ياسرعرمان في ندوة التجمع الوطني للسودانين بفلادلفيا حول اتفافيةالسلام......

يقيم التجمع الوطني للسودانين بفلادلفيا

ندوة حول اتفاقية السلام يتجدث فيها الناطق

الرسمى للحركة الشعبية/السيد ياسر عرمان

المكان: 500springfield
phila,PA 19143

الزمان: السبت/12يونيو/2004

الساعة الثامنة مساءا

نرجو المشاركة والحضور

التحية لتجمع فلادلفيا نموذج يحتذي لفروع الخارج
والى الامام من أجل سودان ديمقراطي

شكرا عبدالعزيز..

نتوقع حضورك والجميع

من واشنطن الكبري...

شكرا

مريم
رسلو لي فيزا احضر الندوة..... تبقى سترة وصلحة...وزوغة..والله ما اجيب طاريكم في خشمي

الاستاذة مريم
واضح انو الندوة ما حتكون في السكند مايل
طيب حتكون في صالة ولا شنو
ارجو التوضيح عشان ما نطش
خاصة نحن من الجماعة " المشائين" لا هسع وما بنسوق

عزيزي سجيمان
قبل ما نرسل ليك الفيزا لازم نعمل معاك انترفيو اونلاين عشان نعرف مدى قابليتك للحياة هنا في الاول كمهاجر مقدم للاسايلم عشان بعد سنة في احسن تقدير يكون عندك ورق عشان تشتغل سواق تكسي او غفير هنا نسموها سكيوريتي

قالت احدى الامهات :سكورتي على وزن سوكرجي!!!!!!!

السؤال المهم هو:

هل لديك استعداد تشتغل في احد دكاكين العرب الهارب منهم وباجر اقل من 5:25 دولا ر للساعة اي تشتغل الساعة بي خمسة دولارات

و لازم تكون عندك عضلات للعتالة والوقفة الطويلة .نعومة الخليج ما بتنفع هنا

اي انك حتتدهور طبقيا جدا جدا وحتبقى اسوا من "البنقال" البتسخروا منهم في الخليج

اذا العتالة والوقفة الطويلة والشغل تاني مع العرب الهارب منهم ما نفعت معاك ,

هل لديك استعداد ان تشتغل دليفري في محل للبيتزا بي نفس الاجر المتدني للساعة ,

واحتمال كبير يشوتوك من اجل عشرة دولار بس لو ارتبكت في التعامل مع المهاجمين

عشان كدا لازم نعمل ليك اختبارات نفسية عديدة عشان نعرف مدى ما تتمع به من رباطة جاش تمكنك من التعامل السليم مع "الاستيك اب "

وبعدين حيكون عندك مشاكل في السكن لانك ما عندك كريدت هستري
فالقاعدة تقول "نو كريدت" تعني "باد كريدت "

ومع انو الاعمار بيد الله,

لكن احتمال تتلحس قبل ما تاخد الاسايلم لانك لو مرضت ما حتقدر تتعالج

لانو ما حيكون عندك تامين صحي زيك وزي اكثر من اربعين مليون مواطن امريكي ما عندهم تامين صحي

ان شا الله تكون شفت فيلم دينزيل واشنطون المؤثر “John Q”

مع تحياتي اخي الظريف سجيمان

المشاء

Ya Mary
Why is this Dawa that late...?

Is he going to be in Washington soon?

الأستاذة العزيزة جدآ مريم
كيفك و كيف أخبار عبد اللطيف و البقية
نشيد كثيرآ بنشاطاتكم
الرجاء موافاتنا بالعنوان كاملآ عشان ما نجننكم بالتلفون.

نشوفكم سالمين و تامين

أنور م أ الحاج
فرجينيا

قالت احدى الامهات :سكورتي على وزن سوكرجي!!!!!!!

loooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooool
ehehhe wlalhi d7ktni hbiby osama hehehe
funny
sgiman mostnin raddak hehehe
ur reply ma tzoog hhhhhhhh
akhkom omar

عبرك استاذة مريم احب ان اوجه نداء لاهل " فيلي" -كما يدلعها اهلها – من السودانيين ان يحضروا في المواعيد

وهذه مشكلة كبيرة نعاني منها هنا في "فيلي" وكذلك اهل واشنطون الكبرى

واذكر انني في اخر ندوة لي في "فيلي" ,
انني كنت اول الحاضرين اي في الساعة سبعة الا ربع مساء,
اي قبل ربع ساعة من ميعاد الندوة

ووجدت صالة الندوة مغلقة

المهم بدات الندوة الساعة" العاشرة مساء "

احتمال الناس ما جو بدري لانو الندوة كان عنوانها ثقيل الدم فهي كانت عن " العولمة"
مع انو امريكا هي قائدة العولمة


المهم نحن في انتظار رد " سجيمان " السريع حتى نقرر في جدارته للحصول على "الفيزا اونلاين" باعتباره “VIP” اي:
Very Important Person

لكننا في المقابل ننصحه –حتى لا " يجقلب- عندما ياتي هنا ,

ننصحه الا يخسر علاقته ب"الكفيل" ,
ويمكن ايضا ان يكذب عليه باختراع كذبة " بيضاء" ,

ولو كان "سجيمان " من المتدينين –لا اقصد من الدكاكين-,
فيمكنه ان يرد ذلك الى فقه الضرورة ,
حتى يحظى براحة الضمير والفوز بالاخرة ,
وكذلك تجنب الكوابيس والاحساس بوخز الضمير

وحتى اذا كان من المتدينين من الدكاكين ,
فننصحه ان يطمئنهم الى انه سيرد اليه ديونهم في اسرع وقت ممكن

كما ننصحه بالا يقيم حفلة وداع ,

والا يخبر حتى زوجته لو كان متزوجا
وحين ياتي ميعاد السفر- لو ارسلت له فيزا اونلاين,
يقول لها انه سيستقبل احد القادمين من الاصدقاء من الذين لا تعرفهم ,

وبعد ما يصل امريكا ما في مشكلة
فسنحوله الى وكالة مختصة في اختراع الكذب الذي يمكن ان تصدقه الزوجات

المهم حتى لو ما وفق "سجيمان " في الحصول على فيزا هذه المرة ,
فنرجو ان يبقى على اتصال ,
عبر هذا البوست

المشاء

نرجو سؤال البطل ياسر عرمان
لماذا تم تدمير مصنع الشفاء للادوية علما بأنهم وزمرتهم مسئولين أمام الله عز وجل عن كل شخص يموت من نقص الأدوية في السودان ....
لو عندهم مشكلة مع الترابي والبشير كان الأجدر بارسال تلك الصواريخ لمنازلهم بدلا من المصنع الذي تضرر منه الشعب السوداني أجمع

we still -really -watiting for Brothe "Sigeman"
almashaa

First time to know Yasir Arman and the SPLM were part of the
Clinton Administration which had demolished Alshefa Plant.

مصنع الشفاء للادوية كان سوف يغطي احتياجات السودان وبعض الدول الأفريقية من الأدوية .

منعول أبو السياسة التي حطمت البلد

Brother Seigiman
We Still waiting for u '
Dont be late to get ur Online Visa
Almashaaa

اسامة الخواض

Quote: We Still waiting for u

طممت بطني عديل...والله
انا ممكن اشتغل سواق تاكسي... اما السيكورتي دي ما عندي ليها حيل...ولا العتالة....ويا اسامة لو في وظيفة بتاعة وناس...يكون كويس....ما عندي مانع اونس الجماعة الساعة بي خمسة دولار...بعدين اي زول ممكن يطلب نوع الونسة... وممكن لي قدام اعمل جدول... يعني يوم الخميس ونسة كضب سااااااكت...يوم الجمعة ونسة شيوخ وفُقرا...يوم السبت ونسة حبوبات...يوم الاحد ونسة خارم بارم في السياسة.... يوم الاتنين ونسة ادبية شعر اقطعو من راسي واقعد اونس الجماعة بيهو..يوم التلاتاء ونسة شماشة.. يوم الاربعاء ونسة حناكيش"ونسة بس"......
ولو الحكاية مشت..اجيب وناسين من السودان...واوزعهم علي الولايات..واكون انا كبير وناسين لما وراء البحار......
وحبيبي يا الوناس ضو القمر بالليل يا اللبن.....

Quote: نرجو سؤال البطل ياسر عرمان لماذا تم تدمير مصنع الشفاء للادوية علما بأنهم وزمرتهم مسئولين أمام الله عز وجل عن كل شخص يموت من نقص الأدوية في السودان ....

؟؟؟؟؟؟؟؟؟؟؟؟؟؟؟!!!!!!!!!!!!

.................

عزيزي سجيمان

انت قايل ما يسمى بتحقيق الامريكان دريمز مسالة ساهلة؟؟

حكاية تشتغل وناس فيها مشكلة كبيرة
فالناس الممكن يفهموا الاكسنت بتاعك عندهم من القصص ما يكفيهم واكتر

اما الخواجات الامريكان جد جد ,
فديل ما عندهم صبر يبل الابري بتاع الاكسنت حقك
واخر زولة اشتغلت وناسة كانت " شهرزاد"

المهم الانترفيو اونلاين اثبت انك للاسف غير مؤهل لان تاتي كمهاجر سيتعرض لكثير من " التلتلة "

غايتو حاول امشي اتريض واعمل ليك شوية عضلات

ونتمنى نشوفك في اقرب ندوة

ارقد عافية

المشاء

Ridhha
What Com.Yassir has to do with Al Shiffa,it has always been an american issue and if U need to know about it U have a look at Richard Clark's abook"against all enemies" and the answer is there.Al Shiffa definently was an ambrella for certain activities god knows what? but yet Com.Yassir has nothing to do with this issue.It is the assistant of khartoum president who has been behind it

العزيزة مريم والزملاء في فيلادلفيا..

تمنياتنا بندوة جيدة ونقاش هادف..

وفي انتظار التفاصيل..

شكرا لجميع الاخوة المتداخلين..

ونرحب بالاستاذ سجيمان ضيفا(over seas)

ونتمنى له اقامة طيبة..وحظا افضل مما

حكي عنه اسامة..نرحب بجميع الاخوة من خارج

فلادلفيا....