سودانير (سودان طير ) مالها وماعليها !!!!!!!!!!!!!!!!!!!!!!!

الخطوط الجوية السودانية (سودانير) ، التى تعتبر الناقل الوطنى للوطن والمملوكة بالكامل للحكومة السودانية ، تعتبر رمز من رموز السيادة للوطن ، وهي تعتبر من اعرق خطوط الطيران فى افريقيا والعالم العربى ، وكانت تتميز بدقة مواعيدها وخدماتها المميزة فى السابق ، وكان بها من افضل كوادر الطيران من قبل ان تصلها سياسة التطهير والاحلال لاهل الثقة على حساب أهل الكفاءة كبقية مؤسسات الوطن فى هذا العهد الإنقاذي السئ السمعة الذى جلب الدمار للوطن وأهليه .بسبب هذا التدهور صارت مرمطة لركابها واحراج لموظفيها فى جميع المطارات الداخلية والخارجية بسبب عدم الالتزام فى مواعيد رحلاتها والتأخير الغير مبرر والغير مبرمج .

وهذا التدهور يصفه بعض المراقبين نتيجة لفشل الادارات التى تعاقبت عليها وفسادها الادارى والمالي ، مما حدا الحكومة بالتخلص منها بعرضها للبيع بعد ان فشلت فى الحصول على شريك استراتيجي وللحديث بقية .

ياخوى من قمنا سودان طير خربة مانافعه وما عندهم مواعيد وخدمتهم زفت وكعبة وكل الطاقم من الكابتن الى اضغر مضيف ليس علاقة بالوظيفة ومعظمهم اذا لم يكون كلهم شغاليين تجارة شنطة وخاصة سفريات لندن وباريس والخليج ولم تتطور مع الزمن وهى من اقدم الخطوط
يازول قول الحقبقة الخطوط الجوية السودانية من زمان كدة والواحد بيركبها اما مطر او رخيصة والواحد ماعندو فلوس ( باصراحة كدة الزول دائما مفلس عشان سودان طير هى الافضل) او مافى خط غيرها للسودان
قولوا الحقائق حتى نسطيع ان نبنى سودان قوى ومتحضر تكون الحقيقة هى الغاية التى نتمنى الوصول لها من غير الحقيقة لن يكون هناك تطور قل الحقيقة ليك او عليك الى الامام يسودان