عاملة كيف
كل منانا
إنو نتلاقى في بر ؤانا
وبي .. أمانه ..
الشوق .. عنيف
ويا حليل ليلات هوانا
لما عينيك .. وحنانا
يبقوا قمراتنا وسمانا
ويبقوا في السكة الرصيف
سارة .. عاملة كيف
وهسة مشتاق لعيونك
روعة اللقيا وسكونك
لما تحتر في الرزانه
وابقى في عينيك ضيف
سارة... عاملة كيف
ارسم الدنيا المعاني
أصلو من عينيك أماني
وفيها تبريحنا وغنانا
سارة ..أحلي طيف ...
مشتهيك واللهفة أكثر
لي زمن ريدما ووفانا
وكيف تعود من تاني تكبر
بين حضورك والمكانة
أصلي شايف الدنيا صيف
سارة ... عاملة كيف
كل مناها برق عيونك
لما تمطر صيف سحابة
تسعد الناس الحزانة
وتمسح الدمعة الكأبة
وتغسل القلب الرهيف
.... بالله عاملة كيف
أصلو ما الدنيا بعدك
دمعة محزونة ورتابة
وحال أسيف من حسرة جاية
واصلي بتصبر وأقيف
ما العشم يالسمحة إنك
تسقي لي الروح تدي حنك
وتسمعي الهمسات يناغمنك
عاملة كيف .........
......... عاملة كيف
عاملة كيف .........
......... عاملة كيف
بامسيكا