يا رجاء مبروك لي الاغاريق

سلام حصلي يا رجاء بعد هدف في فرنساقسطنطنيواثينا حاجة
تانية مظاهرات عمت الشوارع واختلت الحابل بالنابل
صغار وكبار نساء ورجال حتي اللحظة الالعاب النارية
غطت سماء اثينا

بهاء العزيز..

مبروك لليونان.. طبعا ما حأقول ليك النتيجة متوقعة.. لأنو مافي متابع للأمم الأوروبية مصدقها.. ودي دعاية حلوة لأولمبياد أثينا..
والأمل معقود على هولندا آخر المنتخبات العتيقة..


مبروك تاني..

البت بتعرف في الكوره...حكمتو عجيبه ....

نصر يا عزيز..

Quote: البت بتعرف في الكوره...حكمتو عجيبه ....

سبعة صنايع.. والبخت....

رجوية
انا مبسوطة منك وما تساليني ليه

الكلاكلة
مافي حالات وفيات حتى هذه اللحظة؟
الصدمة لاكن ما كبيرة


تحياتي
زولة123

زولا واحد اتنين تلاتة الطماطماية العسل ..

أؤمن بأن القلوب عند بعضها

والله أعلم بمكانتك في نفسي..

دام ودنا..



بهاء..

الليلة أصبحتو كيف..؟

الرجاء ارسال رقم تليفونك لإعطائه لهدى اختي..

وين..؟ في المسينجر بتاعنا ..

سسلام. يتواصل العرس اليوناني
بعد انتصاره علي التشيك
طبعا لا استطيع وصف حالة الشارع العام
الكل نزل ا لشارع اثيناء صارت نهار من الالعاب النارية
وكل العالم اتجهت الي السنتر(امونيا)حيث وسط المدينة
اما باقي المدن الاخري سالونكا وباقي المدن والجزر مراسلين التلفذة شماروم حار طبعا اختي زولة اليلة
قطع شك بكون في حالة وفيات

يا رجا كيفككككككك الناس دي ما مصدقة عديل كداء
انا خايف يشلو كاس الدورة

العزيز بهاء..

مبروووووووك لليونان.. يستحقوا بجد..


مع اصدق الأمنيات باستكمال الفرحة وهزيمة اولاد البلد..


عشان طلًعوا هولند ..

تسلمى يا ست الناس لك كل احترامي وتقديري

رجاء كيفك
لسة مبسوطة منك

الاخ الكلاكلة
شوف لي الكلمة دي صاح
عشان عايزة اعملها كبيرة وبالالوان لرجوية

syncharitiria

تحياتي
زولة123

الحبيبة زولا واحد اتنين تلاتة..

شرحو هنا.. زي ما بيقول المصريين..

طبعا منتظرة اعرف الكلمة شنو.. أكيد حلوة زيك..


بسرعة قولا لينا يا بهاء..

معناها تهانينا

يا زولة الشمبانيا غطت الشوارع في عجوزة جارتنا مصرة كمان اسمعو ناس المنبر ولا بهناك ابو عتيق في البالتوك يقيم الحد

Syncharitiria


تحياتي
زولة123

الحبيب كلاكلة مبرووووك .. ليكم لكن أنت من ده كلوا قاعد وين وبتسوي في شنو يا شقي..وبالمناسبة أتذكر في السودان و سنة الرياضة الجماهيرية .. منتخب السودان العسكري فاز على الفريق القومي اليوناني 3 ـ 1 في مبارة ودية بأستاد الخرطوم أثناء أستعدادات المنتخب لبطولة العالم العسكرية آنذاك ..أها شوف نحن بقينا وين الليلة .. زمن ..

وبالمناسبة يا كلاكلة على ذكر سالونيكا دي أنا برجف كلما بسمع أسمها ..أتذكر كنت في زيارة للمدينة عام 81 ضربنا ليك زلزال ليلا .. قوته زي 6ريختر ..غادرتها بغير رجعة زي ما بقولو .. ربك ستر علينا وعليك الله تحياتي الاصدقاء كوستا ويني وكولى وباولا وفاسيلي .. لولاقيتم
أها نقول ليك مع السلامة وبركة في الطلة..

الاعزاء زولا وبهاء..



تهانيينا..

syncharitiria












العزيز ملامح..

سالونيك ترتبط عندي بشقيقي بهاء الدين، الذي يعشقها لدرجة مبالغة.. كان يدرس في يوغسلافيا (سكوبيا).. وكانت محطته في الذهاب والعودة..

خالص التحايا
عزيزى كلاكله صنقعت
عمومابقول ليك مبروك وكيف اخبارك

وسلام كل من هنا

رجاء (ياصاحبه فى الزمن الصعب)
برضو فرحنا ليكى لكن بالجد انا كنت بشجع التشيك
بس فى النهائى بشجع اليونانين لانى مابحب البرتغاليين
وداير اديكم معلومه انا متاكد انو البرتغالين حيشلو الكاس
لانو انا متاكد من حظى ماشجعته فريق فى اى بطوله الا طلع مهزوم
والدليل البطوله الشغاله اسه دى..
فعموما عذرا ليك يالكلاكله..
حاولت استلطف البرتغالين واشجعهم عشان اليونانين يفوزوابس ماقدرته..يازول المرتبه التانيه كويسه معانا
اننا بديت اقنع بالامر الواقع من اسه

"Quote: البت بتعرف في الكوره...حكمتو عجيبه ...."

المعايش جبـارة.

التحايا النواضر
الزملاء الاعزاء
Kostawi
و
Abureesh

البت بتعرف في الكوره...حكمتو عجيبه
اقول
فوكها شى؟؟

الأعزاء معتز وأبو الريش..

تحية ليكم وانتو غايبين ما بتظهرو الا في البوستات الحلوة..


ومبروك وشكرا لليونان الجمًعتنا..




الكلاكلة.. كل التخريمات دي On the house

كلاكلا ( كلا ثم كلا )
سلامات ياراجل يا بتاع الاغريق والله تعرف الواحد كان عايز الشيك افوزوا لانو الالمان هنا والله عاملين لينا صداع طبعا بعد ماهم طاروا وطلعوا بقد القنه بقوا مساكنها انو الاغريق سبب النصر بتاعهم التكنيك الالمانى يعنى بالعربى الواضح لو ما الالمان الاغريق ديل ما بساوى حاجه مع الجماعه الكبار عشان كده كنا عايزين الاغريق اطلعوا عشان الزول القى حاجه ابلع بيها الناس دى كلامهم وكمان اليومين ديل بقوا اقولوا انو المباره الختاميه الالمان ليهم دور كبير فيها الحكم المانى ومدرب الاغريق المانى يعنى تمت الناقصه وياسيدى النصر جميل والله اديكم العافيه ـ ـ ولك كل الود

استاذي ملامح مشتاقين عديل كدا
مبروك ليهم الناس ديل ليهم سنتين شغالين في الفريق
داء ودي مجهود الغريبة اليوم الصبح في واحد من الاغريق
ديل قال لمن نعمل حاجة بتستطر في التاريخ توصل
تحياتك لمن ذكرت وسوف اضيف صديقك الاستاذ منصور شاشتي

مبروك لابناء ارسطو على هذاالفوزالغالى والذى كان بعد تجهزيات متواصلة واحتكاك عبر النجيل الاخضر بلغت مبارياته 15 مباراة تجربية قبل بدأ المنافسة لم يهزم فيهاالفريق اليونانى والذى يتمتع بلياقة عالية وتكتيك المانى فى الاداء لعب فيه مدربه الالمانى دورا مقدرا كما نلاحظ الاصرار على الفوز اما الفريق التشيكى فهو الاخر قدم ماعنده من تكتيك ولعب رفيع وامتعناخلال المباريات التى لعبهاوكان خروجه بشرف بل كان اول فريق يطبق عليه الهدف الفضى .
مباراة اليونان والبرتقال ستكون فوق صفيح ساخن البرتقال تمنى نفسهاباحراز الكأس للمرة الثانية واليونان تطمع فى الفوز ليكون رصيدا مشرفا لها فى دورة الالعاب الاولمبية ولا ننسى البرتقال تريد ان تؤكد جدارتها بالفوز وتهزم اليونان التى ادخلت هدفين فى اول مباريات الدورة ومن حسن الطالع ان يلتقى الفريقين ايضا فى ختام الدورة كما لا انسى يلعبان فى وجود طاقم تدريب اجنبى .
يحلو لى ان اصف نتائج دورة يورو 2004 ( دورة عولمة كرة القدم )بسقوط الكبار وتفوق الابطال . وكذالك بوصول الفرق بمدربين اجانب وخروج الفرق التى تستعين بمدربينها المحلين حتى التدريب اصبح لا يعرف حدود كضروب العولمة فى كل المجالات
تحياتى

سلام شكرا لكل الحلوين نبدا بي اخوتي رجاء طبعا ما نومنا واشكرك شديد في مد التواصل مع ناس اليونان بالمناسبة هدي اتصلت والشكر يرجع ليك طبعا الناس ديل
مصدوين لسع لو شالو الكاس زي ماقال صديقي الا نهرب
من البلد دي
اخوتي زولة التهنة لينا نحن ربحنا جيتك هنا
وشنو يا دكتورة وكيف اخبار شلة البال الاختفو؟

الاخوان، كوستاوي شكرا علي المرور اخوتي رجاء بتعرف
في الكورة بس مشكلتة بتشجع هولندا،
اخي ابو الريش تسلم وتشكر علي الطلة

عزيزي معتز. اول شي اشكرك علي المرور وكيف عامل في
بلدك ديك اخي وحبيبي معتز الناس ديل كدا دي ذاتة
بني وبينك كفاية عليهم،
بس انا متكيف سقطت كلمة كبار من المان وفرنسين وانجليز عقبال لي الاحزاب السودانية.
شطحت مش ؟
وياخي من اسي مبروك لي البرتغالين

الاخوان، SAdo7 تحية ليك واشكرك علي المرور والتهنة
لاشك ان المدرب ري هاجل الالماني له دور كبير في النجاح
اللذي انجزه الفريق اليوناني
اخويا بلدي ياحبوب. تشكر علي المرور ومعك حق في سقوط
الكبار ودي تحديات العولمة ..
اما المبارة الختامية بنقول البرتغال ظروفو احسن من
المنتخب اليوناني يريد ان يثار من مبارة الافتتاح
وتوقف بسبب الكروت اضافة ان البرتغالين يلعبون وسط
ارضهم وجمهورهم

اليوم اليوم الاعصاب مشدودة هنا ما بعرف برجع ليكم

بعدين منو ؟؟؟؟؟؟؟؟

مبروووووووووووك لـلـيـونـان..

مبرووووووووووووووك فعلا * لليونان * لتحقيقها لاكبر مفاجأة



لحطة تسليم كاس البطولة

اثبت اليونان لانها جديرة بحمل الكأس
وجديرة بتنظيم الالعاب الاولمبية وسوف تفاجىء العالم بتنظيمها للالعاب الاولمبية
انتهى دور الكبار
مبروك لينا ولليونان

لااستطيع التعبير العالم كلها بالشوارع والساحات
حيث قامت بلدية اثينا بنصب الشاشات العملاقة في
الساحات العامة لنقل المبارة لي عودة كي اصف العرس
اليوناني .
بهاء

الاعزاء/العزيزات

اغاريق/ اغريقيات السودان نقول لكم /لكن الف مبروك كأس الامم الاوروبية و لكن نقول لكما يا ابن الكلاكلة صنقعت و يا رجاء ما تساعدونا شويه و تصلحوا لينا الفريق الوطني السوداني بكم لاعب منكم حتي نستطيع ان نعمل حاجة لاننا و الله اصبحنا ملطشة و اي فريق عايز ليه نقطة يأخذها منا و في ارضنا و في اخر الدقائق, يا شباب انجدونا , لاني متابع تشجيع رجاء و ابن الكلاكلة (لفريقهما اليوناني) و هذا يؤكد جذورهما اليونانية العريقة!! و يا ابن الكلاكلة الف مبروك لكل الجالية السودانية باليونان و طبعا اهلك الانجليز مشجعين اليونان ايضا و لا يحبون البرتغالييين و البرتغاليات و لكم شكري و تبريكاتي بالكأس.

برير اسماعيل يوسف
المملكة المتحدة
05/07/2004

سلام.اخويا برير وتسلم للمرور من هنا . ياخويا الكرة
السودانية اللة يرحمة .
حليل سانتو وحليل علي قاقارين حليل سبت والطيب سند
حليل ماجد وجاداللة وحليل جكسا

سلام. لم تنم اثينا الا بعد شروق الشمس من اهاذيج الفرح
حيث كان الحشد في كل الساحات يقرعون الطبول ويعزفون
علي المزامير كان التاريخ يعيد نفسه علي ايام الاسكندر
الاكبر .
وصلو الابطال عصرا حيث كانت الجماهير في انتظارهم في
ملعب كالي مرمر اللذي انطلقت منه الشعلة الاولمبية في
رحلته لاخيرة خارج اليونان. وشارك في الاحتفالات قداسة البابا وريس الوزراء والمعارضة