لاتفاق لغة البوستين

شندي
لو ما بتفهم
افهمك
خليك من الكرفتات

انا مطبلاتي ولم اكتفي بالرد
اها،، عاوزني اعمل شنو
امشي معاك نضبح تماضر وبناتها
ونسجل شريط فيديو للضبح
وسط صيحات
تهليل تكبير
فهمت ولا لسع؟؟؟
ارجو الأجابة

الأخت/ العزيزة دوما.

ألف سلام لشخصك الغالي.

لا أعتقد أن المدعو شندي شخص جاد ويريد نقاش هادف.
لقد فشل الرجل في أن يأتي برأيه مكتوب وواضح, فكيف ستتعاملون مع شخص لا يستطيع حتى كتابة سطرين يشرح فيهم أفكاره؟ أرجو منكم عدم الرد عليه حتى يأتي لنا برأي وفكر يستحق النقاش.

دينق.

كتبت الاخت دوما (ورينا اولاد افكارك يا شاطر. وبلش قله الادب لانها اسهل شئ وكلنا بنعرفها )

ده كله يطلع منك يادوما ؟ عيب منك كده والراجل بيتناقش
كان إتفقتى معاه او إختلفتى قارعيه بالحجة بدون كلمات جارحة
زى دى ودمتى


عزيز ترهاقا
كنت مثلك اظن ان الخالة دوما اخطأت ولكن انظر الي الرد التالي



لاحظ الي ثقافة أماني السني ادناه


السادة / الاخوان الاعزاء
ما فهمت بتقصدو شنو عشان ارد عليكم ... وما بنحكي عن السياسية والشوعية بنتلكم عن العري


الغريبة انكم الثلاثة لابسين كرفتات مشاء الله


الا تعتقد انها فعلا قلة ادب وانحطاط ...

بعدين ياخي ما مشكلة تكون امانس السني ببتغزل في الكرفتة او في ايي حاجة تانية ناهيك عن انها ممكن تتحرك من الكرفتة وتتغزل في ايي حاجة تانية مما يستدعي اطلاق مسالة التحرش الجنسي التي تماثل قضية التجاني المشرف لكن في حالتها علي الاقل مقبولة ..

لكن في حالتك انت والتجاني بتفتكر انها ممكن تكون مقبولة

Quote: سؤال لوجه الموضوعية ان كان ثمة موضوعية يتحراها هذا البوست ما الذي يجعل من المعجبين / ات بالعرض مطبلاتيه ونقيضهم ناقدين / ات ؟ !!!!!!!!!!!!!!! اكرر السؤال هنا لاتفاق لغة البوستين

لعله يا جندرية نفس الذي جعل نقيض المعجبين بالعرض جنجويد !!

Quote: أرجو منكم عدم الرد عليه حتى يأتي لنا برأي وفكر يستحق النقاش.

اسمعوا كلام الزول الموضوعي العاقل دة

فعلا كل الاشياء راسا علي عقب

خبراء تسويق المستحيل يتداخلون في الوقت المناسب

يدعو الي الموضوعية "ملك المهاترات"

ويدعو الي الحوار "ملك المماحكة" واتباعه الافاضل، الاجازة كملت خلاص؟؟؟

زعلانين انكم مطبلاتية

طيب الجابكم هنا شنو؟؟؟؟

وليه ما زعلتوا يا اصحاب المكيالين حينما وصف الاخرون بالجنجويد وخلافه

ابتسم انت في ارض العجائب.

رغـم إنـو البوسـت في المقام الأول بتحدث عن بنت الأحفاد و تماضر

لكن الإثنين عملن بي أصلهن و بعدن عن الـكلامات اللي ما منها فائدة و الغالب كان الغرض منها خلق مشكلة

الله إيديكن العافية تماضر و بنت الأحفاد

خالتنا الكبيرة مقاماً و احتراما دومة

سلامات

Quote: يا لفجيعه شندي وناسها وكت الطير المتلك دا بيكتب باسمها

+
تعرفي يا دومه شندي و مدني و الجنيد و بركات .... الخ ؛ تنفع برضو اسامي لناس ...

اما حجر الطير فهي قطع شك اسم بلد .

فلترق كل الدماء..فلترق منا دماء...فلترق منهم دماء

شدو حيلكم شندى يتجه الى القدس...

مطبلاتية شنو؟؟الموضوع نحن عاجبنا هذا النوع من الفن وانت ما عاجبك ..بس الحكاية ابسط من كل هذه السيوف.!!!!!!!!!!!
وفر ضراعك للبلد!!!!!

اللي على راسه طبله.. يحسس عليها.

او بالبلدي كده

الحرامي في راسو "دلوكة".


و كل شئ نسبي.