السلام سيتم في الجنوب ولكن ماذ عن الشرق ؟

السلام سيتم في الجنوب ولكن ماذ عن الشرق ؟

اؤيد السلام وخطواته المباركة التي ستوقف الحرب في الجبهة الجنوبية وسيعم الاستقرار تلك المناطق وسيكون لهم نصيبا من السلطة والثروة
في الجنوب والمركز وهذه اشياء ايجابية كبيرة وسيكون لها تاثيرا لا شك بجميع ارجاء السودان المختلفة والواسعة الاخري
والامن والسلام اهدافا استراتيجية لكل الحادبين والاذكياء والبسطاء في جميع انحاء العالم ومن هذا المنطلق اؤيد اي خطوة توقف نزيف الحرب والدمار في اي بقعة في السودان وخصوصا لو انتفت الاسباب التي حمل من اجلها السلاح واعلن بسببها الكفاح العكسري المسلح
وكما يعلم الجميع الحرب في الجنوب حصدت ارواح مالا يقل عن مليوني
مواطن سوداني جلهم من الجنوب المنهك من الحروب والدمار
ولكن هل يستقيم ان تقف عجلات الحرب في الجنوب ويتم ارساء السلام المنشود في الجنوب واعطاء الحقوق لاهلنا في الجنوب وتدور حربا اخري محتملة في شرق السودان ثم تحصد الاف البشر وبل ملاين البشر ويدمر اقتصاد البلد الذي هو منهك اصلا ويخلف جروحا وماسي لا تندملا سريعا؟
لا يستقيم ولا منطقي ان يكون هناك مظلومين ومطحونين من نفس الالة والظلم ثم يغيبون هكذا او هذا من ان بندقية الشرق ليست فاعلة كما ينبغي ويجب ام ان في الامور امور ؟ مع اني ارجح السبب الاول
ولكن فليكن في علم الحكومات المركزية ان للشرق مظالم كثيرة لن يجدي معها هذا التجاهل والانتشاء بهذا السلام المنقوص من قبل الحكومة المركزية بل يجب عليها اي الحكومة ان تعترف بحقوق اهل الشرق وان ترفع عنهم الظلم الذي واقع عليهم منذ الاستقلال وحتي هذا اليوم وان تعطي ابناء الشرق الحق الكامل في ادارة شئون اقليمهم
ضمن سودانا جديدا وموحدا ويسع الجميع بثقافاتهم ولغاتهم واديانهم
واعراقهم
او ستكون النتائج وخيمة وقاسية علي الجميع وستدخل البلاد في دوامة الصراعات العسكرية من جديد وهذا مالا نرجوه ولا نحبذه ولكن الظروف قد تضطرنا لسلك الدروب الصعبة والقاسية التي سيكون علينا سلكها لانه ليس هناك دروبا اخري او خيارات تجنبنا هذه الطرق الغير محببة

علي احمد
1 يونيو/2004

it seem to be very hard question
isnt it ?

ali

مشكلتكم شنو يا ناس الشرق؟

عايزين موية؟ ما ياهو البحر قدامكم ، محطة تحلية بعد مائة سنة ستحل المشكلة

مافي عمل؟ يا اخي اشتغلوا في الميناء دولار ريال وحتكونوا من الناس اللي بكسبوا بالعملة الصعبة

مدارس مافي: يا اخي في زمن الفضائيات والانترنت ما في داعي للفصول

كهرباء؟ مدوا ليكم سلك من الجماعة الشرقكم

مجاعة؟ تم حذف هذه العبارة حسب المشروع الحضاري واستبدلت بعبارة الدلع (فجوة غذائية). عندكم سمك بالهبل في البحر، كل واحد يشيل شبكته ويودع اهله ممكن ما يرجع تاني.

علاج مافي؟ المرض حيمشي وين لو ناس الشمالية اتعالجوا وناس الجزيرة اتعالجوا من البلهارسيا وناس الغرب اتعالجوا وانتوا اتعالجتوا ، يا اخوانا تحملوا المرض شوية حتي يمكن للاجيال الجاية من باقي السودان تجي عندكم تشوف المرض يعني شنو

الحاجة الوحيدة الانتو فاقدينها هي الحبيبة( حلايب) غايتو الله يعوضنا ويعوضكم ومافي زول يفتح خشمو يسأل عنها.

الاخ الحبيب زول وحيد سلام

اضحكتني قليلا بااسلوبك الساخر الواضح الشفيف
قلت لي مشكلتكم شنو?
مشاكلنا كثيره ومتعددة ونتحمل فيها جزء منها والمسبب
الرئيسي هو حكومات مايسمي بالحكومات الوطنية

ولكن صديقي العزيز الا تري مائة سنة مدة طويلة?
اتريدهم ان يهلكوا ?
تطفئ نيران في الجنوب لتستعر في الشرق والغرب
اعتقد انه من الغباء وعدم الحكمة ان يتم ذلك
لك التحية والمودة

ali ahmed

الاخ زول
والله خلاص No problem بس ادو الصغار زى الفى الصورة ديه فرصة فى تلفزيون السودان عشان نحل ليكم مشكلة البعاعيت...!!!!!

زول وحيد
كلام غريب وعجيب ياربى الشرق ده خارج حدود السودان ولا المواطنه ده ليها مكاييل معينه
واتمنى ان ترد رد موضوعي ولا الظاهر على داخل غلط

ادروب حرام عليك ده هسع بعاتي 00والله منتهي الجمال والاصاله

انا قاصد البعاعيت الموجوده الان فى التلفزيون...وشوف العين مابرمى غزال.

عزيزي ادروب

الوليد ما شاء الله عليه ما بشبه البعاعيت ولا حاجة

بس لو جابوه التلفزيون حيقول شنو؟ اول حاجة حيقول ما فطر

يا اخي ناس التلفزيون ديل ناقصين ما كفاية عليهم بيصرفوا كريمات ديانا للمذيعين والمذيعات عايزهم يصرفوا حق الفطور كمان. يلحقوا لمين؟

عزيزي دقنه

على الطريقة الانقاذية اذا شايف كلمة مية سنه كتيرة . نقول ليك قرن واحد

بعدين ليس الناس بتشتكي من الحكومات الوطنية، ما انتو براكم قلتو عايزين تستقلوا . زمن الاستعمار مامور واحد بيحكم من كسلا لحدي شلاتين. الآن في زمن اخصب الحكومات الوطنية كل قرية زي قرورة فيها 500 سياسي ومائة حاكم ومساعدينهم ومساعدين العربات ومساعدي اليايات.

المكنكشين في الكراسي ديل يلقوا ليهم ليلي علوي من وين؟ اصبروا لحدي ما تظهر ممثلة حلوة و انحف شوية

الاخوة الاعزاء جميعا تحياتي

ان ماساة اهل الشرق كبيرة وتبدو لبعض الناس ليس كذلك ولكنها كذلك

ان انسان الشرق تستوطن عنده الامراض وتقرضه المجاعات ويحاصره ثالوث الموت البطئ الفتاك (الجهل ,الامراض,الفقر) منذ زمنا طويل ثم زيد عليه الاقصاء من كل المواقع السيادية والتنفيذية في الاقليم المحلي والمركز والذي من المفترض ان يمثل جميع السودانين بغض النظر عن مناطقهم او ثقافاتهم او الوانهم ولغاتهم ثم التهميش والاستهداف وهذا مادفع ابناء الشرق لحمل البندقية لان الامور بلغت منتهاها وبلغ السيل الزبي ولا يمكن للانسان ان يصمت ويري وجوده مهدد وكيانه وثقافته مهددة ايضا
ولان بندقية الشرق ليست قوية وذات امكانيات لوجستية قوية مثل بندقية الجنوب والذي كافح لاجل ان ينزع هذه الحقوق الطبعية التي سلبتها منهم الحكومات الغير وطنية في بلادنا الحبيبة تم تجاهل اهل الشرق ولكن دوما وابدا المظلوم والذي يكافح من اجل وجوده وحقوقه ينتصر مهما تفوق عليه الظالم من قوة وعتاد
وهذا ماستثبته الايام القادمة في المستقبل القريب
لكم التحايا والتقدير

علي احمد

اتفق معك تماما وما اورده قلمي من نقاط هي سخرية من العقل الحاكم في بلادي. ومما يؤسف له ان الانقاذ ابتدعت اسلوب ( العايز حقو يشيل البندقية).

قلبي مع الشرق الحبيب ومع كل مهمشي ومظلومي بلادي

والى الامام. نصر باذن الله

الاخ الحبيب زول وحيد دبايوا

شكرا لكلماتك الطيبه المنصفة لاهل الشرق المساكين
الطيبين

ali

فوق يا علي ..اسئله مشروعه فاين الاجابات ؟؟



The current peace agreement doesn't address the problem of east of Sudan not to mention the current crisis in west of Sudan as well! For whatever reasons, there happened to be a complete denial as to agree that other regions need to be taken as seriously as the region of south Sudan has been. I believe that an urgent move needs to be taken to solve other conflicts in other regions on our backyard!

up

العزيز جدا محب تحية مودة واعزاز

اشكرك علي مشاركتك القيمة هذه ورفع البوست مجددا
والاسئلة ماذالت مطروحة للنقاش والحوار هذا ان وجد من سيجاوب عليها او يحاول مناقشتها معنا هنا
لك كل الود صديقي العزيز

الاخ الفاضل زول وحيد تحية مودة واحترام

وشكرا كتير لمحاولاتك جعل هذا الموضوع في الصفوف الامامية هنا

لك كثيف الود

علي احمد