.... صباحك طلة الياسمين ...

ازيك يا مرض

غلبك صاح ؟؟

اللهم اجعلو خير يارب ..
فتاح ياعليم رزاق ياكريم ...


والله (ما غلبك يامرض) .. لكن انا تاني ما بمشي الا انت تمشي


وبالمناسبة دي ..

ما تلعب لي فرمالتك ..بتقولي لا.. شايفك لييك سنين ما هبشتها ..

هههههههههههههههه

تعرف يا مرض انت دقست كان تجي يوم السبت

لكن الشفقة بتاعتك ما بتخليها

الخميس دا يوم ميت في المنبر

كله بواقي فواتح وبكيات ومجاملات

علي العموم انت شكلك بقيت تقر علي نفسك

انا مخلي ليك موضوع الغناء دا تتفسح فيهو لكن كان قمت عليك بضايرك

بعد داك غايتو الا تشيل ليك فحمة وتسك الحيط


ياخي زولك داك اسمه منو ود الحلة دا ما تشوف لينا مزكراته

كانت شديدة والله

Quote: الخميس دا يوم ميت في المنبر كله بواقي فواتح وبكيات ومجاملات

والله خبره لكن قلت لي يوم ميت ..

طبعا قلت اعمل تيست الليلة اشوف الحاصل شنو لاني كنت خايف اجليها ثابته ..
اها موضوع المزازيك دي ما عندك معاها موضوع لانو انت اصلك زول اشتر ..

فرنكش ؟؟؟
طبعا.. مصبن في الارشيف من زمن .. بس في حاجه طاعمه اديها صنه .. كدي صلح وشك بي دي ( انقر هنا )

واعفص الحاجه دي ....... بس كان ما فاطر تقيل ما تجازف

تمبس يا حلو
خليك هنا خليك وبلاش تفارق

شوف يا تمبس..

سامع ود قاسم ده بقول ليك فى شنو؟؟

كرهتنا البورد ..بوست بوست.



والف مرحب بى نداك...وابتسامتك

تمبوشه


والله بعد ده تفتح ليك استيريو في حتتكم ديك
اساسا ما فيها استريو بتاع سوداننين

وياريت لو كان في الزاوية بتاعت شارع التحلية

البوست ده قربت اهضم فيهو حقوق الناس
شكرا للناس الحلوة ..وبفرح بيكم دائما

الخال ..
المشية صعبه زي ما عارف لكن احيانا بتكون في اشياء اصعب من الصعوبة يا الاحتمال يا الانزلاق الاحتمال بقدر عليهو .. والانزلاق مابيشبهنا ..
وياريت تكون اتفهمت اني اوفيت بي وعدي وعهدي .. معاك واخوان الآلم ..شتات ومعتصم وود الشيخ الحميم ..
الصورة دي لافحه من وين ياخال ؟؟ جابت ليها زوير صور كمان في البروفايلات

تماضر شيخ الدين ..
حسع بلاهي الكره الواحد البوست ..بورد بورد منو ؟؟
كلما ما نجي نلقاكم مافيشين ..بنشخبت ليك الفيها النصيب والواحد يمشي بي شوقو ويشيل حاجاتو معاهو
المره الجاية بكسر ليك لمباتكم
مشتاق ليك شديد والله شديد جدن جدن ..

تمبس؟؟؟؟؟؟

مرحب ياخوي ..
بعدين ياخي منو البجيب "لورين هيل" هنا لما انتا تمشي؟؟؟

على اي حال مرحب تاني ..

** تمبس لازم اشوفك..

قيسان

حمد لله على السلامة يا تميس يا غالي ومرحب بعودة واحد من الطيور المهاجرة وما يهمك كلام يا زول انت تجي الخميس تجي السبت وكل ايام الاسبوع نرحب بيك وابوابنا مشرعة عشانك انت يا مبدع وما تسمع كلام الناس بالله شوف يا أخوي بين يوم وليلة شنو الحصل، امس تلفونا ما خلص اظن المهم بينا شوفه وبينا كول انشاء الله بس عاوز منك طلب قبل ما امش واقول ليك مع السلامة او اسبقك بيه عاوز منك تعمل لينا بوست ظريف كدا كدعوة لعودة بقية الطيور المهاجرة حيث أن الغربان لا زالت تنعق في المنبر عاوزين نغير نغمة الغراب وننزل نغمات طيور وعصافير عشان يروح النشاز من وتر البورد الحساس وانت الاخصائي الوحيد اللي عارف المرض وامكان الالم ولك التحية ومرحب بي عودتك مرة اخرى والعود احمد وغداً نكون كما نود...

اخوك / وليد احمد

تمبس

اتغزل فيك يعنى ؟؟

ليك وحشة يا متخلف

عمر يامهدي ..
كيفك ياهندسه ..
استريو عديل كده ياعمر .. انا كان لقيت لي كشك باسطه ما داير حاجه تاني .. كشك باطسه بس
عليك الله شارع تحلية شنو .. والله المكان ده كان ما جنن الواحد اصلو ما يرتاح ..بلاهي د محلات موسيقي دي .. تفحيط وجوالات .. وقصور .. بس السمحه فيها اذا لقفيت يمينك بتمشي لي ابوجهينة ..واذا مشيت طوالي بتوصل قرنفل ..دي احلي حاجه غايتو ..
ما عندك لي حاجه بالفلاش نضيفه كده .. المزيكا في بس اديني راس الخيط لانو شايفك ليك فترة مكسل لحقته تبلدينا ..


قيسو.. الفنان
خمسمية مرحب ياخ .. انت مشغول طوالي .. والا انا مالي ؟؟
طبعا دقستي الفاهمه اني ما سجلت التلفونات من الماسينجر القديم بتاع البورد ..اتلحست
الخميس الفات كان مفترض اكون معاك .. البرنامج اتعدل .. بحاول الخميس ده .والمشروع القديم لسه قايم .. ابقي رقيق اكتر من كده ..الشغلانه دايره ليها كربه جامده ..

صباحاتو نور

صباحك بطعم القرنفل

الأخ الحليو تمبس القلعة
سلام بحجم السلام
الأغنية أنا ما سامعها
المهم ود أختي قال ليك البتاعات بتاعاتك المفروض يصلن لي بتاعو ما وصلن عشان يرسلن لي بتاعك .. وبيني وبينك هو اليومين دي غرقان لي شوشتو وغيَّر رقم التلفون بتاعو وأنا حاولت أجييك بالمسنجر لقيت الباب مقفول أها جيتك قدام الناس
أتمنى أن تكون الرسالة وصلت
طبعاً أحرف زول في البورد دا في توصيل هذا النوع من الرسائل هو صديقي الزاكي [Nile1] الله يديهو العافية وأديك نموذج لرسائله مثلاً يقول ليك
ياخي إضنينا ديل ما بقن غربال عديل
ويقصد وين مساهماتك معنا في موقع النيل
لكما تحياتي

الحلو جاء
اللذيذ جاء
بدونك البيت خراب
نجري ونصفق ونقابل بالترحاب ولدنا
تمبس
البيت بيتك

اول شئ حا اترحم علي اميقو

وتاني اقول ليك يا علاء
كدا ؟!!!!!!!!
اهو دا النابنا من الغياب
بقيتو تنسوا كمان ؟

ولي ي ي ي ي يديك العافية ياحبوب طبعا زحمتي دائما خازلاني معاك في التلفون .. واهو الحال المايل ..
وانا سعيد اني اكون بينكم .. وح نعمل كلنا علي انو نحارب المكان ده بكل ما نملك من اي شي جميل جوانا وفي النهاية بتفضل الاشياء الجميلة هي الثابته وباقي القول الفاحش والعبارات الهشه والطرح السخيف يمشي مكانهو الطبيعي ..

عجمي ..
شايفك شغال علي كيفك .. وكايسه معاي لا بترد ايميلات ولا بتجيب حجار
اسمع الحاجه دي .. ده شغل بيت


عمك ..منور ياوجيه .. عندي ليك حاجه حلوة اخطر من بتاعت المره الفاتت ..لاقيني بس

بدري ...
والله متكيف ليك شان ماشي بكره .. سلم لي علي الجماعه كلهم
اها البتاعات في السكه ابوالنسب ما قصر ولا عمرو بيقصر .. ويوم شكرو ما يجي انشاء الله نردها ليهو في عرس البنيات
بالسلامة يابدري وربنا يعدل ليك طريقك .. بس ما تنساني من اللالوب والنبق رسل لي حقي

حمزاوي المشاكس ..
يديك العافية ياوجيه وكلامك الحلو ده كان ساعدتو بي بطيخه تكون بالغته

اماني ..منورة شديد جدا . واترحم معاك علي روح الراحل اميقو وهو المشرف علي العمل الجميل ده لحنان النيل واوركسترا السمندل طبعا بقيادة الاستاذ يوسف الموصلي

اها ما ناسيك بجيهك تب ..
لنكاتك في الحفظ والصون

تمبس حبيبنا

بقلب فى الصفحات القديمة عشان اشوف الفاتنى شنو ولما لقيت البوست ده قلت بس دى فرصة اديها استراحة واسمع لى لحن جميل كده ..

لكن يطرشنى ما سمعت الحبة دى ...

ده شنو ده .. لقيت نفسى مع حرنكش بتاعك القديم حاولت اعمل ليه عفريته لقيته فى السحارة اظنه ...

قبل كده قلت ليك ياخى عاوز لى حاجة كده من محمد حسنين والراجل معاكم فى الرياض ياخى ... انت ما عارفنى انا قديم ياخى .. لكن ابوسريع رائع بجد ..

لك حبى

الغالي قرشو العمده

مليون سلام..
الفترة الفات كنت مقطوع حبتين. عندي مشكلة في الشبكة الداخليه..اهو قاعدين نعافر فيها لسه ما انتهت

طلباتك دائما مستجابه يازعيم..
اول ما المشكلة تتصلح طوالي تستلم طلباتك .. مع اني كنت بفتش ليك في حاجه حلوة قديمة جدا مركونه في السستم من الحاجات البتحبها ........