Post: #1
Title: افتتاح عيادة امراض نفسية في البورد بعد ... فصل سارة منصور
Author: Abo Amna
Date: 06-16-2004, 05:53 AM
Parent: #0
من أجل المهووسين دينيا وجنسيا وطفوليا ...
طبعا طفوليا دي جديدة .. في سودانيز اونلاين
في الحقيقة فكرت كثير جدا في الموضوع واكتشفت انو مشروع مربح ماديا ..
فبعد فصل سارة منصور انصدم الكثيرين ممن كانوا يمررون معاركهم عبرها ... وبدت عليهم اثار اللوثة والهوس .. والعمي .. مرة مع بشاشة وتانية مع رودا وبكل تاكيد بقية المستنيرين في البورد ...
لكن طبعا كل واحد عنو حالة مختلفة.
اولا: الهوس الديني .. والمدافعين عن سارة لانها ترتدي باستمرار ايات القران مفصلة حسب المهمة .. وفصلها في رايهم يعد جريمة ضد الدين والاسلام .. ديل بقي مشكلتهم زي مشكلة اليمنيين العندهم حرب مع قبيلة قتلت منهم اربعة ومدرس سوداني ... فقالوا انو القصاص لازم يقتلوا اربعة من القبيلة التانية ومعاهم مدرس سوداني برضو ...
ثانيا : الهوس الجنسي
ده النوع البتكلم عن المرأة باعتبار انها امراة ناقصة وانها شيطان رجيم وانها لم تخلق سوي اداة جنسية وخادمة للاله الرجل ... وده طبعا بالنسبة ليهو اخوات نسيبة ما ضمن النقص ده ... ده النوع الكان بمرر معاركه ضد المراة من خلال كتابات سارة التي لا تجعل المراة ناقصة وحسب لكن تجعلها لا شيئ بالمرة امام ... سي السيد ... اها بعد رحيل سارة .. الصدمة ما قادر يستحملها ...
الثالث : الطفولة
ده النوع في الحقيقة الجديد هنا .. وديل البزعلوا بين كل كلمة والتانية ... ويقولوا .. انا مقدم استقالة ... ولا افصلوا فلان .. ولا ما عارف جيبو لي حلاوة عشان ارجع ... طبعا هو برجع براهو في الاخر ... لكن المشكلة لما يجيهو احساس بانو اهتمام اصحابو قل .. اها يا يقوم يقول انا مستقيل ويلفق ايي سبب ولا يقوم يسب ويشتم في الناس ..
ده كلو ما مشكلة كبيرة بالنسبة لينا في اختصاص علم الامراض النفسية لكن المشكلة البكون عندو الموضوع مركب .. منهم كلهم ده طبعا بتكون واضحة من الملافظ ... والفاظو مباشرة بتكون العامل المهم في تحديد النوعية ..
عموما اتمني من كل المرضي الخضوع للعلاج النفسي من صدمة سارة منصور .. لانو في النهاية ممكن ينتشر الوباء ده وهو معدي جدا طبعا...
في الاخر بالرغم من معرفتي التامة بانو المشروع مربح الا انو خدماتنا حاتكون مجانية .. عشان نكسب ثواب في المسألة دي .. وربنا يهديهم .
والعيادة مفتوحة 48 ساعة في اليوم ..
لمعالجة الأمراض التالية
مرض سارة منصور للهوس الديني
مرض سارة منصور للهوس الجنسي
امراض سارة منصور للطفولة البائسة
|
|