وزير خارجيتنا الخفيف!!

لم أر أو أسمع في حياتي بوزير خارجية خفيف مثل مصطفى اسماعيل .. خفيف للدرجة اللي ما يخجل فيها من ركوب عربيته كل اسبوع عشان يمشي يتكلم في برنامج البلال السخيف واللي كلو (أنا مشيت) و(أنا اقتحمت) و(أنا وقعت كسرت يدي) !!
كل وزراء الخارجية في الدنيا معروف عنهم أنهم تقيلين ورزينين الا وزيرنا .. يستطيع أي صحفي مبتدئ يوقفه في أي ركن ويخليه يدفق كل اللي في بطنو .. عايزين واحد يقول للزول ده : خليك تقيل شوية زي وزير الصحة !! لأنك والله عملت لينا (وجع وش) عديل كده !!

.. وفي مؤتمر وزراء الخارجية العرب في القاهرة الذي سبق انعقاد القمة كان كل وزراء الخارجية (تقيلين) وكل واحد يخرج من الأجتماع يقول للصحفيين : لا تعليق الآن !! .. الا صاحبنا .. خرج فاصطاده أول صحفي واذا به ينبرش بالكلام لدرجة أن الصحفي نفسه زهج وبا كأنه ندم على اليوم اللي سأله فيه !! .. هل هناك وجه شبه بين مصطفى اسماعيل ومنصور خالد ومحمد أحمد محجوب ومامون سنادة ومبارك زروق وكل العمالقة الذين مروا على هذه الوزارة !!

الاخ علي الفاضل
يا فاضل انت قلت الحقيقة ولكن بدل وزير الخارجية
ليه ماالرئيس كمان خفيف عليك الله دق طبلة قدامو
وشوفو بيعمل شنو والدليل شنان غايتو بيعرف يرقص
ليك الرئيس كيف

التقلة في الجداد سمحة....

شفتو المثل ده خطير كيف...

تقييمك للدكتور مصطفى عثمان مع أحترامى ليك فيهو نوع من السطحية وانجازات هذا الخفيف (كماترى) عجز عن مثلها كثير ممن ذكرت وأخلاقه أرفع بكثير عن كثير ممن ذكرت بغض النظر عن كرهك للنظام يجب أن تكون واقعيا أمينا فى أطروحاتك خصوصا اذا ما ارتبطت بأشخاص رائعين مثل د. مصطفى.
مع شكرى

الى abookyassarra

بعد الذي كتبته ثبت شرعا أن مصطفى اسماعيل هايف وانت أهيف منه !!

شكرا
هذا ما أردت أن أصل أليه من نتيجة

نصيحة من زول خبر الكثيرين من أمثالك منذ نشأة البوردات

حاول أن تتعلم قبل أن تزج بتفاهاتك فى هذه المواقع

ستكتشف بعد ما توعى


انك استعجلت

وشكرا