نداء عاجل إلي بورداب جدة- طلب معلومات عن التسفير السياحيTrip Ticket للسودان

الاعزاء الغاليين،،،
تحية وود،،
ساتوجه بأذن الله الي أرض الوطن عبر المملكة وقد اكملنا جميع المتطلبات المتعلقة بالامر ولكن عند مراجعتنالاستخراج دفتر المرور Trip ticket من وكيل شركة القادسية بدبي تم اخطارنا بان هناك شركة سعودية جديده تتولى هذا الامر في بمدينة جدة وعليه تم منع كل من يحمل دفتر مرور صادر من شركة القادسية من السفر عن طريق ميناء جده واشترط عليهم استخراج دفتر مرور من الشركة السعودية!!!!
بما انه لايوجد وكيل لمثل هذه الشركة بالامارات واعلان جهاز المغتربين في منشور سابق ان القادسية هي الوكيل الوحيد نرجو الافادة عن صحة هذه المعلومة ومتطلبات استخراج الدفتر الجديد اذا كان لابد من ذلك ؟ وكيف يمكننا تقديم ضمانات داخل المملكة ونحن لانقيم بها!!!!!
أرجو الافادة مع الشكر الجزيل..
ودمتم ،،،،

??????????????????????/

نحرد السفر ولاشنو يعني؟؟؟؟؟؟؟؟؟؟؟؟

مازال هناك شويية عشم...............

اخى العزيز


يمكنك الاتصال على الشركة المعنية بامر التسفير السياحى

على هاتف رقم 0096626491301 عناية الاخ هشام وهو سودانى

الاخ دور نقاس،،
تحية وود،،
لك خالص الشكر و وافر الاحترام،،سأتصل بالشركة واتمنى ان تزول العقبات..
ودمت،،

سموال
برا قادسية معاك
انت ناوى تعال وبس
ولو فى العيد يكون ممكن نسافر معاك
انا ومسطفى ابقوتة نحن سنستقبلك فى الرياض
ما تخاف انتهى عهد العدس وبعدين منها تزور
الوالد شلبى ونزار

بس لازم سيارتك تكون VX-R
عشان السفرة تكون ممتعة
ولك ودى

الحبيب الرائع أبقوتة،،
شوق كمية ،،
والله انا العدس ده قدر ما اشوف أسمك في البورد اتذكره،،والعجب يوم الدال بالقراصة لن انساه ماحييت وبالمناسبة خالص الود وعاطر التحايا للغاليين مصطفى وهشام وبقية شباب أبقوتة..
والله يا ابقوته الله يعدل الخطوة ساي بلدكم دي كان ما الدرب جابنا بيها والله الا الحج ،لسة صغار وما قدر التفجيرات والرعب ده يارجل.
بالمناسبة ياريت لو ترسل لي رقم موبايلك لانو عندي في الرياض ساعات فقط واتمنى لقاء جميع الاحباب وجهز الشيلة العربية كبييييييره وبتشيل يعني ماعندك عذر..
وتسلم ياغالي،،،

انا ما بعرف
شلبي والا chalabi

الله يقفدرك تجي بي هني وما تغشانا
انا في الهفوف
ودا الموبايل0507156130

ان افي رجاك

قال تربتك قال
انت مستعجل كدا ماشي تعرس وللا شنو
اها هاك المعلومات

تحية
الشركة بجوار القنصلية السودانية بجدة
ولو وصلت هنا ووصلت الى شارع القنصلية فلا مشكلة
وأرجو منك ان تقوم بتجهيز بعض الأوراق
مثل خطاب تفويض من الكفيل بتسفير السيارة وان كنت اعترض بشدة على هذا الإجراء الغير مقبول فعندما طلبت من مديري ذلك استفزاني بشدة
وقال لي : هل تريد أن تسافر بسيارتك أم بسيارتنا الحكومية ؟
قلت له : بالطبع اود السفر بسيارتي
فقال لي : اذن ماذنبنا نحن أن نوقع لك بأنك تريد السفر بسيارتك
انشاء الله تمشي بديسكفري
عموماً ناقشت هذه المشكلة مع الشخص المسئول ولم يتفهمها
لأن بعض المسئولين مازالوا يعملون بعقلية الحجاج
لابد من احضار كل الأوراق المطلوبة بما في ذلك قسيمة الزواج
اجراءات الدفتر بعد اكتمال الأوراق لاتستغرق وقت طويل وهي بحدود 500 ريال وكالعادة ستجد السماسرة وهي مهنة لم أجد لها تفسير حتى الآن 00 هؤلاء بامكانهم أن يساعدوك لكن لازم تكون الدراهم كتيرة وارجو ان لاتتعامل معهم اطلاقاً 00 لأنهم أحياناً سيجعلوك في موقف تطلب فيه الداية أو سيارة الاسعاف 0
أنبهك لنقطة مهمة جداً والا ستجدك سيارتك متعطلة بجدة وأنت بالسودان
وأنبه الكل لهذه النقطة
لابد أن يتطابق رقم استمارة السيارة مع رقم الهيكل
مثال قد يكون رقم الهيكل باللغة الانجليزية مثلاً 123456789
يقوم الجماعة الطيبين يكتبوه ليك وبكل وقاحة يكتبوه ليك 987654321 عارف الخطأ دا ممكن يأخرك 15 يوم من إجازتك
اول ما تصل سواكن بحمد الله ستجد في استقبالك مجموعة من السماسرة ايضاً دورهم هو إكمال إجراءات السيارة ولن تجد دفتر التربك تك حيث سيكون أحدهم قد أخذه وبعضهم يتعامل مع المغترب وكأنه مازال في الروضة
طبعاً الله يكون في عونك ما حا يلاقيك الجنس الناعم نهائياً
الإجراءت لاتحتاج لسماسرة وهي ثلاث مكاتب فقط تدفع فيها الرسوم
وبعد أن تخلص الإجراءات انصحك بعدم السفر ليلاً خاصة لو كانت معاك عائلة وفي رأيي الشخصي أنه يفضل تسفير العائلة بالباصات السياحية أو طائرة من بورتسودان تحسباً لعطل السيارة في الطريق وهذه في حد ذاتها ستكون ماساة كبرى لو حدثت 0
لديك ختم على أوراق السيارة في كبري البطانة
وآخر في كبري حنتوب
ورسوم عبور من بورتسودان الى الخرطوم 15 الف
تاني لو واحد وقفك في الطريق وقال عاوز مصحف ما تقيف ليهو نهائي
المدة المقررة للسيارة 3 شهور وبعديها تمشي شركة القادسية وبالطبع حاتفتش ليها ماتلقاها الا بعد روحك تطلع وحاتلقى في شارع متفرع من شارع الجمهورية مكتوب على الدفتر طبعاً ستجد شركة أدوية مكتوب عليها شركة القادسية المحدودة 00 ديل بتاعين كلو 00 اسبرين وعلاج وترب تك وهلمجرا 0
تقوم تدفع ليهم كالعادة رسوم تجديد وبعديها تمشي لشرطة الجمارك
ما حا تعرفها الا يلاقيك حصان ماشي في الشارع لأنها جوار سباق الخيل ولو شفت أي حصان في المنطقة دي امشي وراه بوصلك طوالي
اياك ان تذهب قرابة الساعة 12 { منطق الخزينة قفلت } حاول امشي باكراً
مع أمنياتي للجميع بالسلامة 00 هسي الاستشارات دي كان من محامي كان دفعتوا ليهو 1000 درهم اقل شيء لكن انا بعتبرها واحدة من خدمات سودانيز أونلاين لقرائها وأعضائها 00
برضو وإنت جايي من الامارات ممكن تجي في طريقنا بالطائف دا تلفوني 0507063205 وسنكون في خدمتك ياعزيزي 0 وتلفون البيت 8322997 / 02

الاخ شلبى تحياتى


والله الموضوع مهم جدا وانا زاتى نازل السودان بالطريق وما عارف

اي حاجة عن الموضوع دا

ابوحراز الله يديك العافية غايتو كفيت ووفيت عديل كدا ، وانا هسه حا احفظ

البوست دا عندي علشان لمن ابقى جاي اشيله معاي بخرة

الاعزاء الغاليين ،،
تحية وود،،
العزيز ودشندي ،، لك الشكر وطلعت جعلي عديييل،واتمنى ان تسير الامور كمايجب حتى ننعم بمعرفتكم عن قرب وتشكر علي الكلمات الحلوه.
الاخ ود العباسية،،
يمكنك الاتصال بي لتبادل المعلومة كما انني سأسافر يوم 24/6/2004 من الشارقة.
أستاذنا الغالي أبوحراز،،
ماأروعك ،،
لك خالص الشكر علي المعلومات الضافية والنصائح القيمة واتمنى ان نلتقي اذا ما تيسر ذلك.
طبعامسافرين عزابة يعني الشغلانه مافيها عرس ولا حتى خطوبة أحمدأبقوته ده رايح ليهو عرس ساي عامل زي نكتة بص السيره..
طبعا هناك مستجدات في موضوع التربتك وهو ان شركة القادسية قد تم ايقافها من الموضوع حسب افدة وكيل الشركة كما ان النادي السعودي ووكيله شركة العالمية بجده هم من يتولون الامر ولايوجد لهم وكيل بالامارات وطبعا الجماعة زادوا الرسوم للوحات الخليجية (غير السعودية) الي 1200 درهم كرسوم تربتك ومازلنا في انتظار رد على الرسالة التى ارسلناها الي المستشارية الاقتصادية السودانية بأبوظبي لاستيضاح الامر من السلطات الحكومية في السودان حول البديل لشركة القادسية أو الطريقة الجديده التي يجب ان نتبعهافي السفر تجنبا للسماسرة.
لك الشكر الجزيل أستاذنا أبوحراز ودمت عزيزا غاليا،،