كان في واحد رباطابي

اهلنا الرباطاب مشهورين بخفة الدم والقفشات الجميلة والتي تدخل البهجة في قلوب الكثيرين
اجمل ما يعجبني في الرباطاب انهم يردون رد شافي لكل من يسأل سؤال (غبي) لذلك دعونا نجول في عالمهم وطرائفهم الجميلة التي لو اعيدت عليك مرات تجد نفسك تضحك وكأنك تسمع النكتة لأول مرة
رايكم شنو نعمل البوست ده لنكات اهلنا الرباطاب؟
طبع اول نكتة بالنسبة لي جديدة لنج بس اعتقد انو في ناس كتير مرت عليهم .. يلا نبدأ

كان في واحد رباطابي شايل (طشت) وماشي في الشارع
سالو واحد قال ليهو: ماشي تغسل؟
الرباطابي قال: لأ ماشي اغني اه ونص

في انتظار مشاركاتكم وصدقوني اي حاجة بتكون حلوة حتى ولو كانت قدييييييييمة
ولكم كل الود

كنت جالس مع جدي .. في طرف البحر ..
في ساقي الجارة .. بقرية أمكي ..
وكانت الايام .. ايام عيد ..
وعلي الطرف الآخر .. جماعة جايين من السفر ..
وفي انتظار البنطون ..
فسألته من هؤلاء ..
وكان أغلبهم من الطلبة .. الذين يدرسون في الخرطوم ..
فقال لي .. وبسرعة مدهشة ..

ديل العَيادة ..
جو يأكلوها علي أسيادها ..
لافيهم خير .. لافيهم زيادة ..

الاخ معتز
البوست حيكون حلو بدون زعل
اعتذار شدييييد لاهلنا الشوايقة وبالمناسبة انا اولادى شوايقة

طبعا اهلنا الرباطاب والشوايقة ما بتلاقوا ابدا ابدا عشان كده النكات كلها حتكون خاصة بالشوايقة والله يستر .

فى واحد شايقى راكب فى سودانير وشايل ليه قرد المضيفة رباطابية
مسيخة وقفت جنبهم وعاينت ليهم كده ، وسألت الحيوان ده معاك ؟؟ رد ليها القرد بسرعة ايوه .

وبعتذر للشوايقة تانى ، وخاصة ابو وضاح ووضاح
وبرضة راحعة ليكم .

ام وضاح

والله يا أم وضاح بالغتي عديل وأنا لو من عصام كنت جبت ليك ضرة شايقية عشان توريكي المكجن بلا بصل
المهم النكتة ظريفة وضحكتني (خاصة القرد يمكن عنده صلة قرابة بأهلنا الرباطاب لأن الداروينين بيقولوا أصل الإنسان كان قرد
والله أهلنا الرباطات مشهورين بسرعة البديهة والمساخة وكمان صفة أخيرة (عينهم حارة) ووصافين جدا
المهم يوم بسأل واحد رباطابي جارانا من أولادنا في البيت وغالبا بيجمعوا قدام الدكان فوق عنقريب المهم سألت الرباطابي قلت ليه ما شفت أولادنا ... بسرعة رد علي .. قاعدين قدام الدكان فوق العنقريب زي دبابيس الإبرة في المغنطيس

رباطابي طالع من الحمام واحد سألو
استحميت؟
قال ليو الرباطابي لا دقتني مطرة
-----------------------------

رباطابي فارش ليهو جنازير يبيع فيهم
سألوا واحد قاليهو الجنازير دي للبيع
رد عليهو الرباطابي
لا فارشن ينشفو
-----------------------------

ودي ما رباطابية عشان الرباطاب ما يزعلو

فلاتي سمى بنتو أحب سألوه ليه سميتها كده
قال عشان المُدرسة في المدرسة لما تناديها
تقول: أحب هرون أبكر
---------------------------------

حلفاوي اتشاكل مع مصري ساكن مع سودانيين
رجع للسودانيين الساكن معاهم المصري قاليهم ليه علمتو الرطانة؟
قالوا ليهو ما علمناهو ليه
قاليهم قلت ليهو (كلب إبن كلب) فهمها
----------------------------------

UP very funny

رباطابى شاف قطر الوحده داخل محطة كريمة واستناه لمن قام وعلق عليه
(المصيبة التقول شريط كاسيت )

ربطابى كان فى عزومة شاف واحد بمص فى عضم الضلعة عاين ليه وقال
(الجنى التقول بقيس فى حرارته)
مع الاعتذار للربطاب
تحياتى

البوست ده انا ما شفته كيف؟
جاية ومعي الكثير

دي تصبيرة:

كتبت مرة يا معتز بوست عنوانه: هل يولد الرباطابي مسيخا؟؟؟
احدهم رد علي بتلات كلمات: لا بيزيدوه ملح

وعلى هذه الشاكلة كان به كثير من النكات والتليقات الظريفة

اتمنى ان اجده يوما لاكن الظاهر ضاع في الارشفة

تحياتي
زولة123

براحة يا جماعة على أهلي اولاد رباط

رباطابى اتقلب بيهو الباص .. مر عليهو سحسوح راكب كروزر وسألو :

عمو ... الباص ده اتقلب بيك ؟؟


عاين ليهو زيييييييييييييين .. وقال :

لا .... تاكيهو اصنقر فى ضلو


........................................................

رباطابى داير يشترى راس نيفة .. سأل البياع :

عندك راس ؟ قال ليهو ايوة قال ليهو بيكم ؟

قال ليهو بـ 50 ألف ....

قال : ليه قارى طب ؟؟

..............................ز

رباطابية عجووووووووزة ... وقعت فى حفرة قالت :

أه ........... أحسن

ابن خالتي العزيز معتز
سلامي واشواقي

راجع ليك
بنكات اهلنا الرباطاب

وفي نكت شايقيه برضوا

حبيبنا حميدة
شكرا ليك كثيرا يا امير .. تعجبني التعليقات التي كان صاحبها في مكان الحدث .. هل من مزيد؟

الاخت ام وضاح
اتلومتي عاد مع الشوايقة وشايف حبيبو برضو زعلان هههههههه لكن النكتة لزيزة .. تسلمي ام وضاح

حبيبنا حبيب بلدو
شكرا ليك كثير يا رائع .. وخليك معانا وجيب لينا حاجات لزيزة تاني

نادر يا نادر
شكرا ليك كثر على المرور .. اعجبتني نكتة الحمام والفلاتي لانو ما سمعتهن قبل كدا .. يلا انكت الباقي

الغالي زول ابن زول
شكرا ليك كثير يا فني .. خليك معانا يا عسل

الحبوب بلدي يا حبوب
بصراحة مبالغة عديل النكتين يا ظريف .. تسلم يا غالي

الاخت زولة
تصدقي انا من ما كتب البوست ده مش ما شفتو انا نسيتو عديل كدا .. اتذكر ذلك البوست وكان فيهو تعليقات ظريفة .. يلا منتظرين ما بعد التصبيرة

المرهف بامسيكا
اهلكم لزيزين لكن نعمل ليهم شنو .. انتو القال ليكم كونوا كدا منو .. تحياتي يا رائع

الغالي ابو تميم
شكرا ليك كثير على المرور يا عسل .. منتظرينك وما تغيب

ابن خالتي عبد الله
تسلم يا غالي .. ونحن في انتظار نكاتك يا عسل
سلامي للجميع

واحده قديمة لكن عاجباني شديد
رباطابي ولدو كان بيعوم في البحر جا تمساح اكل الولد
طبعا الناس في العزاء والاسئلة المعروفة في كل عزاء .. قام واحد سألو قال ليهو ولدك القتلو شنو؟
الرابطابي قال ليهو: اكلو تمساح
قام قال والتسماح اكلو وين؟
الرباطابي قال: اكلو في المطعم
ههههههههههههه
وراجعين

رباطابي مرتو قالت ليهو : دايرة قميص نوم
قال ليها : اللابساهو دا مالو...مساهر بيك ؟؟


واحد رباطابى قريبو مغترب امه اتوفت المهم زولنا بعد سنة جاء البلد قام قال لى قريبو ارح نشيل الفاتحة فى قبر امى
مشى معاهو المقابر و بقى يعاين للقبور حدد ليهو 3 قبور و قال ليهو و الله ياخى ما متأكد دا ولا دا ولا دا
الود قال ليهو ياخ لازم تحدد لى قبر امى ياتو
عاين ليهو كده و قال ليهو ياخوى اتا داير تديها مصاريف ما تشيل فاتحتك و تمشى ..

وبجيك ..