شوقى بدرى ........ والشوت الضفارى

السادة اعضاء سودانيز اونلاين المحترمين

تقدرو تقولو انو انا حاصل لى حالة بتاعت ضياع كدة
وما قادر افهم الصالح من الطالح ذى ما بقولو اهلنا الطيبين

وكنموزج حى لحالة ضياعى هى الاحاسيس المتضاربة والمتناقضة التى
احسها تجاه المسكوت عنه الذى قرر الاستاذ شوقى بدرى الخوض فيه وكشفه بعوراته على هذا المنبر الحر
فانا اولأ لا انكر ما اجده من متعة و بعض الفائدة فيما يكتبه الاستاذ شوقى
ولكن فى بعض الاحيان الزول دة بشوت عكس التيار (اقصد تيار التغيير
لسودان بنحلم بيه يوماتى

وخلونا ننسا الفات ولا نرجع للارشيف ،
اليوم طالعت مقال للاستاذ شوقى بدرى فى هجومه المبرر على الهالك على عثمان ودوره فى السلام المزعوم فى السودان
واننى اثمن للاخ شوقى بدرى نضال الكلمة الذى اختاره ضد حكام السودان حتى ينال كل من اخطاء عقابه وعلى رأسهم الكوز المجرم
على عثمان فهو قد شارك فى القتل والسجن والتشريد لقطاع كبير
من ابناء شعبى وها هو الان يسرق دور رجل السلام

ولكن دة ما الموضوع
الموضوع هو مشاعر التغزز التى اصابتنى تجاه كاتب المقال وهو يصيب الرجل فى مهنة ابيه الشريفة ويصفه بالسارق لطعام القرود لاطعام اولاده

ولكن بمشاعر سودانية حقيقية تعاطفت مع هذا الرجل المكافح فى وظيفة شريفة وانسانية وهى اطعام الحيوانات
ولا اظن ان رجل بهذا الحس ان يسرق ،ولا دليل انما هو سلاح رخيص للنيل من الاعداء
وسألت نفسى بصدق لماذا نتباكى على ماضينا السياسى الذى دفع مثل هذا الرجل ليسرق ليطعم ابناءه
واى عورة يا ترى ؟
هى عورة الماضى ام الحاضر؟
وهل هذا الشوقى يعبر عنى؟
وتعاطفى التلقائى مع عمك ابو على عثمان خلانى التفت واتامل شوقى بدرى بمقائيس مدينتى الضائعة امدرمان (ولقيتو ذى الثعلب باك الهلال)
لا يدرى بدرى فى بعض كتاباته ينخر فى قيم عزيزة علينا نحنا الغبش

ونفرق جيدا بين كفاح عثمان فى جنينة الحيوان وسقوط عثمان فى وحل الكيزان

وانا متاكد انو عمك عثمان لو يدرى حقيقة ما يفعله على عثمان بالسودان وجنينة الحيوان لاصابه الغثيان

ويا اخونا شوقى بدرى انك بقدر ما تهكمت على المدعو على عثمان
فبنفس اصبت فى مقتل مبادى الغبش التى ترفض تشويه المكافحين ليمنحو اولادهم فرص حياة افضل حتى ولو شاركو الحيوان طعامه ،

ولا ذنب لهم ما يختاره ابناءهم من حياة ولا يبخس هذا من قيمة كفاحهم
(والنار تخرى الرماد) ، وهم لا يستحقون التشهير بالسرقة من رجل ينشد سودان العدل والقيم

وحتى التهكم الذى ورد فى بوستك يتنافى وثقافة الغرب الذى ترفل فى نعيمها ‘وتمتدحها احيانا
وبمناسبة المسكوت عنه يا الكاشف اخوى افتكر انو
المسكوت عنه هو تقليد سودانى مبنى على قيم وفلسفة الاصلاح والستر كهدف للعقاب دون الايلام
(يعنى بالسودانى كدة الناس الساكتة ،ساكتة فوق رأى)

والسؤال الهسع محيرنى هسع ذى أحاجى شوقى بدرى دى تصب فى ثقافة المدينة الفاضلة؟

اخيرا
التحية لنورة عبداللة ادريس والدة الاستاذ عادل عبدالعاطى والتى تذكرتها الان ولاعرف لذلك سبب غير ريحة عرق الكفاح

كلام غير مهذب .....المهذبون يمتنعون

أنا عن نفسي معجب جدا
بطريقة كتابة الاستاذ شوقي عن تاريخ امدرمان
خاصة احياء السوق
البوستة شمال وجنوب وحي العرب......
بس معاي غربال كبير للحشوة السياسية على نهج
ان التاريخ للجميع والافكار السياسية للمعبر عنها
انا لا احب السياسة كلعبة
وقد قيل ان السياسة لعبة وسخة.....

بس اوعة تزعل الاستاذ شوقي
ونفقد مؤرخ قصصي
شهد له الجميع بحلاوة كتاباته
عن امدرمان
يعني في اي كتاب كنت ستجد ان
والد على عثمان كان يطعم الحيوانات بحديقة الحيوان


_____



أتق الله حيث ما كنت واتبع السيئة الحسنة تمحها وخالق الناس بخلق حسن

و خير ما قيل في علي عثمان هو ما قاله استاذه الترابي ( ده اتربي بي موز القرود و لحم الاسود ، انحنه علمناه كل حاجه بس ما علمناه الولاء ) .
و هذا اشاره لان علي عثمان ابن احد عمال حديقة الحيوان الذي كان مسئولا من اكل الحيوانات . و حسب كلام الترابي و ليس كلامي انا فوالده كان يسرق موز القرود و لحم الاسود .

........................
........................
انا لم اتعرض لوالد على عثمان . وقلت ما قال الترابى عن على عثمان واشرت لعدم ولائي . اين تعرضى لوالد على عثمان فى هذا الكلام . وقد قلت هذا رأى الترابى وليس رأيى .
وشكرا ...
شوقى...

كيف الاحوال يا احمد عثمان ...

Quote: (ولقيتو ذى الثعلب باك الهلال)

دي دايرا ليها درس عصر ....



تحياتي

الاخ فرانكلى شكرا على مرورك

يا اخى الله لا جاب الزعل
وبينى وبينك انا مثلك حريص على قلم الاستاذ شوقى بدرى فى هذا المنتدى وما يضيفه من فائدة لى ولغيرى
فهو اوفر تجربة وعطاء منى
ولكن اعجابى به لم يصل لمرحلة العبادة
وخوفى على فقده لا يصل لدرجة ان اخلق منه صنم ،واذداد حيرة عندما تتهاوى الاصنام

فالاستاذ شوقى بدرى يكتب فى منتدى عام وله مطلق الحرية فى ان يكتب ما يشاء كما لى مطلق الحرية فى التعليق طلما لم اتخطى حدود الادب

وكم كنت اتمنى ان اسمع رايك فى قصة عمك عثمان وسرقتو لى الاكل دى
ومدى تقبلك النفسى لها ، او تعطينى مبرر اخلاقى للتشهير بسمعة الرجل الطيب على الانترنت ، عشان على الاقل تحلنى من الحيرة دى

وما تخاف على شوقى بدرى من الحرد والاضراب ، فهو قد اكد من قبل احترامه للراى الاخر
كمان قد اكون احرص منك على ود البدرى عشان كدة ما بطبل ليه لو اخطاء


استاذى المحترم شوقى بدرى

شكرا لسعة صدرك ولكن
ناقل
وتذكر انو على عثمان ذاهب فخلينا نتمسك بقيمنا السودانية

العزيز ملاسى
ياخى انت نساى ولا شنو؟

طيب نسيت كلام يور حارس مرمى الهلال عندما احرز الثعلب هدفافى مرمى فريقه فعلق بسؤال الكابتن طارق (ثعلب دة معانا ولا معاهم؟)

وانا حيرتى فاتت يور الله يطراه بالخير

عزيزى
احمد عثمان
اولا اتفق معك على تقززى من الكلام عن والد على عثمان والذى تجمعنى به بعض القرابة وان لم اره طول حياتى ولكن سمعت عنه وعن حرصه وكفاحه على تعليم اولاده وتوفير الحياة الشريفة والكريمة لهم وعرف عنه طيبته وصلته للارحام ولااذكر هذا الكلام دفاعا عن على عثمان ولكن عن والده ذالك الرجل البسيط المكافح الذى يمثل الغالبية العظمى من اهلنا الطيبين
ثانيا لااعتقد ان الاستاذ شوقى قصد اى نوع من الاساء او التحقير لوالد على عثمان وقد اردف ذالك بتوضيحه وكذالك يمكن استخلاص نفس النتيجه من جملة قراءت كتابته التى تدل على ذلك واعتقد اذا كان هنالك من يلام فهو الترابى الذى يتفوه بمثل هذا الكلام فى حق تلميذه وفاقد الشئ لايعطيه وعموما هم مدرسة واحدة فى اللؤم وعدم الولاء واى لؤم اكبر من المتاجرة بالدين وتقتيل وتشريد الناس باسمه واقامة اعراس الشهيد واخيرا اقامة الاتفاقيات مع الحركة الشعبية كانا شى لم يحدث هذه المفارقات هى التى تجعل شوقى بدرى والشعب السودانى يستعجب ويستغرب

المحترم عطا
شكرا لكلماتك الطيبة فى حق الرجل

وتأكد لم يراوضنى اى شك فى اخلاق الاستاذ المحترم شوقى بدرى

احمد عثمان

مش كان افضل لو كلامك كتبتو فى البوست محور النقاش ؟؟


ولا شنو ؟؟

الاستاذ شوقى وضح وجهة نظرو فى المسالة . وخلاص يخيل لى الموضوع انتهى


برضو . ولا شنو ؟

لا حولاااا يا احمد عثمان ... و الله ذكريات .....

اوعك بس اخونا تاج السر حسن ما يروق ليهو الكلام دا عن الثعلب ... حينها حتشوف الشوت

الضفاري جد .......


و تحياتي عبرك لصديقنا الثعلب لاعب فريق المحلة برابطة الدناقلة قبل انتقالة للهلال ...






تصدق قربتا اقول يور الخور ... بس الزول لاوز من التصنيفات و كدا

تسلم ياملاسى ن انا حالتى بعاين اشوف موضوع الثعلب ده فيهو فرقه
للجماعه ولا لا !! لكن معليش لقيت الثعلب المقصود بتاع الجماعة !!

الاخ ود العجمى
تحية ومرحب بيك

ياخى فعلا انا كترتها حبتين

رايك شنو انو انا بعد كلامك دة اشوف لى طريقة انقل البوست وما فيه
الى البوست الاساسى ،

ـ تفتكر احسن طريقة شنو؟
اقطع من هنا والصق هناك

وكمان ممكن اغير العنوان ذاتو

.

الاخ صاحب الملاسيات

يا اخى شوف لينا حاجة غير سيرة الهلال
ياخى ديل مرضونا مرض

الاخ العزيز احمد عثمان
لك عظيم احترامي وانت تدير هذا الحوار بروح طيبة فالاختلاف في الافكار مشروع بل مطلوب ما حافظنا على حدود اللباقة والاحترام وارى انك قد اوفيتها حقها
اما عن تعليقي عن ما قيل عن والد علي عثمان فهذه سياسة وتبقى عالقة بالغربال
مع جليل احتامي لشخصك الكريم
اخوك
فرانكلي

_____



أتق الله حيث ما كنت واتبع السيئة الحسنة تمحها وخالق الناس بخلق حسن

العزيز فرانكلى
شكرا لكلماتك الجميلة

واقول ليك كمان انو مرات بنندفع وننسى الفيل ونطعن فى ضله

لانو الذى عرض الرجل الطيب دة للاساءة هو ابنه ،

فلو قارن المدعو على عثمان كل المكاسب السياسية والمادية التى
ححققها على حساب كفاح الشرفاء امثال ابيه لعرف عندها انها بيعة
خاسرة

ويا اخى والله الامور متشابكة

الشوت الضفاري _ يتواصل هنا ايضا _ في البوست الرساله_ اقصد في بوست _ الهجوم والتشكيك _ وحديثا عن _ الانا _ وعظمتها _ .. والسلام ..



رساله الي دكتور معز عمر بخيت