أبحثو معي عن هذه الأغنية (مناشدة للجميع)

لي كم يوم بفتش في أغنية الأستاذ محمد وردي
(أوع يا قلبي تنسى الخانك تخونو)
الدعوة موجهة لكل المهتمين بالأغنية وبأغاني وردي بالتحديد
إنزال هذه الأغنية في هذا البوست أو كلمات الأغنية
وياريت التسجيل يكون قديم

العزيز حبيب بلدو
لك الود
هي اغنية (الوصية)للاستاذ الموسيقار محمد وردي..كلمات المرحوم اسماعيل حسن.. تقول بعض كلماتها:
حلفتك يا قلبي
الخانك تخونو
والفايت غرامك
اوعك يوم تصونو
زي ما ابكي عيني
سهر لي عيونو
اوعا تقولي تاني
ما بنعيش بدونو
ايه في الحب لقينا
غير همو وشجونو
يمكنني ان ادلك عزيزي الحبيب
النص يمكنك ان تجده لدى الاستاذ معاوية حسن يسن. عضو البورد المتوقف حتى اشعار اخر..والاغنية يمكنك ان تسأل عنها العزيز لؤي شمت.. واتمنى الا يخذلوني ولا يخذلوك..
لك الود مرة تانية

حبيب بلدو سلام


بعد أذن الاخ فتحي اضيف لك مطلع الاغنية وهو ما لم يرد في
النص المكتوب بواسطته000 مع اعتذاري وحبي لكما0000



البداية كالاتي000


حلفتك يا قلبي 000 وريهوا الخصام

واتنكر لحبك 000 وقول ليهوا الكلام

ليه تتهان يا غالي 00 ليه والذل حرام00

أوعي يا قلبي تنسي 000 في لحظة الوصية

أنا عارفك حنين وبتشمت علي000 أوعي يا قلبي00


والباقي كما اورده الاخ فتحي


مع تحياتي

العزيز عبدالرحمن
لك الود
تلك الاغنية كانت باعتقادي فتحا جديدا في الشعر الغنائي السوداني..بعد ان امتلأت العيون بالدموع بكاءا بين يدي المحبوبة ظهرت هذه الكلمات..
ليه تتهان يا غالي
ليه والذل حرام
انظر لهذا المعنى..وتأمله..ثم تذكر اننا كنا نقول لمن نحب:
يا الجميل هندامك
نكون سعاد لو تقبل
نبقى من خدامك

هل لاحظت الفرق عزيزي؟؟؟؟؟؟؟؟؟

أخ فتحي الله يديك العافية وما قصرت تب
وشكرا ليك كتير
أخ عبدالرحمن سوركتي
أشكرك على الإضافة ويا ريت لو فتشتوا معاي على الأغنية نفسها
وهي حقيقة أغنية جميلة كم يوم أنا بردد أجزاء من الأغنية وما قادر أتذكر كلماتها خاصة بعيد عنكم بعد الشيخوخة التي أصابتنا مبكرا

هي من اروع الاغنيات
وهي من الحان الراحل المقيم
الموسيقار برعي محمد دفع الله

حبيب بلدو

خليني ارجع البيت وحتسمعها انشاء الله الليلة

تنقو

عزيزي الأخ / حبيب بلدو
سلام وتحية
خليك يا اخوي في صوارده شو
الحاجات الحديثة
كدا حتكشف نفسك وحنعرف انك عجوز ومن جيل القمر بوبا

أستاذنا الموصلي هل وطل ؟؟؟؟
الف مرحب بيك يا ود بلدنا وقالوا إذا حضر الماء بطل التيمم
حقيقة الأغنية جميلة ولحن برعي أجمل وأشكرك على المعلومة الجديدة
وياريت نفتح بوست لإجمل الأغاني السودانية ونسمعها ونكتب عنها
**************
عمك تنقو يا رائع اسمك بيذكرنا دايما بالطفولة البريئة ومجلة الصبيان
منتظر عودتك بالسلامة للبيت عشان تنزل الأغنية وماتنسى يا رائع وأكون ممنون ليك كتير
***************
ود عمي حمزاوي شكرا للطلة الجميلة ومختفي وين يا أخوي؟؟؟

حبيب بلدو أنا عندي الأغنية دي وأغاني وردي القديمة فى تسجيل نادر وقديم يرجع لبدايات وردي الأولى فقط أرسل لي عنوانك وسوف أقوم بعمل نسخة لك مع تحياتى.

شكراً يا يا سيف والله ما بتقصر وأنا بكتب ليك عنواني وفي إنتظارك إنشاء الله
بس أنا ما عارف المتوفر عندك نسخ على كاسيت أو نسخ إلكترونية؟؟
المهم أنا حأديك عنواني البريدي وعنوان الاميل وتكون قدمت لي خدمة ما أنساها ليك أبدا
وأكرر شكري ليك

منتظرين

ما زلت في الانتظار

up

حبيب بلدو

تحياتي
اولا اسف جدا جدا .. اني وعدت وما قدرت انجز الوعد ...
لكن كنت ساكت لحدي ما اجيب ليك الاغنية ... واحد الله يسامحو
شال الشريط وخلي خشمي ملح ملح
لكن ما بخليهو واول ما اجيب الشريط حانزلها ليك انشاء الله


تنقو

تنقو ولا يهمك برضو فيك الخير إنك لسع مذكر
وأنا في الإنتظار وفي إنتظار الأخ سيف برضو
في إنتظاره ونشوف الشاطر منو

الاخ حبيب بلدو ، تحيّة ورديّة ..

عُذراً ان لم استطع تلبية طلبك خلال الأيام السابقة وذلك نسبة لظروف الإضراب كما تعلم ، هذه هى الوصيّة .

مع خالص مودتى


الأخ فتحى الصدّيق ، تحية طيبة ..

شكراً لثقتك عزيزى

وهذه هى الوصيّة

لينك الحفظ

شكرا أخ لؤي ما قصرت والله
وشكرا للأخ فتحي الذي قصد شخصك لإسداء الخدمة والثقة في محلها
شكرا لكما
وأشكر كل من أسهم في هذا البوست وأسهم في البحث والمحاولة

This song , among others( Hallaftak Ya Galbi-- Alkhanak Takhonu, by Ismaeil Hassan, was part of the disputed discussions betwwen Ismaeil Hassan and Almubarak Ibraheem and Shuara Alhagiba. Ustaz Almubarak accused Ismaeil Hassan, to be the first poet to insult and depart from his beloved (Almahboba), contrary to all (Shuara Alhagiba who kept priasing their lovers). Sorry, I can't write in arabic, to elaborate, but I hope some of the historians who knew about this dispute, will say something about it
Thanks, Abdalla

الأخ عبدالله شكرا للطلة ومرورك على هذا البوست
وأشكرك على المعلومات القيمة
وننتظر منك المزيد

Thanks to you. The song among others, like ( dayaok Wadarok- int Ma Btarif saleehak Min Adouk, also by Ismaeil Hassan, and the likes of Habibi An Aktib lake. The cause of the dispute, according to Dr Abdullahi Gallab, is when Ismaeil Hassan, Wardi, and others started attacking the poets of Alhagiba and the old style arabic poem. At that time, the modern school of poem in sudan started to take shape. They opened a gate of hell for themselves, from the big gunners of the Hagiba peroid, who were still alife, Rahamuhum Allah, like Alabbadi, Sayed Abdalaziz, and Almubarak Ibrahim, who inherted the radio Umdurman (Fi Hagibat Alfan) from Salah Ahmed Mohammed Salih. The Hagiba Giants were not at all impressed by the new trend of song writing. They considered it poor quality and lacks the true passion. Isameil and Wardi, joked at the old hagiba style of describing the Mahboba from head to waist or belly button, before they shy from going down below by saying Hoi Ya Laila, and then start from the leg down to the feet. Bsides, in their war with the vetrons, they didn't find the support they need from the emerging modern poets, as those were not impressed by the idea of participating in a war about songs. They didn't hold a great opinion about itand as they sought, or considered the song writing was lead by poets of poor quality or uneducated writers ilke Isamael Khorshid etc.This phase, of course , was followed by the dramatic rise of the standard of poem written from songs, when the likes of Fadlalla Mohammed appeard in the stage.. Like I appealed eralier, hope this will provoke others to elaborate. Thanks again
Abdalla, ,

شكراً أخ عبدالله وحقيقة هنالك أغنيات تعتبر محطات في مسيرة الأغنية السودانية والأدب الغنائي السوداني بصفة عامة
حتى بالنسبة لأغنيات الحقيبة نجد تلك الفوارق فهي رغم التصنيف العام لأغنيات تلك الفترة وتسميتها مجازا بأغنيات الحقيبة ولكن إذا تتبعنا مسيرتها نجد كذلك أغنيات تمثل نقطة تحول في أدبيات التعبير والمفاهيم التي كانت تؤطر أغنيات تلك الحقبة والأمثلة كثيرة تتضح في التباري والمجاراة بين الشعراء بتناول مضمون واحد بصيغ وتعابير مختلفة
لدي إقتراح بفتح بوست نتناول فيه أمثلة حية لأغنيات تعتبر فعلا نقطة تحول في مفهوم المضمون والموضوع والتعبير والمعنى وكذلك نختار نماذج مقروءة ومسموعة حتى تعم الفائدة