Post: #1
Title: هل هذه صدفة ام ماذا..؟.. يا بكري ابوبكر
Author: rani
Date: 06-18-2004, 03:35 AM
سلام يا خال
الحاصل انو دخلت البوستات ادناه ولكني لم اجد اى مداخله لك مع انو انت رادي اخر الردود في تلك البوستات مع العلم دخلت بوستات اخري كان رادي اخر الردود فيها احمد البشير وعماد الامين وردودهم كانت ظاهرة
فهل هنالك مشكلة ما تمنعني من قرأت ما تكتب ام ماذا؟
شكراً علي الاهتمام
راني السماني
|
Post: #2
Title: Re: هل هذه صدفة ام ماذا..؟.. يا بكري ابوبكر
Author: ود الشيخ
Date: 06-18-2004, 03:43 AM
Parent: #1
. . [qb]
الحمد لله قايل روحي براي تاريها معاكم والله
دي الحاجه المحيراني زي المجنون القال هو
المجننو شنو غير ما في حاجه شكرا يا اخي
[/qb]
|
Post: #3
Title: Re: هل هذه صدفة ام ماذا..؟.. يا بكري ابوبكر
Author: rani
Date: 06-18-2004, 03:49 AM
Parent: #2
الشكر لله ود الشيخ
اهو انت برضو حصلت معاك
انا كنت خايف اكون براي يقومو يقولو الزول دا بيهضرب مالو..
.
.
شكرا علي المرور
|
Post: #4
Title: Re: هل هذه صدفة ام ماذا..؟.. يا بكري ابوبكر
Author: Ahmed Al Bashir
Date: 06-18-2004, 03:51 AM
Parent: #1
فعلا يا اح رانى ردود الاخ بكرى لم تكن موجوده فى اكثر من بوست كذلك ردود المدعو Sudan pimp من قبل بكرى.
|
Post: #5
Title: Re: هل هذه صدفة ام ماذا..؟.. يا بكري ابوبكر
Author: معتز تروتسكى
Date: 06-18-2004, 04:41 AM
Parent: #1
خالص التحايا
صديقى العزيز رانى سلامات وعوافى
انا ايضا وقد دخلت على احد البوستات لكى ارى رد السيد بكرى ولكن لم يكن هناك اى شى ولا رد ولا سؤال.
نعم نريد ان نسال هى صدفه ام ...؟؟؟؟
ياستار على من دورتك
بقيت اشيل صورتك
|
Post: #6
Title: Re: هل هذه صدفة ام ماذا..؟.. يا بكري ابوبكر
Author: rani
Date: 06-18-2004, 06:03 AM
Parent: #5
Ahmed Al Bashir
سلام كتير
ردود Sudan pimp دي ما انتبهت ليها
شكرا كتير علي المرور
|
Post: #7
Title: Re: هل هذه صدفة ام ماذا..؟.. يا بكري ابوبكر
Author: humida
Date: 06-18-2004, 06:11 AM
Parent: #6
صباح الخير .. عندنا
دايما ( باي ديفولت ) ..
بنعتبر انه الرد بجي في النهاية ..
لكن ممكن الزول يحشر رده في النص كدا ..
بنظام .. عبده اندفس في صف الرغيف شلوت
وعلي طول في الإندكس بظهر اسم آخر زول رده ..
فتش ردوده في نص الموضوع ..
اما اذا الرد مافي نهائياً ..
والزول الاسمه مكتوب ريحته زاتو في البوست مافي ..
فأستعيذ بالله من الشيطان الرجيم
وتف سبعة تفات في الشاشة
ويحصل خير
|
Post: #9
Title: Re: هل هذه صدفة ام ماذا..؟.. يا بكري ابوبكر
Author: rani
Date: 06-18-2004, 06:25 AM
Parent: #7
اخ
humida
صبـــاح النور بالليل
احتمالاتكـ دي ما فاتت علي راجعتها قبل ما اكتب البوست دا
في بوستات مافيها لبكري اي رد خالص
وفي بوست عندو فيهو رد لكن بتاريخ قديم
.
.
شكرا كتير للمرور
ودي
|
Post: #8
Title: Re: هل هذه صدفة ام ماذا..؟.. يا بكري ابوبكر
Author: rani
Date: 06-18-2004, 06:21 AM
Parent: #6
الشفاف معتز
Quote: ياستار على من دورتك
بقيت اشيل صورتك |
تسلم علي المناغمة
.
.
الصورة جزء من الوطن
والوطن يعني الاعمق
اللا محدود........
وهل يوجد مطلق؟؟؟
مدى اتساع الكون تمدد مصطفي بدواخلنا..
يلا نحلم
.......نغـني
........... نفـرح
................نحـب
مــش الدنيا لازالت بخير؟؟؟
.
.
ودى وكل ما تيسر من قرآن المصطـفي..
|
Post: #10
Title: Re: هل هذه صدفة ام ماذا..؟.. يا بكري ابوبكر
Author: بكرى ابوبكر
Date: 06-18-2004, 06:54 AM
Parent: #8
شكرا يا جميل الحاصل انو كانت فى كشة لهاكرز
|
Post: #11
Title: Re: هل هذه صدفة ام ماذا..؟.. يا بكري ابوبكر
Author: rani
Date: 06-18-2004, 02:59 PM
Parent: #10
سلامات عوافي يا خال
.
.
كويس الطلعت ما صدفة
اها قلت لي كان معانا هكر ... انشاءالله بس تكون شكرتو كويس ...
.
احكي ليك نقطة بمناسبة شكرتو كويس دي
.
.
عندى زولا صاحبتي ..عندها حبوبة صعبة خلاص ..ما بتحب الكلام الخمج ابدا.. المهم صاحبتي دي اختها الصغيرة كان عندها عيد ميلاد في اليوم داك.. اها البت اتلبدت وانتظرت لحدى ما حبوبتها نامت..بعداك ضربت تليفونات لاصحابها وصحباتها.. عشان يجو يحتفلو بعيد الميلاد..اها يالحبوبة انتى قومي اصحي من النوم وشوفي البنات والاولاد متلمين في البيت..المهم يازول طوالي قامت نادت البت .."دا شنو الفوضة العاملاها في البيت دي يابت يلا امشي قولي لاصحابك ديل اتفضلو اطلعوا بره"..
البت دخلت في اضافرينها ما قادرة تقول لي اصحابها امشو ..اتوترت تدخل وتطلع وما عارفة تعمل شنو.. بعد فترة الحبوبة قامت مشت الحوش البهناك ..ولقيت الحال ياهو نفس الحال ..اولاد وبنات وغني ورقيص..طوالي قامت نهرت البت.."يابت انا قلت ليك اصحابك ديل اشكريهم.. اها تقومي تشكريهم ولا اشكرم ليك..*
.
.
..* طبعا اشكريهم ولا اشكرم ليك دى قاصدها بيها تطرديهم ولا اطردهم ليك..
.
.
اها زولنا دا انشاءالله تكون شكرتوا تمام
.
.
ودى راني السماني
|
Post: #12
Title: Re: هل هذه صدفة ام ماذا..؟.. يا بكري ابوبكر
Author: Ridhaa
Date: 06-18-2004, 04:40 PM
Parent: #1
راني
سلام
الأخ بكري هو ال ADMIN ومرات كثيرة يقوم برفع البوستات القديمة بدون أن يكتب أي مداخلة وهذا شئ طبيعي ....
مرات كثيرة يقوم بكري بترك البورد مفتوح وخاصة عند أضافة أوحزف شئ جديد وهذه تعطي فرصة للهاكرز للدخول وكتابة أسم أي عضو والعبث بالبورد ... ولقد نبهته عدة مرات ، ونظرا لمشغولياته وعمله بمفرده بالبورد
لذلك أوصي أخي بكري عند أضافة أي شئ جديد لابد من قفل البورد حتى الأنتهاء من أي عمل وفتحه بعد ذلك
|
|