Post: #1
Title: آلو متصل بيكم من اورووووووووبا. .
Author: omar_ragab
Date: 06-18-2004, 03:22 PM
lol
من سفارة لقنصلية
حكاية شاب سوداني في بلاد الله
من سفارة لقنصلية
وتوصية من وزارة الخارجية
وجواز جديد من الداخلية
والخطيبة مسكينة ورضية
ما عارفة بالحاصل ولا الاسية
وكل وعودي باءت بالفشل
والفرح من وجيهي اتنشل
****
من سفارة لقنصلية
. ونتيجة اللوتري الامريكية
. واقول يا رب
حظي السنة دي
. فيها يضرب
. واقول يارب . واقع رب
. آه لو تصدق وتضرب
. بقيت في بيتنا زي عالة
. وين الوظيفة ما نحن عمالا
. قروش الفطور ياها قروش الوكال
. والغريب ست . . الوكالة
. السفر ذاتو في بالا
التأشيرة وما ادراك ما التأشيرة
. الاستحالة
والفيزا وما ادراك ما الفيزا
ما بتحلك جنيهات
ولا بريزة الا بس
دولار السجم العندو ميزة
ورهبتو الانزرعت فينا زي غريزة
*****
. ( من سفارة لقنصلية
. ا! تحول المشوار
. من البيت لفكي عطية
. ورسوم الفيزا بقت بياض
. لزوم الاوراد. البتفك الامراض ! . والفورم صار محاية
. لزوم الحرز والعناية
. البتفك الاذايا
. وشئ من لاشئ بس كفاية
. صوم اسبوع واقرأ آية
******
. ( من سفارة لقنصلية
. والحريم تشكر في عم عطية
. سموه الناس عم عطية أجل
. وحديثو كلو اجل في اجل
. والعربية يخليها تمشي بدون عجل
. والبطري قاصد اللوتري
يخليهو يجي بدون
. امضاء علي عجل
.. وشيمتو الحياء .
.. وساعة البياض
. ما بعرف خجل
.. صدق اللي قال
. عم عطية . . اجل. . سيد الدجل
.. لا محايتو نفعت
.. ولا قرايتو يوم السفارة شفعت
.. ولا رسوم التأشيرة اندفعت
*********
.. من سفارة لقنصلية.
.. والفيزا يطول انتظارا
.. واتلقي الخبر وتجي الزيارا.
.. يا سلاااااااااام.
.. ما خلاص بقيت سيد شباب الحارة.
.. ولازم ابني بيتنا عمارة.
.. ما سمعتو عن اوروبا واخبارا.
.! دي ما فيها العمار وما فيها الخسارا. .
.! وافقر فقيرا عندو إمارة. .
*****
.. من سفارة لقنصلية.
.! لحظة وداع اجمل ايقاع. .
.. تهطل دموع الفرح سارة.
.. ومهما فرح القلب برضو الفرقة حارة.
ومعقولة الخلق دي كلها فارة. . . ؟
.. وبالاحضان سلام وداع أمر.
.. ولو ما كان الوداااااااع
.. . ما كان الفراق أمَر.
.. ويا يمة وصيتك معاي بالكلمة والذرة.
.. إنشا الله اجيك وقروشي حرة.
.. وبتصل بيكم في كل مرررررررررة. .
.! الوووووووووووووو. .
.! آلو متصل بيكم من اورووووووووبا. .
.. لو تسمع اوروبا تقول دي بلد.
.. دي ما بتفرز فيها البت من الولد.
ولو تسمع اوروبا
.. تقول دب بلد القشطة واللبن.
.. كل البنوك للسلفية ابن.
.. وكل امالي فوق خيوط عنكبوت حبن.
.. اللووووو. .
.. لو تسمع اوروبا تقول دي بلد الورد.
.. دا رااااسي نشف من البرد.
.. والضرايب هردتني هرد.
واحلامي الجميلة لازم!
ماتنطرد. . . وكيف اطلع من بلد
.. قروشها تطلع بالكرت.
.. وعروسي المنتظرة كيفن تجي بالطرد.
.. هههههها احلام عاوزة ! لعب قمار بالخرت.
.. والجمرة الخبيثة في كل طرد.
.. راهبة الكل ما خالة فرد.
.. لو تسمع اوروبا تقول دي الجنة.
والله درب القرش بهدلنا
.. وشهادة الهندسة شغلتني بنا.
ومن مكان لمكان رحلنا. .. .. والله اخير الرجوع لاهلنا
written by omar ragab source www.omerragab.com
|
Post: #2
Title: Re: آلو متصل بيكم من اورووووووووبا. .
Author: omar_ragab
Date: 09-04-2004, 10:36 PM
Parent: #1
up and up lol
|
|