شاركونا الفرحة ... تفوق ابننا مازن في امتحان الشهادة السودانية

انحبست انفاسنا و تسمرت أقدامنا و نحن نتابع في القناة السودانية وقائع المؤتمر الصحفي لوزير التربية وهو يعلن نتائج امنحان الشهادة السودانية للعام الدراسي 2003 - 2004 وكم كانت الفرحة لحد البكاء و الصراخ حينما سمعنا اسم ابننا مازن من ضمن المتفوقين محرزا نسبة 94.1% . اختلطت الزغرودة بالدمع و رقصنارقصا أفريقيا يشبه رقص لاعبي منتخب الكميرون حينما يهزون شباك خصمهم !!
فرحة عميقة بددت أحزانا توالت مؤخرا باعثة أمل جديد , مبشرة بمستقبل أفضل , انتقلنا نحن و أهلنا و صحابنا من حالة الاحباط و القلق الي رحاب التفاؤل و الاحساس بأن هنالك أشياء جميلة في هذه الدنيا .
يالجمال طعم النجاح و يالبهاء الانتصار و يالروعة الانجاز.
لقد رفع "مازن" الرأس عاليا بعد ان تتطأطأ ردحا من الزمان في زمن صارت فيه الهزيمة هي سيدة الموقف بلا منازع قشكرا ياولد ياعفريت و عقبال الماجستير و الدكتوراه و الدرجة العالية الرفيعة.
شكر خاص الي اسرة مدرسة " المتفوقون" الخاصة بحي بانت بأمدرمان و ليمثلهم الاستاذ محجوب اسناوي و الاستاذ طيفور و شكرا لاهل مازن الذين رعوه فأحسنوا رعايته ووفروا له كل سبل الراحة لينفرغ لمهمته و عوضوه خير التعويض عن غياب امه وابيه , لهم منا التقدير كله و ليكن كل من جده محمد الطيب عبدالله وخاله عادل ابراهيم كرار من يمثلهم هنا .

مبروك لكل الناجحين و الناجحات و مزيد من التفوق .

ويابورداب الشرقية أها جاتنا المناسبة .

أبتسام وخالد

خالد الطيب
الف مبروك وعقبال الدكتوراة

Quote: وكم كانت الفرحة لحد البكاء و الصراخ حينما سمعنا اسم ابننا مازن من ضمن المتفوقين محرزا نسبة 94.1% .

ربنا يجعل كل ايامك سعد فى سعد

الاخ هاشم

شكرا لشعورك الجميل و عقبال النجاح لوليداتك

راعي الدار الاخ بكري
نشكر لك مشاركتنا الفرحة و دمت ياعزيز.

ألف مبروك للمتفوق مازن وعقبال الدكتوراة
ومزيدا من النجاح والتقدم

الاخ الكريم _Khalid Eltayeb
الف الف مليون مبروك وعقبال الماجستير والدكتوراة انشاءالله..

الأخ خالد وأسرته
ألف مبروك للابن مازن ،، وهذه فرحة من فرحات المنبر الحر ،،
تمنياتي لمازن بمستقبل مشرق ..

ألف مبروك

ومزيداً من التفوق والنجاحات
وعقبال الدكتوراة

الاخ حبيب بلدو
مشاركتك فرحتنا محل تقديرنا و شكرنا . نتمني لك دوام النجاح و السعادة

الاخت سارة منصور
شكرا لكلماتك الرقيقات و عقبال النجاح و التفوق لك و لاسرتك .

الف الف مبروووك اخي خالد

والتحايا للابن مازن

وعقبال الدكتوراة

الف مبروك وعقبال الدكتوراة

والعرس كمان

الف مبروك ومزيد من النجاح وعقبال الدكتوراه

الف مبروك وعقبال العرس انشاء الله

ادام الله افراحكم
مبروك النجاح
احمد

لقد فرحنا لفرحكم.. مبروووووووك..

السيدة ابتسام
والأخ العزيز خالد الطيب

ألف مبروك لكما ولمازن والأسرة.
هذه دموعٌ ذقنا طعمها، وفرحٌ عرفناه، فقد مررنا بمثل تجربتكم هذه حينما نجحت كبرى بناتنا فاطمة عند دخولها للجامعة. جاء نجاحها بعد سنوات طوالٍ عجافٍ من الغربة والهم والبعد عن بلادٍ نفتقدها في كل ثانية من لحظاتنا، والحسرة على أهلٍ وأحبابٍ وأصدقاء رحلوا، والشوق لأناس نشتاقهم، والتوق لمستقبلٍ أجمل لبلادنا. فجاء نجاحها نفحة فرح هبت على أيامنا فجأةً، لتعود بعد ذلك حليمة لقديمها في انتظار فرحٍ خاطفٍ آخر.

ودامت أفراحكم

نجاة

Mabrook ...Mabrook

..Hope great future for him ..
Yakhalid

الاعزاء
ودقاسم
طلحة
هوبفل
قرجة
عباس
محمد ابوبكر عثمان
احمد عثمان
ياسر الشريف

فرحتنا تمتد و تتوسع بمشاركانكم التي لها اطيب الاثر علينا . عقبال ابناؤكم و بناتكم و ربنا يديم الافراح و يجعل كل ايام المنبر و لياليه أفراحا .

Dear Mohd. Ibrahim

Thank you for your touchy words and wish u all the success . Now as " boradb al-sharqiya" have an occassion to celebrate . Please be in touch and show your wonderful look from time to time .
Thanx once again

الف الف مبروك ... وربنا يحفظه ويوفقه للدكتوراه باذن الله

العزيز الصديق خالد الطيب

ألف ألف مبروك لمازن وأمنياتي بمستقبل زاهر ونجاحات قادمة ... تهانينا موصولة لأم مازن ولجميع الأهل ... وربنا يديم الأفراح وعقبال العفاريت الصغار ...

الاخ خالد
الاخت ابتسام
حبيبي مزوني
لا استطيع تعبير عن مدي فرحى وسعادتي بهذا النجاح الباهر
ليس غريب على مازن هذا النجاح فالشجر الطيب حتما ثماره طيبة
مزوني... ازلت الكثير عن الاحزان التي داهمتنا في الفترة السابقة وعوضتنا فرحا ننتظره .. فانت العشم في نجاحج وستكون منارة لكل رفاقك الذين يتوقون للنجاح من ارض النجاح
فرحي بنجاحك لا يوازيه غير شوقي لبلدي الذي جعل هذا النجاح ممكنا لك
الحبيبة ابتسام .. الله يديني فرحة قدر فرحتك قولي امين .. ومزيدا من النجاحات ومبروك تخرج (نونة)

الاخت ابتسام
والاخ خالد

الف مبروك
ودعوات بان يقر الله به اعينكما وعين البلد كمان
ربنا يحفظه ويراعاه يارب

الف مبروك يااستاذ،تمنياتنالمازن التوفيق دوما

Khalid, Ibtisam
Congratulations to you both and to Mazin in particular and I wish mazin all the succes in his life.
Well done Mazin.

الاخت العزيزة نجاة

و لأن الفرح قد تراجع القهقري مفسحا المجال لغيره من المشاعر المضادة ة , فأنه و حينما يطل انما نستميت في التشبث به و نكنكش فيه مااستطعنا الي ذلك سبيلا و نأخذ منه اكبر " زوادة" . " علوق الشدة" كما يقول اهلنا
.
المعاناة المزدوجة لابنائنا و اهلهم حينما نفرق بينهم ظروف الحياة كأن يكون الولد أو البنت في بلد و أسرتهم في بلد أخر لها طعم مر كالعلقم و هي معاناة مركبة أذا أضفنا اليها معاناة البعد عن الوطن و الاهل و الاحباب و الاصدقاء .

علي الهموم , لقد نجح مازن في مسح الطبقة الحزينة من " جلودنا" التي كادت ان " تتخن" و تنسي ان هنالك شيئ اسمه " الفرح" لم تستطع التكنولوجيا بعد في أن تصنعه و تبيعه في السوق.

شكرا كثيرا يانجاة علي كلماتك المعبرات و تحياتي لك و لاستاذنا عبدالله بولا و لفاطمة و الاخريات و الاخرين مع تمنياتي لكم بدوام النجاح .

وبهذه المناسبة لماذا لانري لك مشاركات هذه الايام و كنت فبل ايام أتذكر بوستك الذي ترجمتي فيه قصيدة " الحرية" للشاعر الفرنسي باول ايلوار أذ قرأت مؤخرا كتابا له عن بعض أعماله و سيرته و رسائل حبه الي " غالا" الروسية.
أرجو ان يتوفر لنا الوقت و المزاج لمزيد من الكتابة عن هذا الشاعر الفذ .

الأخ خالد

الف الف مبروك النجاح لابنكم مازن واهنئكم واشد على يديكم على التفوق الذي لم يكن سوى حصاد لما زرعتماه من حرص ومتابعة ومثابرة وتهئية المناخ لابنكم ليحصل هذا النجاح
مرة أخرى الف مبروك وعقبال الدكتوراة والماجستير

مع تحياتي ،،،،

الف مبروك مازن..وربي يوفقك ويسعد اهلك بيك..

الف مبروك تفوق مازن و الى الامام

الاخ خالد الطيب
الاخت ابتسام

عندما كنت استمع لكم وانتم تتحدثون عن مازن في لقاء بورداب المنطقة الشرقية
احسست فعلا بان هذا الابن هو مميز .. خطواته الجريئة التي اتخذها تظل في ذاكرتي
هو نموذج طيب من اصل طيب .. هو قدوه لكل الأبناء ..

لمازن التحيات والتبريكات لانه كان قدر الوعد
لكم التحيات مضاعفة وهنيئا لكم بهذا البطل المميز

فعلا تستحقون فرحة مثل هذه
ومزيد من الافراح انشاء الله

تنقو

أخي خالد

مبروك لابن السودان مازن جعله الله لكم غرة عين
ووفقه لان يكون من ابناء السودان البررة الذين
يحملون لواء العمل المخلص لوطنهم وابناء جلدتهم
الف مبروك لكل ابناء السودان متمثلين في مازن

العزيز مانوبيا

الشكر كله لمشاركتك فرحتنا و جعل الله ايامكم دوما افراحا .

الخال العزيز محمد بحاري
ليك و حشة ياخال و كلماتك زادتنا فرحا و امنياتنا لك و لاسرتك بدوام الفرح مع التحايا للاخت العزيزة انصاف.

شرووم
شكرا ليك و عقبال نسمع كل ماهو جميل عنك.

الاخ العزيز فتحي الصديق
شكرنا الكثير لك مع امنياتنا لكم بالنجاح و التقدم.

الاخت الكريمة ندي علي
اسعدتنا طلتك في هذا المكان و نقدر لك مشاركتك و تمنياتنا لك بدوام الافراح

عمك تنقو
ازدان المكان بحضورك البهي و كلماتك المرهفة تبعث علي الثقة و التفاؤل . شكرا لاهتمامك و لمجهودك في لجنة بورداب الشرقية و الي الامام .

الاخ ود الشيخ
نشكر لك مشاركتك و جعل الله ايامكم دوما أفراحا

دنيا عجيبه
خالد و ابتسام ولدهم امتحن للجامعه ، فعلا ده عصر السرعه
الف مبروك و عقبال نجاحات و بشارات اخرى

اها و ولد "اب راس" حيمتحن السنه الجايه ؟؟؟
الاعزاز

الاخ تولوس

سعدنا كثيرا بمشاركتك فرحتنا . نتمني لك دوام السعادة و هناء العيش .

الصديق العزيز نادر
يازوا انت وين ماباين ؟ شكرا لمشاعرك النبيلة و انشاءالله نفرح بجديدك قريبا.

العزيز والصديق الوفئ خالد
العزيز أبتسام, أم مازن
لقد سعدنا بحق, بنجاح العفريت مازن, وزي ما قال عصام جبر الله (دنيا عجيبة), مازن أمتحن للجامعة....لقد حضرنا المؤتمر الصحفي, أمس , وبالفعل سمعنا اسم مازن, وعلقت منال علي الاسم(حلاته),لأنه مطابق لإسم ابننا مازن. لم نكن نفكر في انه إبنك, ليس لأن ذلك كثير عليه بل لأن صورة مازن مازالت في ذهني هي ذلك الطفل الصغير, دنيا عجيبة فعلاًً.
ألف مبروك من عميق القلب, مني ومنال أم مازن الأخري.

خالد الطيب...
الف الف الف مبروك وعقبال الدكتوراة، وربنا يديم عليكم الفرحة انشالله

مبروك يا خالد الطيب
مبروك هذا النجاح الباهر والمتوقع
وتهانينا لابتسام والاسرة الكريمة فى السودان والسعودية

عزيزنا عصام جبرالله

حمد و الديبة ... حاجة عجيبة . ليس في الامر عجب فبينما كان الناس مشغولين بالسياسة و أركان النقاش , كنا نحن نخطط للمستقبل وكان الزمان قبل الانقاذ رخيا نسبيا يسمح بزواج الشباب و الشابات حديثي التخرج ومن ثم الشروع في بناء الاسر . ياسيدي نشكر لك تهانيك و عقبال نفرح بجديدك و نشرب شرباتك . صديقك ابو الروس لسه عليه شوية , خليه ينط بالاول من امتحان مرحلة الاساس .

عثمان حامد ( أبو مازن )
ياابامازن , مشاركتك معنا أثلجت الصدور و اضفت علينا مزيدا من البهجة و الحبور . سلامنا لمنال و مازن و العقبة عندكم .

الاخت ميادة

شكرا ليك و مبروك مفدما .و ربنا يتمم علي خير .


ألاخ الصديق عادل عثمان

تحياتنا الحارة اليك و من معك . جميل ان ينواصل الاصدقاء القدامي وهم ينتشرون في " الشتات " . طلتك أسعدتنا و اعطت زخما للمكان . مبروك للجميع و مزيدا من الافراح.

عزيزنا عصام جبرالله

حمد و الديبة ... حاجة عجيبة . ليس في الامر عجب فبينما كان الناس مشغولين بالسياسة و أركان النقاش , كنا نحن نخطط للمستقبل وكان الزمان قبل الانقاذ رخيا نسبيا يسمح بزواج الشباب و الشابات حديثي التخرج ومن ثم الشروع في بناء الاسر . ياسيدي نشكر لك تهانيك و عقبال نفرح بجديدك و نشرب شرباتك . صديقك ابو الروس لسه عليه شوية , خليه ينط بالاول من امتحان مرحلة الاساس .

عثمان حامد ( أبو مازن )
ياابامازن , مشاركتك معنا أثلجت الصدور و اضفت علينا مزيدا من البهجة و الحبور . سلامنا لمنال و مازن و العقبة عندكم .

الاخت ميادة

شكرا ليك و مبروك مفدما .و ربنا يتمم علي خير .


ألاخ الصديق عادل عثمان

تحياتنا الحارة اليك و من معك . جميل ان ينواصل الاصدقاء القدامي وهم ينتشرون في " الشتات " . طلتك أسعدتنا و اعطت زخما للمكان . مبروك للجميع و مزيدا من الافراح.

الاخت العزيزة أم سهي

فعلا اتي هذا الخبر الجميل بعد ان كدنا نياس من سماع الاخبار المفرحة . شكرا لعباراتك التي تتدفق فرحا . عقبال نسمع النجاح الباهر لسهي و سارة من بعدها . تحياتي لك و للصديق أبوسهي .

الاخت العزيزة : أماني الجندرية
تحياتنا لك و لاخونا عثمان . نتمني لك و لاسرتك الكريمة كل النجاح و التوفيق , و الشكر كل الشكر لمشارتك فرحتنا.

صدقا ما أجمله نجاح الأبناء وما أقساه فشلهم فناجحهم نجاحنا وفي الأبناء يتحقق ماعجز الآباء تحقيقه فعلا لحظات لا يمكن وصفها.

مبروك يا مازن وعقبال النجاحات الأخرى وخطوة مباركة لطريق طويل
وان كان بامكاننا توزيع تمر للبورداب عبر الويب لفعلنا ولكن تقبل تهانينا وربنا يحفظك ويحقق آمالك.

الاخ العزيزانور

ياسيدي " التمر" و صل و شكرا ليك و العقبة لاولادك

خالد الطيب
الف مبروك وعقبال الماجستير والدكتورة
تحياتى

ألف ألف مبروك..

هو.. نان.. أمو وأبو كانو هينين؟

بالمناسبة أستاذ الرياضيات محجوب إسناوى تربطه صلة قرابة شديدة بالأستاذة سلوى صيام المنجضانا فى البوست المجاور ;-)

تحياتى لمازن وإبتسام وباقى العقد يحفظكم المولى، ولى قدام..

عدلان

الاخ يابلدي ياحبوب

مشاركتك فرحتنا تسعدنا كثيرا و امنياتنا لك يابلد ياحبوب بالتقدم و الازدهار .

الاخ عدلان :
هي براها سلوي صيام المنجضانا في البوستات المجاورة , ناس واحد + واحد يساوي صفر ديل نقول عليهم شنو ؟ وجودك بيننا شرفنا كثيرا و العقبال عند مهيرة و اخواتها . تحياتنا الحارة الي العزيزة نازك.

الاخ خالد الطيب الف مبروك للابن مازن وانشاء الله عقبال النجاح والتفوق لنيل درجة الماجستير والدكتوراه وجعل الله لكم قرة عين لكم وللسودان ومبروك لبقية الطلاب وعقبال الفرسان القادمين وفي الانتظار ولكم جميعاً التحية والاحترام بهذا التوفق الذي اثلج به مازن صدر والديه

أخوك / وليد احمد

الاخ الوليد أحمد عبدالله

كتر خيرك و مشكور علي الدعوات الجميلة و يسعدنا كثيرا مشاركتك مع تمنياتنا لك و من معك بموفور الصحة و العافية.

تسلم ياغالي

اخوانى الاحباء
ابتسام وخالد
ما احلى نجاح ابنائنا ونحن فى الغربة
اهنيكم واهنى الابن مازن على النجاح الباهر وعقبال التخريج والماجستير والدكتوراة .
وان شاء الله تفرحوا بيهوا عريس .
وتسلم يا مازن وربنا يغطيك ويعليك ويجعل البركة فيك .

اهنى من خلالكم وبعد اذنكم ابنتى شبماء وابن اختى انتصار محمد وابن اختى الهام صلاح الدين على النجاح الباهر ومافى داعى لافراد بوست جديد وكلهم اولادنا والشكر للاخوات اللائى اصررن على افساح بوست لشيماء وقد افسحنا لها بوست دعوات يوم الامتحان وبدعواتكم الصادقة
اتت بهذا النجاح الباهر ولها التهانى مع اخيها مازن .

ولكم الشكر
ولكم الحب
ولنا ولكم اصدق التهانى
وعقبال البنات والاولاد
والفرحة الكبرى بالسودان

امال
ام وضاح

الاخت امال

سررنا كثيرا للنجاح الباهر الذي حققته الابنة شيماء . نجاح شيماء و انتصار و مازن يرفع الرؤؤس عالية و يلفنا بشئ من الفخر و الاعزاز .الف الف مبرووووووووووك و مزيد من النجاح و التوفيق .

مبروك لجميع الناجحين و الي الامام.

mashallah mashallah mashallah
alf mbroooooooooooooooooooooooooooooook my brotha mazin
mashallah
alf mbrook ustazna khalid altyb
god bless u
akhook omar

"... واجلهن نجابة الابناء"


يا سلام يا سلام

الف مبروك لوالدته اولا ...ولك وله ثانيا.. وعقبال الدكتوراه..

وله المستقبل الحافل.

وعم الفرح في الحضر والبادية

تهانينا القلبية ومستقبل زاهر للإبن مازن .

الف مبروك
وعقبال الشهادات الكبيرة

الاعزاء تماضر , ولياب , ايمن

شكرا لكم و نتمني للجميع كل النجاح و السعادة

Omer Ragab,

Thanx a lot . We appreciate being with us . Wish u a prosperpous bright future . Salam to all friends in the Netherlands.

ألــف مـــبـــروكـــ

و عـقـبـال الـدكـتـوراه

و كـل الأمـاني بالتوفـيـق و النـجــاح دائـمـاُ

العزيز / خالد

مبروك وعقبال لبتي

السؤال

الهدية شنو؟
الحفلة بمنو؟
والجامعة وين؟


حفظكم الله أجمعين..

العزيز سناري

تشكر باعزيز

الحفلة في امدرمان

و الجائزة اول الشهر

و الجامعة طبعا جامعة الخرطوم

الاخ خالد،،
الف الف مبروك وعقبال الدكتوراة انشاء الله
والله لقد عمني السرور وشدني ايما شدة عندما رايت ابتسامت مازن فرح بنتيجته ،،
دي دايرة ليها زيارة وقعدة كلام الانترنت مابينفع لوووووووول يكه
مع الاعتذار للاغنية
وعقبال جميع الابناء
زاتوووووو

الف مبروك وعقبال الشهادات الكبار...والله يوفق وليداتنا ويستر عليهم


من جماعة تطفيف الشهادات وحرامية عشرة فى المية،،،،

الزول ذاتو

البركة في مازن الطلعك من جحورك و خلاك تفتح البوزد . لماذا كل هذه الغيبة الطويلة . مرحب بيك تجي تشرف و تبارك للولد في البيت . شكرا يازول ذاتو ومع امنياتنا للحميع بالنجاح الباهر .

مبروك أبو مازن وأم مازن وربنا يحفظه متميز
مبروك مازن النسبة الحلوة وعقبال شهادات أحلى جاية



يازول يا زاتو .. عاش من شافك
والناس بتعرس وسيد اللوري بيقول ما راجعين
ليك وحشة

الف مبروك وعقبال الشهادات العليا

الغاليان خالد وابتسسام
لقد حق لكما الفرح وحقا لنا مششاركتكم الفرحة فلنجاح الأبناء طعم خاص ولتفوقهما نكهة تألفها النفس وتستجديها.فالحمد لله الذي شرح صدركم ورفع رأسكم وغر أعينكم. بارك الله لكم فيه وأدام عليكم أفراح النجاحات وأمدكم بالصحة والعافية لنفرح معكم دائما بتفوق الأبن مازن الذي سسوف لن يخيب الرجاء بإذن الله.
الأخ خالد راجع موضوع : لقد كنت قدر القول يامازن

الاخ الفاضل الاستاذ ابومرام

تأسف لاننا لم نلحظ هذا البوست الذي ابتدرته قبلنا . مشاعرك النبيلة محل تقديرنا . شكرا لكلمات التشجيع ونسأل الله ان يديم المحبة بين الجميع.

لقد كنت قدر القول يا مازن

خالد الطيب

مـــــــ1000ــــــــبروك
وربنا يجعل أيامكم كلها سعادة
والتهنئة موصولة لمازن

الاخ الفاضل خالد الاخت العزيزه ابتسام .. حقيقة عشت معكم الموقف بكامله .. وحضنت الابن مازن بحراره .. وبكيت نعم بكيت معكم لفرحتكم ولكلماتكم المعبره .. حقيقة ما احلا طعم النجاح .. وحين يكون من ابن الحشا.. ربنا يحفظك يا مازن وعقبال الدكتوراة .. وربنا يخليك لاهلك ويخليك ليهم .. ويجعل ايامكم كلها بهجه وسرور ..

الف مليون مبروك وعقبال الدكتوراه انشاء الله

كم نحن فرحون بنجاحات ابنكم المتفوق مازن


علي احمد

ألف مبروك للمتفوق مازن وعقبال الدكتوراة
ومزيدا من النجاح والتقدم
ومبروك لوالديه وأفراد الأسرة

اخي خالد الطيب:
1000 مبروك النجاح والتفوق لمازن وعقبال الدكتوراه,,
ياخي اسمك دا دائما بجهجهنى لتقارب الاسمين ونفس اسم الوالد ..
عموما اهلا بيك اخ عزيز مع تحياتى وتهانى,,,,

الاخوان خالد وابتسام

تفوق الإبن مازن غيث أفراح نحمد الله أن جاد به عذبا مدرارا أخاله قد غسل بعض أحزان الأحبة هنا وهناك..مازن رضع التفوق من أم ناجحه وورثه عن أب ناجح مثابر....لكم وللأحبة في السودان أجمل وأصدق التهاني ودعواتنا له بالتوفيق الدائم...أغر الله به أعينكم

الزاكي والأسرة

الف الف مبروك خالد الطيب
سعدنا لك ودائما ابنكم ناجح
بالمناسبة كنت لمن اقرا ليك بتخيل اصغر من كده
يعنى اكتر حاجة32
تجى تقول ولدى نجح فى الشهادة السودانية باين حكاية الصور القالا بكرى دى مهمة
مرة تانية الف مبروك ودائما مشرفين ابنا عن ابا عن اجد
تهانيي ايضا للاستاذة ابتسام

الاخ العزيز الباشمهندس الزاكي

اول مرة اعرف ان تايل ون هو الزاكي و الاسم المستعار صحبته صورة قديمة كادت ان تكون مستعارة هي الاخري . شكرا يالزاكي و زمن طويل لم نسمع عنك و المسافة بيننا هي بضع مئات من الكيلومترات . بالفعل نجاح مازن مسح بعضا من احزان الاسرة التي لمت مؤخرنا و التي عايشتها معنا في الرياض و فرح جميع الاهل في السودان و نرجو ان تتمكن من الحضور الينا قريبا لتشاركنا هنا في الشرقية قبل ان يسافر مازن . تحياتي للاسرة الكريمة .


الاخ زمراوي

32 سنة ؟ ياخي بالغت عديل كدة !! لما كان عمري 32 سنة كان مازن عمره 3 سنين و هو الان 16 سنة و نص . يللا و رينا شطارتك و طلع لي عمري !! شكرا لمشارتك و تمنياتي لك بكل النجاح

ويالولد البشيل مدقاقو قولة خير
ويقابل الجاية متحزم
ويدارق الجاية متلزم بقول:
الف مبروك
ومن نجاح إلى نجاح مازن

خالد الطيب , ابتسام , مازن , مهند, نون
الف الف مبروك
مازن ياجماعة اختار انو يمتحن في السودان وقال لابوه وامه العايز يمشي معاي السودان يلحقني , والماعايز يمشي انابمشي براي , وبمتحن هناك وفعلا مشى لجدو ابو ابوه , وخيلانوا وقعد معاهم , ودرس براه , ولحقوا خالد الطيب , الراجل الضكران ايام الامتحانات واداه الثبات . وماقصر مازن , وعمل العليه . الف مبروك تاني
وبكره بورداب الشرقية محتفلين بيه في نفس المكان ودي دعوة مننا للجميع
وتحياتي مرة اخرى لخالد وابتسام ومازن ومهند ونون

عوض / مها

خالد الطيب مبروك لابنك وامنياتى له بمستقبل ملئ بالتفوق والنجاح


أسفين يا خالد نتسغل بوستك المرق لينا صاحبنا الزواغ عوض هارون
وينك أنت يا ابو الشباب أن لازلت فى انتظارك
الرجاء الاتصال حتى لو كان بالايميل للتشاور والمفاكرة

الاعزاء لؤي و عوض هارون و احمد امين

شكرا لفرحكم معنا وامنياتنا لكم بالنجاح دائما.

ألف مبروك لمازن، ولابتسام وخالد وللأسرة الممتدة. ثمرة ناضرة لجهد طيب وغرس مبارك. ومزيدا من النجاح والتقدم.
خاتم

الزملاء الكرام خالد وابتسام..

ألف مبروك تفوق الإبن مازن في امتحاناته..

وفقه الله وجعله من رجال بلدنا الأفذاذ..

ولمزيد من النجاح والتفوق..

الصديق العزيز الخاتم عدلان

تحياتي الحارة و كل الشوق . سعدنا بتهنئتك الرقيقة . عقبال الابن حسام و من بعده . السلام و التحايا للاخت تيسير .

العزيزة رحاء العباسي

افتقدناك كثيرا في الايام السابقة . حمدالله علي سلامة العودة . شكرنا الكثير لتهنئتك مع تمنياتنا لك بالتوفيق و النجاح دائما

دامت افراحكم القا وبهاء و ادامكم على ابنكم
جني

الف مبروك خالد الطيب لابنك مازن

الف مبروك









افتقد مامون سيد احمد

ألف مبروك النجاح الباهر وعقبال البكلاريوس

الاحت العزيزة راوية
حمدا لله علي سلامة العودة بعد الاضراب . شكرا لكلمات التهانئ و امنياتتنا لك بكل الافراح .


ألاخ العزيز كمال عباس

تحياتنا الحارة و امنياتنا للجميع بدوام التفوق و النجاح .

الف مبروك وحقق الله امانيكم فيه

الاعزاء و العزيزات

نشكر كل الذي شاركونا بالتعبير عن فرحتهم معنا في هذا البوست و الذين راسلونا بالبريد الالكتروني و اتصلوا بالتلفون و نسأل الله ان يفرحكم بابناءكم و بناتكم و هم يصعدون الدرجة تلو الدرجة في سلم العلم و المعرفة خدمة لوطنهم و اهلهم .

تحياتنا للجميع

خالد الطيب مبروك له النجاح

الف مبروك للتفوق وعقبال الدكتواره, جعله الله قره عين لكم ووفقه لكل خير



وفى امان الله

لا اله الا الله

ألاخ خالد الف مبروك لابنكم مازن عقبال الدكتورة

ألاخ خالد الف مبروك لابنك مازن عقبال الدكتةرة