Post: #1
Title: ساعدوني .... أنا مدمن
Author: omer ibrahim
Date: 06-13-2004, 03:30 AM
Parent: #0
أول حاجة كدي ما تتخلعوا لينا ساي ... أنا داير أحرر سوق البوست .. كويس
طيب ....
**********************************************************************
أعزائي
أكاد أكون شبه متأكد أن بينكم من سأل نفسه السؤال الآتي
كم من الوقت أقضيه في سودانيز؟؟
تحياتي..
أود أن أتطرق لموضوع ظل يشغل بالي من فترة ليست بالقصيرة وهو خطورة عدم المقدرة علي ضبط الوقت
حين افتح جهاز الكمبيوتر و ابتدئ تصفح الأنترنت، حيث انني و سرعان ما أجد نفسي منتقلا من صفحة
لأخري و بعد حين أغوص في (توهان الكتروني) قد أفقد معه الغرض الأساسي من بداية عملية التصفح.
أخلص الي الاتي.
1- هنالك فعلا ما يسمي بالأدمان و أعتقد شخصيا أن إدمان إستخدام الإنترنت من أسواء الأنواع
نسبة لأن التشويق في عرض المعلومة ذو درجة عالية من الجودة بحيث يمكن بسهولة أن تقضي وقتا طويلاً
جداً يسهم في يفقدك لاحقاً الكثير مما تلقيت من معلومات و في وقت بسيط.
2- سودانيز أون لاين. أحد المواقع التي أعتدت في الآونة الآخيرة علي أن أتصفحها و بشكل يومي
و منتظم. و بالرغم من أن ليس كل ما يكتب يستحق القرأة في نظري (كما هو في نظر غيري) ألا أن
(الإدمان) أقوي من أن يجعلك تأخذ قراراً شجاعاً بأن تغلق المتصفح و تفعل شيئ آخر.
3- سوانيز موقع إستطاع بجدارة أن يستحوذ علي جل الزمن الذي أقضيه في الإنترنت و هذا ليس
من باب الدعاية أو المجاملة لبكري أبوبكر (أبداً) و إنما لطرح الفكرة علي الجميع و من منطلق أن
صانع (الداء) مجازاً هنا هو خير من يعرف الترياق فحبذا إن شاركنا صاحب الفكرة نفسه (بكري)
بالإضافة إلي من سيأتي كريماً من هنا في الإجابة علي سؤالين بسيطين
كيف نتخلص من عادة التصفح غير المفيد للإنترنت؟؟
كيف أتخلص من إدمان سودانيز أون لاين؟؟
**********************************************************************
|
Post: #2
Title: Re: ساعدوني .... أنا مدمن
Author: MAHA ABDALLA
Date: 06-13-2004, 03:47 AM
Parent: #1
وانا كمان مدمنة وبالذات هذا المنبر الحر الذى استعبدنا بوحي ارادتنا.
|
Post: #3
Title: Re: ساعدوني .... أنا مدمن
Author: omer ibrahim
Date: 06-13-2004, 03:52 AM
Parent: #2
أهلا يا مها
منورة,,,
طيب يعني فعلاً في مشكلة و مش كدة و بس بل الموضوع دا عندوا مضاعفاته النفسية و الإجتماعية. أنا شخصيا أعتقد اني فعلا أعاني من ظاهرة إدمان إستخدام الإنترنت.
إنت رأيك الحل شنو؟
|
Post: #4
Title: Re: ساعدوني .... أنا مدمن
Author: omer ibrahim
Date: 06-13-2004, 04:15 AM
Parent: #3
قرأت أن مدمن الإنترنت يجيب علي التالي من الأسئلة بنعم أذا ما أنطبق عليه السؤال
هل تفكر في آخر نشاط قمت به أو وقت قضيته في الإنترنت؟
هل تشعر أنك تحتاج لإستخدام الإنترنت لأوقات متذايدة بعد كل فترة للوصول الي الإكتفاء؟
هل عملت مؤِخراً يائساً علي التحكم في أو قطع أو أن توقف إستخدام الإنترنت؟
هل تقضي وقتاً أكثر من الذي تنوي قضاءه في الإنترنت؟
هل تعرضت أحد علاقاتك المميزة أو الأكاديمية لهزة أو فقدت فرصة عمل بسبب الإنترنت؟
هل كذبت لأحد أفراد الأسرة أو الطبيب أو أخفيت مدي إرتباطك أو إستخدامك للإنترنت؟
هل تعتبر الإنترنت وسيلة للتخلص أو الهروب من مشاكل محيطة بك .. الشعور بالقلق الذنب الإكتئاب؟
:::::::::::::::::::::::::::::::::::::::::::::::::::::::::::::::::::::::::::
أها في زول تاني معانا؟ فيكم الخير
|
Post: #5
Title: Re: ساعدوني .... أنا مدمن
Author: MAHA ABDALLA
Date: 06-13-2004, 04:23 AM
Parent: #3
تسلم يا عمر
في الأول نعرف المشكلة ونحللها وبعدين نحلها.
ادمان الإنترنت او سودانيز اونلاين زي ادمان اي حاجة تانيا يعني البسجر بسجر لي لأنو السجاير بيجلب لي نوع من السعادة و النشوة بخليه عايز يكون طوالي فى الحالة دى بالإضافة طبعا للمؤثرات الأخرى وممكن نطبق الممثل على معظم المكيفات ولكن السؤال هناما هو وجه الشبه ما بين ادمان الإنترنت وادمان اي حاجة تانية؟
السعادة والإنبساط اللى الزول بحسو امام شاشة الكومبيوتر وكيف انو اي معلومة موجودة بضغطةزر .الكم الهائل من المواقع التي تحتوي على معلومات لا ليها اول لا اخر . كمان قدام الإنترنت ممكن تاكل وتشرب وتتونس فى التلفون يعني ما بحرمك من اى شى كله ممكن مع الإنترنت. بالنسبة لى انا يا عمر اول مااحس انو عيونى وجعونى بقوم طوالى لكن بعد شوية اجى تانى اقول دايرة اشوف ايميلي وحياتك جرررررررررة للصباح وازيدك من الشعر بيت في الشغل برضو في انترنت يعني بالنسبة لي الحكاية بايظة تماما.
لكن في الفترة الأخيرة بديت اعمل شنو
1 اول ما احس عيوني وجعونى بقفل الكومبيوتر وبشيل الفيشة.
2 شلت الكومبيوتر وختيتو في الصالةعشان ما يكون قريب.
3 بديت ازور الصديقات و الأهل عشان املى حياتك وما اكون بس قدام الإنترنت.
4 عملت تحميل لأذان فاول ماياذن بقوم طوالى اها لو قمت بتشغل بعد كدة باي حاجة تانية.
ودى بعض محاولاتي وانشالله تلقى حاجة تنفع معاك
|
Post: #7
Title: Re: ساعدوني .... أنا مدمن
Author: omer ibrahim
Date: 06-13-2004, 04:45 AM
Parent: #5
مها أولا كدي خليني أرحب بيك في سودانيز أون لاين شايف يا دوب دا البوست التامن ليك .. أها دحين حبابك 1000
كلامك جميل بس خليني أقول قولي
| Quote: ولكن السؤال هناما هو وجه الشبه ما بين ادمان الإنترنت وادمان اي حاجة تانية؟ |
عارفة أنا شايف إنو وجه الشبه شنو؟ إنو الإتنين (بغطسوا حجر المدمن). بس أنا مشكلتي الحقيقية أنو كل ما أقرأه من ألإنترنت أفقده بسرعة رهيبة الشئ اللي بزيد قناعتي بأن تلقي المعلومة من الإنترنت فعلاً فيه مشكلة.
| Quote: بالنسبة لى انا يا عمر اول مااحس انو عيونى وجعونى بقوم طوالى |
إنا بصراحة ضحكت جدا لما قريت الكلام دا لأنو دي حيلة قديمة..و أنا وصلت مرحلة من السوء بحيث إني ممكن أوصل مرحلة تحمير العيون و تدميعها و الحالة تبقي متأخرة لدرجة أن يصير طبيب العيون من الشخصيات المهمة و الواجب زيارته جداً.
أما ما كان من أمر جرررررررررررررررررررة الصباح فحدث ولا حرج (أهو أنا قاعد و الحمد لله)
شكراً يا مها تاني
|
Post: #6
Title: Re: ساعدوني .... أنا مدمن
Author: abas
Date: 06-13-2004, 04:34 AM
Parent: #1
وانا كمان طول النهار في المكتب والليل في البيت
|
Post: #8
Title: Re: ساعدوني .... أنا مدمن
Author: omer ibrahim
Date: 06-13-2004, 04:49 AM
Parent: #6
عباس .. عباسُ
شكراً جداً و مرحب حبابك
أنا بفتكر انو دي خطوات جيدة جداً وهي من توصيات مها (أعلاه)
Quote: اول ما احس عيوني وجعونى بقفل الكومبيوتر وبشيل الفيشة.
بديت ازور الصديقات و الأهل عشان املى حياتك وما اكون بس قدام الإنترنت.
عملت تحميل لأذان فاول ماياذن بقوم طوالى اها لو قمت بتشغل بعد كدة باي حاجة تانية.
ودى بعض محاولاتي وانشالله تلقى حاجة تنفع معاك |
|
Post: #10
Title: Re: ساعدوني .... أنا مدمن
Author: MAHA ABDALLA
Date: 06-13-2004, 04:58 AM
Parent: #6
شكرا يا عمر على ترحيبك بى وهسى انا زاتى البتفاصح وعاملة البت
بتاعت تنظير سهارنة للصباح فى الإنترنت وبالذات فى سودانيز اونلاين عشان ارد عليك مع انو فى مليون حاجة لازم اعملها.
اعتقد ادمان الإنترنت ادمان لذيذ ومن الصعب التخلص منه بالذات لو الزول عايش براهو وما عندو مسؤليات لكن الناس اللي عندهم اسرة ومسؤليات وبقعدوا طول الوقت قدام النت عادديل مشكلتهم مشكلة.
|
Post: #11
Title: Re: ساعدوني .... أنا مدمن
Author: omer ibrahim
Date: 06-13-2004, 05:12 AM
LOL
You are absolutely right Maha
But this is exactly the point of being an addict
| Quote: سهارنة للصباح فى الإنترنت وبالذات فى سودانيز اونلاين عشان ارد عليك مع انو فى مليون حاجة لازم اعملها. |
Thanks for your contribution anyway and please start kicking the first thing of the million things you should take care of
Thanks
Omer
|
Post: #12
Title: Re: ساعدوني .... أنا مدمن
Author: MAHA ABDALLA
Date: 06-13-2004, 05:22 AM
Parent: #11
I will right NOW
|
Post: #13
Title: Re: ساعدوني .... أنا مدمن
Author: نجلاء التوم
Date: 06-15-2004, 06:55 AM
Parent: #12
عمر ازيك:
والله الفصة دى يا عمر مرعبة
بس الشكية لاب ايدن قوية
انا ممتحنة بعد كم يوم
وعندى تسليم واعمال سنة
ومزرورة لمن بشوف العالم ورق ورق
لكن برضو
الصباح بجى متزرعة بمراجعة بريدى
اقول طيب بالمرة كده اشوف البورد الحاصل عليه شنو
واييييييييييييييييييييك
لمن اقرا هنا وارد هنا واتنرفز هنا
واستمتع هنا
واتعرض لسرقة من النوع الممغنط
تنسرق وانت رااااضى ومفتح عيونك
وبعدين
ما تلقى زول تفتح فيهو بلاغ
غايتو كان لقيت حل كلمنى
انا ما عندى زمن امشى اشوف الكلام الفى اللنك الانت جبتو
وبعدين
اخبار عزومتى شنو ؟
سلامى للعروس
|
Post: #14
Title: Re: ساعدوني .... أنا مدمن
Author: omer ibrahim
Date: 06-15-2004, 12:15 PM
Parent: #13
نجلاء
اتتي حتك معانا؟
والله ربنا يكون في العون
Quote: انا ممتحنة بعد كم يوم
وعندى تسليم واعمال سنة
ومزرورة لمن بشوف العالم ورق ورق |
ان شاء الله موفقة يازولة
Quote: لكن برضو
الصباح بجى متزرعة بمراجعة بريدى
اقول طيب بالمرة كده اشوف البورد الحاصل عليه شنو
واييييييييييييييييييييك
لمن اقرا هنا وارد هنا واتنرفز هنا |
سجم خشمك كان بتفتحي سودانيز أون لاين ايام الامتحانات الموضوع دا علي قولك فعلا مرعب.
و انا لما اقرر اقضي 24 ساعة من غير ماادخل انترنت فعلا بتظهر علي علامات احتياج لجرعة انترنت مدنكلة.
Quote: واتعرض لسرقة من النوع الممغنط
تنسرق وانت رااااضى ومفتح عيونك
وبعدين
ما تلقى زول تفتح فيهو بلاغ
غايتو كان لقيت حل كلمنى |
كلامك صاح لكن لو بتتضامني معاي نمشي من دربنا دا علي النقطة و نفتح بلاغ -عظيم- في بكري أبوبكر و آخرين.
| Quote: اخبار عزومتى شنو ؟ |
عزومتك تمام أخبارا بس بفتش علي زمن يكون عندي فيه راحة بال و عدم ترحال وغنا وحوض زهور.
العروس ؟؟ نجلاء .. انتي جنيتي ولا شنو ياخ أقول ليك كلام أول ما تلقيها انت كلميها بالشعر الجميل كلو .. اتفقنا؟
|
Post: #15
Title: Re: ساعدوني .... أنا مدمن
Author: omer ibrahim
Date: 06-15-2004, 12:24 PM
Parent: #14
وين أهل الاختصاص يا أهلنا
مافي زول يورينا الطريقة البتقومنا من هنا شنو؟
فوق للافادة من أهل الخبرة
|
Post: #16
Title: Re: ساعدوني .... أنا مدمن
Author: إيمان أحمد
Date: 06-15-2004, 02:24 PM
Parent: #15
سلام يا عمر وزواره
الموضوع شيق جدا!
(لأني عاملة فيها ما مدمنة ) بجيكم بعدين
سلام
إيمان
|
Post: #17
Title: Re: ساعدوني .... أنا مدمن
Author: omer ibrahim
Date: 06-15-2004, 11:16 PM
Parent: #16
ايمان
راجينك
|
|