هؤلاء رفعوا هامتنا الى ما فوق السحاب

عندما كنا نقول ان السودانيات والسودانيين اذا ما اتيحت لهم الفرص فانهم سوف يصنعون النجاح. ان لم يكونوا هم انفسهم النجاح.. لم نكن نداهن او نشتط.. في الامر..


مرد هذا الكلام هو انني قبل اسبوع تقريبا وبينما كنت اتابع تواريخ الانكسار والهزيمة التي ضربت المشهد السوداني الجمعي.. وصولات كولون باول.. وتهديد الكوفي انان.. والمناظر المؤلمة لاهلنا بمعسكرات التشرد بين تشاد والسودان.. وفي دارفور.. وبلغ مني الحنق.. والقهر.. والحزن.. ما بلغ اثرت ان انقل الريموت الى قناة اخرى.. وكانت قناة الشارقة حيث برنامج توزيع الجوائز على الفائزين والفائزات بالمراتب العشر الاولى في مستويات الثانوي العالي في مساقات العلمي والادبي والفني.


وكم كان سروري وفرحي الغائب الهارب منذ ثلاث سنوات عندما كانت الاولى مشترك على مستوى الدولة سودانية بنت اصول وعفة حيث يتقطر الحياء والعلم والثقة بالله والنفس والعائلة ثم امعنت النظر وكم اتسعت فرحتي وغبطتي للمرة الثانية عندما كانو عشرة اشخاص بين ذكور واناثا وكلهم من السودان الذي انجب الراحل المقيم البرفسور عبدالله الطيب ومكي شبيكة وغيرهم من العباقرة..


وقررت ان اكتب عنهم كلمة عرفان في حقهم ولكن في حقيقة الامر لا اعرف اي واحد منهم وكل ما اعرفه عنهم انهم سودانيين وسودانيات وفي بلاد الاغتراب الامارات صنعوا المعجزات واخترقوا اللائحة الابداعية النخبوية ورسموا اسم السودان عاليا..

هؤلاء رفعوا هامتنا الى ما فوق السحاب وهم جديرون ايضا ان نحتفي بهم في المنبر الحر

واخيرا اشكر الاخ تاج السر حسن لانني سوف انقل اسماء هؤلاء من بوسته المعنون "لمحة عن (دبى) العروس الجميله... أعترف لقد قصرنا فى حقها":-

-مروة نعيم حاج خلف الله 99.9% االأول م
- سارة حسين آدم مختار 99.8% الثاني مكرر
- لينا ابوبكر التيجاني الصديق 99.8% الثالث م
- المجتبى بهاء الدين عبدالرؤوف احمد 99.7% الرابع م
- نائلة صلاحالدين محمد محمود 99.7% الرابع م
-احمد بشير عبدالله بشير 99.5% السادس م
- احمد جمال موسى محمود 99.5% السادس م
-احمد بكري احمد عبدالرحيم 99.3% التاسع م
- وفاء عبدالله محمد عبدالله 99.5% التاسع م
- آلاء محمد ابراهيم بانقا 99.% العاشر م

أخي محمود
لك الشكر أجزله وأنت تسمو بنا فوق طيات السحاب مع نشوة النجاح والفرح وحقيقه هذه مفخرة لكل السودان والسودانيين وأبارك النجاح لعائلاتهم كما أثني إقتراحك بأن يتم تكريمهم عبرالبورد.

الاستاذ بركات تحية طيبة:-

اشكرك لك مرورك الكريم على هذا الموضوع واضم مرة ثانية صوتي لصوتك. اتمنى ان يكرم هؤلاء في منبر سودانيز اون لاين هل يعقل ان تكرمهم قناة الشارقة والجامعة الامريكية بالشارقة وعدة فعاليات اخرى بينما نحن اولى بهم لانهم لحمنا ودمنا وزخرنا؟

اشكرك على مداخلتك المعبرة..

أخى محمود الدقم
لك شكرى ياعزيزى فمن رفع معنا القبعات لشوامخ أمثال هؤلاء جدير بالتقدير وهم وهن أبناء النساء والرجال الذين نعرفهم تغربوا وسهروا الليالى وفارقوا الأهل والأحباب ، ليمنحونا بدورا وضياء.

يساء اليهم ، ويساء لمن دافع عنهم !!!!!
هذا هو التكريم الذى منحناه لهم ، فكان الرد منهم ثمرا.

الاخ العزيز الاستاذ تاج السر:-

بداية ارجو منك المعذرة- لاني قد سطوت على اسماء العشرة المتفوقين من بوستك.. لكن اعمل شنو اهو الواحد فينا دايما ببحت في الحاجات الحلوة.. وانت بغادي فاتح سوبرماركت للاشياء الحلوة الرائعة..

اخي الكريم تاج/
هناك مثل صيني يقول "مجنونة الجزيرة التي تحارب المحيط" وانا اقول لك "مجنون هو الذي يحارب التفوق.. والنجاح.. ومجنون هو الذي لا يدافع عن المراة السودانية.. والسودان.. والله يسامح الكان السبب في تشردنا..

شكرا لك مرة اخرى "وهل يضير الثريا كتاحة الثرا"؟؟

ماشاء الله تبارك الله...


فوق يا جماعة


بنت الحسين

فوق هام السحاب ، أولادنا حقو الشكره
بى أروع نجاح ، تركوهاأجمل ذكرى
يا محمود دقم يا ما تشوف يوم بكره
أجيال الشباب يبنو البلد بى فكره


عمهم هشام

يازول-يازول:-

انت شاعر بالفطرة.. وكلماتك دي ما عندي ليها اي زيادة... حتى ما تفقد حرارتها.. وقوتها.. وانشاءالله يوم بكرة سنرسم اسم السودان في القارات الخمس.. فقط بتكاتفنا.. وحنيتنا.. وحبنا لبعضنا.. البعض.. وحبنا الكبير لله.. وثقتنا فيه.


كما اقترح عليك ان تهتم بالشعر وتدونه في نوتات.. لانوا حقوق الطبع محفوظة لك كمؤلف.. والا ف"الجنجويد" بيقصو رقبت اشعارك كلها.. وما حا يخلوا ليك قافية حايمة انت رايك شنو؟؟

اشكرك لك مرة اخرى كلماتك الرقيقة...

الاخت العزيزة مريم بنت الحسين:-

كيف حالك انشاءالله بالف خير.. اشكر لك الكلمات المعبرة... الطيبة.. واشكرك لك مرور الكريم ...واتابع كتاباتك..

وبهم نفتخر

ود العمدة السلام عليكم ورحمة الله وبركاته

اتابع كتاباتك في المنبر.. واطروحاتك.. اشكر لك مرورك الكريم وتعليقك على الموضوع.... وشكرا لك سلفا

هؤلاء هم الأمل في سودان جديد
مــــــــ1000ــــــــبروك وإلى الأمام قادة المستقبل

الاخ محمود

و الله الواحد بيسعد جدا بسماع انجازات زى دى

فى زمن شحت فيهو الانجازات

ده معناهو انو انجال الوطن بخير رغم محاولات تخريب العقول المستمرة


فوق ولقدام

الاخ الاستاذ محمد اشرف:-

تحية طيبة مباركة/

نعم اتفق معك ان الوطن له انجال يبدعون/ لان حواء السودانية اصلا لا تعرف شيئا غير انجاب المبدعين... النخبويين...

صحيح ان هناك بعض العيال العاقيين لامرها... لكن الكمال لله فقط..


اهلنا بالداخل انحصر ابداعهم في لقمة العيش الحلال... في تعليم الاطفال ابجدية الكتابة.. في العلاج... في شرب الماء النظيف... في الاغتراب... والترقب.. والدعاء الى الله من القادم الاعظم.


اخي محمد اشرف تشرفت حقيقة بمشاركتك معنا في هذا الفرح الرمزي.. ولك مني اجمل التحايا.. واعطر الود..

الرائع كبسيبة:-

تحية طيبة وينك انت يا اخوي.. شنو طلاتك بقت شوية كدي علينا؟؟ شكرا لك المرور السريع والكلمات المؤثرة..

اقترح تكريم هؤلاء المتفوقين رمزيا في المنبر الحر كان تجرى معهم لقاءات يقوم بها الاخوة و الاخوات البورداب المقيمين في الامارات العربية واي نمط اخر من انواع الكريم

اخى محمود الدقم
لك السلام يا زول يا راقى ويرفع راسك بنجاحك ونجاح كل ما يهمك امره
انا طبعا كتبت كتير عنهن لو كنت متابع بوست سمباتيكو ( عشرة سودانيين فى العشرة الاوائل واولهم مروة نعيم ) .

انا على استعداد لكل شىء من مقابلة اوتكريم او اسئلة لاربعة منهن
لانهن بناتى وصديقات بنتى شيماء وزميلاتها منذ الروضة .

الاولى : مروة نعيم حاج على خلف الله بنت اولاد عمى امها بت عمى وابوها ود عمى يعنى ( امها بت عم ابوها ) وده مثل يضرب للانسان الاصيل والشاطر كمان زى مروة بتى ما شاء الله ، ومروة من اهلك ناس بربر الشاطرين اسياد العلم والفهم والراى امها ستنا طه الامين من بربر ولازم نعظم الامهات ونذكرهم فى كل النجاحات .

التانية : سارة حسين ادم مختار ، امها انصاف حاج الامين الشامى وابوها من اهلك ناس ابو زبد والابيض وامها من ناس ام درمان حى العرضة اهل الاصالة .

الثالثة : لينا ابو بكر التجانى الصديق ابوها من اهلك ناس القراصة ود عم الشهيد احمد القرشى وامها عايدة احمد من اهلك ناس بارا والابيض ، شاطرة والاولى منذ نعومة اظافرها .

العاشرة : آلاء محمد ابراهيم بانقا ابوها رجل البر والخير محمد بانقا وامها الاستاذة والمربية الفاضلة ستنا على بانقا من اهلك ناس الابيض الفاضليين وامها بت عم ابوها كمان .

اخى محمود انا جاهزة لاى خدمة وشوفوا حتعملوا شنو ؟؟

اعتذر بشدة لعدم معرفتى بابنائى الاخرين لأنهم من الامارات التانية وانا لا اعرف غير امارة ابو ظبى عذرا وارجوا من كل من يعرفهم يكتب عنهم وقدرما نكتب لا نوفيهم حقهم ابدا ابدا .....

ام وضاح

انتى يا ام وضاح
حقو نسميك (ام النجاح)

تسلمى لهذا التعريف الجميل ، ويا جماعة بخور التيمان ضرورى

السيدة الفاضلة- ام وضاح:-
السلام عليكم ورحمة الله/

حقيقة اشعر بالفخر المضاعف.. كونك وانت ام النجاح نفسه -اذا سمحت لي بهذا التعبير- لانك الان تخاطبينا وهذا يثبت بما لا يدع مجالا للشك ان وراء كل امة عظيمة امراة صالحة لاسرتها وللوطن.

واسمح لي من خلالك ايضا ان اتقدم بالتهئنة الحارة القلبية بمناسبة نجاح بناتك زخر السودان بمناسبة هذا النجاح الباهر.


اما كون انك قد كتبت عنهن من قبل فهذا امر حقيقة يدعو للمفخرة والعزة. غير ان العبد لله كاتب هذه الاسطر مشغول بالعمل اكثر من اربعة عشرة ساعة يوميا ولسوء الحظ لم اظفر بقراءة البوست الخاص الذي كتب عن هذا النجاح السوداني.


اقتراحي المبدئي هو ان تحاولي اجراء مقابلات معهن ولو تيسر لك ايضا مع بقية الناجحات والناجحون من ابناء بلدي السودان الاصيل مع صورهم.

كما اقترح على المهندس بكري ابوبكر ان ينزل صور هؤلاء العشرة الاوائل على الصفحة الرئيسية بسودانيز اون لاين كشيء من التكريم الرمزي لهذا النجاح.

كما ارجو ان تبلغيهن سلاماتي وتحياتي ولك كل الشكر..


محمود -صحفي متعاون سابقا مع صحيفة السفير/ صحيفة النهار/ الكفاح العربي/ -مقيم باليونان.

فوق
هام
السحاب

الرائع / محمود بوخارست

فقط اردت أن أسجل أسمى فى دفتر حضور هذا البوست

الرائع و عبره ازف اصدق التهانى لأبناء السودان

أحسب ان حواء السودانية لا زالت حبلى بالمبدعين

و المتفوقين فى كل المجالات ..... و لك التحية


الفولانى

الاخ الاستاذ عوض الله الفولاني:-

تحية طيبة مباركة وبعد:

اعتذر بداية عن التاخير في الرد وذلك لاسباب قاهرة

واشكرك لك مرورك الكريم على موضوع البوست وعقبال ليك ولجميع الاخوة في غوانتناموا عفوا في لبنان

كما اشكرك على كلماتك الطيبة المؤثرة.

الرائع يا زول يا زول:-

كيف الحال والاحوال يا طيب؟؟ والله احييك واشد على ايديك للحماس الصادق الفيييييييييك وعشمنا كان تجود لينا بقصيدة. بس المرة يا ريت لو كانت طويلة شوية..


ولك حبي وتقديري.

ياســــلام