Post: #1
Title: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-13-2004, 04:28 PM
Parent: #0
|
Post: #2
Title: Re: حبي ليك كان ذادي للرائع عبد الرحيم أرقي
Author: kamalabas
Date: 06-13-2004, 04:54 PM
Parent: #1
شكرا يا أسعد علي حسن الأختيار وبالله أنت شائقي
و من شائقية وين ...؟ ... ما أحلي نغمات طمبور
الشائقية وخصوصا نغمات ملك الطمبور محمد جبارة
كمال
|
Post: #3
Title: Re: حبي ليك كان ذادي للرائع عبد الرحيم أرقي
Author: osly2
Date: 06-13-2004, 05:29 PM
Parent: #2
وداعا يا سراب خداع محال ما بروى عطشانين
وداعا يا حلم عابر بيسعد ويفرح النايمين
وداعا يا كلام معســـــول حدو ومكمنو الشـفتين
وداعا يا سـحابة صيف شايله مطر ظليله رهين
كل زولا يفكر فيها ما معروفه تنزل وين
شكرا اسعد على هذه البكائيه المفرحه
بجيك راجيع
|
Post: #4
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-24-2004, 04:28 AM
Parent: #3
العزيز كمال عباس
الصادقاب ريفي كريمة
بلد اولاد حاج الماحي
واسف للتاخير مع خالص الشكر لك اخي الكريم
كمال اوسلي بالله انت كمان ما جيت راجع
اها مع السلامة
اسعد
|
Post: #5
Title: Re: حبي ليك كان ذادي للرائع عبد الرحيم أرقي
Author: WaD OmI
Date: 06-24-2004, 04:32 AM
Parent: #1
انت يااسعد متين بقيت شايقي؟؟؟؟؟؟؟؟؟؟؟؟
ماخليت اغنيه لي ارقـــــــي...
نوف
|
Post: #6
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-24-2004, 04:49 AM
Parent: #5
| Quote: انت يااسعد متين بقيت شايقي؟؟؟؟؟؟؟؟؟؟؟؟ |
أسهل حاجة الواحد يبقي شايقي
ما شايفة الشايقية التايوان كتااااااااااااار
اعتبريني شايقي تايوان  
|
Post: #18
Title: Re: حبي ليك كان ذادي للرائع عبد الرحيم أرقي
Author: WaD OmI
Date: 06-28-2004, 01:49 AM
Parent: #6
Quote: ما شايفة الشايقية التايوان كتااااااااااااار
|
لا ماشايفه ...
|
Post: #7
Title: Re: حبي ليك كان ذادي للرائع عبد الرحيم أرقي
Author: kamalabas
Date: 06-24-2004, 02:11 PM
Parent: #1
شكرا يا أسعد وأنا نفسي جزوري شائقية وطبعا التراث
الشائقي تراث غني وثر وليس قاصر علي قبيلة الشائقية
بالمفهوم العرقي ... فملك الطمبور النعام أدم من
قبيلة الهواوير صديق أحمد ومحمد كرم الله بديرية
عثمان اليمني ..يمني الأب.. عيسي بروي منصوري
ولكن لم تكن الانتماءات القبلية لهولاء عائقا لتمدد
فنهم وسط قبيلة الشائقية مما يؤكد مفهوم التراث والفن
الشائقي مفهموم ثقافي أكثر منه عرقي ..
تراث أسهمت في تطويره قبائل البديرية والهواوير
والمناصير والرباطاب والبديرية وبعض الدناقلة
بالأضافة للشائقية..و كمال عباس
|
Post: #9
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-24-2004, 03:16 PM
Parent: #7
الاخ الحبيب كمال عباس
سكرا للمداخلة الطيبة
وحقيقي مجموعة القبائل التي ذكرتها تتمتع بوجود نسبة عالية من الموهوبين فطريا
كشعراء وشاعرات ومغنيين وغيرهم.
لك الشكر اخي الكريم
|
Post: #8
Title: Re: حبي ليك كان ذادي للرائع عبد الرحيم أرقي
Author: Adil Osman
Date: 06-24-2004, 02:44 PM
Parent: #1
كنت بضارى من الناس
وخايفة عليهو من العين..
شكرآ يا أسعد على هذا الغناء المرهف..
ما زلت الى اليوم اذكر مطعم التقايى فى كريمة..
والقطار الذى شهدت قمراته وممراته وشبابيكه لواعج الحب، والوداعات البواكى..
|
Post: #10
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-24-2004, 04:01 PM
Parent: #8
Quote: ما زلت الى اليوم اذكر مطعم التقايى فى كريمة..
والقطار الذى شهدت قمراته وممراته وشبابيكه لواعج الحب، والوداعات البواكى.. |
الحبيب عادل عثمان
شكرا لهذه الكلمات المعبرة التي ثيتر فينا لواعج الشوق
لتلك الديار الطيبة باهلها
شكرا لك اخي ونسال الله ان يجمعنا هناك حيث الاصالة والشهامة والناس
الصافية والارض الطيبة
|
Post: #11
Title: أسعدتنا يا أسعد .. أسعدك المولى برعايته
Author: خضر عطا المنان
Date: 06-26-2004, 11:21 AM
Parent: #1
أسعد
بارك الله فيك
لقد أسعدتني ـ مثل الكثيرين دون شك ـ فقد لا تتخيل ما تفعله هذه الآلة الحنينة ( الطنبور ) بي .. أطير بلا أجنحة واحلق في أفق بلا حدود .. وأحط على مركب الرواسي الحبوب عند شط نيلنا الخالد بأحدى قرى الشمال
فلك ولودأرقي محبتي وتقديري
خضر
|
Post: #12
Title: Re: أسعدتنا يا أسعد .. أسعدك المولى برعايته
Author: osly2
Date: 06-26-2004, 04:56 PM
Parent: #11
الاخ كمال عباس ... لك التحايا
اتفق معك فى الكلام اعلاه ففن الطنبور بايقاع الدليب درج الناس بتسميته بأغانى الشايقيه
ومن الامثله التى ذكرت نجد انه تراث منطقه لا قبيله واكثر ما يميز تلك المنطقه هو التداخل القبلى للدرجة التى يصعب معها تحدبد قبيلة انسانها.
ويا ريت لو كتب لنا العم مامان عن تاثير الرواويس فن مسيرة هذا النوع المتفرد من الفن
اســـــعد العكليــــــــت .... ســـــــــــلامات
|
Post: #13
Title: Re: حبي ليك كان ذادي للرائع عبد الرحيم أرقي
Author: عبد الباقي الجيلي
Date: 06-27-2004, 06:35 AM
Parent: #1
أبو محي الدين أيها الحبيب!!
إنت مش شايقي تايوان بس ، إنت شايقي صيني ، ومكسر كمان!!!
ثم إنك قد نسيت أنه حتى أهلنا الرباطاب كان لهم دور كبير في تكوين ثقافة ومزاج الشوايقة .. ولا شنو؟
(حنقطة) مني سااااااكت!!!
|
Post: #14
Title: Re: حبي ليك كان ذادي للرائع عبد الرحيم أرقي
Author: Dr. Faisal Mohamed
Date: 06-27-2004, 06:51 AM
Parent: #13
الأخ أبو محي الدين
شكرا على هذه الاغنية، واتمنى ان تضع الرابط أو امكانية الحفظ على الكمبيوتر.
الآخ عبد الباقي الجيلي
| Quote: ثم إنك قد نسيت أنه حتى أهلنا الرباطاب كان لهم دور كبير في تكوين ثقافة ومزاج الشوايقة .. ولا شنو؟ |
اتمنى تنويرنا اكثر فى هذه النقطة.
مع انني شايقي، ولكنني ضد القبلية لانها داء سرطاني والعياذ بالله. وبعدين غناء الشوايقة صار ملك لكل الشعب السوداني.
مع خالص الود والاحترام
|
Post: #15
Title: Re: حبي ليك كان ذادي للرائع عبد الرحيم أرقي
Author: عبد الباقي الجيلي
Date: 06-27-2004, 07:04 AM
Parent: #1
معليش د.فيصل فتلك كانت رسالة خاصة للأخ أسعد!!! وعذراً إن أدخلت الخاص في العام
وإن كنت أعتقد أن أكثر قبائل الشمالية تأثراً بسواها من القبائل هي الشايقية كونها مزيج من قبائل النوبة في الشمال والقبائل العربية الأخرى من جعليين ورباطاب ومناصير وغيرهم .
|
Post: #16
Title: Re: حبي ليك كان ذادي للرائع عبد الرحيم أرقي
Author: Dr. Faisal Mohamed
Date: 06-27-2004, 07:11 AM
Parent: #15
Quote: معليش د.فيصل فتلك كانت رسالة خاصة للأخ أسعد!!! وعذراً إن أدخلت الخاص في العام
|
أولا: ليس هنا شئ خاص,كل ما يكتب هنا يكون عام حتى لو بدأ وكانه خاص.
ثانيا| Quote: وإن كنت أعتقد أن أكثر قبائل الشمالية تأثراً بسواها من القبائل هي الشايقية كونها مزيج من قبائل النوبة في الشمال والقبائل العربية الأخرى من جعليين ورباطاب ومناصير وغيرهم . |
هل لديك سند تاريخي ولا كلام بورد ساكت.
مع خالص الود والاحترام
|
Post: #17
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-28-2004, 01:44 AM
Parent: #16
الاحباء
خضر عطا المنان
كمال اوسلي
عبد الباقي الجيلي
د. فيصل
لكم حبي وودي ونحن نلتقي حول هذا
الحرف المموسق
والنغم الشجي
والاداء الرائع
ويا عبد الباقي لا ننكر دور الرباطاب اطلاقا في تشكيل الزوق السوداني عامة
وشخي الضعيف بصفة خاصة
كمال اوسلي لن ارضي من اليوم سوي بمخاطبتي بحكيم البورد شفت العز
ولكم المحبة والود
|
Post: #19
Title: Re: حبي ليك كان ذادي للرائع عبد الرحيم أرقي
Author: REEL
Date: 06-28-2004, 08:27 AM
Parent: #1
الحكيم أسعد
....
..
.
يفتح الوطن ذراعيه على اتساعهما
لأبنائه المشتاقين
والمتلفحين بعشقه
ليأخذهم
في عناق طويل
حدالشهقات
والدموع
وتظل الغربة أكثر احتمالا
حين نحمل بداخلنا
وطن صغير
وشكرا على هذا اللحن الشجي..
|
Post: #20
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-28-2004, 01:37 PM
Parent: #19
شكرا ريل
اعجبني لقب "الحكيم"
وسرني اكثر مرورك من هنا
الشكر والتقدير
|
Post: #21
Title: Re: حبي ليك كان ذادي للرائع عبد الرحيم أرقي
Author: معتز تروتسكى
Date: 06-28-2004, 02:53 PM
Parent: #1
خالص التحايا
ابو السعود
شنو يامان
من عربى قلبت سودانى
وكل الاغانى فى النهايه المعنى والمقصود واحد
رومانسيه وحب
الله يكضب الشينه..
|
Post: #22
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-28-2004, 04:30 PM
Parent: #21
اخونا معتز
اولا لن اقبل منك مستقبلا مخاطبتي بغير "الحكيم" أسعد
بالنسبة تعرف لقيناكم انتو الشباب سادين دي
بطينة ودي بعجينة قلنا نتصرف نحنا, اما بالنسبة | Quote: الله يكضب الشينه.. |
بالله عليك
شنو الممكن يكون شين من هكذا ممارسات ؟؟؟؟؟؟؟؟ 
توقيع : الحكيم
|
Post: #23
Title: Re: حبي ليك كان ذادي للرائع عبد الرحيم أرقي
Author: معتز تروتسكى
Date: 06-28-2004, 04:40 PM
Parent: #22
ابو السعود
ههههههههههههههههههههههههههههههه
اسمع
ماعرفتك لكن
من بتين ده
حكيم البورد
والشى التانى المضحكنى
ده
تعرف لقيناكم انتو الشباب سادين دي
بطينة ودي بعجينة قلنا نتصرف نحنا, اما بالنسبة
زكرنى موضوع الرساله ديك
اسمع اتصلت بيهم ولا لسه
هههههههههههههههههههه
|
Post: #24
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-28-2004, 04:55 PM
Parent: #23
تروتسكي
ما زلت تقع في نفس الغلط وهو عدم مخاطبتي بلقبي الجديد "الحكيم"
بالنسبة ل | Quote: زكرنى موضوع الرساله ديك |
وهل | Quote: اسمع اتصلت بيهم ولا لسه |
أطمئنك عزيزي فقد اتصلت بهم
وقمت بقيد اسمك لديهم واجراءاتهم قاربت علي الانتهاء
وسيخطرونك قريبا بالموعد
خليك جاهز عشان ما تشرط عينا
اها قصرت معاك
|
Post: #25
Title: Re: حبي ليك كان ذادي للرائع عبد الرحيم أرقي
Author: معتز تروتسكى
Date: 06-28-2004, 05:01 PM
Parent: #24
اها ياحكيم
نحن ناقصين حكماء ماكفايه العندنا
وبعدين
القال ليك اعمل كده منو
أطمئنك عزيزي فقد اتصلت بهم
وقمت بقيد اسمك لديهم واجراءاتهم قاربت علي الانتهاء
وسيخطرونك قريبا بالموعد
خليك جاهز عشان ما تشرط عينا
اها قصرت معاك
انت قالو ليك هو لوترى
بس شد واركب
|
Post: #26
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-28-2004, 05:08 PM
Parent: #25
يا تروتسكي
ما دام الموضوع بقي
| Quote: القال ليك اعمل كده منو |
وجابت ليها جرسة
اخوك ما دام هو "الحكيم" حاتحملهم الاتنين
تسجيلك العملتو لي وكمان تسجيلي العملتو ليك
بس ما يبقي ليك حاااااااااااااار
اما موضوع
| Quote: اها ياحكيم نحن ناقصين حكماء ماكفايه العندنا |
الحكماء خشم بيوت يا حبيب
"الحكيم"
|
Post: #27
Title: Re: حبي ليك كان ذادي للرائع عبد الرحيم أرقي
Author: معتز تروتسكى
Date: 06-30-2004, 02:28 PM
Parent: #26
حكيم البورد ازيك
لعل كد تكون مبسوط
بس لو تجى تمرقنى من ورطة دى
ولو سجلته لى فى كشف الناس المعاى اظنو بقيبل اقل من كده لا
اولا لتدعيم علاقتنا مع كل الشعوب وخصوصا الاوربيه
وانت اقعد لى مع ناس
الايملات ديل
لوووووووووووول
|
Post: #28
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-30-2004, 04:12 PM
Parent: #27
تروتسكي جيت راجع تاني
بس بالله سؤال قبل ما ارد عليك
كنت غاطس وين؟؟؟؟
Quote: ولو سجلته لى فى كشف الناس المعاى اظنو بقيبل اقل من كده لا
اولا لتدعيم علاقتنا مع كل الشعوب وخصوصا الاوربيه |
تعرفت اولا انت اتطورت جدا وباين عليك حتجيب ضقلها يتلولح
سمعتة "انت" بمدحة السراي السراي
الجافو النوم وعقدوا الرأي
الي ان يصل المادح الي
في كل بلد سوالو اولاد
لو ما اكون غلطان
يا زول سر وعين الله ترعاك
يمكن طريقتك دي
تكون مفيدة وناجحة في احلال السلام العالمي
اها اشوفك
ومبروك مقدما
ورجعناك للكشف
|
Post: #29
Title: Re: حبي ليك كان ذادي للرائع عبد الرحيم أرقي
Author: عبير خيرى
Date: 06-30-2004, 05:05 PM
Parent: #1
أسعد
شكراً كتييييييير على امتاعنا بهذه الرائعة
ولك الود
|
Post: #30
Title: Re: حبي ليك كان ذادي للرائع عبد الرحيم أرقي
Author: ASAAD IBRAHIM
Date: 06-30-2004, 05:49 PM
Parent: #29
الاخت عبير
شكرا ليك
ودة من زوقك يا اميرة
مع التقدير والاحترام
اسعد
|
Post: #31
Title: Re: حبي ليك كان ذادي للرائع عبد الرحيم أرقي
Author: passpar
Date: 07-01-2004, 03:57 AM
Parent: #1
الاخ : تحياتي
والله كلام حلوه ، رجعنا لايام وزكريات حلوه شديد
بس لو ممكن ، نزل لينا الأغنيه التاليه..( لا بيديك ولا بيدي دا الزمان الإختار كدي) وتكون مشكورا والله
سلامي
|
Post: #32
Title: Re: حبي ليك كان ذادي للرائع عبد الرحيم أرقي
Author: osly2
Date: 09-24-2004, 06:33 PM
Parent: #31
قريبى اسعد
تعال شغل الاغنيه دى وأرجع القوقعه لو حبيت
|
Post: #33
Title: Re: حبي ليك كان ذادي للرائع عبد الرحيم أرقي
Author: saif massad ali
Date: 09-25-2004, 03:24 AM
Parent: #32
الاخ اسعد سلام
الاغنية ويني انا شايقي نص كم
|
|