السيــس ياســـاقي البـــروس

يا أرضنا
وجدولنا القديم

هام الحصى
سكن الترى
انفلق النوى
وقام البروس
شب وروي
واتوسد ترب الندى
واتمدد فرق سراسيف الجداول
عطشت براسيم التقاوي
ونامت في الأيدي المناجل
وجاور الهم المعاول
وطال البروس
وشقق من عيدانه خوص
سبيط سفافة وخميص
لكنه سيس
ما غير حصادك
يا ساقي البروس

كم شجرة قامت من طلح
كم شوكة طعنت في جرح

رزم الزرائب الفاضية
ثبتت ما بتزح
ما فيها غير باقي البرم
مكجامه قصر وإنكسر
وكسرناه ولعنا القدح
ناروا ما جابت رماد
سورب صعد هماد
وسكن العرش
سكن سكن
لا زاد لا صلح

قولنا دايمايجيب سمح
ياريته لو كتر السمح
وشن القول يوم تقول
يالروس يا القمح
وشن ببقى من بعد الجراد
طوفانه صاعد زي صرح
حتى الشمس غطاها واقف ما برح
لو باقية بس حبة ملح
بنقول سمح

ايها المسافر في دروب الجمال.....تحياتي لك..ومذيد من الابداع

المسافر سلامين ..

عطشت براسيم التقاوي
ونامت في الأيدي المناجل
وجاور الهم المعاول
وطال البروس
---------

النص دا كلو حَبوب بالحيل ..
دحين خليهو اليندفق بي عدلو زي الجدول المندلي وما تلاقيهو بي لبقة ..
و"ما غير حصادك
يا ساقي البروس "؟؟!!...


أقعد عااافية

قيسان

قيسان حبابك بالحيل هنا
وحباب عشرة معاك
وحبابك زيهم ميات
يوم جيتوا شفتوه الكلام
شن نفرو
كلمة وغطاها
اياها اياها
من حس دفناه في حسرة سكات
شيتاً قديم
وجديدا قفرو
لملم ليه شمات
لملموا خبرو
وخبر اللماه الراجيها الشتات
لا بتبني شوق لا منى
ولا حرقة نفس
لا ذكرى باتت من امس
من عين بترقرق دموع
زي رقراق شمس
في طرفه ترعات
تسيل هموم هموم

المسافر سلامات
عشان ما اخرب عليك نشوة الشعر او الدوبيت
والمسنجر موقف اركن على جنبة ورسل لى فى الايميل
[email protected]
دايرك فى موضوع ناصية ......... رايك شنو
حارجع وامسح الكلام ده عشان ما يخرب البوست

ود الملك

سلامين يا ملك

تولوس
مرحب بالطلة

* * *



صكت سدرة
وصرت شوك الفرع العدم أوراقوا
وقال ياصويحباتي
يا شوم ديل الناس
الكترو وفاقو
حسي (السلى) دا هنا معلاقو؟؟
لا بتغير شتاء لا صيف
حتى القطر الغسل الصقر
ترتر فوقو وراهو طلاقو
ما ينفك
تمرغنا صبر
فرشنا الطين اللك
بنزيدك رش
الزير والبير
والدلو والجك
ساساقة اتلاقو
ما تنفك
عكليتة الهردة
زادت زردة
والشق الزايد ما يلاقي رتاقوا

سمايم وخماسين
وفوقة ليالي مجافية الحس
نهاراً كتمة
وليلاً عتمة
وفرق افراق شجيرة اتهزت
كان هوزاز كان طوطاح
وين بروح لو مر من جدعة
مين بيجدع
بطوله المارقوا
فرعو اللاتقو
مابيفارقو

المسافر تلقيت ايميلك او استطعت ان اقراه لكن تكمن المشكلة فى ان هنالك من قام بتغيير اسم الدخول الخاص بى الهوت ميل للاسف لم اتكمن من من ان اقوم بارسال ايميل لك المعزرة يا عزيزى المسافر
ناجى

يا ملك
ما قادر اشوف كتابتك
مش عارف حصل ايه للبوست

عزيزى المسافر
عزرا سوف اتجه للحديث معك
انت تعلم باننى لسه فى الجراب زى ما قال المهندس لكن هل حاولتم كتابة بعض المقالات عن عــطـــــبـــــــرة (ذكريات ,,,ملامح,,,اى شئ ,,,لا أدرى المح الجميع يتحدث عن منطقته ,,,,أصبت بالغيرة على ما أظن لكنى التمس الأمل فى الكتابة معا عنها أم انها لا تستحق الكلام او التكرار حتى
مع تحياتى
ود اتبره

ناجي
اتبرة فينا زي العرق
تبق بقاق
كل ما تعبنا
كل ما شقينا
كل ما شرقنا
زي الفاق
ننساها
زي هم اماتنا
تنسى همومها
نسينا الناس
حليمة بت ماضي
ومكة بت عتاق
وبنتنا السرة
وأبوجنزير
والولية
وبوعناق
وحاج الريح
وعمدتنا السرور
وحاج الركز
وناس وراق
نسينا الناس
وطعم الفلنكة
والأكياس
والليموناتة
والبزيانوس
ومحطة رمزي اثنين وخميس
وزيارة الجمعة والأسواق
ودرب الجو والبراسيم
وشجر اللبخ والنيم
شاقي القلعة في ليلاتها
حتى الطليح
غير ايدي والعراقي

المـــــسافر
خليت شنو ما ذكرتو