Post: #1
Title: أكون جنّيــــت ؟
Author: ZARIA
Date: 06-30-2004, 12:25 PM
Parent: #0
سؤال أشتر
لومضة الألق المجافيه النجمه يو بكره.. ماعدت عليك عربيّة الشجن المسافر للنسيــم؟؟
أكون جنّيــت ؟!
وقلــت أقراك بالمقلوب..
قلــت أبداك..
وكيــف أبــداك؟
وكل بدايه خطّت اسمهــا
في دفتر غياب الأزمنه..
كل النهايات .. سافرت
يوم إلتقت
نفس الفواصل والحروف
الواقفه في حلقي .. وتجاهد
كــم سنــه !
أكون جنّيـت ؟
وبين شريــاني والجـدول ..
رفض شريــاني فكرة وقفة الجدول
واتمـــــــطّ ..
وهب خـــاطر الضياع نفسو ..
كتب آخر حروف اسمــو ..
وفوق الغيمــه ختّــــاها
وغطّــاها بطرف كفنو..
حلــف ما يحرِج الغيمه
وكت قالت مســافره ..
وشايــله أحزانو .
هو مااتكلــــم..
ولكن كان مؤكّـــد
إنّو سرْ لو أودعــو الغيمه
محال يفضل بعد داك ..
ســـــــــرّ .
أكيـــــــــد جنّيــــــت!!
|
Post: #2
Title: Re: أكون جنّيــــت ؟
Author: عوض الله الفولانى
Date: 06-30-2004, 01:24 PM
Parent: #1
زاريا
خطيييييييييرة عدييييييييل كدا القصيدة دى من راسك ولله من كراسك
لك التحية و القصيدة فى قمة الروعة مما يؤكد انك شاعرة لايشق لهاغبار
الفولانى
|
Post: #3
Title: Re: أكون جنّيــــت ؟
Author: almohndis
Date: 06-30-2004, 08:06 PM
Parent: #1
زاريا سلام
يا عوض ابن الوز
عوام فى بنت شاعر
مجيد مجدد عالم عباس
|
Post: #4
Title: Re: أكون جنّيــــت ؟
Author: ZARIA
Date: 06-30-2004, 11:10 PM
Parent: #3
أخوي الفولاني
والله من دقنوسي دا.. بعد ما خاصمني النوم كتبتها على مراحل في الظلام
وعندما أدركني الصباح .. ولاّ أنا ادركتو .. المهم بي جاي بي جاي حاولت أفك طلاسم الشخبطه في الدفتر ودي النتيجه.
وتسلم للمجامله
باشمهندسنا:
والله اشتقت للمتنا.. انا بكره الخميس انشاءالله جايه الخرطوم..
والله لو كنت وزّه " بس الشيطان ما وزّني" ماأظن ارقى لمستوى الوالد
انت داير تفضحني ولا شنو؟!
وشكرا ً كثيرا ً على الطلّه
ودمتم
zaria
|
Post: #5
Title: Re: أكون جنّيــــت ؟
Author: Ehab Eltayeb
Date: 07-03-2004, 05:12 AM
Parent: #1
Quote: سؤال أشتر :
لومضة الألق المجافيه النجمه يو بكره..
ماعدت عليك عربيّة الشجن المسافر للنسيــم؟؟ |
زاريا:
ما بين الشتاره والجنون تتمدد مساحات من الابداع
الضائع بين الحذر و العقل..
شكرا لهذا النص الجميل,,,
|
Post: #6
Title: Re: أكون جنّيــــت ؟
Author: Habib_bldo
Date: 07-03-2004, 06:29 AM
Parent: #5
زاريا اسمك شبية باسم بت جيرانا لذا دائما أقرأ ما تكتبين
وسلامتك من الجنون والله ينولك مرادك ويحقق أمنياتك
ولكن إذا كان الجنون سيهديك لكتابة كهذه جني كل يوم وأكتبي ويقال
الشعر نوع من الجنون
|
Post: #7
Title: Re: أكون جنّيــــت ؟
Author: فتحي الصديق
Date: 07-03-2004, 07:08 AM
المبدعة بنت المبدع زاريا
لك التحايا العاطرات
اكتبي وزيني هذا الفضاء بكتاباتك..فانت مبدعة..مقلة..
نننظر كتاباتك بشوق لا حد له.
اكتبي
وانشري
وبس.
|
Post: #8
Title: Re: أكون جنّيــــت ؟
Author: زوربا
Date: 07-03-2004, 08:02 PM
Parent: #7
زاريا بت الموج الصوفي
والشوق الجاري عليك
عاصفا كإرتعاشة القلب يخرج الحرف من مشكاة لدنك
وسيماً
مترعا بحقول الطفولة وأنوثة من سحاب لاؤثث وجلي باسرار التجلي والانكشاف تغدو اللحظة مع اعتصار خلق ساعاته الأولي غاية التوهج في يد طفل بحث عن أسرار وجهه في ثناياها
والريد نيلين
|
|