Post: #1
Title: للمشوكشين فقط ...
Author: bamseka
Date: 06-15-2004, 01:38 AM
Parent: #0
راحل
راحل بعيد عن حياتك
لو خلاص حبيتى ارحل
واحجب خطاى عن لقاك
والمسافة البيناتطول
لوكان مناك اكون بعيد
اكيد مناك باكر بيحصل
الخداع فى الريدعذاب
اصلوما بيرضاه يقبل
والمصير لازم نعيشو
لوجراح باكر بتدمل
كان مناى تكونى لى
اعيش معاك فى الريدة اطول
كنت اضحى بكل غالى
وكل لحظة نعيشها اجمل
بس قريت اسرار عيونك
شفت فيها الريد تبدل
وشفت فى الاعماق سراب
كيف بنقدر منو ننهل
وعارفك كمان غيرتى دربى
وما اظنى لى دربك اوصل
** ** **
ياربى ارحم لى حبى
ارفع ايدى ليك اسال
تحقق ليهو كل مناه
و لى سعادتو ياربى اكمل
واجعل عزاى فى زكرياتو
وصبر قليب بالحب محمل
تحياتي
بامسيكا
|
Post: #2
Title: Re: للمشوكشين فقط ...
Author: HOPEFUL
Date: 06-15-2004, 01:45 AM
Parent: #1
اخخخخخ مسكتنا يا بمسكه من محل الوجع
وصباحاتك زاهيات
|
Post: #3
Title: Re: للمشوكشين فقط ...
Author: bamseka
Date: 06-15-2004, 01:58 AM
Parent: #2
HOPEFUL
سلام يا حبيب
الوجع هو الالم والالم يحتاج إلى طبيب وانشاء الله يا حبيب يجي اليوم الانت تطيب فيهو وتنسي هذه الاوجاع انشاء الله تكون فهمتني يا حبيب . لكن بيني وبينك في اوجاع بتكون مستديمة ؟؟
اشكرك على المداخلة يا عظيم
التحية لك
|
Post: #4
Title: Re: للمشوكشين فقط ...
Author: تولوس
Date: 06-15-2004, 02:52 AM
Parent: #3
بامسيكا....سلام... وسلام للحضور الجميل
وهاك ده من كلام اخوك المحلق عاشق تاجوج
طول الليل مساقد وليلي كلو هموم
بحسب في كواكب الليل بدور ونجوم
البنوت بلا ست الحشا المبروم
يا عزرائيل تعال لملم عقابهن وقوم
|
Post: #5
Title: Re: للمشوكشين فقط ...
Author: HOPEFUL
Date: 06-15-2004, 03:06 AM
Parent: #4
لا يا حبي لا
لا تخيب فيك الرجاء
دموعي مهما سالت
تأكد اني بكره بجففه
غرورك وكبريائي
ارض وسماء
مستحيل ليهم لقاء
لا يا حبي لا
الجرح نزيفو ابتدأ
آآآآآه اسمعه
وتاني ااااااه بردده
حبك فيني انتهي
--------
بمسكه امسك دي وكل ما نجيك مارين بنخرف ليك اون لاين اتحملنا شويه يا حبوب
|
Post: #8
Title: Re: للمشوكشين فقط ...
Author: bamseka
Date: 06-15-2004, 05:03 AM
Parent: #4
الغالي / تولوس
البنوت بلا ست الحشا المبروم
يا عزرائيل تعال لملم عقابهن وقوم
والله كلام... دا باين عليهو موجع الوجع الصح صح ياخوي
اشكرك اخوي تولوس لك التحية والتجل ....
الرائع
HOPEFUL
في انتظار المزيد يا عظيم فلا تبخل من كتاباتك الملهمة الكلم والمعاني لك كثير الشكر.
|
Post: #60
Title: Re: للمشوكشين فقط ...
Author: bamseka
Date: 10-12-2004, 06:14 AM
Parent: #8
.
|
Post: #6
Title: Re: للمشوكشين فقط ...
Author: bamseka
Date: 06-15-2004, 04:22 AM
Parent: #1
|
Post: #7
Title: Re: للمشوكشين فقط ...
Author: abas
Date: 06-15-2004, 04:53 AM
Parent: #1
بامسيكا العزيز
الدنيا صباح مالكوم علينا
اخ اخ اخ اخ اخخخخخخخخخخخخخخ
|
Post: #9
Title: Re: للمشوكشين فقط ...
Author: bamseka
Date: 06-15-2004, 05:06 AM
Parent: #7
الاخ عباس
انك ترسم بوجهك المنير .. فتي مدينة مدني البار الاخ الفنان المحترم عصام محمد نور
بعدين يا عباس الصلعة دي والله الشاكوش جاي فوقة 100%
لك تحياتي واشكرك على طلتك مليون سلام يا عظيم ..
|
Post: #10
Title: Re: للمشوكشين فقط ...
Author: abas
Date: 06-15-2004, 05:10 AM
Parent: #1
والله يا بمسكه عصام طبعا صديق شخصي للخال محمد
وطبعا كل مناسباتنا بيه طبعا
والشاكوش ربنا ما يوريه لي زول تاني اخخخخخخخخخخخخخ
|
Post: #11
Title: Re: للمشوكشين فقط ...
Author: james
Date: 06-15-2004, 05:15 AM
Parent: #10
مسكة
شوق
قلنا ليك التلفون يا ...........
حبي لك
|
Post: #12
Title: Re: للمشوكشين فقط ...
Author: bamseka
Date: 06-15-2004, 05:26 AM
Parent: #11
سلالالالام يا جيمس اخبارك يا حبيب والله مشتهيك عدييييل يا جنا .. وبعدين رقمي رسلو ليك قبل كدا ... اخبارك وصحتك
00966501988659
والله يا حليل البورد وايامو وايامكم يا جيمس
|
Post: #13
Title: Re: للمشوكشين فقط ...
Author: Teeta
Date: 06-15-2004, 06:05 AM
Parent: #1
بامسيكا
صباحك فل وياسمين
انت تبرى من الشاكوش ان شاء الله هم
لكن بينى وبينك كلام جميل
وتسلم
ام الاء
|
Post: #15
Title: Re: للمشوكشين فقط ...
Author: bamseka
Date: 06-15-2004, 06:30 PM
Parent: #13
ام / الاء
ربنا يخلي الاء ويحفظة ليكم من كل شر يارب
تحياتي واحترامي
|
Post: #14
Title: Re: للمشوكشين فقط ...
Author: tariq
Date: 06-15-2004, 06:22 AM
Parent: #1
* مسطول مشوكش سألوه عن أجمل بيت شعر قال: كلما نربي كتكوت يكبر ... يفوت!!
التحية لكل المساطيل والمشوكشين والتحية من قبل وبعد لكم ...
|
Post: #16
Title: Re: للمشوكشين فقط ...
Author: bint algazeira
Date: 06-15-2004, 09:15 PM
Parent: #14
بامسيكا سلام
سلامتك من الشاكوش
الشاكوش ان شاء الله في راس عدوك
تسلم كلامك جميل بس ابعد من الشواكيش
|
Post: #17
Title: Re: للمشوكشين فقط ...
Author: تولوس
Date: 06-15-2004, 10:20 PM
Parent: #16
بامسيكا ... والحضور الجميل
سلام
فكم من وقفة فيها وقفنا نبث الوجد انات ولحنا
ارقنا من مدامعنا غزارا ومن دمع القلوب دما ارقنا
مواقف كلما طافت بقلبي وجدت القلب تواقنا لمعني
وكم فيها سرقنا الصفو نلهو وكم سرقت من الاعماق حزنا
|
Post: #18
Title: Re: للمشوكشين فقط ...
Author: motaz
Date: 06-15-2004, 11:31 PM
Parent: #17
الغالي بامسيكا
حمدا لله على السلامة يا زول يا رائع
افتقدناك كثيرا
بركة في الشوفة .. وتعال تاني كل يوم وخلي الكواكيش بعيد
عايزين كلام من النوع التاني
كل الود
|
Post: #20
Title: Re: للمشوكشين فقط ...
Author: bamseka
Date: 06-16-2004, 03:42 AM
Parent: #18
الحبيب / تولوس
لك تحية من القلب
المعتز / ابن دار جعل حباب الطله يا حبيب
ومالك يا اخوي منقطع عن البورد وين كتاباتك المميزه
لك التجل والتقدير يا دار جعل.
|
Post: #21
Title: Re: للمشوكشين فقط ...
Author: bamseka
Date: 06-19-2004, 03:14 AM
Parent: #17
سافر ارحل
سافر ارحل ماعليك
قلبى متعود بعادك
سايبو دايما مشتهيك
سافر ارحل وابقى هانى
سيبنى من بعدك اعانى
اعد غيابك بالثوانى
من رحيلك لى مجيك
سافر ارحل ماعليك
** **
قلبى صابر وانت قاسى
ليك فاكر وانت ناسى
مالو لو فى يوم تواسى
البحب يعشق عينيك
سافر ارحل ماعليك
** **
سافر ارحل وابقى عارف
قلبى غيرك مابوالف
حتى لو عن حبو صارف
هو الحنين بلسم يديدك
سافـــر
ارحـــل
مــا عليـك
|
Post: #19
Title: Re: للمشوكشين فقط ...
Author: bamseka
Date: 06-16-2004, 01:26 AM
Parent: #14
طارق
ما احلى واجمل نكات المساطيل
قاليك في واحد فلاتي قاليهو ادخل كلمة has في جملة مفيدة قال : حسبي الله ونعم الوكيل .
التحية لك يا حبيب
بنت الجزيرة
اينه انتي اننا نفتقد في هذا المنبر تلك الروايات التي تنثريها عن الواقع الذي يمر بمجال عملك اشكرك مع خالص تقديري يا عظيمة .
|
Post: #22
Title: Re: للمشوكشين فقط ...
Author: تولوس
Date: 06-19-2004, 04:00 AM
Parent: #19
لو ان خيطا من زمان النور جاء
لنسجت منه عباة طرزتها شوق السيدة
النساء
ومددت من كفي شراعا
عابرا كل المدائن
حاملا شغف اللقاء
بامسيكا....تحياتي لك اخي الحبيب
|
Post: #23
Title: Re: للمشوكشين فقط ...
Author: bamseka
Date: 06-20-2004, 03:11 AM
Parent: #22
الرائع تووولس : هدية يا حبيب انشاء الله تعجبك
|
Post: #24
Title: Re: للمشوكشين فقط ...
Author: تولوس
Date: 06-20-2004, 03:52 AM
Parent: #19
بامسيكا شكرا يا غالي للهدية الحلوة.....
لها ذكري تثير لهيب وجدي
ولي فيها حبيب صار قلبي
وقد اولته حبي وودي
انا من بعده صب معني
فكيف وجدته قد صار بعدي
وهل لازال يذكرني ويرعي
علي طول النوي والبعد عهدي؟
بعد الشاكوش طبعا
|
Post: #25
Title: Re: للمشوكشين فقط ...
Author: bamseka
Date: 06-20-2004, 04:16 AM
Parent: #24
تولس يارائع جد بالجد
تولس يا مرسى ما بتحد
كم انت سباق للروائع وكم اسعدني هاتفك.. فأذا اهديك كل الحروف تتراقص حرفا حرفا .. ابتهالاً وتعبيراً ....
دمت صديق
بامسيكا
|
Post: #26
Title: Re: للمشوكشين فقط ...
Author: ebrahim_ali
Date: 06-21-2004, 03:21 PM
Parent: #25
الحبيب بامسيكا تحياتي
دخلت بس قولت اسلم عليك وعلى الرائع تولس
الكلام كتيييييييييييييييييير بس هنا ما محله
الحيطان ليها ودان
اخخخخخخخخخخخخخخخخخخ منك ياهوبفل كدة بس
|
Post: #27
Title: Re: للمشوكشين فقط ...
Author: شمهروش
Date: 06-21-2004, 04:33 PM
Parent: #26
بامسكا ياركن البورد الما بهد شفتا لما رجعتا تكتب لميت الحبايب لمة حلوة
كتر لينا من الحب والشواكيش
وبعدين كنتا منتظر اللفة ياجنا قالوا جات واحدة لكن مااظنها
بكون ناس فوكس جمركوها
|
Post: #32
Title: Re: للمشوكشين فقط ...
Author: شندى
Date: 06-22-2004, 06:48 AM
Parent: #27
|
Post: #33
Title: Re: للمشوكشين فقط ...
Author: bamseka
Date: 06-22-2004, 07:10 AM
Parent: #27
الشمهروش
سلام يا حبوبه
والله مشتهيكم عديل يا جنا
الخبر يا عشا البنيات
انتو اللفة خبره جاكم .. منكم الخوف
تحياتي للعيلفون شارع شارع
|
Post: #29
Title: Re: للمشوكشين فقط ...
Author: bamseka
Date: 06-21-2004, 09:45 PM
Parent: #26
ابراهيم علي
اخبارك يا حبيب لعلك طيب
وليك وحشة والله
اسعدنا وجودك
|
Post: #31
Title: Re: للمشوكشين فقط ...
Author: تولوس
Date: 06-22-2004, 04:08 AM
Parent: #26
ابراهيم علي .... عطرالدعاش سبق جيتك حبابك الف ياحبيب....
شمهرور ايها الوزير الهمام الذي ترجم لغة الجمال لسيدنا سليمان... حللت اهلا وسلا...
بامسيكا... تايقر والحضور الجميل...
البكا حق الرجال... ولا خير فينا ان لم نفكها جعيرا وعويلا... فالمصاب تنؤ بحمله اعتي الصلع والروسيات...وكل دقنوس حائم مصيره شاكوش طائر والوقع حار وثقيل ولاتتحمله سندانات المنطقة الصناعية... ولا عزاء للحلاقين..[color]
[color=green]ان تمنع بي دلالو
او تعظم بي جمالو
وصدق الواش ومقالو
في البشاير يوم وصالو
***
سهران والنجوم نامت
سابتني وشرقتني
والبدور راحت
جافتني وخلتني
وسواجع الروض بكت لي حزني
ياكروان هل خففت عني
انا الولهان وانت الصدي لي لحني
واي خلاني بررااي
ــــــــــــــــــــــــــــــــــــــــــــــــــــــــــــــــ
العزيزة نوف
والله راسك ده ما بتحمل الفلقة الله يحفظك يابت امي... وزي نوعكم الرقيق انا مما مكن اتصور وقع الضربة يكون كيف مع انو اخوك خبير في تحديد انواع الشواكيش ومدي تاثيرها
|
Post: #28
Title: Re: للمشوكشين فقط ...
Author: tiger18
Date: 06-21-2004, 06:03 PM
Parent: #1
Quote: ارفع ايدى ليك اسال
تحقق ليهو كل مناه
و لى سعادتو ياربى اكمل
واجعل عزاى فى زكرياتو
وصبر قليب بالحب محمل
|
بامسيكا...
أثرت في شجونا كنت اكتمها؟؟؟؟
|
Post: #34
Title: Re: للمشوكشين فقط ...
Author: bamseka
Date: 06-22-2004, 07:21 AM
Parent: #28
الحبيب / تايقر
والله انت صعب ( الكتمان ) .. كدي اتخيل يا حبيب لما يقول ليك الزول كتم ولا العربية دي كتمت ولا الواطة كتمت ...
ربنا يفك الكتمة اكتر يا حبيب واشكرك على المداخلة وتعبيرك المرهف فهذا التعبير يدل بما في دواخلك من شجن وحب لتلك ( رحلة الزكريات )
تحياتي وودي يا عظيم
|
Post: #30
Title: Re: للمشوكشين فقط ...
Author: WaD OmI
Date: 06-22-2004, 03:17 AM
Parent: #1
حمانــــــــــــــــــــــــا الله
نوف
|
Post: #35
Title: Re: للمشوكشين فقط ...
Author: bamseka
Date: 06-22-2004, 07:40 AM
Parent: #30
|
|
Post: #36
Title: Re: للمشوكشين فقط ...
Author: ebrahim_ali
Date: 06-22-2004, 07:49 AM
Parent: #35
الرائع بامسيكا والأروع تولس تحياتي وعظيم امتناني
ياجماعة ما قلنا للحيطان ودان بس معليش مشاركة تحصلت عليها في صحيفة المشاهد ربما تخبر عن حدث ما
دعيني ارحل
دعيني اتلمس خطاي
بين عيونك السوداء
دعيني اتلمس خطاي
بين عيونك البيضاء
دعيني احمل حقائبي
وارحل من بوح الازدراء
كم ضاق الصدر بما فيه
وطال الانتظار والعناء
ليتني كنت اعلم ان
الصدر يضن بالشقاء
لقد كان حبك سراً
احتواه الكبرياء
جئت اليك بعد ان ظمأت
ساحات شوقي وسادها الجفاء
انت ذلك السر الذي اختفي
في عيون الكبرياء
عيونك رجعتني اكتب
سر الالم والشقاء
عيونك عبق الحروف
عيونك عاشت في السويداء
للشاعر عبد العزيز البدوي يوسف
|
Post: #37
Title: Re: للمشوكشين فقط ...
Author: tiger18
Date: 06-22-2004, 10:31 AM
Parent: #1
السامق كبرياءٍِ وفرحاٍ بامسيكا
شوق وكلمات تحمل في محتواها كل ماهو عميق...
وشكر بقامة وطن معطاء علي ردك الشامخ....
شوف ابراهيم علي جايب شنو
Quote: لقد كان حبك سراً
احتواه الكبرياء |
يعني بولع فينا زيادة...
اخي بامسيكا ..
انا طبعا ماشايقي لكن عندي موده خاصة للشوايقة
وكنت بحب شعرهم شديد وكنت حافظ كتير منو
ومرات بترنم بيهو.....
هسة انت خليتنا نرجع شوية وننحت وتجينا
كلمات اتنفض منها الغبار...
وعلي وجه التحديد بوستك ده ذكرني اغنية كان
بترنم بيها الفنان محمد جبارة..
فيها مقطع بقول...
ضوء القميرة جاء من بعيد بهر قدل
دافر ظلام الحلة قدامو وصل.....
الليل بعيد بي غادي في اخر الديار
راكوبه كلها حارة من حر النهار
كوم من بروش وجريد تمر عيدان صغار
ودروت هدوم موروثة من زمن الكبار
وتلات عناقريبن صغار كرابة متقطع نزل
والنوم من البيفوقها روح تب جفل
قاعد هناك مركب مسافرة بلا شراع
ودموع ضياع تتجاره من غير انقطاع
أحرف انين ماخطتهم ايد بي يراع...
اوع بس تكون جعلي تتحمق وتزعل..
ولي عودة انشاء الله
|
Post: #38
Title: Re: للمشوكشين فقط ...
Author: ebrahim_ali
Date: 06-22-2004, 03:16 PM
Parent: #37
تايقر كفاية عذاب لحدي كده والشغلة ما بالساهل الواحد ينساها
تحياتي لك ولكل المداخلين
*لقد كان حبك سراً
احتواه الكبرياء
|
Post: #39
Title: Re: للمشوكشين فقط ...
Author: tiger18
Date: 06-22-2004, 06:10 PM
Parent: #1
عزيزي ابراهيم علي..
مودة بلون البنفسج..
وسلام خاص برائحة قهوة الضهرية..
في راكوبة صيفية ....
وشوق ...بلون شاي المغربية ..
مع لمة اسرية ...في حوش تغشاهو نسمة
تزكرك الحبييبة والزكريات بحلوها ومرها ..
اشكرك ايها الرائع فقد عدنا الي زمن ماقبل الرغبات
ودعلي لقد اعدتني الي كلمات علي عبد القيوم
تلك الرائعة التي غناها ابوسامر
Quote: مت فى قلبى..
وأدارى قلبى المكسور
كِبراً قد تبسم
فأغنى فى الربيع الغض
والإشراق فى الآمال مطعم
ذبحت كفاك قلبى
وتوسدت قلباً من حجر
أنت ظلم أنت جور
أنا إحساس وحب وشعور
أنا فى العالم فرحة
أنا فى الظلمة نور |
مالعلاقة ياتري بين كبرياءك المذكور وكبرياء علي عبد القيوم؟؟
ولي عودة انشاء الله
|
Post: #40
Title: Re: للمشوكشين فقط ...
Author: Elkalakla_sanga3at
Date: 06-22-2004, 10:39 PM
Parent: #39
مالــــــــــكوم علينا اسي في داعي لجنس داء
|
Post: #41
Title: Re: للمشوكشين فقط ...
Author: ZARIA
Date: 06-22-2004, 11:01 PM
Parent: #40
لكل المشوكشين الرائعين
لاأملك غير أن أقول :
" وربّ ضارةٍ نافـــعه"
ولكم جميل ودي
|
Post: #42
Title: Re: للمشوكشين فقط ...
Author: bamseka
Date: 06-23-2004, 02:06 AM
Parent: #41
الحلوين / ياقول الحبوبات تبرو من جنس دا
|
Post: #43
Title: Re: للمشوكشين فقط ...
Author: تولوس
Date: 06-23-2004, 02:59 AM
Parent: #42
غردي يا عصافير وارسلي تحياتي
واحملي له عبير الورد قبل السلام
فانه عنوان كلماتي
وارعدي يا سحابتي..
وامطري الشوق وعدا وحبا
فانه من بعض ذاتي
|
Post: #44
Title: Re: للمشوكشين فقط ...
Author: bamseka
Date: 06-23-2004, 06:53 AM
Parent: #43
الرائع بروعة تراب بلدي
تولوس
لك مليون  ياحبيب
|
Post: #45
Title: Re: للمشوكشين فقط ...
Author: ebrahim_ali
Date: 06-23-2004, 02:29 PM
Parent: #39
الروائع ياروائع بامسكيا تولوس تايقر تحياتي وعظيم احترامي
*تولوس يارائع لك التحية وأنت تنثر الفرح بريشة فنان ماهر ومعلم حاذق لك التحية والتجلة وللأحباب القراب والبعاد ألف محبة وسلام
واحملي له عبير الورد قبل السلام
فانه عنوان كلماتي
وارعدي يا سحابتي..
وامطري الشوق وعدا وحبا
*تايقر تعرف الشاي دا بالذات موضوعه تاني والعقدة ياحليلها والحوش ياخي والله انت تب ما خليت حاجة وياحليل ايام زمااااااااااان ونااااااااااااااس زماااااااااان ليت الماضي يعود بحلوه ومره وما احلاه
وشوق ...بلون شاي المغربية ..
مع لمة اسرية ...في حوش تغشاهو نسمة
تزكرك الحبييبة والزكريات بحلوها ومرها
جايكم تاني صاد بس النقدم ناس الفريق ديل وأجيكم .
|
Post: #47
Title: Re: للمشوكشين فقط ...
Author: تولوس
Date: 06-23-2004, 07:50 PM
Parent: #45
أخي إبراهيم علي... سلمت أخي العزيز...وده كلو بفضل تجاوب الأحباب... نفتح نافذة للفرح المكبوت في جدران الغابات الاسمنتية ونتذوق فيها غذاء الروح بدل عن الدجاجات البلاستيكية ونشحن دمائنا من أكثير الحياة والضحكات بدلا عن فقر الدم الملازم للغربة ... نجلس جميعا ونعيد ذكرياتنا مع رشاش الأمسيات الحالمة ومقاعد أمام البيت علي إيقاع ونسه لطيفة نتجاذب فيها أطراف الشجن والشوق وحلاوة الحب العذري للبلد وبت البلد...
وهاك من كلام الهمبته
صدق يا قلبي في الوصف والغرام الطول
ريدن من جلوس كرسي الضمير ما تحول
كل ما يخطرن ليك الفكر يتهول
يصب مطر العيون يأتي الشعور الأول
|
Post: #46
Title: Re: للمشوكشين فقط ...
Author: tiger18
Date: 06-23-2004, 07:01 PM
Parent: #1
تسلم ياود علي
واكيد اكيد لي عودة انشاء الله
|
Post: #48
Title: Re: للمشوكشين فقط ...
Author: bamseka
Date: 06-24-2004, 02:20 AM
Parent: #46
اكتب هنا
الاحباء
ابرهومه
تولوس
تيقر
مشتاق وتايه
كيف اصل
عشم الوصول
لقياك امل
كم سالت اليل ونجمو
عن حبيب كامل المقل
عن ضفائر فيها بسرح
عن خديد حلو القبل
مشتاق ياحلوة ليك
مشتاق اشوفك ياعسل
بامسيكا
2002
|
Post: #49
Title: Re: للمشوكشين فقط ...
Author: جمال السنوسي
Date: 06-24-2004, 09:31 AM
Parent: #1
العزيز بامسيكا
تصبح الشواكيش نسمة باردة في زمن اصبح ضرب المحب عن طريق قاذفات تي 52 التي لا تبقي ولا تزر
كونك ما زلت تعبر عن ذلك ( الشاكوش) فمعنى ذلك ان الضرب كان
علـــى خـــفــيـــــــــــف
وأعمل حسابك كويس المرة الجاية
على ما يقول المثل
الضرب بالشاكوش حرام
جمال
|
Post: #50
Title: Re: للمشوكشين فقط ...
Author: تولوس
Date: 06-24-2004, 08:52 PM
Parent: #49
الحضور الكريم سلام واجمل تحية
كانت معي
عمري تجمع كله عند اللقاء الممتع
خطواتها وقع الحداء مموسقا في اضلعي
وحديثها الممراح
دوزنة تدغدع مسمعي
اللحن في الحرف الذي
في ثغرها المتمنع
يافرحتي بالكلمة السكري ترف فلا ادعي
لفي الضفيرة او دعي ... عمري عليها مرتعي
ابو امنة
|
Post: #51
Title: Re: للمشوكشين فقط ...
Author: bamseka
Date: 06-25-2004, 04:24 AM
Parent: #49
شـخـصـك رائـــع
وقفت صورتك
رسمت مدخل
وسط الشارع
صحت ارصفتك
قالت ونادت
فجراً طالع
صوتك فارق
ما بدوزن
فرقك شاسع
حتى الكلمة
مرة تهاجم
ومرة تدافع
ما خليتي
خط للرجعة
ردك قاطع
ما بتستني
بكرة وصولنا
صمتك رادع
وما بنتقرب
نحن في لحظة
نظرك خادع
لا بيقرانا
ولا بيفهمنا
حقو نقاطع
حتى كلامنا
الكنا نقولو
منك ضايع
وين ارصفتك
الكنا نجيها
وتبكي مدامع
ولما تسالمي
ريدك بيظهر
ويصبح شايع
تضحكي انت
نلقي قليبك
فيهو ودائع
باقي محنة
هي في طبعو
ماهو مخادع
ونحن عشانك
لا بنتغير
ولا بنراجع
انت الاول
وبرضو التاني
وثالث ورابع
وما حنسيبك
لأنو حقيقة
شخصك رائع
كلمات الاستاذ / جمال السنوسي
التحية والتجل اخوي جمال ومشكور على مرورك وكم انت شخصك رائع
لك تحياتي وتقديري
بامسيكا
|
Post: #52
Title: Re: للمشوكشين فقط ...
Author: zola123
Date: 06-25-2004, 08:01 AM
Parent: #1
يا جماعة عندي سؤال
ليه البنات ما بتتكلم عن الشواكيش زي الشباب؟
وهل التفاعل مع الشاكوش عندهن يتخذ منحى آخر
زي : هو الخسران, بكرة الاقي الاحسن منه
كنوع من التعزية للنفس
واعادة البرايد المسلوب( البرايد بالعربي شنو نسيت؟)
وهل الحكاية دي موثقة في الكتابة النسائية؟
في حد عنده امثلة؟
تحياتي
زولة123
|
Post: #53
Title: Re: للمشوكشين فقط ...
Author: تولوس
Date: 06-26-2004, 03:05 AM
Parent: #52
الحضور الكريم... سلام
زولة 123
ربما عقدة الؤاد ما زالت تسيطر علي عقول البنات.... فكانما الحب الضائع جذء من ظلام الحياة ومكانه اعمق بئر في الوجود... لانه مصدر للقلق ولقتل الامل القادم وللمشاكل في اضعف الايمان
....
تسلمي من الشواكيش
.......................................
شاكوش اول
هو..انا احبك
هي .. بل انت تحب ما يحبون ... مشيرة الي نفسها..
ان وراء هذا الاهاب الزاهي لروحا تتعلق بالنجوم
انت ... تحسبني رقيقة وهينة ولينة
هو.. يصك اسنانه.... اراك شيا اخر ... ارك فظة غليظة القلب ... رغم انك ناعمة الملمس والاهاب
هي ... وهذا ما ينزف دمي.. كانك تحدثني بنصل خنجرك
هو ... اصدقك القول.. انني احبك مثل حبي لذاتي
هي ... هراء فالذي يحب ذاته ولا يحب الكثيرين ... لا يحب احدا ولا حتي يحب ذاته
|
Post: #54
Title: Re: للمشوكشين فقط ...
Author: bamseka
Date: 06-26-2004, 04:23 AM
Parent: #52
زولة 123
اشكرك على المرور
عارفة انا سألت نفسي نفس السؤال
(( ليه البنات ما يتكلمن عن الشاكون.. هل ياخذ منحنى اخر ))
نعم ياخذ مسار اخر : في دواخلها؟؟؟
لو اخذنا البنت من ناحية العاطفة هي ملئة جدا بالمشاعر المرهفة بالنسبة للرجل ( الافصاح الشاكوشي بالنسبة للبنت كسر للمشاعر التي تمتلكها وخدش لعاطفتها ..؟؟ ( تكتفي بحتفاظ الالم بدواخلها )
|
Post: #55
Title: Re: للمشوكشين فقط ...
Author: تولوس
Date: 06-27-2004, 02:56 AM
Parent: #54
نبكي بس
من تقل الردف تاتايا خطوة ترصو
وترمي مسافة لحظة ما يقها البتلصو
حوريتا يدنقر منها البتبصو
وتسلب بهجة القمر المقاسم نصو
|
Post: #56
Title: Re: للمشوكشين فقط ...
Author: تولوس
Date: 06-28-2004, 02:56 AM
Parent: #55
نبكي بس
بامسيكا والحضور المعذب...
كنا انا واخي الهمباتي نتجادع في الدوبيت
الهمباتي اخد لو صنة وقالي ... يا تولوس اخوي ات مالك بتبكي كتيير
قتلو يالضو البكا ما حق الرجال
ضحك وقالي ...
حقهم ساكت وبس ...فى الحالة دى بى سكليه ...ونفرش ملاية فى الوطة ونتفن فيها
واحد قالو بكاى شديد جاء ماشى بى عند بيت بكاء والنسوان سكليب وردحى... فى واحدة سمحة قاعد بتبكى ...اها دا اصلوا ما كضب جاء من هناك وقلدها وقعد يبكى معاها.... فى حاجة من النوع الما بتفوت عليه حاجة ديك .... جات ودقتو فى كتفتو قالت يا ولد العم دى مى ست البكاء ستو هديك الكابسات فوقها النسوان ديلك.... عاين ليها كدى وقال ليها نان دى الماتو ليها شوية فى الدنيا
|
Post: #57
Title: Re: للمشوكشين فقط ...
Author: ebrahim_ali
Date: 07-11-2004, 07:02 AM
Parent: #56
أين أنتم أيها الرائعون
تولس بامسيكا تايقر وكل الحلوييييييييييين
والله يا تولس مش نبكي بس نسكلب بس نكتك في السلك قلت لي جاء قلدها ياخي دا يكون من النوع الطائر ليهو وتعرف الناس الطائر ليهم كتار كترة عيييييييييك ياخي دا بالهبل
وجايكم بكلام سمح زين ما هو مغتغت بالواضح الصريح المافاضح
|
Post: #58
Title: Re: للمشوكشين فقط ...
Author: تولوس
Date: 07-11-2004, 10:24 AM
Parent: #57
استاذي ابراهيم علي تحياتي وشوقي لشخصك
*ما ناسيك بس اليومين ديل الحالة دقو ليها نحاس
*وجاييييييك في خيمة الحاردلو
هاك من تباريح الشوق
هديك ريرة يا تدري المصنة
عقد وادي النعاس طارن قبلنا
نشوف شرف البلد نبلغ اهلنا
تقول ام خد حباب جنيات اهلن
*** بامسيكا اظهر وبان
|
Post: #59
Title: Re: للمشوكشين فقط ...
Author: ebrahim_ali
Date: 07-20-2004, 00:32 AM
Parent: #58
الثلاثي المرح بامسيكا تولوس تايقر أين أنتم ايها المبدعون ما زلنا في انتظار المزيد من تباريح الهوي واجترار الماضي الجميل بحلوه ومره وما أكثر حلاته ولا يعرف تلك الحلاة إلا لمن تذوقها وعرف معانيها وترجمها لأرض الواقع حباً معاشاً وإخلاصاً متبادلاً ووفاءً نقياً
كما قال هاشم صديق الحب وجود ... الحب قضية
فنحن نكون مع الأولى والعندو قضية أمكن يكون مع التانية
بامسيكا اظهر وبان
تولوس أظهر وبان
تايقر أظهر وبان
وكل الحلوين أظهروا وبينوا
|
Post: #61
Title: Re: للمشوكشين فقط ...
Author: السفير
Date: 10-27-2004, 11:46 AM
Parent: #59
سلام
للغالى بامسيكااااااااا
تحيه من القلب للقلب ياعزيز
لك كل الود
|
Post: #62
Title: Re: للمشوكشين فقط ...
Author: ebrahim_ali
Date: 11-22-2004, 09:22 PM
Parent: #61
إعادة تلفزيون السودان
الثلاثي المرح بامسيكا تولوس تايقر أين أنتم ايها المبدعون ما زلنا في انتظار المزيد من تباريح الهوي واجترار الماضي الجميل بحلوه ومره وما أكثر حلاته ولا يعرف تلك الحلاة إلا لمن تذوقها وعرف معانيها وترجمها لأرض الواقع حباً معاشاً وإخلاصاً متبادلاً ووفاءً نقياً
كما قال هاشم صديق الحب وجود ... الحب قضية
فنحن نكون مع الأولى والعندو قضية أمكن يكون مع التانية
بامسيكا اظهر وبان
تولوس أظهر وبان
تايقر أظهر وبان
وكل الحلوين أظهروا وبينوا
|
|